澳城生活

焦點文章

【馬交慳多拿 baby】火鍋優惠特輯 - 17.11.2023

生活在我城
Cheers!・2023-11-17

天氣咁凍就適合打邊爐, 今期慳多拿 Baby 為大家整理咗一系列火鍋優惠特輯 ，勁抵食！想知就即刻去片喇～ 1.澳門海銀海記 「澳門海銀海記」依家推出筷子基店限定優惠，10 點後全場 78 折，俾你係宵夜時段享受一場潮汕 牛肉盛宴。 澳門海銀海記 價錢：宵夜時段全場 78 折 地點：澳門筷子基沙梨頭南街信步閑庭地下E鋪 電話： 2888 3866 2.鍋朝 鍋朝主打火鍋放題，即日起至 11 月 30 日，加入會員可享和牛刺身放題會員價 $228 （ 原價$258），海鮮牛肉放題會員價$168 （ 原價 $198 ）。 鍋朝 價錢：每位低至 $168 起 地點：新寶花園菜園路71號地下AE鋪 電話：6869 4482 3.CTM CTM Home Media 一盒滿足全家娛樂需求！雲遊戲、劇集、電影、綜藝、體育、本地資訊等盡在 Home Media 電視盒子 ，更內置Chromecast 投屏功能及 Google Play store 應用程式！ 流動電話客戶依家申請 5G 月費計劃，即送 12 個月 TVB Anywhere（原價：$68 / 月）+ 1 個月 Blackut 雲遊戲服務（原價：$98 / 月）！更享優惠價 $28 加購 hmvod / 芒果 TV 國際服務同低至 $99 拎走 Home Media 電視盒子！ 優惠詳情：https://qrcodes.pro/yQDw7G 4.旺德福火鍋 旺德福火鍋推出午市限定一人火鍋套餐，低至 $68 起，有齊肥牛卷、烏雞卷，各類蔬菜等，非常豐富！ 旺德福火鍋 價錢：每位 $68 起 地點：澳門聖德倫街402號獲多利大廈地下A鋪及1樓A 電話： 2828 3028 5.鳳王府成都火鍋 — 澳門店 鳳王府成都火鍋主打四川風味，而 11 月更推出雙十一優惠 4 連擊，每星期推出優惠菜品低至 $11， 而加入會員首次消費可享 95 折，逢會員日專享 8 折，仲送特飲、 特色甜品或 $68 以內菜式一款（三選一），好抵食呀！ 鳳王府成都火鍋 — 澳門店 地點：新口岸標馬濟時大馬路237-285號 建興龍廣場地下AD鋪 電話： 2827 0898

最新文章

經歷過懷孕與生產，還可以不相信有靈魂嗎？之一

生活在我城
覺醒媽 Awakening Motherhood・2018-04-19

到現在，我仍然覺得生仔這件事是很神奇的，仍然「唔知呢件事係點發生」。 每當我提起，我老公就會同我講精卵結合然後開始同我講生物學然後話呢件事好科學。問題係，寶寶的意識，在什麼時候出現？你所認識的寶寶的記憶，什麼時候開始建立的？我們所認識的我們的仔女的性格，真的是全由我們塑造出來的嗎？他們來的時候有其本身的性格嗎？ 關於這兩個問題，這兩本書適時出現在我的生命裡面：《小靈魂與地球》《媽媽，我是為了你而來的》 《小靈魂與地球》在我剛開始「計劃」懷孕的時候，來到我手裡。這個「懷孕計劃」為期沒有很久，兩個月之後，我就和那兩條線相會。這本書是《與神對話》的童書版，故事講述小靈魂為什麼決定來地球以及來地球的目的是什麼。那時我只是剛決定要生BB，我一邊讀這本書，已經一邊被感動得淚流滿面。 這本書適合準媽媽和小朋友讀之外，還適合湊仔湊到懷疑人生的各位。記得除了你們抱在手裡的小靈魂之外，我們也曾經是小靈魂。 記得我們這次旅程的決志和目的。 下次講下《媽媽，我是為了你而來的》。 （圖片來源：《小靈魂與地球》）

狗年說狗(2)

