文章列表

【澳門美食】澳門威尼斯人頂級粵菜食府「品粵軒」

生活在我城
Lifemagfoodie・2024-03-01

位於澳門威尼斯人嘅品粵軒,主打精緻粵菜,將傳統菜色加入新穎元素,菜式及賣相都非常吸睛,今次小編就試咗品粵軒嘅午市套餐,非常豐富! 餐前小食 品粵軒點心拼盤 金湯海斑魚餃:海斑魚餃內餡鮮嫩多汁,配上清新的金湯,令人耳目一新。 蜂巢芋茸帶子酥:炸得非常酥脆,入邊芋茸非常綿密! 麻辣流心燒賣:呢個燒賣最令小編驚喜,麻辣嘅肉餡加入流心鵪鶉蛋,新穎又開胃嘅配搭,推介! 香煎櫻花蝦蘿蔔糕:煎得香口嘅蘿蔔糕加入櫻花蝦,令蘿蔔糕鮮味昇華。 粵式足料老火湯 老火湯暖胃滋補,湯頭非常清甜,不會太濃味。 荷香欖豉海斑球 成道菜嘅精髓在於海斑魚, 肉質彈牙細緻,以簡單嘅醬油、欖豉調味已經很足夠。 拍蒜豆豉炒山蘇葉 山蘇葉嘅口感清脆,非常特別,配搭豆豉及蒜頭,很香口入味! 原隻鮑魚炆飯 鮑魚炆得非常軟熟,飯亦粒粒分明,將精華醬汁很好地吸收,非常入味! 品粵美點 品粵軒嘅甜品真係做得很出色,今次嘅甜品分別有流沙奶黃糯米糍及紫薯蛋糕,流沙奶黃超香濃,軟軟糯糯很好吃。而紫薯蛋糕質感似奶凍,紫薯味亦十分濃,令人印象深刻。 品粵軒 電話:8118 8822 地點:1016號, 1樓, 澳門威尼斯人 營業時間:上午11:00至下午3:00,晚上6:00至晚上11:00(逢星期三關閉) 價錢:$555 每位 Home Media 嘅【Sports 體育頻道】已新增賽事直播,為您鎖定一系列精彩國際賽事,包括泰國甲級足球聯賽、西班牙籃球甲級聯賽 等,依家仲係免費收睇!Home Media 另外更有多款娛樂任您揀,只需一個賬號,全家都可享精彩娛樂 下載 Home Media App:https://s.ctm.net/qc012

