文章列表

打動女士心！ HTC U11 EYEs雙自拍鏡頭手機

手機‧電玩
Cheers!・2018-01-24

HTC 2018年第一部手機 HTC U11 EYEs 終於登場啦！今次推出的HTC U11 EYEs主打女性市場，但在外型上、18:9 的螢幕比例、防水防塵認證及Edge Sense等等的特別功能都與旗艦機 U11+ 一樣，中階機價（價錢：$4,020）就可以享有同旗艦機一樣的功能。 全城至LIKE艷陽紅水漾玻璃機身 講下外表先，由於主打女性市場，所以今次的顏色都以「豔陽紅」紅色為主打，而HTC U11+ 從未出過此色系，配合水漾玻璃的表面美觀之餘，更提升拿捏手機時之舒適度。另外仲有炫藍銀及極鏡黑合共3隻顏色可供選擇。 獨有前置雙鏡頭連旗艦級別UltraSpeed主鏡頭 能夠攻陷女性市場一定與拍攝有關。HTU U11 EYEs的前置雙鏡頭配置三項強大功能：HDR Boost、全新實時景深模式及美膚模式，隨時隨地拍出靚靚自拍照無難度；再加上內置大頭貼功能，不需用其他手機程式都可以為您的照片增添歡樂，十分討好！ 景深模式可於拍攝前後隨時調整自拍照之景深 設有十段美膚模式，讓您的臉拍得更光滑自然 官方更會於稍後推出AR 貼紙，玩味十足，只需透過軟體更新就可以體驗啦！ （影片取自官網） 而主鏡頭為1,200萬像素（HTC UltraPixel 3 with 1.4µm點數），配合UltraSpeed自動對焦、F1.7大光圈、HDR Boost、光學穩定技術、BSI 感測器、可拍4K影片連Hi-Res Audio高解析度音效。 嶄新！更便捷臉部辨識解鎖 前置雙鏡頭除咗可以拍靚相外，更可以用作臉部辨識解鎖功能。搭配HTC獨有的Edge Sense邊框感應只須單手輕握手機兩側，即可啟動臉部辨識解鎖，十分方便。 （圖片取自官網）獨有Edge Sense邊框操控功能 講起Edge Sense邊框操控功能，只需用單手輕輕握手機兩旁，即可輕鬆打開應用程式、或進行拍照或錄影、播放音樂等功能，超級方便。 Instagram（影片取自官網） Google Music（影片取自官網） 《出機小貼士》 想用超抵價購買HTC U11 EYEs？依家只要去CTM申請$198 / 2GB本地月費計劃，即可以超抵價$580購買！仲可免按金及享24個月「TVBAnywhere」流動應用程式；「尊壹會」會員及「大豐 CTM Visa Signature 信用卡」客戶更可尊享淨機88折！立即出機啦！

「看現在，展未來」 資訊科技教育展 展出澳門電訊創新電子教學應用

專題報導
Cheers!・2018-01-24

澳門電訊積極配合政府在「互聯網+」時代下發展創新的互動教育模式，致力推動「數碼校園」的發展。由教育暨青年局舉辦、澳門電訊協辦的「看現在，展未來」資訊科技教育展於教育資源中心子瞻廊舉行，向市民展示互動教育的實際操作，分享前沿、創新的電子學習模式以及相關資訊。 澳門電訊於展覽中介紹了本澳創新的電子教學應用，並設置互動教材體驗專區，讓參加者感受課堂上運用互動電子教材的實際情況，體驗課堂的化學實驗、透過互動遊戲去認識心臟結構等電子教學的樂趣等。創新的電子教學應用為培養具備自主學習、計算思維、創新創造力的學生提供可行的教學模式，推動資訊技術與教育的深度融合。 「看現在，展未來」 資訊科技教育展由即日起至2月3日舉行，歡迎各位前往教青局轄下教育資源中心子瞻廊參觀。

（有片）祖藍現身加持！全球首個 AR 及 VR 大型恐龍互動展

娛樂殿堂
Cheers!・2018-01-23

繼早前 「CTM x Samsung Galaxy Studio」體驗館之後，新濠影滙再續 VR 熱潮，由即日起至 4 月 15 日舉辦「賞金尋龍」大型恐龍互動展，除了將 24 隻稀有恐龍品種以實物比例 1:1 展出，又透過 AR（實境技術）及 VR（虛擬實境技術）將酒店變成史前世界，讓觀眾重返恐龍時代！ 「賞金尋龍」展區橫跨整個新濠影滙，由時代廣場入口、廣場中間延伸至酒店大堂，都放有多條大型恐龍，部份更識郁識叫，臨場感十足！展覽由 Globe Creative 策展及設計、香港大學專門研究恐龍之古生物學家文嘉棋（Michael Pittman）教授擔任顧問，而 Michael 受訪時更提到，恐龍身上的羽毛並非裝飾，而是最新的研究發現，大家記得留意啦！ 恐龍原來有羽毛，長知識！ 「特暴龍」身高可達 10 米、牙齒天生為鋸齒狀，屬其中最為殘暴兇狠的恐龍！ 生性溫馴、7 米高的「長頸腕龍」則位於酒店大堂。 每隻恐龍附近都有份「外觀報告」，小朋友同大人都可以從遊戲中學習。 流動科學實驗室 以 Hologram 技術展示「伶盜龍」的孵化過程，從而想像到「伶盜龍」如何由破蛋而出的小恐龍演變成可怕的肉食性恐龍─「伶盜龍」獵食時先用爪子突襲獵物的腹部，然後撤回安全的距離，等待獵物流血至死！ 「恐龍出逃」展區 透過綠幕，觀眾可以盡情施展演技，即場拍一條科幻特技大片！除此之外，2 月開始購物大道將設置「恐龍現形」展區，透過逼真的 AR 技術讓大家見證霸氣十足的「特暴龍」由骸骨幻化成恐龍，再單挑兩隻性格勇猛強悍的「恐爪龍」；至於 VR「與恐龍飛翔」之旅，亦將於 2 月同步面世，屆時大家可於半空中與飢餓的「暴龍」正面接觸，繼而陷入一場緊張刺激的追逐戰。 「賞金尋龍」大型恐龍互動展 地點：新濠影滙 時間：即日起至 4 月 15 日 第一階段：1 月 10 日至 4 月 15 日 第二階段：2 月至 4 月 15 日 網址：studiocity-macau.com Green Screen Dino Experience 恐龍互動體驗 體驗時間：1 分鐘 開放時間：12:00 – 20:00