生活在我城
文創遊樂場 // 米米 Esther Lim・2018-04-19

流浪狗和貓的故事，在世界每角落也說不完…澳門有一群幫助流浪狗的獨立義工，由已照顧幾年至十多年的義工們組成，靠單薄的能力幫助無助的大小動物，照顧、領養和醫療有病的的貓狗，每人用有限的能力，幫助浪浪牠們繼續生存下去。 下列有一批狗狗待養，收養是一輩子的事，請三思…最可憐是牠們被養一陣子，被遺棄和傷害; 人在做，天在看… 同一胎5月個大(上圖:男仔，下圖:女仔)未絕育。 黃白色10月個大，黃色1歲半。 兩小狗2個月大，照顧牠們的義工也無奈，因捉不到狗媽做絕育，看住牠們的出生，希望有心人可inbox互動 wechat : chio66801614，安排牠們和有心人見面和互動，感謝各位善心人。

陪月辛酸。血。淚。屎@懶惰媽媽 2

人物專訪
陪月辛酸。血。淚。屎・2018-04-19

陪月辛酸。血。淚。屎@懶惰媽媽 2 第2日。我去到放低餸，換衫去睇下媽媽先。(我今日醒左，帶多左幾件衫同口罩，成盒手套) 房，臭味仲有但明顯少左。 我問媽媽：點吖，尋日沖完涼洗左頭，尋晚有無好瞓左吖？ 媽媽：我發現我啲皮膚1塊塊甩出嚟! 我：邊到吖？ 等我睇睇？ 媽媽打開件衫，指住個胸：個Lin頭，係咁流奶，我諗住瞓平應該5會再出，點知瞓醒成身都係咁甩皮。 我1睇，真係無眼睇。個啲1塊塊，係乾左既母乳嚟! 因為媽媽打平瞓，啲母乳流出嚟佢無用乳墊 (直頭無帶胸圍)流到個胸周圍都有，乾晒又甩甩地咁。。。 我：你5餵人奶，要用個緊身啲既胸圍，戴幾日，就會自然收奶。同埋我會煲啲回奶湯你飲。(我1講完就知自己講錯說話) 媽媽：好囉~又可以幾日先沖1次涼。 我：其實你張床褥係未應該換左去呢，太多惡露過晒底。會有好多菌。 媽媽：都要架喇，平時我啲M成日都過底。 我：半夜起身換下，或者M到時墊條大毛巾係床單面。 媽媽：條姨媽巾都未滿，我5會換住。我等到滿晒先換架。 我 我：5好吖，會好易發炎發臭架。 媽媽：我媽教我既，佢話5洗成日換架! (果然好家教!) 我：5好吖，有事個時就收尾長喇。 我：你起身先，我今日再幫你沖涼洗頭，係呢幾日架咋，過埋12朝，你自己做架喇。 媽媽1手掀起張被，我見到1包野，好臭，好似屎咁臭。 我：個包咩嚟架？ 咁臭既？ 媽媽：我見工人姐姐今朝5得閒扶我去廁所，所以我係床度屙左紙紙落片片到，包好左無流出嚟架! 我 我5記得左講，呢位媽媽懶到要工人姐姐比便盤佢在床上大小，晚上仲會用成人片片架。 我嚇到行屍走肉咁叫媽媽入廁所，再叫姐姐連床褥同枕頭都推出垃圾房掉埋。張床褥係黑色架! 我幫媽媽洗頭個時，見到好多血漬，我問：你搲損左個頭？ 媽媽：5係吖，可能係啲M血，個垃圾桶係我床頭柜入面。(呢1刻，我好有衝動掉埋張床!) 今日好啲，洗頭吹乾用左15分鐘。 再用熱敷搞埋2邊胸，又半個鐘。 肚皮傷口仍然無被波及。 重頭戲又來了! ! 媽媽話今朝屙過紙。。。前面毛毛痴實晒啲血後面毛毛痴實晒啲💩 我無眼睇，叫佢自己用手捽下佢每捽一下就聞一下 我：污糟吖，5好聞喇。 媽媽：我想聞下惡露既味道。你地個個話臭，我又5係好覺得喎。 我心諗：梗係喇，你身體構造咁特別。堂堂1個大學畢業生，可以咁無common sense! 我：今日5好坐落盤薑水到喇，你用毛巾慢慢洗。 話口未完，又1個屎忽坐左落盤薑水到。 我無眼睇，叫媽媽沖好涼抹乾身。我怕左佢，叫左工人姐姐入去幫手。 我換衫煲落湯同整好飯後，再換件衫，睇下阿B。我見阿B條片滿晒屎尿。 於是問工人姐姐阿B幾點前換過 婆婆搭口：上餐食奶到依家 我睇睇記事簿。。。上餐奶？3個鐘頭前？我打開片片1睇，阿B個屁股，袋底，大脾罅滿晒紙紙，已醃到傷左。 我問婆婆：點解5叫工人姐姐密啲幫阿B換片吖？ 婆婆：條片都未滿晒，5好嘥野嘛。( 2母女既 model answer，真係好家教) 我：婆婆，真係5好吖! 阿B感覺到片片滿會喊會5舒服之外，啲尿液都會倒流返入腎臟，到時為左慳個2，3蚊，搞到阿B有事就5好喇! 婆婆：咩原來會咁架，我真係5識。好在請到你咋。我女大學又5係讀呢科，所以佢都5係好識教我。 我嘔晒血，心諗，如果換條片都要讀大學，我做得教授喇! 真陰功，阿B邊沖涼邊大喊，我唯有用厚抹花屎令呢個方法，等傷口無咁痛同快啲好，順便教埋工人姐姐同婆婆。 開午飯比媽媽同婆婆食後，我問準先生，同工人姐姐2個拿拿聲去樓下商場間海X，是旦求其買張床褥加枕頭返上去，比媽媽瞓住先。 工人姐姐問我：姨姨，我可5可以都買張新架，我個張。。。係太太以前瞓過架。。。 我立即明晒，我：買，買完張單先生5比錢，我比! (我見特價$179先咁大聲答) 上篇：陪月辛酸。血。淚。屎@懶惰媽媽 1 原文：「陪月辛酸。血。淚。屎」Facebook專頁 （文章得作者授權轉載）