【「新濠風尚」呈獻:「黑珍珠鑽級餐廳巡宴」重榜回歸,必試畢生難忘餐飲體驗】

生活在我城
Lifemagfoodie・2024-02-19

前四章巡宴為大家帶來難忘嘅美食盛宴,相信大家都磨拳擦掌期待著下次嘅饗宴,而「新濠風尚」呈獻:「黑珍珠鑽級餐廳巡宴」即將重榜回歸!鍾意品嚐美食嘅你一定唔可以錯過,因為今次嘅聯乘係強強聯手 , 當中包括10間新濠獲獎食府,同10間《黑珍珠餐廳指南》內地鑽級餐廳嘅一對一合作,打造10場獨一無二、令人畢生難忘嘅主題饗宴。而且菜單都係共同設計創作,喺常規菜單加入神秘菜式,絕對有驚喜。 呢次巡宴菜單每一道菜都經過精心烹調,擺盤亦猶如藝術品一樣,絕對係視覺上與味蕾嘅雙重享受,「黑珍珠鑽級餐廳巡宴」係一個難得嘅機會俾大家一次過品嚐到兩間頂級餐廳嘅佳餚美食。有興趣嘅朋友記住立即致電預訂喇!加入「新濠風尚」微信會員更尊享9折! 第五章:鑽饌賞川粵 第五章係高端粵菜與川菜嘅驚喜組合,由新濠天地連續5年榮獲黑珍珠一鑽嘅高級當代中菜廳「天頤」,聯手成都黑珍珠一鑽嘅新派川菜食府「許家菜」,呈現精美華麗嘅川粵盛會。 日期︰2024年3月9及10日 價錢︰每位澳門幣 2,888+ (餐酒搭配額外每位澳門幣1,188+) 立即致電預訂 新濠天地︰天頤 第五章—鑽饌賞川粵︰(853) 8868 3446 位於新濠天地摩珀斯嘅黑珍珠一鑽「天頤」,主打養生烹飪哲學,靈感來源於中國經典著作《易經》,餐廳由總廚黃贊奇師傅主理,有超過20年經驗並獲得世界粵菜頂級廚師稱號,以創新嘅不時不食理念呈現中國菜精髓,設計菜單採用最時令食材。招牌菜包括天頤香茅燒乳鴿、酸辣蟹鉗魚肚羹、脆皮乳豬卷配松露燴岩米等。 而來自成都嘅黑珍珠一鑽「許家菜」,總廚賴曉輝師傅從廚 25 年,更係美中餐飲聯合會副主席,最拿手嘅招牌菜紅燜中華野生鱉,肉質軟糯鮮美,火喉及醬汁都有技巧地調配,調出甜鹹交融、麻鮮酸辣嘅豐富層次,將精緻川菜完美呈現。 第五章:鑽饌賞川粵菜式介紹 蟹肉 黑珍珠| 糟滷 菜式靈感來自香港粵菜花彫蛋白蒸蟹,食材選用北海道毛蟹、伊朗魚子醬、中國糟鹵,毛蟹細嫩,魚子醬細嚼起來,在口中一粒粒爆開,釋出鮮味,再加上糟滷嘅甘甜,三種不同配搭及質感,呈現令人回味嘅豐富層次! 魚 煎封| 日本蕃茄| 夜香花 菜式靈感來自番茄煮蛋,選用日本甘鯛,再放入油中炸,令外層香脆,魚肉彈牙口感豐富。番茄選用迷你番茄,迎合“珍珠”主題,以自家調製嘅番茄甜酸汁,將廣東人嘅家常菜以精緻方式呈現。 鮑魚 蔥燒| 岩米 鮑魚選用南非鮑魚,加入醃製十年嘅蘿蔔,亦稱為陳年菜鋪。而岩米生長在中國-尼泊爾交界,柔軟可口,彈牙嘅鮑魚再加上岩米有嚼勁而黏稠嘅口味,創造不一樣嘅火花。 第六章:碧映宴淮揚 第六章結合大江南北地道風味與淮揚菜,餐廳組合為新濠影滙嘅「碧迎居」及2023北京黑珍珠一鑽淮揚菜食府「淮揚府」,將江南、淮揚菜嘅時令菜式,演繹得淋漓盡致。 日期︰2024年4月20及21日 價錢︰每位澳門幣 1,588+ (餐酒搭配額外每位澳門幣568+) 立即致電預訂 新濠影滙︰碧迎居 第六章—碧映宴淮揚︰(853) 8865 6650 新濠影滙「碧迎居」總廚林少郁入行超過三十年,曾於國內一線城市上海及深圳嘅多家菜館擔任主廚之位,經驗豐富,而「碧迎居」主打川、湘、粵及北方菜式,更榮獲攜程美食林金牌獎,多元化而新穎嘅配搭令每道菜呈現不一樣嘅風味。 淮揚府嘅設計以江南古韻私宅為主題,更會有古箏、琵琶、竹笛等現場嘅演繹,餐廳主打淮揚官府菜。而淮揚府總廚王昌榮亦有“中國烹飪大師”稱號,多年來獲獎無數,今次帶來嘅巡宴菜式絕對值得一試! 第六章:碧映宴淮揚重點菜式介紹 熱情果鍋巴龍蝦球 熱情果與鍋巴打造酸甜脆口嘅質感,龍蝦球爽脆彈牙,令人回味! 漢源花椒臘肉大黃魚 大黃魚係中國高貴嘅優質魚類,更在 70 年代時幾乎絕跡,令大黃魚近年大多以天價發售,師傅選用了新鮮大黃魚改刀切柳,再淋上慢火熬10小時嘅大黃魚湯,配上白蘿蔔、臘肉,再以青花椒及野山椒調味,將大黃魚嘅鮮味提至最高點! 南非鮑魚野菌煨貢米 菜式採用南非鮑魚,上乘嘅鮑魚品種更添鮮味,配搭野菌獨特的口感和香氣,令味道層次再提升! 第七章:意日鑽鋒薈 來到第七章,係意大利及日式菜嘅獨特配搭,由新濠鋒意式海鮮扒房「奧羅拉」,聯手北京黑珍珠一鑽意日融合餐廳「Amico BJ」,打造獨特嘅意大利及日式交匯風味。 日期︰2024年5月4及5日 價錢︰每位澳門幣 1,588+ 立即致電預訂 新濠鋒︰奧羅拉 第七章—意日鑽鋒薈︰(853) 2886 8868 奧羅拉總廚Safa Rodas女士曾於菲律賓杜卡斯學院研讀烹飪藝術,並入職法國米芝蓮星級餐廳,對菜式設計有獨特嘅見解,選用可持續發展嘅時令食材、有機農場蔬菜、優質海鮮和肉類,用鮮味十足嘅食材令意大利菜昇華同時注重綠色健康,包括以有機麵粉製作家傳秘方嘅薄餅、手工意粉及雲吞,烤焗可持續海鮮等。 郭強先生創立Amico BJ 並擔任主廚,有20多年嘅西餐經驗,精通意餐。他更是最早一批出國學習嘅廚師,並於義大利學習意餐八年,就職於國際知名餐廳。回國後,多次往返日本,著手鑽研日本料理。郭強嘅菜式跳出傳統框架,融合日本和義大利元素,像是日本甜蝦和意式黑醋嘅創新搭配。餐廳Amico係義大利文朋友嘅意思,主廚希望大家品嚐菜品時感覺如被好友款待。 第七章:意日鑽鋒薈菜式介紹 奶油煎餅卷, 鵝肝慕斯, 風乾豬頰肉 奶油煎餅卷係義大利經典嘅甜品之一,酥脆嘅外皮加入奶油餡料,但呢道前菜破格將甜品改造成咸口嘅開胃菜,鵝肝慕斯嘅果凍口感與風乾豬頰肉配搭,開胃又充滿驚喜! 鹿兒島和牛, 千層薯仔酥, 茄子和粟米 採用鹿兒島和牛,鹿兒島位於九州最南端,溫和嘅氣候令和牛肉質細嫩,油脂分佈均勻,千層薯仔酥層次豐富又脆口! 白蟹肉, 海膽, 魚子醬 高端精緻嘅三道食材,鮮味十足,搭配出不一樣嘅口感層次! 「新濠風尚」呈獻:「黑珍珠鑽級餐廳巡宴」,每位主廚都分量十足,絕對會帶俾大家畢生難忘嘅餐飲體驗,如果你都有興趣就快啲預訂喇!

