澳城生活

焦點文章

【澳門美食】澳門麗思卡爾頓酒店麗軒 — 賞心悅目 午市菜單

生活在我城
Lifemagfoodie・2024-01-31

位於澳門麗思卡爾頓酒店51樓嘅麗軒,係榮獲米芝蓮一星嘅粵菜餐廳,味道絕對有水準,邊食嘢仲可以欣賞美景。中午更會有不時更換嘅限定午市套餐,非常豐富。今次小編就試咗「賞心悅目」午市菜單,點心非常精緻,而且採用頂級食材,鮮味十足!同家人朋友聚會都非常合適。 餐前小食 口感似春卷,非常脆口開胃。 鮮蝦黃耳豆苗褔袋 黑松露野菌水晶粿 紅伶海皇酥 食用次序由淡味到濃味嘅點心開始,首先食咗中間嘅「鮮蝦黃耳豆苗褔袋」,外型色彩鮮艷吸睛,蝦入口啖啖肉,仲有豆苗伴隨,增添層次。「黑松露野菌水晶粿」嘅黑松露香氣濃郁,將野菌提味!最後係「紅伶海皇酥」好似手袋嘅外型真係非常可愛,酥皮香脆肉香。 海竹頭青橄欖燉雪雁 湯非常鮮味滋補,飲完成個人都暖哂! 彩胡椒宫爆虎蝦球 虎蝦球係麗軒嘅名菜之一,蝦嘅口感非常彈牙,鮮嫩多汁,配搭咸香嘅醬汁,味道一絕! 黑毛牛仔肉濃湯浸時蔬 濃湯浸時蔬非常入味,而且黑毛牛仔肉,非常香口,令蔬菜味道昇華! 頭抽走地鷄絲炒蛋面 炒蛋面條條分明,有少少脆口,配搭鷄絲口感十足。 15 年陳皮蓮子紅豆沙 鍾意食紅豆沙嘅朋友一定要留肚食呢個甜品,紅豆沙濃郁綿密,陳皮令紅豆沙嘅香氣提升,而擺得愈耐嘅陳皮愈矝貴,據說可以提升免疫力,多食有益! 麗軒美點雙輝 到最後仲有美點,個套餐真係好豐富,必試兔仔果凍同埋外形好似扭結糖嘅美點,味道驚喜! 午市菜單詳情 澳門麗思卡爾頓酒店麗軒 地址:澳門麗思卡爾頓酒店51樓 電話:8886 6868 價錢:每位 $638* Home Media 嘅【Sports 體育頻道】已經新增咗賽事直播,為您鎖定一系列精彩國際賽事,包括 巴西足球甲級聯賽、德國足協杯、國家籃球聯賽 等,依家仲係免費收睇!Home Media 另外更有多款娛樂任您揀,只需一個賬號,全家都可享精彩娛樂 下載 Home Media App:https://s.ctm.net/qc012

最新文章

【電影】鎌倉物語:希望你獲得一點點心靈治癒。

娛樂殿堂
原來世界這樣大・2018-05-16

堺雅人曾經以半澤直樹紅遍整個亞洲,這次由他跟高畑充希主演的《鎌倉物語》帶我們走進不一樣的科幻世界。 日本是香港人的至愛,《鎌倉物語》以日本古都鎌倉為故事的地點,一開始的幾個鏡頭盡是鎌倉為人熟悉的海邊、鎌倉大佛、Slam Dunk的平交道,叫去過鎌倉的人紛紛說懷念。在《鎌倉物語》的世界裡妖怪、幽靈和人類和平共處,正和和他妻子亞紀子正悉應著新婚生活的同時,也遇上了一個又一個關於生死的感人故事。 第一位他們所遇見的優子婆婆,已經死去化成鬼魂,為了照顧丈夫走完最後的路,向死神額外申請延遲到黃泉,等待時辰到二人牽手一起到另一個世界。第二位是正和出版社的朋友本田先生,因為癌症逝世,放不下妻子和女兒但又不能申請延遲到黃泉,最後決定化身青蛙妖怪,妖怪樣子奇特,讓本田先生只好靜悄悄地在他們的身邊守護。後來發現有另一個男人愛上了他的妻子並希望承擔起照顧妻子和女兒的責任,雖然本田心裡憤怒和傷心,但是奈何明白自己已經死去,學會放手,讓妻子和女兒展開新的幸福生活。 我們總是覺得死亡是一件很可怕的事,但在這兩個故事中給我另一個看法。從優子婆婆故事中的死亡是讓二人有團聚的機會,死亡是生命的結束也是另一個生命的開始。而在本田先生的故事中,他讓妻子展開新生活,學會接受現實,學會放手,讓別人替他完成負起照顧他們的使命,同時也告訴我們愛不一定要你對我好,我對你好這樣,轉個形式,Let go是讓別人得到幸福,也是傳達愛的方式。這兩個故事貫徹日本電影如《深宵食堂》淡淡然的風格,令人感動。日本電影或許沒有什麼高潮迭起,但就是以故事內容取勝,令人深深著迷。 在説著這兩個故事的時候,其實都是為了讓觀眾更理解作者世界觀。而最後的當然不少得正和和亞紀子之間的故事。亞紀子一天意外靈魂離開了肉體,由於找不到肉體,她只好被當作「往生」 而被死神帶走。正和不甘這個結果,決定查出原因並走到黃泉拯救妻子,當中也涉及了前世今生、好人有好報的道理,詳細的也不多說了。這一段充滿科幻元素,不得不讚的是製作一流,每個場景、CG做得相當細緻和迫真,但話雖如此,這段並不是我的最愛。即使在預告上全是這一段的內容,但整體感覺較為倉促,有點硬要放這段進去的感覺,相比之下我更喜歡前兩個的故事。不過亞紀子的信確實是相當催淚… 故事跟我們探討死亡,死神的樣貌設定一點都不可怕,我猜電影想帶出死亡並不可怕這個意思吧。這電影意義深遠,又不失搞笑成份,其中本田先生雙手打圈的動作每次都成功引起哄堂大笑,在歡笑中帶點溫馨。我在這部《鎌倉物語》得到一點心靈治癒,希望你也同樣得到安慰。 在天上的你,過得快樂嗎?