陪月辛酸。血。淚。屎@懶惰媽媽 1

人物專訪
陪月辛酸。血。淚。屎・2018-04-19

陪月辛酸。血。淚。屎@懶惰媽媽 1 呢位媽媽有工人有阿媽 佢媽媽又幫佢請左我做陪月 第1日我去到，新手婆婆：你幫下口叫下阿女去沖涼，佢個身臭架! 我：好，我入房睇睇媽媽先。 我叩門推入房，哇! 臭到呢! 屎味加臭味傳晒入我的鼻，想嘔 我：新手媽媽，你好吖，我係陪月姨姨，今日第1日返工架! 新手媽媽：我開刀生，我怕痛5想落床! 我：咁你都要去廁所架？個時順便去沖個涼洗下頭，出到嚟我立即幫你吹頭，5怕會入風。 新手媽媽：我都無落過床，工人姐姐幫我抹左2次身（生完第6日，返左屋企2日) ，阿媽會幫我換衛生巾。 我反晒白眼，吸1大啖氣，手揸緊拳頭：其實咁樣對你傷口有影響架，好易有細菌。阿B食奶個時好易接觸到，佢咁細個，發燒可以好嚴重架! 新手媽媽：我都無餵人奶，阿媽幫我餵奶粉。我生完好攰，咩都5想做。 我：咁我嚟左幫手，可以扶你去到廁所，行多步，個傷口都會復原得快啲。 新手媽媽：好喇，等陣我急，你陪我去喇。 我返出去整餸煲湯煲薑水，幫阿B沖涼時，發現阿B污糟多老泥，啲頭泥又無整理，1舊1舊咁。 我問新手婆婆：點解阿B咁多老泥既，頭泥又5清理甩左出嚟個啲。 新手婆婆：BB返嚟都無沖過涼，我5記得左點沖喇。同埋我地1家都習慣左3幾日先沖1次涼。 我擘大個口得個窿，心諗，等陣到個阿媽，我屎梗。 好在我袋長期有手套同口罩。 近11點，屎神終於來召喚! 新手媽媽話要去廁所加沖涼，叫我陪1次，話月尾會加返啲人工比我。我心諗我5想要呢啲多餘錢。 入房，我打個窗簾打開窗戶，個景好靚，有河境。 新手媽媽掀開張厚被，我被個情況嚇得退後2步。床單好多血漬加屎漬，加上惡露既味道，我戴住雙重口罩聞到都想嘔! 新手媽媽條睡褲，深深淺淺既血漬，如果佢5郁，我諗我估佢應該係被人殺死左架喇! 我先扶新手媽媽入廁所，叫佢坐定定除左衫褲先。 跟手我叫工人姐姐掉晒啲被同床單，實在太多血了。新手婆婆見狀，就話：我呢個女，真係由細到大都污糟邋遢，哎呀! 真係失禮屎人! （都係你教得好啫，3幾日先沖1次涼！) 我攞埋薑水返入廁所，由頭幫佢洗落腳! 頭髮已經1餅野咁，慢慢梳慢慢洗再吹乾用左45分鐘! 個胸又漲又硬，乳頭啲乳線已有堆奶乾左硬晒咁，塞實晒啲乳線。 我用熱敷清左啲污糟物先，再幫按摩舒緩，用手揸左啲奶出嚟。2邊胸夾埋搞左1個鐘。（我已身水身汗) 肚皮傷口既膠紙，好好彩係冇被波及，我再貼上1大塊防水膠布，幫佢沖身。 重頭戲終於來到，洗下身! 我叫佢自己用花灑洗下，起碼洗左啲痴住係毛毛啲血塊先喇！ 但佢竟然。。。成個屎忽坐落盤薑水到! 佢痛那到叫晒救命，我唯有不停幫佢沖凍水。成盤薑水變成臭血水! 佢個屎忽同妹妹中間條罅，夾住好多臭既血塊，不停沖水都仲有。 最後，我叫佢自己用梘液捽下雙腳。比我見到佢啲腳趾甲係黃晒翻晒出嚟，1問之下，原來佢大肚10個月以來無剪過！ 心入面講左過萬句粗口。有無人頂得順呢啲女人? 原來係有架！ 新手爸爸仲係幾好樣同乾乾淨淨架！ 下篇：陪月辛酸。血。淚。屎@懶惰媽媽 2 原文：「陪月辛酸。血。淚。屎」Facebook專頁 （文章得作者授權轉載）