【澳門美食】澳門麗思卡爾頓酒店麗軒 — 賞心悅目 午市菜單

生活在我城
Lifemagfoodie・2024-01-31

位於澳門麗思卡爾頓酒店51樓嘅麗軒,係榮獲米芝蓮一星嘅粵菜餐廳,味道絕對有水準,邊食嘢仲可以欣賞美景。中午更會有不時更換嘅限定午市套餐,非常豐富。今次小編就試咗「賞心悅目」午市菜單,點心非常精緻,而且採用頂級食材,鮮味十足!同家人朋友聚會都非常合適。 餐前小食 口感似春卷,非常脆口開胃。 鮮蝦黃耳豆苗褔袋 黑松露野菌水晶粿 紅伶海皇酥 食用次序由淡味到濃味嘅點心開始,首先食咗中間嘅「鮮蝦黃耳豆苗褔袋」,外型色彩鮮艷吸睛,蝦入口啖啖肉,仲有豆苗伴隨,增添層次。「黑松露野菌水晶粿」嘅黑松露香氣濃郁,將野菌提味!最後係「紅伶海皇酥」好似手袋嘅外型真係非常可愛,酥皮香脆肉香。 海竹頭青橄欖燉雪雁 湯非常鮮味滋補,飲完成個人都暖哂! 彩胡椒宫爆虎蝦球 虎蝦球係麗軒嘅名菜之一,蝦嘅口感非常彈牙,鮮嫩多汁,配搭咸香嘅醬汁,味道一絕! 黑毛牛仔肉濃湯浸時蔬 濃湯浸時蔬非常入味,而且黑毛牛仔肉,非常香口,令蔬菜味道昇華! 頭抽走地鷄絲炒蛋面 炒蛋面條條分明,有少少脆口,配搭鷄絲口感十足。 15 年陳皮蓮子紅豆沙 鍾意食紅豆沙嘅朋友一定要留肚食呢個甜品,紅豆沙濃郁綿密,陳皮令紅豆沙嘅香氣提升,而擺得愈耐嘅陳皮愈矝貴,據說可以提升免疫力,多食有益! 麗軒美點雙輝 到最後仲有美點,個套餐真係好豐富,必試兔仔果凍同埋外形好似扭結糖嘅美點,味道驚喜! 午市菜單詳情 澳門麗思卡爾頓酒店麗軒 地址:澳門麗思卡爾頓酒店51樓 電話:8886 6868 價錢:每位 $638* Home Media 嘅【Sports 體育頻道】已經新增咗賽事直播,為您鎖定一系列精彩國際賽事,包括 巴西足球甲級聯賽、德國足協杯、國家籃球聯賽 等,依家仲係免費收睇!Home Media 另外更有多款娛樂任您揀,只需一個賬號,全家都可享精彩娛樂 下載 Home Media App:https://s.ctm.net/qc012