貳拾年・小肥：唱歌令我有自信

人物專訪
Cheers!・2018-01-19

小肥，原名徐智勇。是個土生土長澳門人。由「C-plus」到「小肥」，唱足 20 個年頭，然而作為一個澳門歌手，能夠踏入香港樂壇，小肥可謂第一人。可是充擔「先頭部隊」要面對坊間幾多個負評、乘載多少澳門歌手的希望，壓力可想而知。但眼前這位「少肥」大男孩，仍然堅持唱好歌。 下一篇：小肥快問快答：最肥嗰時 200 磅 …… 左右 自從「破咗處」　令我有返信心 短短 30 分鐘的訪問，小肥多次提到，是唱歌令他找到自信，是唱歌改變了他內向的性格。「由以前匿埋唔講嘢，到依家做訪問可以兜到去外太空。」至於他開始唱歌的契機，原來是因為《李香蘭》，「中學嗰時有個 Miss 要走，有啲活躍份子就搞 Karaoke 同 Miss 踐行，唔知點解夠膽死點隻《李香蘭》。自從呢次『破咗處（指第一次在眾人面前唱歌）』，就一路都有參加（歌唱）比賽，慢慢開始有人搵表演。發覺自己由一個每個禮拜六日無街去，匿喺屋企嘅小朋友，變成每個禮拜都會有比賽，又參加歌唱班。唱歌令我充實咗，朋友識多咗，連帶書都肯讀咗，因為你覺得自己得咗！」就是這一次的「公開演唱」，開展了小肥的歌唱生涯，澳門樂壇亦有了（鍾楚霖、徐智勇）這個雙人男子組合。 （網上圖片） 出道廿年　單飛十年 單飛，或多或少帶點眨義成份。不過在小肥的字裡行間可以發現，這次「單飛」，是希望澳門的歌壇可以飛得更遠。 小肥隻身赴港發展之前，其實已有多間香港唱片公司接觸，最後選定 Paco（金牌大風），全是鍾楚霖（下稱小霖）的決定。「咁啱香港歌壇想搵啲唱得嘅，唔係好講求外表嘅，但嗰時我哋（C-plus）有一個條件，就係想去到香港都係組合，所以前幾次都傾唔成。其實 Paco 嗰次都係咁，佢覺得組合難做。」即使面前是香港大名鼎鼎的金牌經理人 Paco，被他成功捧上一線歌手地位的，有劉德華、郭富城、楊千嬅、古巨基、側田等，但對於小肥來說，始終友情大過天。「成件事決策放棄（組合）嘅係小霖，我咩都比晒佢諗嘅，我話『你覆 Paco 啦，你 Say No 我無問題。』咁佢（小霖）諗咗陣，就決定『你單飛，簽比 Paco；我返嚟棋人搞。』」小肥繼續補充，C-plus 從未解散，只是各自專注做各自的事。 小肥在多個公開訪問中，亦表示 Paco 是他的伯樂。（圖片取自小肥 facebook） 闖蕩港澳　小肥眼中的娛樂圈風雲 然而對於第一位在金光綜藝館開演唱會、第一位勇闖香港歌壇的澳門歌手，並且在澳門和香港歌壇各發展了十年的小肥，的確別有一番領會。「澳門通常都係業餘歌手，嗰時有個Event唱完歌返嚟（公司）仲要整 Poster，好多嘢都自己搞，嗰隻 MD、MMO 都係自己搞，化妝整頭無㗎啦；喺香港（做歌手）係 Full time market，所以基本上你顧唱歌得㗎喇，坐喺度就有人幫你化妝，車又有人會安排，去到邊都有人幫你跟。」 可幸的是，經歷過如此「皇帝級享受」嘅小肥，依然平易近人、有禮貌、零架子。 小編和攝製隊一致認為小肥平易近人又有禮貌。 新碟《睡前服》　癲覆唱片公司套路 2016 年小肥結束了和「太陽娛樂文化」的合約，決定回澳發展自己喜歡的音樂，並全力創作新專輯《睡前服》。「我諗現今成功嘅唱片公司老闆都唔會同自己員工講做多啲 K 歌，因為 K 歌喺依家未必再成功，媒體都變晒啦，甚至依家都少咗人去唱K啦。與其無規則，不如做返自己鍾意做嘅嘢。」所以新碟的每首歌都是貼地而坦白，何以坦白？「舉個例子，《寵物》係離地唔誠實嘅，因為《寵物》係兵歌，為咗愛情寧願做隻貓做隻狗，我嘅愛情觀唔係咁㗎嘛。」換言之，新碟的每一首歌、合作的班底都是小肥欣賞和識於微時的音樂人，例如龍世傑、6 號@RubberBand、李拾壹、盧凱彤、側田、藍奕邦等，每一粒音都是「真・小肥」。 採訪當日，小肥就率先透露即將在 2 月 11 日舉行的《小肥不再孤單演唱會》的嘉賓名單，除了會有部分參與製作新碟的音樂人，亦會有出乎意料的驚喜。大家不妨將口中一句句的加油，化成買飛入場睇演唱會的實質力量，為一個努力了廿年的實力派歌手打氣。 小肥話開演唱會體力好重要，一定要做運動健身。（圖片取自小肥 facebook） 演唱會詳情： 活動 澳門電訊榮譽呈獻：小肥不再孤單演唱會 日期及時間 2018 年 2 月 11 日（星期日），晚上 8 時 場地 澳門威尼斯人 金光綜藝館 票價 澳門幣 / 港幣 880元 （VIP 區） 澳門幣 / 港幣 680元 （A 區） 澳門幣 / 港幣 480元 （B 區） 澳門幣 / 港幣 280元 （C 區） 金光票務：www.cotaiticketing.com 售票處： o 澳門巴黎人 – 一樓正門大堂售票處 o 澳門威尼斯人 – 金光綜藝館及酒店正門大堂售票處 o 澳門四季酒店 – 百利宮™售票處 o 澳門金沙® – 一樓售票處 o 金沙城中心 – 喜來登酒店正門及假日酒店正門售票處 電話訂購： o 澳門熱線：+853 2882 8818 o 香港熱線：+852 6333 6660 o 中國內地免費熱線：4001 206 618 澳門廣星傳訊 網上訂購：www.macauticket.com 門市據點資料請瀏覽：www.macauticket.com/TicketWeb/ServiceStations.aspx 電話訂購：+853 2855 5555