轉數大考驗！農夫快問快答

專題報導
Cheers!・2018-04-17

小編準備咗一個快問快答環節，企圖挑機農夫嘅轉數，點知...

人類貓化計劃

生活在我城
半島師奶・2018-04-15

在這灰暗下雨的星期天，施欣施明不幸身中多寶的貓毒，開始宅在家中貓化。

逛逛塔石廣場

生活在我城
文創遊樂場 // 米米 Esther Lim・2018-04-15

塔石廣場原址是塔石球場，廣場內及附近有: 文化局大樓、塔石衛生中心、澳門中央圖書館、澳門檔案館、塔石藝文館、澳門樂團總部、饒宗頤學藝館、澳門茶文化館等等。 以往筆者在中區工作後，都會塔石廣場逛一逛的，大家經過時也一起看看塔石廣場的一角。 新約聖經腓立比書2:4各人不要單顧自己的事，也要顧別人的事。

遊走塔石藝墟 2018 x Judas Law 澳門 Busking

生活在我城
. 小城閒人 .・2018-04-14

[ 塔石藝墟十週年 ] 2018.4.13 - 15, 20 - 22 來到第十個年頭 今年的塔石藝墟更見熱鬧 昨天下午是開幕式第一天 6點到步已經很多人 據有關單位資料 今年參加攤位有220個 文創活動內容豊富 超過50場舞台音樂演出 及多場手作坊 往年湊巧路經都會逛一下 只是攤位較少而且單一化 人流亦比較冷清 相比之下 今天很是熱鬧 狗狗也來逛逛 朋友仔的攤位 本地出品用心製作的美美小飾物 漂亮 平日"宅"以為常的閒人 今天來也是特意兜路來逛藝墟 聽聽近來香港人氣冒起 街頭busking 好聲音 Judas Law 現場表演 佢臉書fans Like過 10萬 Follow 過 11萬不用多說就知道很多人喜歡 不只香港 澳門也有好些鐘意佢唱歌的人 作為今天開幕式的表演嘉賓 也是從朋友圈轉出來得知佢今天的表演 現場觀眾不少 https://www.youtube.com/watch?v=NYN_psnEvDU&feature=youtu.be (節錄一小段今天的現場演出) 其實 自從年初在瞼書上見到朋友Like佢開始 心中就產生一堆OS問號: ♠ 大家係咪好miss中學生年代 一班同學仔彈吉他唱歌 學生feel?! ♠ 還是太耐無聽90年代香港流行經典歌曲 連王菲,林憶蓮都鮮有再唱的歌?! ♠ 又或者係素人中性外表下佢溫婉干淨的好聲音夠 outstanding 令到咁多人喜歡?! ♠ 還是時代太亂, 太衝, 太忙, 太寂寞 大家都緬懷著過去?! 答案既可能以上皆是 又或許全錯 但無可口非的是 Judas 用好聲音用音樂 帶大家回到美好的年代(時間) 一支木吉他 一首治癒系情歌 一段你(妳)個人往事 Performing 表演 需要觀眾去喜歡去欣賞 Judas 的勢頭做得很好 busking = marketing 臉書作為有效的 communication channel 要是喜歡的 大家可以多多留意佢係香港既新動向 在個人來看 今年的塔石藝墟與 Judas 的 crossover 引証了一次街頭表演文化結合的良好效果 今,明兩天 及下週末 塔石藝墟 還有很多場不同表演者的文藝演出及文創小攤等著澳門人你, 你, 你去支持 行過路過兜路 別錯過 官方網址: https://www.facebook.com/MacaoCraftMarket/