【澳門美食】新濠天地必食推介:米芝蓮星級及精緻中餐廳合集

生活在我城
Lifemagfoodie・2023-11-16

澳門美食雲集,嚟緊咁多假期聚會,無論係去同親朋好友聚餐,或者係來澳短旅行,都唔少得美食伴隨,咁多好嘢食唔知食邊間好!今次就等小編為大家介紹新濠天地嘅旗下中菜餐飲,選擇非常多元化,將東方美食的精髓發揮得淋漓盡致 ,而且有幾間更係米芝蓮星級食府 ,絕對有品質保證,依家加入「新濠風尚」微信會員仲有餐飲優惠,想了解更多詳情就繼續睇落去喇! 品味東方美 即日起至 12 月 31 日,註冊為「新濠風尚」微信會員即賞品味東方美饌驚喜禮券!憑券可於「譽瓏軒」、「天頤」、「金映閣」、「金滿御苑」或「金亭」兌換指定美饌。 天頤 天頤位於新濠天地摩珀斯酒店 21 樓,主打新派精緻嘅中菜,如果你想品嚐高端又令人難以忘懷嘅粵菜,咁呢間絕對係你嘅首選! 天頤總廚黃贊奇師傅更有「世界粵菜頂級廚師」嘅稱號,菜式融入新穎元素,突顯中國菜嘅精髓。天頤嘅烹飪哲學源於中國最古老嘅經典著作《易經》,“頤”指滋養嘅身體將會帶來健康及好運,每一道菜肴都貫注此理念!天頤自 2019 年獲《米其林指南香港澳門》推介,而 2020-2023年間更獲得《福布斯旅遊指南》五星食府榮譽及《黑珍珠餐廳指南》嘅一鑽級別,果然名不虛傳! 而菜單亦會每月轉變,選用最時令頂級嘅食材,力求做出衝擊味蕾嘅創新菜式,打破你對中菜嘅想像。 必試菜式 家燒野生黃花魚 魚子雪蟹 脆皮刺參 天頤 地址:澳門新濠天地摩珀斯酒店21層空中走廊 營業時間:星期四至一晚上6:00至11:00 (最後點單時間晚上9:30) 著裝要求:時尚休閒;男賓客禁穿涼鞋、無袖上衣或短褲 電話:8868 3446 譽瓏軒 譽瓏軒堪稱粵菜天花板,係獲獎無數嘅殿堂級粤菜食府,全澳唯一榮獲《米芝蓮》及《黑珍珠餐廳指南》最高嘅三星級殊榮及三鑽大獎,行政總廚歐陽文彥憑藉多年嘅粵菜經驗,加入創意的現代烹調方法,將高貴食材如藝術般呈現。新鮮食材由世界各地引入包括法國,日本及南中國海等新鮮入口,嚴選有機及高品質嘅食材。必試菜式有「花雕蛋白蒸斑球」、「黑松露脆皮鷄卷」、「黑魚籽藍子魚花膠湯」等。 而用餐環境都非常賞心悅目,一踏入餐廳分為東、南、西、北和中心五個區域,設計源於《易經》嘅原則,各區嘅主調顏色和裝飾都與相應嘅季節和元素相匹配,創造了一種和諧而又典雅的氛圍!譽瓏軒共有兩層,設有11間貴賓房,滿足唔同嘅私密用餐需求。 必試菜式 花雕蛋白蒸斑球 黑松露脆皮鷄卷 黑魚籽藍子魚花膠湯 譽瓏軒 地址: 新濠天地二樓 營業時間:中午12:00 至下午3:00、晚上6:00至10:30 電話: 8868 2822 金映閣 「金映閣」裝修高雅大氣,以深藍與金色作為主調,主打經典名菜、風味涼菜、明爐燒味、精美點心等,絕對係周末聚會嘅好去處,必試「巧手三式餃拼盤」,賣相非常別緻,而且三款都係不同風味,分別有「松茸帶子鮮蝦餃」、「海膽魚籽榆耳餃」、「龍蝦鮮筍鳳眼餃」。而「藍青口鮮肉燒賣」亦非常值得一試,愛心形狀嘅燒賣,除咗有主廚滿滿嘅心思,仲突顯食材嘅鮮味。 必試菜式 巧手三式餃拼盤 藍青口鮮肉燒賣 煎炸焗美點 金映閣 地址:新濠天地一樓 營業時間:上午10:00至晚上11:00 電話:8868 6632 金滿御苑 相信大家身邊總有無辣不歡嘅朋友,而「金滿御苑」嘅菜式集合辛麻鹹鲜,酸爽甘香,唔係只有辣味,層次豐富!菜式亦非常多樣化,涼菜、熱葷、湯品與甜點都包羅萬有,集合四川、湖南與重慶,多樣化嘅香辣與麻辣風味絕對令你大飽口福! 必試菜式 二灘開胃野生大魚頭 川西辣椒雪芭 天府飄香毛血旺 金滿御苑 地址: 新濠天地一樓 (由DFS旗下T廣場美妝世界進入) 營業時間: 上午11:00至晚上11:00 電話:8868 2671 金亭 「金亭」匯集澳門本地特色嘅澳葡菜、茶餐廳風味、粵式小炒及東南亞特色菜,絕對係賭場入邊嘅寶藏餐廳,餐廳環境以低調典雅嘅金色為主題,非常舒適。而招牌菜式包括多款波士頓龍蝦煲、精選煲仔粥、特色包類等。 波士頓龍蝦煲 精選煲仔粥 特色包類 金亭 地址:新濠天地一樓 營業時間:早餐:上午6:00至11:00、午餐及晚餐:上午11:00至凌晨12:00、宵夜服務:凌晨12:00至上午6:00 (精簡菜單) 電話:8868 6631

【澳門美食】由葡萄牙米芝蓮星級名廚主理,澳門倫敦人「希雅度葡國餐廳」

生活在我城
Lifemagfoodie・2023-10-13

位於澳門倫敦人嘅希雅度葡國餐廳,由葡萄牙米芝蓮星級名廚Henrique Sá Pessoa主理,打造正宗又精緻嘅葡國菜餐飲概念,非常有特色!最令小編印象深刻係「葡式鱈魚伴慢煮蛋黃與洋蔥泥」,以以葡國嘅石板路為靈感,口感亦非常豐富。「烤章魚」同「油封乳豬」都係招牌菜,值得一試!另外,甜品都整得好靚,味道同賣相兼備呀! 如果想睇各菜式嘅詳細介紹就快啲去片喇~ 前菜 香煎鴨肝配蘋果、格蘭諾拉麥片、紅菜頭與咖啡 香煎帶子伴青豆與葡式香場配芥末荷蘭醬 紅蝦肉卷配花椰菜奶油,貝殼海鮮沙巴雍與三文魚籽 烤章魚配辣椒杏仁味噌醬與嫩蘆筍 章魚份量十足,鮮嫩又有咬勁,配搭特制醬汁,層次豐富! 炙燒金槍魚片配醃制蔬菜與番茄韃靼 葡式鱈魚伴慢煮蛋黃與洋蔥泥 外型非常特別,以葡國嘅石板路為靈感,將其拌勻之後,蛋汁與鱈魚鹹鮮味融合,非常值得一試! 龍蝦雜錦海鮮燴飯 鴨胸伴鵝肝餛飩配芹菜醬與五香汁 油封乳豬配莞菁泥、腌制洋蔥與黑椒汁 油封乳豬烤得皮薄而脆,肉質細嫩,啖啖肉,配搭黑椒汁,非常惹味! 巧克力炸彈配咸味焦糖榛子雪糕 甜點賣相每款賣相精緻,特別推介這款巧克力點品,香濃而不膩! 海韻柑橘、柚子雪芭配糖霜海藻 杏仁與橙 希雅度葡國餐廳 電話: +853 8118 8822 地點. 澳門倫敦人2樓2206號 想睇更多精彩內容?快 d 下載 Home Media App 啦!一個賬號即可享盡劇集、電影、綜藝等娛樂內容,仲有本地娛樂頻道,啱晒您口味! 下載 Home Media App:https://qr.page/g/161uxQuUOuk