【微辣 x 非常大學生】 電視兒童常識問題比賽！

人物專訪
Cheers!・2018-01-12

小編上星期同微辣、非常大學生玩完呢兩個 Games，喉嚨痛足一星期！ 是咁的，自從 TVB Anywhere 登陸澳門後，唔少 TVB 經典劇集同遊戲節目都可以即時重溫。小編乘機搵嚟風靡 80、90、00 後嘅微辣同非常大學生，以「超級無敵估歌仔」同「超級無敵馬拉松」兩個經典遊戲 PK，輸咗就要犧牲色相扮醜，Any 肥無論點都好，吞妹始終都係小編心目中嘅女神️️️！ 新申請指定 4G+ 月費計劃享 24 個月 TVB Anywhere 流動應用程式，隨時緊貼熱門韓劇！ 📣 光纖優惠詳情：https://goo.gl/2L3RdM 📣 4G+ 月費優惠詳情：https://goo.gl/v9wdNy TVB Anywhere 賣點全面睇：https://goo.gl/1SF8Ha

【Show前專訪】 舞台華麗背後 ── 星級妝髮師 Maza & Kim 的 Working Holiday

人物專訪
Cheers!・2017-12-29

一個 3 小時、齊集 30 多位來自港、澳及韓國的藝人和 Dancers 出席的「TVB Anywhere 澳門電訊星級娛樂服務啟動禮」。舞台上每位藝人的星光熠熠，全靠著這 10 多人的妝髮團隊「Kim Maza Styling」打造。小編趁著開 Show 前深入後台，找來化妝師 Maza（左）和髮型師 Kim（右），以 30 分鐘的採訪時間，帶大家窺探每位藝人的華麗背後。 「通常接 Event 都唔會有多過一個月時間準備，首先要追咗人物、主題先，好似呢個 Event，要先知道幾多個人、幾多個鐘，要預幾多人做嘢。然後追問對方想要咩效果，好似普通紮一隻簪，同 Set 一個藝術品（髮型），時間已經差好遠。」的確，採訪當日，他們就針對出席的藝人，像是田芯妮、陳展鵬等，做了大量資料搜集（現場有一堆印有藝人肖像的 A4 紙），「要搵多啲 Reference，知道佢哋喜好、上鏡角度，就好似睇醫生咁，都要知病歷，食過咩藥。」事前功課做到足。 「TVB Anywhere 澳門電訊星級娛樂服務啟動禮」當日星光熠熠，包括 TVB 視帝、視后級人馬陳展鵬、田蕊妮，還有陳敏芝、黃智雯等，非常熱鬧！ Maza 表示：每次接 Event，就好似一齊去 Working Holiday 咁開心。（圖片取自受訪者 facebook） 問到 Maza 和 Kim 如何面對這種大型活動的壓力和體力，他們竟然用「Working Holiday」來形容這場分秒必爭的「計時賽」：「我哋幾百人、幾千人嘅 Event 都做過，好開心㗎，我哋永遠都唔會當一個Job咁接，而係好似一齊去 Working Holiday 咁，處於興奮狀態！」 Maza：細個唔玩玩具，就係砌香水玩眉筆。 14 歲，正值反叛的青春期，正如小編一樣，當大家放學後流連機鋪，Maza 就拿起眉筆，開始學化妝。「媽咪係 70 年代化妝師，屋企開女士用品專門店，所以細細個就接觸一切關於美嘅嘢，指甲啦、香水啦、Facial 咁。」Maza 的成功，不盡是贏在起跑線，但在媽媽的潛移默化下，年紀輕輕已經找到一生所愛。 不少本地藝人都找來「Kim Maza Styling」合作。 至於入行 17 年的 Kim，從小就非常喜歡去 Salon，享受「被人整（髮型）」的感覺。於是決定從髮型屋的學徒起步，由低做起，然後不停參加比賽來增強自己的技術。「參加比賽首先要有齊髮型師的所有技能，但要達標就要操練，因為比賽時間有限，而且緊張就會手震，所以要多啲練習，熟能生巧。」Kim由 2001 年開始參賽，直到 2010 年退出，之後就開始教學生涯。 採訪時 Kim 話不多，工作起來非常專業。 Kim：個頭鬆到咩位，全部都要計。 網友說：「論髮型的重要性，堪比整形。」小編劈頭就向 Kim 請教自己的髮型問題，但 Kim 的回答卻超乎小編所料：「要視乎場合，然後針對頭骨、面形作調整配合。例如頭扁就靠改變頭髮方向，要整鬆個頭，但鬆到咩位置，全部都要計數。」如此專業的答案，可見 Kim 對髮型的執著和認真。 零配合的默契 妝髮同步，在小編的腦海中，畫面只得「混亂」兩個字。當問到 Kim 和 Maza 如何培養彼此間的默契，他們竟然異口同聲表示：「真係無夾過喎。可能見到我畫眼線佢就會唔郁得咁大，我見佢噴嘢（造型產品）我就唔唞氣。」