一喊就抱？

生活在我城
覺醒媽 Awakening Motherhood・2018-04-13

入媽媽group其中一個討論熱話係：「BB成日喊要抱，一放低就喊，到底抱唔抱？」 用心理發展個說法係，0至6個月係發展安全感嘅時期，呢個時候係需要無限滿足嬰兒嘅需要，咁第時佢先至會成為一個有安全感嘅人。當嬰兒時期嘅需要未能滿足，對於嬰兒嚟講就係直接嘅生命威脅。佢肚餓無得食就直接等於死；佢覺得自己唔安全，喊，但無人回應，等於無及時受到保護，又係直接等於死。係呀，BB真係唔嚇得㗎。佢無安全感嘅話，第時大個都會黐住你唔放，唔肯發達唔肯成唔肯搵女朋友唔肯結婚唔肯生仔⋯⋯ 媽媽就話「咁好啦，咁我寧願而辛苦啲，都想佢成為一個有安全感嘅人。」 如果用靈魂層面嘅角度嚟講，又會唔會係，需要抱抱嗰個，其實係媽媽，BB只係透過用喊嘅方式，要去抱抱你呢？ 愛與擁抱，根本是人的天性

【非常趣圖】去KFC都係為左食佢

生活在我城
非常大學生・2018-04-13

雖然有人話佢個樣似💩 但係每次去KFC，我都係為左佢。 #點解可以好味到咁出色 #唔欣賞嘅比曬我食

買泰國樓陷阱(一) – 買入猛鬼區域樓盤難出租

專題報導
股市操盤手眼中的泰國樓賺錢機會・2018-04-11

買泰國樓陷阱(一) – 買入猛鬼區域樓盤難出租 印象中，筆者看過某樓盤，但當知道樓盤附近是某某酒店時(不想提及酒店名稱)便決定放棄，事件筆者不知道真假，只是曾住在那酒店的朋友告訴我，有一晚他與太太住在那酒店，睡到半夜差不多三時左右的時間，突然有一個穿制服的老婆婆走進他們的房間，然後走到他們身邊問要否打掃? 當時朋友正睡得矇矇矓矓，便隨便答:「不用了…」，然後那老婆婆便慢慢行出房間。但到朋友第二朝醒來，他才感到奇怪，首先房間的鎖是鎖著的，為什麼這個老婆婆可以自己走進來? 另外，即使以為是吉房而開門走進來，看到有客人在睡覺也不會走到他們身邊問要否打掃吧? 而且那時己是半夜三點的時間… 後來朋友就再沒有住這間酒店! 但泰國的酒店，這類故事我們聽過很多，那又與泰國樓有什麼關係? 泰國雖是佛教國家，但一般人對鬼也心存恐懼，而且可以說十分忌諱凶宅，只要某個樓盤曾出現兇宅，整條街道的樓盤也會變得較難出售或出租，而且甚少有投資者會低價買入這些兇宅，甚至附近的樓盤也會感到抗拒。泰國其實也出現過不少分屍殺人案，不過，有些事件已是多年前的事，而附近的物業也早已番新，更陸續有新樓盤推出，但當你入住後才發現你的單位附近曾出現這些事情，你敢繼續住下去嗎? 在香港，我們可以在田土廳可查詢物業有否涉及刑事或謀殺等嚴重案件，間接查詢單位是否「兇宅」，而物業代理也會提供相關資訊，所以因不知道是兇宅而買入了單位的機會較微。 但泰國不像香港，要搜尋有關資料就比較困難，筆者透過朋友的幫忙等也有部份這些資料，但凡與「鬼故事」有關的地點，附近500米之內的樓盤也不會考慮。事實上，若大家到泰國睇樓，應該會留意到，即使是一手新盤附近，好像也有很多爛地與地盤等，經紀或會告訴你這些是其他興建中的樓盤等等，但有些時候這些爛地或只興建了一半的項目，其實有很多「猛鬼」故事。可能當地人根本便知道，住在附近的人也知道，但香港的代理卻未必太清楚，若你買入這類單位，日後便會較難轉售或出租，若然是自住，日後才由鄰居告訴你這些鬼故事，後悔也來不及! 