【集思廣益】澳門最齊全自助餐回本攻略!

生活在我城
Cheers!・2018-05-14

澳門自助餐抵食又多選擇,但是要怎樣才可以吃得滋味又盡興?在廣集了各位網友的悉心指導後,總結了五個精華自助餐回本攻略,誓要把這些秘訣無私貢獻給所有人參考! 來源:Rachel Lei 回本策略:『精』、『序』、『節』、『值』、『特』 1.揀得『精』:首先要留意食物分佈!海鮮區通常特別搶手,每樣品嚐一二,加起來價錢也不算少。 2.有順『序』以少量蔬果、沙律開胃☞海鮮冷盤☞熱盤區☞甜品 3.懂『節』制每種食物只拿小份,可以試多些花樣 4.附加價『值』除了食材的本身價值,餐廳環境、景觀、服務等帶來很好的用餐體驗,也算是值回票價。 5.必食『特』定菜式餐廳推出不同主題的自助餐,當然要集中目光在特定菜式上,因為這些一定是當季的精華! (小編:每段精選出一字重點,一目了解,簡單易明!) 來源:Chan Mei 不可同情人去 因為有情飲水喝 不化算😂 按照順序分層進食 1水果→生鮮→海鮮→肉類→沙拉→主食→ 雪糕。 吃自助餐最忌大雜燴,盡量少喝飲料,一定不要喝碳酸飲料。 如果吃完第一輪還未飽,可以從頭進行第二輪,食到被趕出去😂 (小編:看到第一句「有情飲水飽」忍不住笑了!但是如果不和情人去回家會不會要跪鍵盤?) 來源:Sean Choy 我食自助餐回本秘技就係好好享受。我覺得食自助餐係整個配合... 可以在五星級酒店享受舒服的環境與一流的服務,和親愛的家人朋友一邊把酒談心,一邊品嚐最喜歡的美食 (我就最喜歡食海鮮,可以食各地特色蟹腳、龍蝦、生蠔😍),唔係只係食,仲欣賞到其他國家的烹調方式,好似用鐵桶海鮮配特色醬汁,就已經值回票價。在繁忙的生活中,輕輕鬆鬆,拋開煩惱,享受一餐自助餐已好難得!! (小編:無論甚麼時候,和朋家家人開開心心吃一餐飯,放鬆心情去享受是最正的~) 來源:Rita Kuok 食自助餐當然要有極為強大嘅攻略先回到本啦! 食自助餐前三日一定要食得夠清淡,目的係為左清腸胃,到食自助餐當日就淨係食流質野,最好就咩都唔好食,成日無食野有小小見暈😷好正常嫁,無事嘅!死唔去嘅! 終於涯到晚黑,美食去到口唇邊啦,鬥志就會立即被燃燒起黎!入左餐廳後記得立即環顧四周,視察場地,了解每種食物嘅位置,為接住落黎嘅出擊做好準備。 最好就叫餐廳安排接近主食嘅位置,方便視察軍情,因為主食通常都係自助餐嘅最大賣點所以一定好快俾人攞晒,坐係主食附近就最方便,一見到主食補貨立馬出手,最好帶晒黑超唔好俾其他對手發現自己一直望住主食區,咁就萬無一失。 食到咁上下開始飽飽地,唔好放棄!!!同同行者傾下計,去下廁所排返啲野出黎,又肚餓啦,又再次駁殺啦~~!記得係食嘅過程中去多幾次廁所,騰多啲空位出黎食更多嘅野。 最重要嘅一點就係堅持!就是勝利!唔好放棄!! (小編:沒想到自助餐前三天已經要開始準備,不求最飽但求更飽,堅持就是勝利Yeah!) 