Kim 又補充「佢痴緊眼睫毛或者畫嘴唇，咁我就整其他嘢。因為大家都係比賽出身，對時間掌握得好好。」就是這天衣無縫的默契，一位客人的妝髮，廿分鐘搞掂。 入行要三心兩意？ 萬事起頭難，問到 Maza 和 Kim 對於妝髮師在澳門的發展，他們卻一致表示：「（澳門市場）容得落！例如一個婚禮，除咗新娘，仲有屋企人、姊妹，至少都要 5 個化妝師，依家澳門仲有好多 Event，所以鍾意就入行啦。」髮型亦一樣，「只要有心做，就一定會有人搵。」不過，他們亦建議想入行的新人必須具備「三心兩意」，「三心」即「細心、專心、耐心」；而「兩意」則是「鍾意、心意」。 Kim Maza Styling 網址：https://www.facebook.com/KMS.MC/

（有片）傳媒場率先睇！仙樂飄飄處處聞音樂劇________同場加映：專訪棋人　20位港澳小演員篩選過程

音樂聯合國
Cheers!・2017-12-21

經典百老匯音樂劇《The Sound of Music》（港澳譯：仙樂飄飄處處聞）於 1959 首演，至今已經超過 50 年，當年的女主角 Julie Andrews 亦由少女變成成熟婦人。年華易老，但劇中的首首主題曲如《Do Re-Mi》、《The Sound of Music》、《My Favourite Thing》、《Climb Ev’ry Mountain》、《Sixteen Going on Seventeen》等至今仍然是朗朗上口的金曲，經典不敗！ 當年音樂劇的女主角 Julie Andrews 亦由少女變成成熟婦人。（網上圖片） 故事講述風趣可愛的女家庭教師瑪利亞真實而且感動人心的故事。她用音樂改變了喪妻的 von Trapp 上校和其七名子女的生命，並最終於第二次世界大戰爆發期間帶領他們越過奧地利山谷逃到安全的地方。 20 位港澳小演員參演 值得一提的是，澳門版本的《仙樂飄飄處處聞》月前就在港澳兩地公開招募小演員，在 300 多名小朋友中選出了 20 名能歌善舞的小演員飾演劇 von Trapp 的孩子。 小編就和安排招募小演員活動的棋人娛樂製作（Chessman Macau）的負責人 Lawrence 做了一個電話訪問，了解從篩選到排練過程的點點滴滴。 Q=小編　A=棋人 Q：好多人對澳門小朋友嘅印象都係怕醜、細膽，當初決定喺澳門徵選小演員，有無擔心過無人報名呢？ A：其實當初真係擔心啊，但無諗過反應咁好，澳門小朋友參加試鏡就有差唔多 200 人，香港百幾人，其實以比例計，反應真係好好。 Q：選中嘅 20 位小朋友，有幾多位係澳門人呢？ A：7 個澳門人（Angelo Sebastiao Ng Rodrigues, Trinity Wong, Pilar Monteiro dos Santos, Matilda Griffiths, Jamilah Mollaian, Carolina Monteiro, Franky Murphy），13 個香港人（Felicity Low, Peony Sham, Casey Lee, Chryso Hon, Ellabelle Purcell, Katie Shek, Tiffany Tsang, Chase Smith, Nicolas Yu, Freddie Fawcett, Emilia Oliver, John Hardy, Alex Hardy）。 Q：音樂劇製作團隊對於小演員嘅篩選條件主要係咩呢？ A：主要有幾樣嘢，包括面部表情、膽量、音準、肢體表演同埋英文對答能力。喺試鏡過程，就發現好多小朋友好認真好主動，亦有小朋友知道自己選唔中當場爆喊。 Q：11 月中開始訓練，12 月就演出。排練過程有無小朋友受唔住壓力想放棄？ A：其實佢哋好開心喎，因為排練過程同專業團隊一齊，其實大家就要達到水平一致，所以小朋友都好認真排練，覺得好開心。而且好多家長都希望可以有多啲機會，比小朋友參與國際級嘅表演。 在傳媒優先場當日，就有 6 位小演員接受傳媒採訪，年紀輕輕但對答如流，毫不怯場，大家一齊去片啦！ 仙樂飄飄處處聞 上演日期：2017 年 12 月 20 日至 2018 年 1 月 7 日 地點：威尼斯人劇場 票務詳情：https://www.venetianmacao.com/entertainment/sound-of-music.html