比如這個名叫Rhythm Sathorn的樓盤，在當地已算是豪宅，質素也不俗，但位置筆者就不太喜歡，大家可以看到樓盤與Sathorn Unique Tower的距離很接近，97年金融風暴令這幢大樓興建時缺乏資金再支持，成為爛尾的項目，但其後這幢物業便有很多鬼故事，而不少泰國人及海外遊客也稱它為「Ghost Tower」，不過一些胆大的遊客已將它視為名勝，帶著背包到這裏探險、路宿的人也大有人在。 (Sathorn Unique Tower給筆者的感覺很陰深) 事實上，很多泰國本土的買家及海外買家也早已不介意買入Sathorn Unique Tower附近的樓盤，筆者只是舉出一個大家應該較為熟悉的例子，若然Sathorn Unique Tower的故事你也同樣聽過，而且已把它視為探險勝地，根本一點也不害怕。但以下這些又如何? 這位名叫Boonpeng Heep Lek的連環殺手，先後殺害了七個女人，並將她們的屍體斬碎再放入鐵箱，然後掉入河中，他行兇的地點有多點，若你買入的單位在這附近，你願意住嗎? 此外，這位連環殺手後來被捕後，在Ekkamai的Wat Phasee被公開斬首，當時那裏是曼谷執行斬首的刑場，但至今斬首刑法已廢除多年，而他也是泰國最後一個被公開斬首的罪犯，但不明白為什麼，他被斬首的位置，至今仍有人供奉他，而外國人也大多遠離這個地方。 另外， 2010年11月19日，在Bang Kho laem這個區位(河邊夜市Asiatique the riverfront也在這區)有一間名叫Wat Phai Ngern的寺廟，當日在寺廟外發現超過2000個嬰兒屍體，全部放在膠袋之中，事件也被廣泛報導，只是相隔多年後大家也忘記了，附近的樓盤，至今你敢住了嗎? 個別事件還有在2012年，一位叫Namai Jagu的母親把她自己1歲大的兒子及5歲大的女兒分屍，然後準備煮來進食，事後發現這位母親有精神病，若住在她當年「煮食」的單位附近，你又會如何? 其實還有很多很多，事件都是泰國本土的人一定知道的，但海外的買家卻不知道，若大家計劃買入某單位，想看看附近有沒有這些與鬼故事有關的地點，可以電郵給筆者，盡可能給你們解答! 筆者電郵: paul.mark881@gmail.com

救救小毛孩

生活在我城
文創遊樂場 // 米米 Esther Lim・2018-04-11

在Facebook看到有一段通告和照片:如果你有地方可以收留狗狗, 如果小朋友可以陪着牠們長大, 如果你寂寞没人傾訴., 牠們都是最好的良伴,牠們在澳門狗房,請伸出你的同情心,救得一隻得一隻。 希望各位在情況許可下收養小毛孩, 感謝各位愛狗人士善心, 養寵物是一世之事, 拒絕購買支持領養！ 澳門市政狗房網址:( 待領動物資料如下) https://www.iacm.gov.mo/canil/c/adoptionanimal/list.aspx 地址:澳門提督馬路市政狗房 星期一至五上午 9時至下午5時 (中午照常辦公) 電話:2856 9776 / 2857 2805

熱門文章

  1. 【澳門美食速遞】充滿東南亞風味，巷仔冰室
  2. 開心到「蛋」起！新濠影滙復活節 –【免費尋蛋嘉年華】周末親子好去處
  3. 【澳門美食】澳門上葡京范思哲酒店，米芝蓮星級餐廳「當奧豐素 1890」精緻意大利菜
  4. 激光矯視懶人包！術前檢查及適合人群
  5. 【澳門美食】澳門麗思卡爾頓酒店麗軒 — 賞心悅目 午市菜單