【澳門銀河萊佛士酒店】大堂吧單點、下午茶必食推介 +參觀超靚景酒店房

生活在我城
Lifemagfoodie・2023-09-16

位於澳門銀河嘅百年奢華酒店品牌萊佛士已經開幕,大堂十分開揚,陽光充足,以園林花園作主題,四處都可以見到樹木、時令花卉。現場仲有音樂表演,非常有氣氛!而萊佛士大堂吧已開放俾大眾,單點及下午茶都非常有水準及CP值高,絕對值得一試~ 餐前麵包 分別有酸種麵包、芝士番茄麵包等三款,非常香口! 新鮮去殼生蠔配帝國奧塞特拉魚子醬 生蠔非常鮮嫩,配搭滿滿的魚子醬,入口即化,奢華享受! 龍蝦沙律 以低溫技術烹調法國藍龍蝦,保持龍蝦嘅鮮嫩口感,搭配西瓜、田園菜蔬,酸甜交錯,非常清新! 威靈頓和牛伴菜 極推這道威靈頓和牛,加入片片足料黑松露,酥皮鬆脆,而且牛肉烤得剛剛好,保持肉質嘅鮮嫩,肉汁飽滿! 甜品車 超多甜品選擇,包括清新嘅鮮果、茶味、香濃嘅朱古力甜點,小編推薦莓果味慕絲蛋糕及朱古力歌劇院蛋糕,所有朱古力類甜品都由 Chocolate Master 制作,要經過多輪激列嘅比賽先可獲得認證,絕對係高水準之作! 新加坡司令 嚟到萊佛士酒店,不得不試呢杯「新加坡司令 」,係萊佛士酒店獨創嘅特色調酒,酸甜開胃而且果味十足,令人難忘! 萊佛士經典傳奇下午茶 萊佛士酒店嘅「經典傳奇下午茶」亦非常值得一試,份量超足,分別有三層咸點,包括精選三文治、牛肉酥、吐司等。 另外,仲有成三層甜點,四個人都絕對夠食,包括閃電泡芙、提拉米蘇、草莓鮮奶油蛋糕等。仲有4件鬆餅,口味分別係「萊佛士咸松餅配自制橄欖醬和西紅柿醬」以及「甜松餅伴奶油、草莓果醬和自制檸檬果醬」,超豐富呀! 另外,仲有成三層甜點,四個人都絕對夠食,包括閃電泡芙、提拉米蘇、草莓鮮奶油蛋糕等。 仲有4件鬆餅,口味分別係「萊佛士咸松餅配自制橄欖醬和西紅柿醬」以及「甜松餅伴奶油、草莓果醬和自制檸檬果醬」 今次小編仲有幸去到酒店房參觀,酒店房設計真係非常華麗,即刻睇下 Hotel Tour 啦!酒店走廊非常開揚,仲可以見到路氹全景!成間酒店都係落地窗 外型似暖爐但其實係加濕器 酒店、餐飲及設施都超高質素,放假又有好去處喇~

【澳門美食】澳門上葡京范思哲酒店,米芝蓮星級餐廳「當奧豐素 1890」精緻意大利菜

生活在我城
Lifemagfoodie・2023-05-31

想食精緻嘅意大利菜不妨去試下最新登場嘅米芝蓮星級餐廳「當奧豐素 1890」,位於上葡京嘅亞洲首間范思哲酒店 ,將意大菜昇華到另一個水準,餐廳宣揚「從農場到餐桌」飲食概念,每道菜嘅頂級食材都由自家農場種植,而內部嘅環境設計、擺設及餐具都經由 Versace 品牌親自操刀及嚴格挑選,Versace 標誌性「夢迴東方」 主題圖案及元素四處可見,絕對係一場非凡嘅餐飲及視覺體驗! 意式布列塔尼藍龍蝦水牛芝士串 首先介紹頭盤「意式布列塔尼藍龍蝦水牛芝士串」,將來自法國嘅藍龍蝦肉及水牛芝士串起,龍蝦肉嘅鮮味與芝士完美配搭,加入甜甜哋嘅雞尾酒啫喱,令成個味道層次更豐富! 鴨胸、榛子、濃縮石榴汁和芹菜蓉 鴨胸煮得特別細嫩,榛子增添口感,酸甜嘅石榴汁十分開胃! 墨魚餃子釀西西里紅蝦和海膽 呢個墨魚餃子非常有特色,外層嘅墨魚入口即化,包裹住西西里紅蝦和海膽,配上香辣嘅南瓜湯和薑味甘筍蓉,有種中西合壁嘅味蕾衝擊! 意式海鮮燴水管麵 製作水管麵非常考驗技術,因為烹煮時間要控制得恰當先可以做到煙韌軟硬適中嘅口感,配搭時令海鮮,鮮味十足,完全唔使加太重嘅調味! 是日海鮮配蟶子、椰菜花和甘草 是日海鮮為金目鯛,份量十足而且口感實淨,是非常驚喜嘅一道菜,配蟶子、椰菜花和甘草,口感和味道都非常豐富! 麵包焗法國波瑪牛柳 採用法國享負盛名 Alexandre Polmard 牛里脊,喺攝氏零下嘅環境急凍嘅世界頂級牛柳,煮成三成熟後,以麵包外皮包裹並進行烤焗,配上特調嘅辣番茄醬和意大利青醬,非常開胃! 提拉米蘇 提拉米蘇外形吸睛充滿立體感,外層是馬斯卡彭芝士冰糕,內餡是流心焦糖咖啡,再加上浸泡了咖啡和利口酒的手指餅為底層,入口濃郁嘅朱古力及咖啡香味,冰冰涼涼嘅口感,這道甜品的全部元素都正中小編的心頭好! 享用完豐富嘅晚餐仲有特色意大利糕點作為甜品,而現場仲有意式即磨咖啡,咖啡帶有威士忌的味調,配甜品一絕! 嘗味菜單 4 道菜晚餐 $1688 起 7 道菜晚餐 $2288 起 「當奧豐素 1890」 地址:Palazzo Versace 澳門三樓307號 電話:8881 1390

