2025澳門中秋全攻略｜做慈善×玩手作×特色月餅
Cheers!・2025-09-30想過一個難忘又充滿意義嘅中秋？今次小編為大家精選咗一系列有特色、有心思，又好味嘅月餅同活動，等你可以同家人朋友共度一個不一樣嘅團圓節！ 【過中秋做慈善｜寵物愛心派對】 今個最具意義嘅活動非呢個莫屬！微光工作室主辦「中秋寵物愛心派對」！誠邀您帶埋屋企毛孩一齊嚟玩，場內除咗有寵物食品贈送、趣味遊戲同抽獎環節，仲有專業寵物攝影師即場捕捉您同毛孩最萌瞬間，留下溫馨回憶！ 重最重要係活動部分收益將全數捐贈「人人流浪狗澳門義工團」，等您同愛寵開心過節之餘，同時幫到流浪小動物，真正意義上實現「團圓傳愛」！咁有意義嘅活動，毛孩家長們快啲報名啦！ 活動詳情： 日期：10月4日（六）14:00-17:00 地點：萊卡星球 費用： ・MOP $250/位（含MOP $100捐款） ・10歲以下小朋友免費 ・1人限帶1隻寵物（多出收費MOP $100/隻） 【手作體驗｜Lush 月餅氣泡彈工作坊】 大朋友千祈唔好錯過呢個創意工作坊！Lush專門為中秋打造「月餅手作派對」，等您親手製作造型逼真嘅「中秋月餅氣泡彈」。呢款「月餅」原來唔係用來食，而係用來享受沐浴時光嘅浴球，造型可愛到差點以假亂真，保證打卡一流！ 唔想自己動手整？唔緊要！Lush仲準備咗「望月團圓禮盒」，裡面有齊「中秋月餅汽泡彈」同「冰皮月餅泡泡浴芭」兩款人氣產品，等您喺屋企都可以享受一個放鬆又應節嘅中秋假期。無論您選擇自己整定係直接買現成，都一樣咁過癮！ 中秋月餅氣泡彈工作坊（MOP $ 200/人，含材料及套裝） 產品推薦：月餅汽泡彈（MOP $95）、冰皮月餅泡泡浴芭（MOP $115）、望月團圓禮盒（MOP $220） 工作坊需提前一週預約 查詢：2835 8699 或親臨門市 【純素之選｜VEGAVEGA 我行我素中秋禮盒】 今個中秋，素食朋友都可以盡情享受食月餅嘅樂趣啦！VEGAVEGA我行我素特別推出「中秋純素月餅禮盒」，絕對係素食者同環保人士嘅福音！禮盒內有四款精心設計嘅口味，除咗保留經典嘅黑芝麻麻糬同鳳梨洛神花奇亞籽口味外，今年更加入兩款全新口味——蘋果肉桂同白茶茉莉花蓮蓉，款款都100%純素製作，無蛋奶、無五辛、無蜂蜜，讓素食朋友可以放心享用。 最抵讚係禮盒包裝別出心裁，採用鏤空設計，仲可以喺封面嘅月亮度寫上心意祝福語，送禮自用都咁有意義，等您同朋友分享的不止是月餅，更是一份溫暖嘅心意！ 4款口味：黑芝麻麻糬、洛神花鳳梨奇亞籽、蘋果肉桂、茉莉白茶蓮蓉 均價MOP $268/套，3套以上MOP $228/套，5套以上MOP $218/套 查詢：2841 3636 或到 VEGAVEGA Facebook/Instagram 私訊 【送禮之選｜LINE FRIENDS 造型月餅】 中秋送禮想夠特別又夠體面？澳門葡京人LINE FRIENDS主題酒店推出嘅「LINE FRIENDS齊造中秋禮盒」絕對係粉絲必搶之選！禮盒設計落足心機，齊集晒Brown、Cony等所有人氣角色，更加入澳門同葡萄牙特色元素，成個設計可愛得嚟又充滿地道風情，送禮自用都咁有面子！ 最過癮係禮盒採用盲盒設計，裡面有齊「迷你蛋黃白蓮蓉月餅」同神秘「迷你黑金剛流心奶黃月餅」口味，等您同朋友一齊猜猜邊個食到隱藏款，為中秋聚會增添多一份驚喜同樂趣！ 售價：MOP $288 / 盒 預購點：BROWN CAFE、燊哥冰室、安琪兒酒廊、招牌麵、H853禮品店 查詢：8882 6888 詳細資訊：澳門葡京人官網 https://s.ctm.net/5lTiJ 【得意實用兼備之選｜英記餅家 Snoopy 造型月餅】 「Snoopy 紅亭流心月餅」禮盒設計成音樂盒，Snoopy 企喺電話亭唱歌比你聽！盒內有6個迷你流心奶黃月餅，其中仲有Snoopy朋友仔隱藏款，等您體驗抽盲盒嘅樂趣！ 「Snoopy 旅行趣二重奏月餅」以巴士造型設計，車窗可以發光，由查理布朗做 司機，載住Snoopy同朋友仔去旅行。禮盒內有3個朱古力流心月餅同3個流心奶黃月餅，無論係小朋友定大朋友都會鍾意！ 「紅亭流心月餅」MOP $259 / 盒 「旅行趣二重奏」MOP $220 / 盒 查詢：2872 7808 (Snoopy主題門店) 更多詳情：英記餅家官網 https://yengkee.com.mo 今個中秋，無論你係想做善事、食素月餅、親子整餅，定係送禮都想別出心裁，呢度總有一款啱你心水！快啲約埋屋企人同朋友一齊開心迎接月圓之夜啦～