澳門星級組合！TVB Anywhere 賣點全面睇

專題報導
Cheers!・2017-12-19

作為一個標準電視迷， TVB 的劇集簡直伴我成長，「電視撈飯」可謂小編的兒時寫照。日前，澳門電訊 CTM 攜手香港電視廣播有限公司 TVB，將 TVB Anywhere 引進澳門，從此以後，咱們再也不用 BT 煲劇了！ 正如澳門電訊商務副總裁湛寶儀所講：「澳門播放正版視聽內容最大的問題是版權費，始終澳門市場比較細，要引入韓劇、台劇、內地劇等成本很高。另一方面，亦希望多一個平台可以讓本地從事娛樂事業、藝術者，將自己的表演或製作面向世界。」 賣點一：澳門專享「韓劇台」 韓流熱潮持續發燒，所以 TVB Anywhere 亦提供港澳專享的「韓劇台」，多套熱門韓劇如《再一次初戀》、《藍海傳說》等，一 Click 即睇！ 韓劇當道，TVB Anywhere 就提供多套韓劇，滿足一眾哈韓族。（網上圖片） 《TVB Anywhere星級娛樂耀澳門》晚會上，亦邀來韓國男團 APL 到場勁歌熱舞。 賣點二：超過 10,000 小時 TVB 及外購節目 TVB Anywhere 的另一賣點，就是可以緊貼香港播放的 TVB 節目，就算 Miss 咗一、兩集都可隨時隨地重溫，啱晒鍾意煲劇嘅大家。除此之外，亦有多個外購節目供大家選擇。 小編親身試用，發現「兒童精選」除了囊括多套卡通片，連《兒歌金曲頒獎典禮》都有，咩回憶都返晒嚟！ 賣點三：12 條直播頻道 TVB Anywhere 更囊括 12 大直播頻道，包括翡翠台－國際版（香港時區）、TVB新聞台、娛樂新聞台、功夫台、TVB直播台、TVB電台、TVB星河、通識台、粵語片台、韓劇台、神州新聞台及TVB8。 「TVB Anywhere澳門電訊星級娛樂服務啟動禮」當日，TVB 不少花旦小生亦有出席撐場，場面盛大。包括視帝、視后級人馬陳展鵬、田蕊妮，還有陳敏芝、黃智雯、蔡詩貝、何廣沛、多位應屆港姐、女團組合 Super Girls、韓國男團 APL 以及微辣藝人豪 DEE、雲吞與 Sulin，現場星光熠熠！ TVB Anywhere免費送？ 新申請或升級光纖寬頻服務，即可免費獲得兩套總值 $4,880 的 TVB Anywhere 設備連 24 個月澳門基本組合。而新申請或升級至 600M 或 1G 光纖寬頻服務的客戶，即可免費獲得兩套總值 $7,380 TVB Anywhere 設備連24個月澳門至尊組合。此外，CTM 亦同步提供 TVB Anywhere 流動應用程式服務，CTM 流動電話客戶申請指定 4G 月費計劃可免費享 24 個月澳門基本組合（原月費$38）。 如欲查詢更多服務詳情，可致電澳門電訊特快專線：66130002 查詢。

優惠大放送！CTM 積分換 Dyson

科技新知
Cheers!・2017-12-05

來自英國嘅神級吸塵機 Dyson 最新型號機款 V8 Fluffy Pro 同三合一風扇暖風空氣清新機 Dyson Pure Hot + Cool link 已經喺 CTM 有得賣啦！只要您係 CTM 嘅客戶，前者以 500 積分再加 $5,300（原價 $6,180）、後者以 500 積分再加 $5,580（原價 $6,680）就可以換購，變相大概打咗 85 折，絕對值得入手！ V8 Fluffy Pro 吸塵機係 2017 年最新型號，齋係吸頭就有五個，除咗原裝嘅軟絨毛滾筒吸頭，仲有二合一細縫吸頭、窄縫清潔吸頭、彈性縫隙吸頭同埋迷你電動吸頭，唔同吸頭針對唔同環境設計，上至天花板嘅灰塵、下至地板嘅髮絲都可以一吸搞掂，堪稱家務好幫手。 軟絨毛滾筒吸頭可同時吸走微塵及碎屑，專為清潔硬地板而設。（網上圖片） Dyson無線吸塵機均可以迅速轉換至手提式，上至天花板、下至地板都可以一吸搞掂。 而Dyson Pure Hot + Cool link一部機有齊空氣淨化、冷風同暖風三大功能。將佢拆開之後可以睇到濾網入面加入咗活性碳，更加有效吸走甲醛同異味。除咗附送嘅搖控器，不妨下載埋 Dyson 嘅專用 App，可作遠距離控制，仲可以監測現場嘅空氣質數添！ 每粒活性碳子注入 Tris 有機化合物，強化過濾甲酫效果，可過濾 99.95% 微粒。 使用 Dyson 專用嘅 App，可以實時監測室內嘅空氣質素，返屋企前先開定暖風，返到屋企就暖笠笠啦！ 至於風力方面，小編分別喺一米、兩米、三米同四米嘅距離進行實地測試，想知效果如何？去片啦！ 想了解更多 Dyson 優惠，立即到 CTM 門市查詢啦！