【澳門美食】澳門JW萬豪酒店「名廚都匯」自助餐,期間限定山東名菜+必食推介

生活在我城
Lifemagfoodie・2023-05-15

依家喺澳門JW萬豪酒店嘅名廚都匯自助餐,都可以食到由名廚劉勇師傳精心設計嘅山東名菜 — 齊魯風情待客菜,一齊睇下有咩嘅特色菜喇! 膠東風味魷魚 首先介紹呢個膠東風味魷魚,肉質飽滿,魷魚有咬口但不會太韌,香辣嘅汁底非常開胃! 魯西黃牛肉 來自山東魯西地區嘅黃牛肉,飼養環境優越,令牛肉肉質更為細嫩,牛味濃郁。呢道菜將牛肉烹調得較乾身,加入辣椒及花椒等調味,非常惹味。 蒜爆羊肉 蒜爆羊肉蒜味濃郁而且薄切的羊肉炒得非常嫩滑,完全不會有羊羶味,非常香口! 膠東醬香深水海螺 山東為沿海地區,海鮮資源豐富,呢道膠東醬香深水海螺,選用高質而份量十足嘅海螺,肉質鮮嫩,加入藜麥及薏米,口感豐富! 濟南特色炒茄丁 濟南特色炒茄丁係傳統嘅山東菜餚,加入辣椒、花椒,大蒜,令茄子很有辣勁,口感爽脆,非常好送飯 奶湯蒲菜全家福 奶湯配料豐富,加入花膠、鮮蝦、菌類及蔬菜,湯頭不會太濃味但很鮮美,非常滋補! 除此之外,自助餐區仲有多款海鮮、刺身、多國熟食、甜點等,非常豐盛! 「名廚都匯」“品味中國系列── 山東名菜” 期間:即日起至 6 月 30 日供應 價錢:自助晚餐成人 $638 – 658元* 3至11歲小童 $320 – 330元* 萬豪旅享家會員獨家專享高達8折優惠。 電話:8886 6228

【澳門美食速遞】外食族之選,用心製作健康日式便當 — 日玥 About Bento

生活在我城
Lifemagfoodie・2023-03-01

每日叫外賣是不少上班族的指定動作,但坊間很多餐廳食店雖然美味,當中烹飪過程加入大量味精、調味料、油而令健康度大大下降,其實叫外賣都可以健康與美味兼備,小編今次為大家推介一間用心製作的健康日式便當店 — 日玥 About Bento,令你吃得健康又飽肚滿足! 日玥的便當比例是專門找營養師來設計菜肉飯的均衡比例,而份量亦有分 Standard Size、OL Size(多菜少飯)及 Jumbo Size (多菜多肉多飯),可以迎合不同人群的飲食需要!而且所有便當在烹煮過程會使用橄欖油、日本無菌蛋,不加味精! 居酒屋雞肉野菜便當套餐 $75 雞肉採用店家自家製的特調醬汁來醃製,靈感來自日式居酒屋常用的醬汁日本皮醬(Ta-re),鹹鹹甜甜的醬汁配搭鮮嫩的雞肉,非常開胃下飯!另外,蔬菜的搭配亦非常豐富,是有營養又充滿纖維的一餐! 而店家的飲品亦非常值得一試,咖啡豆採用澳門本土的精品咖啡烘 Trekcoffee Roasters 的意式拼配豆 Jade,帶有黑朱古力、巴西果仁及奶油糖果的味調,絕對有咖啡店的水準。 套餐包含 $24 以下的飲品一杯,配 Ice Latte 補 $12 即可! 汁煮杏鮑菇野菜便當套餐 $65 現在有不少人都宣揚 Green Monday (無綠不歡星期一),現代人飲食太豐盛,在周末大魚大肉後來一日素食日,不但可以減輕身體負擔,更可以對環境更友善,這個汁煮杏鮑菇野菜便當含有多元化的蔬菜組合,包括西蘭花、椰菜花、紅蘿蔔、洋蔥、杏鮑菇、冬菇,蛋白質及纖維兼備,搭配小山園抹茶燕麥奶,為身體排毒又吃得滿足!套餐包含 $24 飲品一杯,配小山圓抹茶燕麥奶(凍)加 $18 即可。 柚香味噌豚肉野菜便當套餐 $68 豚肉採用店家秘製柚子味噌醬汁調味,鹹甜的醬汁帶有柚子香氣,令味道更豐富!這個是店家的招牌便當之一,非常值得一試! 滋陰玫瑰花茶可以養血,增加免疫力,還可以抗氧化,女士多喝有益! 冬天限定 About Bento 招牌關東煮おでん 6 鍋物 (黑輪 2 入、白蘿蔔、豆腐 2 入、丸天魚餅、玉子燒、蟹柳 2 入) +$10 讚岐烏冬 (小) +$16 讚岐烏冬 (大) +$1 凍美式 關東煮鮮甜美味湯頭加入白蘿蔔、竹輪、雞蛋、蒟蒻等,再以醬油、日本昆布和兩種不同產地的「 鰹節」用 5 小時慢火熬製,非常用心!湯頭鮮甜清得嚟亦有魚香 ,在燉煮時,關東煮食材會將高湯的滋味徹底吸收更能突出各種食材嘅鮮味。亦不會添加味精,關東煮食材採用日本進口,食得安心又美味! 檸香挪威三文魚野菜便當 $67 這是午市最搶手的便當之一,店家採用獨有的烤焗方法,保持三文魚的鮮味及水份,表層烤成金黃色,令表面肉質香脆,底層鬆軟! 三文魚含有豐富的 Omega 3,良好的脂肪及蛋白質,最適合減重人士及健身的朋友! 居酒屋雞肉炒讚岐烏冬配溫泉蛋 $63 這個烏冬的雞肉以日本皮醬(Ta-re)醃製,加入炒香的香菇、日本柴魚片、京蔥和洋蔥,以及日本溫泉蛋和紫菜絲,用料豐富,口感十足!而烏冬嚴選讚岐烏冬,比一般的烏冬口感更Q彈入味! 柚香味噌豚肉野菜便當 配 紅火龍果珍珠米 $56 店家亦推出了這個加入紅火龍果的珍珠米飯底,非常特別,除了有高纖排毒美顏的功效,味道微甜又充滿顏值! 和風慢煮雞胸 配紅糙珍珠米 $58 和風慢煮雞胸以低溫的烹調方法,無油低脂同時保持肉質的水份,令雞肉食落不會乾柴,紅糙珍珠米膳食纖維比白珍珠米優勝,而卡路里亦比較低,絕對是減重人士之選! 日玥 地址:海冠中心182號地下E 電話:6280 3414 微信就可以落單喇~