來源:Paul Choi 依小弟之見,我認為食自助餐回本不外乎幾個地方要注意,當然喺食之前仲要清楚今次係食乜,即係食物種類嘅多寡啦,要本住"餓到要扶住柺杖入,飽到要人扶住出嘅精神"。再落嚟分別就係策略、位置同隊友: 先講講策略,簡單而言,我會分為前、中、後期去執行: 1. 前期:食之前做好資料收集,食小小水果開胃先,再嚟就係貴夾唔飽嘅食物食起,例如係魚生等一啲生鮮嘢食,因為通常呢啲一般餐廳都會算貴價嘢。但千其祈千祈唔好飲飲料,尤其係汽水,因為會極速令肚裡面嘅小森林帶來一場雷暴。仲有仲有,凍嘅嘢飲都切記少飲為妙,原因係熱脹冷縮,唔係仲要教吧 :) 2. 中期:當貴夾唔飽嘅生鮮食完後,就可以開始食海鮮,蠔呀、龍蝦呀,總之就胃口大開嚟食。食到悶悶抵就可以開始進入肉類時間,亦即係豬、牛、羊,至於鐘意食咩同食邊種先,就睇吓你係人係鬼啦 ! 查實中間大家都可以飲少少水,最好就茶啦當然,因為會幫助消化, 又或者係覺得有飽肚感越來越強嘅時候,不彷行兩圈再戰,如果想去廁所,千其唔好因為要行而唔去,因為能夠放底嘅做咩要繼續carry呢?咁其實食到呢到我相信大家戰鬥力最多得返3成不到~~ 3. 後期:可以進入甜品系列作為今次暴食之旅嘅尾聲喇,切記係你真係食到飽先好食,因為甜品係2個胃,只限於再食甜品先有用,而喺你食嘅過程中,肉、海鮮呢類珍品已經不屑一顧,因為你已經食唔落。 4. 再落嚟幫大家總結一下大概嘅流程啦,水果>生鮮>海鮮>肉>菜>甜品 5. 仲有切記唔好飲汽水,因為佢嘅存在,就好似喺一盤新鮮嘅魚生上加咗醋一樣,失色不少 !! 其次講講位置:我建議大家可以由兩個角度出發揀合適嘅位置,一係近出菜嘅方向,或者係幽靜偏僻嘅位置。首先講講近出菜方向嘅好處啦,執輸行頭必過敗家呢句揀直完美演繹咗呢個狀況,原因係即時廚房出任何餐點,包括一啲限定嘅餐點,呢個位置都可以保證你立喺不敗之地,令你永遠有食唔完嘅滿足感;其次係點解揀幽靜嘅位置呢?仲要最好可以坐到變化石都冇人知嘅位就最perfect喇,因為即使你人前係一個幾有儀態嘅人,喺呢個moment,就算你食到暴龍開餐咁都一樣冇人睇到。所以,揀一個合適嘅位置絕對影響住你進膳嘅節奏。 最後講講隊友:當然,隊友食幾多同食自助餐感覺上好似冇乜大關係,之所以話揀個啱嘅隊友,除咗可以令進膳時枱上氣氛唔一樣外,亦都關係住食物種類嘅多寡,試諗吓,一個人一雙手,一個口,可以拎到幾多?食到幾多?更重要係就算中咗伏,都可以有人share,咁會大大降低不必要嘅戰鬥力。 最後嚟總結一下先,其實講咁多,都只係想話比大家聽我除咗對食有一種執著之外,仲有就係我係一個連自助餐都食唔起嘅窮L,唔係因為咁,我洗打咁大段字出嚟。anyway,希望大家食得開心 ! (小編:這位網友文采絕對五顆星,除了內容有質量之外,而且還毫不客氣寫下一篇千字文,小編甘拜下風!) -------------------------------- 看了這麼多自助餐的回本攻略,大家又學到幾多?下次去吃自助餐的時候也不妨一試! 更多自助餐攻略:澳門最齊全自助餐攻略,必食人氣推薦!