經典復刻！Nokia 3310 重出江湖

科技新知
Cheers!・2017-11-30

潮流興復古，連手提電話亦唔例外。事隔 17 年（初代 Nokia 3310 於 2000 年推出），Nokia 推出其經典機款 3310 嘅復刻版！外型同初代相似度接近 70 %，但為咗跟上時代步伐，復刻版 Nokia 3310（下稱新 3310）嘅螢幕由黑白改為彩色，更新增影相功能，同時支援 3G 上網，集經典與時尚於一機！ 新 3310 圓咗又扁咗，手感唔錯。（網上圖片） 復古味濃！200 萬像素相機 今時今日，電話鏡頭無不以千萬像素起跳，新 3310 沒有前置鏡頭，唯一嘅後鏡頭亦只配備 200 萬像素，照片質素彷彿回到 10 年前，拍攝效果非常朦朧，但小編就覺得別有一番復古味。 小編搵咗唔少朋友試用新 3310 Selfie，雖然只有 200 萬像素，但小編覺得效果唔錯，大家又點睇？ 上圖為新 3310 和華為 P9 + 相機質量的對比。 貪食蛇變質？只能控制左與右 經典嘅貪食蛇遊戲當然走唔甩，不過新版貪食蛇只有關卡制，操控方向亦由上、下、左、右四個方向轉為只有左右兩個，上手試玩確實有落差。每關限時 30 秒，完成指定目標先可以進入下一關。 雖然遊戲畫面變成彩色，但試玩幾局之後，小編始終鍾情舊版貪食蛇。 電量超強！備用時間多達 27 日 新 3310 使用 1200mAh 電池，號稱待機時間高達 27 日、通話時間 6.5 小時。而且支援 3G 上網，又內建的 facebook、Twitter 等社交網站，但不支援 Wi-Fi 及熱點分享功能，Send 相只能靠藍牙喇。 喺 Opera Mini 瀏覽網址只能利用方向按鈕，玩 facebook 有種穿越時空嘅錯覺。 加購只需 $480 凡喺 CTM 購買 $500 或以上淨機產品，就可以 $480 加購復刻版 Nokia 3310 啦（原價 $590）！

試比你睇！HTC U11+ 單手操機無難度

手機‧電玩
Cheers!・2017-11-24

臨近年尾，各大手機品牌頻頻推出旗艦機款吸客。HTC 亦唔例外，最新嘅旗艦手機 U11+ 將好評不斷嘅 U11 螢幕由 5.5 吋加大至 6 吋；電量亦加碼30%，由 3,000mAh 增加至 3,930mAh。加上配合全新功能「Edge Launcher」，就算手仔細細嘅女士們都能單手操機。 升級版 Edge Sense 同 U11 一樣，機身兩側嘅下半部，各有一個壓力感應器，只要喺「設定」開啟 Edge Sense 功能，每當用力一揸，即可啟動唔同功能嘅快捷鍵，例如影相、啟動電筒等，單手操控非常方便。而 U11+ 更新增「Edge Launcher」功能，長揸即可呼叫出一個快捷圈，用來切換 App、Google Assistant 等，令 Edge Sense 嘅功能更全面。 握力因人而異，而 U11+ 可讓用家自行調校力度，十分體貼。 Edge Launcher 可啟動相機、擷取螢幕、即時錄音等功能。 開啟 Edge Sense 功能後，只要用力一揸，即可擷取螢幕。 強大追焦功能 U11+ 沿用 1,200 萬像素主鏡頭，獲得「DxOMark」相機評分網 90 分的評價，更加入 UltraSpeed 自動對焦功能，同單反嘅技術一樣，對焦效果快而準，尤其拍片時效果特別顯著！ 小編試用其自動對焦功能，一個字：快狠準！ 一揈即可轉換鏡頭 影相或錄影嘅同時，輕輕一揈即可轉換前後鏡頭，而且 U11+ 嘅音箱比 U11 加大 30%，更內建聽覺焦點功能，可以錄低 360 度環繞聲音，令音量同音質更加出色。 《HTC U11+ 出機小貼士》 依家申請三地數據共用計劃 $296 / 3GB，就可以 $2,580 買走 HTC U11+！快啲去 CTM 出機啦！而透視黑版本亦即將推出，請密切留意 CTM 最新資訊。 產品詳情： https://www.ctm.net/cportal/base/public/eshop/mobiweb/mshowProductCatalog.xhtml?cmsmProductId=728&cmsmProdCatId=1 半透明機殼嘅透視黑版本隱隱約約睇到內部零件，勁有科技感！（官網圖片）