【澳門美食】風靡全球的美式漢堡品牌 FIVE GUYS,澳門威尼斯人首間分店 3 月 2 日開幕!

生活在我城
Lifemagfoodie・2023-02-26

風靡全球嘅美式漢堡 Five Guys嚟到澳門威尼斯人喇~Five Guys 最大特色就係漢堡可以按自己喜好客制化,任揀自己鍾意嘅配料,配搭超過 25,000 款,嚟緊 3 月 2 日就開幕,首 50 位到店更有驚喜禮品!一齊嚟睇下有咩食先喇 ~ 薯條每日手工現切 食材每日新鮮現製,唔會隔夜,薯條都係每日手工現切,以純正花生油新鮮製作,非常有誠意!仲會定時檢查質量,確保炸出最完美熟度同口感!而呢個薯條真係做到外脆內軟,好有薯仔味,薯條可選原味或辣味。 雙層煙肉芝士漢堡 漢堡小編咗左雙層煙肉芝士漢堡,配料揀咗生菜、番茄、酸黃瓜、墨西哥辣椒、辣醬,漢堡扒肉汁飽滿,加上香脆嘅煙肉,口感豐富,辣勁十足! 芝士熱狗 熱狗部分點咗芝士熱狗,配料加入烤蘑菇、烤洋蔥、牛扒醬,牛扒醬熱狗都幾有特色,但唔夠漢堡出色。 奶昔 奶昔口味亦可以自由配搭,今次就揀咗煙肉同海鹽焦糖,味道出奇地夾,煙肉粒好有口感!而比較熱門嘅口味係士多啤梨Oreo 及Biscoff 餅乾味,非常值得一試! 無限汽水 Refill 汽水可以無限 Refill,保證食到你又飽又滿足! 5 Guys 嘅漢堡真係用心製作,而且客制化整到最符合自己口味,嚟緊 3 月 2 日就開幕啦!首 50 位到訪仲有驚喜禮物,快啲去試下喇! Five Guys 地址:澳門威尼斯人1樓 1033 & 1035 店(星巴克旁邊)

【澳門美食】永利澳門咖啡廷,融合傳統與創新完素,高水準特色澳葡菜!

生活在我城
Lifemagfoodie・2023-02-23

永利澳門咖啡廷今次同本地名廚黃文龍合作,推出多款特色澳葡菜,融合傳統與創新完素,多款菜式都值得一試!主廚有超過三十年嘅入廚經驗 ,味道絕對有水準! 永利澳門咖啡廷今次同本地名廚黃文龍合作,推出多款特色澳葡菜,融合傳統與創新完素,多款菜式都值得一試!主廚有超過三十年嘅入廚經驗 ,味道絕對有水準! 必試菜式推介 魔鬼辣大蝦 呢個係愛辣人士必試菜式之一,主廚選用肉質鮮甜爽口嘅巨型海虎蝦,配上紫天椒、乾辣椒、蕃茄等自家製作嘅特製醬汁,香辣又滋味! 澳門咖哩蟹 咖哩蟹係獨特嘅澳葡菜式,香辣惹味嘅秘製咖喱汁加上鮮味嘅本地新鮮肉蟹,令人十分開胃! 葡式海鮮飯 葡式海鮮飯亦係小編最愛嘅菜式之一,採用海鮮高湯燉煮嘅飯非常鮮味,而海鮮配料亦非高質素,選用上乘虎蝦、石斑魚、魷魚、貝類,熱辣辣嘅燉飯令人回味! 非洲辣雞 非洲雞係一道地道澳葡菜,由葡萄牙人引入再由澳門本地人改良,主廚選用皮脆肉嫩嘅三黃雞,配上以花生醬、椰絲、辣椒、蕃茄製成的秘製醬汁,香辣又送飯! 葡式乾免治 呢個乾免治主廚特別混搭牛肉和豬肉增加口感,加入香脆嘅薯粒回鑊快炒,薯仔爽口,肉碎乾香入味! 木糠布甸 雞蛋布甸 永利澳門咖啡廷 營業時間:上午7時至晚上10時30分 電話:8986 3663