【澳門】路環黑沙龍爪海岸徑 ~ 澳門的「黃金海岸」 都市繁囂外的醉人風光

生活在我城
80後愛旅行✈️・2018-05-14

作為土生土長的澳門人, 80後愛旅行經常周圍走, 分享不同地方的旅遊資訊給大家 但...我竟然沒有為大家分享過我的家--澳門的景點 (該打!) 😩 今次我就為大家介紹澳門的「黃金海岸」, 路環黑沙龍爪海岸徑 「黑沙龍爪角海岸徑」位於路環黑沙龍爪角的黃金海岸, 起自黑沙海濱馬路, 終於竹灣別墅群, 屬於一線式的步行徑。 ⭐附近還有另一條不是沿海的步道, 叫「黑沙龍爪家樂徑」, 大家不要走錯!⭐ 我們走的是沿海的「黑沙龍爪角海岸徑」 在澳門, 我們當然是開車去啦~ 🚗 由於龍爪角海岸徑屬於一線式的步行徑, 就是不能走一個圓形回到終點 所以開車來的話要走來回才到回到最初停車的地方。 我們把車開到上圖🔸C33的外圍, 就是黑沙海濱馬路那邊 停好車後, 就往右上方走, 就是「黑沙龍爪角海岸徑」的入口 「黑沙龍爪角海岸徑」全長1200米, 全程都是沿海步道, 可以好好欣賞澳門的海岸線 像我們接近黃昏的時間來, 更能看到日落的美~ 🌄 今天天氣真好, 但也迎來涼涼的海風, 非常適合行山! 開始囉~ Go~ 🚶‍♀️🚶 澳門民政總署對海岸徑持續進行優化工作, 包括沿途設置介紹牌, 更換海岸徑的圍欄等, 有關工程在2017年完成。 所以現在我們走的「黑沙龍爪角海岸徑」可謂是重新粉飾, 非常新淨的~ 沿途看到有很多岩石, 不少「釣魚客」都會走下去垂釣一番。(危險動作切勿模仿) 身為土生土長的澳門人, 完全沒想似過有這麼的一個地方可以看到澳門美麗的海岸。 很多人都問: 為什麼澳門人這麼愛旅行, 我們都會回答, 因為澳門太小沒什麼好玩的。 我們都着重於找尋世界的風景, 卻忘記了發掘自己家裡的美景~ 海岸線對岸的是鷺環海天度假酒店, 前身為路環威斯汀度假酒店~ 拍下標距柱~ 果然我們才剛開始走呢...😅 「猿人石」 猿人石是在「黑沙龍爪角海岸徑」前的海角, 無論從東向西看還是從西向東看, 都像歛足坐着的駱駝, 是澳門地區現存最大的像形石。 其中西南面一部份, 形狀似猿人頭像, 故名為猿人石。 繼續往前走, 可以見到遠處有個伸延到海上的涼亭, 叫「聽海軒」, 名字真美~ 🏯 可惜是「聽海軒」正在整修, 無法進內。 如果能在「聽海軒」內看日落, 風景一定很美 「黑沙龍爪角海岸徑」沿途都有不少美麗的花朵 (路邊的野花不要採🌻🌼) 不知不覺已經由 1-08-01 走到 1-08-05 了, 已經走了1公里囉~ 走著走著已經黃昏日落了~ 為海岸徑抹上一片晚霞, 澳門的黃昏真的可以這麼美! 😍 看到這個圓環, 代表已經走到下圖🔸C31下方的分叉路, 到達「竹灣豪庭」 我們就走到這裡作終點, 再原路往回走。 如果要坐巴士的朋友, 就走走到上圖🔸C31的地方, 再往大馬路走就會見到巴士站 🚏 原路往回走, 夕陽下的海岸徑~ 🏞️ 享受著海風吹拂, 眺望著大海, 真寫意 ㊙️ 我們也走到岩石上, 更親近大自然 (危險動作切勿模仿) 海水從岩石間湧進來, 浪還蠻大的, 真的要小心! 澳門美麗的黃昏 💕 「黑沙龍爪角海岸徑」沿途擁有奇岩異石 和 豐富的海岸生態 真的非常適合一家大小 或是 三五知己來步行 我們研究了這條步道很久😂 要爬過岩石才能走到樓梯上🤣🤣 旁邊也沒有路來可到達的...😅 我們慢慢走, 又走走停停的看風景和拍照 📷 花了1個半小時來回了這個「黑沙龍爪角海岸徑」 最後我們走回🔸C33對開的地方拿車囉~ 🚌🚌🚌 如果是坐巴士來的朋友, 有兩個方法: 1️⃣ 乘搭 15、21A、26A 和 N3 號巴士在海蘭花苑站落車, 往對面沿黑沙龍爪角海濱馬路步行約7分鐘即到龍爪角海岸徑入口 2️⃣ 乘搭 15、21A、26A 和 N3 號巴士到竹灣豪園-1站落車, 向前行去竹灣馬路及黑沙兵房路交匯處即到龍爪角家樂徑出入口, 再往海岸徑方向走 黑沙龍爪角海岸徑 👣 黑沙龍爪角海岸徑: 澳門黑沙龍爪角海濱路 ⏰ 全日開放 檢視較大的地圖