【獨家專訪】大賽車番外篇──Sailormoon 戰車之愛情故事

人物專訪
Cheers!・2017-11-24

“因為女朋友鍾意 Sailormoon，我想帶埋佢一齊比賽。” Delfim 的第一個答案，小編就被這段愛情曬到體無完膚。這位 26 歲、第一次參加「澳門格蘭披治大賽車」的 Delfim 以一眾 80、90 後無人不曉的美少女戰士 Sailormoon 打造成參加「CTM 澳門房車賽」的 17 號戰車，「謀殺」了現場不少記憶體。車上除有 Delfim 的中文名「蔡德勳」，還有另一個名字「家敏」。 家敏，就是這段愛情故事的女主角。「家敏好鍾意 Sailormoon，所以我想整（Sailormoon）喺架車度，代表佢（家敏）陪住我一齊比賽。」家敏和 Delfim 識於微時，卻在今年才成為男女朋友。不過愛情的長短並不代表深度，「家敏嘅 Daddy 都係賽車手，所以家敏好明白我，好支持我，比賽哥幾日佢病住都日日嚟支持我。」雖然小編和 Delfim 隔住電話訪問，但都感覺到 Delfim 甜到漏的笑容。 大賽車期間，家敏即使生病仍堅持每日到場撐 Delfim，Sweet 到痺。 Delfim 的家人亦有到場打氣。 一萬人仔　戰車育成 以桃紅為主色調的 17 號戰車，由設計到完成前後花了兩個月，「我想架車有 Sailormoon、我個名、家敏個名同埋公司名。」與車行不停溝通協調，合共花費人民幣 10,000 元，Sailormoon 戰車育成！ 首次參賽　目標達成 「其實由細到大我都好鍾意賽車，加上身邊有幾個車手朋友，今年又儲夠錢就決定參賽。」然而要參加大賽車，並非填 Form 報名咁簡單，資金亦是 Delfim 參賽嘅關鍵。「要港幣 50 萬左右，攞牌之後去內地參加 5 場 FIA 賽事，其中一定要完成 3 場，先可以喺澳門升牌，然後報名大賽車。」 第一次參賽，心情緊張在所難免，不過 Delfim 在星期五（11月17日）的排位賽中突破個人最佳成績，以第 10 名成功進入決賽。「我嘅目標其實只係入到星期日（決賽），因為我係今屆唯一一個新人（「CTM 澳門房車賽」1950cc 以上組別），大家都係前輩，加上又落雨，入到決賽我已經好開心啦。」最後 Delfim 贏得第 13 名的理想成績，亦為下年的賽事打下一支強心針！

女士福利文！大賽車型男特集

節慶盛事
Cheers!・2017-11-23

每年「澳門格蘭披治大賽車」嘅焦點，都放喺一班身材火辣嘅賽車女郎身上，風頭幾乎大過各項賽事嘅冠軍得主。今次小編就反其道而行，為各位 sis 謀福利，特別整理出一篇「大賽車型男特集」。除咗幾位「風一樣」嘅靚仔車手，仲有迷倒萬千少女大媽嘅賽車男模，即刻睇相慢慢欣賞啦。 CTM 已經連續第 15 年冠名贊助「CTM 澳門房車賽」，除咗搵嚟賽車女郎，亦係少有選用賽車男模嘅公司。繼上年笑容甜美嘅外籍孖仔，今年更請來韓籍美男子 Gwon Sik 和 Hwa Seok ，兩位 Oppa 出場即「秒殺」唔少記憶體！ 「澳門格蘭披治大賽車」嘅焦點又點止一班又索又性感嘅賽車女郎？ Oppa 一出場，場內女士歡喜若狂！ CTM是少有選用男Model的公司，引來傳媒爭相報導。（網上圖片） 場外俊男美女爭奇鬥艷，場內亦雲集來自世界各地嘅型男車手。重點是年輕外國選手佔大半數，比賽場內小鮮肉縱橫！！！ 現年30歲，別號「澳門先生」的莫他拿（Edoardo Mortara）就算載上頭盔，幾乎遮蓋全臉，仍然擋不住其超然魅力！（ 圖片取自澳門格蘭披治大賽車官網） 最後莫他拿以不足一秒時間力壓亞軍富林斯，第4次捧走GT世界盃，成為全場焦點。 英國車手伊洛特（Callum Ilott）排位賽得第一名，但決賽時因戰車故障，無緣奪冠，可惜！ 專注的男人最性感。 即使除下車手服，結實肌肉仍然若隱若現。 下期預告！《大賽車番外篇──Sailormoon戰車之愛情故事》 撇開車手與模特兒，場內戰車同樣是鏡頭焦點。今年首次參加「CTM澳門房車賽」嘅澳門車手 Delfim 就以非常吸睛嘅 Sailormoon 戰車出賽，小編同當事人做咗個專訪，先發現一切都是因為愛……