【澳門美食】糅合上海、江蘇和浙江地區的特色菜— 澳門威尼斯人醉江南

生活在我城
Lifemagfoodie・2023-02-07

位於澳門威尼斯人的醉江南,集合上海、江蘇和浙江地區的特色,製作出充滿江南風味的精繳菜品,而醉江南主廚梁子庚獲獎無數,更曾參與節目《舌尖上的中國》,出品不少新穎高質的菜式,如果想知有什麼必食推介就看小編介紹吧! 老上海熏魚 作為上海的經典前菜之一,熏魚入口酥脆,特制醬汁亦非常入味! 無菌花雕醉膏蟹 這無疑是去醉江南的必點菜式之一,花雕醉膏蟹酒味香濃,咸香入味!而且入口冰涼,是非常開胃及值得一試的一道菜! 自制咸肉篤春笋 爽口清脆的春笋,加入香辣可口的咸肉,層次豐富,非常惹味! 衢州鮮肉湯圓 軟糯的湯圓入面包著肉餡,很特別的口感,配搭清新的上湯,非常暖胃。 金元寶富貴雞 這道菜外型製作成金元寶型狀,而用槌子敲碎後是經典的江蘇菜富貴雞,寓意好運連連!雞肉炆得軟腍入味,醬汁層次豐富。 上海紅燒肉 肥美的紅燒肉有誰可以抗拒呢?紅燒肉肥瘦適中,入口即化,醬汁亦非常下飯! 年糕燒東海黃魚 魚的肉質鮮嫩,入口即化,年糕吸收了魚汁的精髓,咬勁十足又入味! 空心大麻球 這個巨型的空心大麻球經過多次的翻炸,炸得又薄又脆,入口有香濃的芝麻味,質感有別於一般的煎堆,非常香口! 大白免奶糖十三幺 這款甜品賣相精緻,大白兔亦充份展現上海特色,奶凍入口有淡淡的椰香味,不會太甜! 醉江南 地點:1078號, 1樓 ,澳門威尼斯人 營業時間:中午12:00至下午3:00,晚上6:00至晚上11:00(逢星期二關閉) 聯繫方式:8118 8822

【澳門美食】澳門上葡京瑞兆,廚師發辦精緻日式割烹料理

生活在我城
Lifemagfoodie・2022-12-29

上葡京新開嘅米芝蓮星級餐廳瑞兆,主打精緻嘅日式割烹料理,菜式由「廚師發辦」 ,料理選用當季最時令食材,菜單亦會不時更新!料理師傅會喺吧枱嘅開放式廚房即場製作料理,大家可以近距離欣賞師傅嘅廚藝表演,割烹料理非常注重刀工(「割」)及烹調技藝 (「烹」) ,每一道菜都係藝術品呈現! 前菜 - 炙燒香箱蟹 - 菊姬山魔 純米 以簡單的醋與鹽調味,突顯香箱蟹的鮮味,絕對是打開味蕾的一道菜 麵物 - 白子“半田”素麵 白子“半田”素麵,白子係北海道鱈魚嘅精巢,慢慢用火燒至剛剛熟透,形成溫熱而奶滑嘅口感,配搭冰涼的冷麵,冷熱交織,非常獨特嘅一個菜式! 配酒 - 七賢 甲斐駒 純水大吟釀 炸物 - 薩摩 A5 和牛腰里脊 薩摩 A5 和牛腰里脊嘅食材來自日本鹿兒島空運直送,輕輕炸過,形成外酥內軟的肉感,入口即化。 剌身 時令海鮮 - 白身魚配鮟鰊魚肝 剌身白身魚,加入柚子醋汁作為的喱哩,配鮟鰊魚肝,酸甜清新又鮮味十足! 鍋物 - 松葉蟹豆乳火鍋 呢個松葉蟹豆乳火鍋,最適合依家呢種咁凍嘅天氣,松葉蟹肉將奶味十足嘅湯提鮮,食完之後十分暖胃! 配酒:白鴻大吟釀 沙羅雙樹 壽司 - 海膽金槍魚腩手卷 肉料理 - 治部汁煮薩摩 A5 和牛 配酒 - 黑龍 大吟釀 食事 - 時合海鮮炊飯 甜品 - 鮮果麻糬配最中餅 配酒 - 三得利 山崎 蒸餾所梅酒 由前菜、主菜、刺身到甜品,成個菜單都非常完整,每道菜更可配葡萄酒、日本清酒或日式茗茶等!整體菜單非常值得一試,每道菜式反映師傅嘅精細嘅設計巧思,力將料理最好嘅一面呈現! 瑞兆 廚師發辦精選菜單 每位 $2,500(需要加收10% 的服務費) 地點:澳門上葡京三樓 電話:(853) 8881 1330 時間:下午6時至晚上10時30分(星期二及三休息)