iPhone Master 開講！iPhone X 嶄新功能逐個試

手機‧電玩
Cheers!・2017-11-20

所謂「十年人事幾翻新」，更何況日新月異嘅科技產品？iPhone X 作為 Apple 十周年紀念作，手機裡裡外外均有革命性改變，例如將前後鏡頭升級、改用 OLED 螢幕、植入 FaceID 臉部辨識功能等。今次小編就喺 iPhone X 開賣前，請來 CTM 嘅 iPhone Master Paco，試用其前後鏡頭影相兼播片、又試玩呼聲甚高嘅 Animoji，多角度分析 iPhone X 嘅嶄新技術！ FaceID 附帶 Animoji 動態表情符號，大大提高生活情趣。 睇片比拼 iPhone X 除咗全螢幕設計，更換上 iPhone 系列首次採用嘅 OLED 螢幕。而所謂嘅 OLED 螢幕，即是每個像素會自行發光，簡單來說，畫面嘅顏色會更加鮮豔，對比度亦更高。 不過，就睇片而言，iPhone X 全螢幕嘅長闊比例為 2.17:1，當影片以 16:9 播放時（大多數電影及YouTube片嘅長闊比例皆為 16:9），螢幕左右兩側會以黑色顯示。雙撃至全螢幕時，畫面雖然大咗，但實際睇到嘅畫面內容會因為放大而少咗。 無論正面或側面睇片，iPhone X 嘅螢幕顯示都十分鮮豔。 影相比拼 iPhone X 嘅雙鏡頭排列方式由左右改為上下設計，亦首次將前置鏡頭升級至雙鏡頭，分別是 700 萬像素及紅外線鏡頭，更植入 FaceID 臉部辨識功能。Paco以 iPhone X 嘅前置鏡頭喺室內及戶外自拍，可見 iPhone X 嘅「人像模式自拍」確實略勝一籌。 　 　 尤其喺昏暗環境自拍，更能印證 iPhone X 前鏡頭嘅強大。 TrueDepth 鏡頭可分析超過 50 組不同肌肉動作，以 12 款 Animoji 模擬玩家嘅表情神態。（網上圖片） 101分最強攝影 最近知名相機評測網站「DXOMark」就 iPhone X 嘅拍照功能，給予 101 分嘅最高分數，而綜合評分則是 97 分，排名第二，與冠軍 Google Pixel 只有 1 分之距。 詳細報告請看：www.dxomark.com/apple-iphone-x-top-performer-stills （圖片取自DXOMark） iPhone Master 係咩？ iPhone Master 係由 Apple 公司發出嘅專業認證，而 CTM 亦係全澳唯一一間考取咗 iPhone Master 服務資格嘅電訊服務供應商。所有參與 iPhone Master 嘅同事除咗有豐富嘅銷售經驗，亦要對 Apple 全線產品非常熟悉，而且要通過多重考核，包括網上課程及完成指定功課同考試、個人達到指定銷售額、解決神秘顧客嘅提問同考核。另外，亦要將有關 Apple 產品嘅專業知識傳授比同事，以及解決客戶嘅疑難。 《iPhone X 出機小貼士》 只要喺 CTM 預訂 iPhone X，即可享預訂優惠，包括額外 12GB 數據用量及 $300 指定配件優惠。月費低至 $228，上台機價低至 $0！ 指定信用卡用戶更享驚喜優惠！ 立即預訂：https://iservice.ctm.net/CTMWebForm/cportal/base/public/newphone.xhtml　

雞 Wing 豪 Dee 帶路　試玩「CTM x Samsung Galaxy Studio」體驗館

手機‧電玩
Cheers!・2017-11-15

三星電子（Samsung）上星期（11月9日）進駐新濠影滙澳門時代廣場，首次在澳門開設全港澳最大型的 Gear VR Pop Up 體驗館，將旗下的大熱產品晒冷。開幕當日微辣嘅雞 Wing、豪 Dee 亦率先到場試玩，由港澳首個 Gear VR 4D 雪橇體驗玩到 S Pen，一次過試晒全新旗艦手機 Galaxy Note8、Gear Sport 等新產品嘅嶄新功能！ 場內展有 Samsung 多款最新的產品。 影院式動感射擊遊戲 4D 體驗向來係 Samsung Galaxy Studio 嘅殺手鐧，這個虛擬實境射擊遊戲只要戴上 Gear VR 配動態控制器、坐在左右搖擺的椅子上，就可以一秒飛上外太空。小編睇見雞 Wing、豪 Dee 玩到嘩嘩聲，都咪話唔過癮。 坐在太空船上射撃外星人的同時，還要避開殞石，加上畫面像真度高，超刺激！ Galaxy Fitness 划艇遊戲 這個划艇遊戲至得豪 Dee 歡心，小編問到豪 Dee 的玩後感，豪 Dee 流住汗表示：「我一向推祟健康人生，呢個 Game 結合遊戲同運動，最好同班 Friend 一齊玩，齊齊挑戰體能。」 遊戲一開始，「運動員」要先熱身，然後戴上 Gear Sport 監測心率及運動表現，Gear Sport 可以計算出運動過程中消耗的卡路里，幫助大家 Keep Fit。現場工作人員更表示，每玩一次可以消耗百幾卡路里，女士們仲唔排隊玩多幾轉？ 豪 Dee 同雞 Wing 都以為呢個遊戲好簡單，點知玩咗兩轉就喘晒氣。 Gear VR 4D 高速雪橇體驗 號稱「港澳首個」的 Gear VR 4D 雪橇體驗是場內一大亮點，遊戲的最快時速高達 120 公里，臨場感十足。雞 Wing、豪 Dee 邊玩邊嗌，更大讚「Game入面嘅抽象畫面帶來強勁視覺效果，之前從未玩過！」 用 S Pen 盡情繪畫 除了動感刺激的 VR，現場亦有 S Pen 互動區。先用 Note8 自拍，再以筆觸細膩的 S Pen 繪畫，更可以在自拍照上加入 Sticker，即時投放在場內的大螢幕。 （網上圖片） 除咗有得玩 VR 遊戲，CTM 亦喺現場設置攤位，只要參加「CTM x Samsung Galaxy Studio」網上遊戲，就有機會贏到最新嘅 Samsung Galaxy Note 8、「新濠影滙」酒店住宿、手機折扣等豐富獎品！咁著數仲唔拉大隊去參加？ 「CTM x Samsung Galaxy Studio」體驗館 地點：新濠影滙澳門時代廣場 日期：即日起至12月27日 開放時間：11:00-20:00 「CTM x Samsung Galaxy Studio」網上遊戲 遊戲網址：https://goo.gl/Yho8G8 活動日期：即日起至12月27日

Cheers!

    鍾意食玩買 & 所有新奇事物！