文章列表

優惠大放送！CTM 積分換 Dyson

科技新知
Cheers!・2017-12-05

來自英國嘅神級吸塵機 Dyson 最新型號機款 V8 Fluffy Pro 同三合一風扇暖風空氣清新機 Dyson Pure Hot + Cool link 已經喺 CTM 有得賣啦！只要您係 CTM 嘅客戶，前者以 500 積分再加 $5,300（原價 $6,180）、後者以 500 積分再加 $5,580（原價 $6,680）就可以換購，變相大概打咗 85 折，絕對值得入手！ V8 Fluffy Pro 吸塵機係 2017 年最新型號，齋係吸頭就有五個，除咗原裝嘅軟絨毛滾筒吸頭，仲有二合一細縫吸頭、窄縫清潔吸頭、彈性縫隙吸頭同埋迷你電動吸頭，唔同吸頭針對唔同環境設計，上至天花板嘅灰塵、下至地板嘅髮絲都可以一吸搞掂，堪稱家務好幫手。 軟絨毛滾筒吸頭可同時吸走微塵及碎屑，專為清潔硬地板而設。（網上圖片） Dyson無線吸塵機均可以迅速轉換至手提式，上至天花板、下至地板都可以一吸搞掂。 而Dyson Pure Hot + Cool link一部機有齊空氣淨化、冷風同暖風三大功能。將佢拆開之後可以睇到濾網入面加入咗活性碳，更加有效吸走甲醛同異味。除咗附送嘅搖控器，不妨下載埋 Dyson 嘅專用 App，可作遠距離控制，仲可以監測現場嘅空氣質數添！ 每粒活性碳子注入 Tris 有機化合物，強化過濾甲酫效果，可過濾 99.95% 微粒。 使用 Dyson 專用嘅 App，可以實時監測室內嘅空氣質素，返屋企前先開定暖風，返到屋企就暖笠笠啦！ 至於風力方面，小編分別喺一米、兩米、三米同四米嘅距離進行實地測試，想知效果如何？去片啦！ 想了解更多 Dyson 優惠，立即到 CTM 門市查詢啦！

經典復刻！Nokia 3310 重出江湖

科技新知
Cheers!・2017-11-30

潮流興復古，連手提電話亦唔例外。事隔 17 年（初代 Nokia 3310 於 2000 年推出），Nokia 推出其經典機款 3310 嘅復刻版！外型同初代相似度接近 70 %，但為咗跟上時代步伐，復刻版 Nokia 3310（下稱新 3310）嘅螢幕由黑白改為彩色，更新增影相功能，同時支援 3G 上網，集經典與時尚於一機！ 新 3310 圓咗又扁咗，手感唔錯。（網上圖片） 復古味濃！200 萬像素相機 今時今日，電話鏡頭無不以千萬像素起跳，新 3310 沒有前置鏡頭，唯一嘅後鏡頭亦只配備 200 萬像素，照片質素彷彿回到 10 年前，拍攝效果非常朦朧，但小編就覺得別有一番復古味。 小編搵咗唔少朋友試用新 3310 Selfie，雖然只有 200 萬像素，但小編覺得效果唔錯，大家又點睇？ 上圖為新 3310 和華為 P9 + 相機質量的對比。 貪食蛇變質？只能控制左與右 經典嘅貪食蛇遊戲當然走唔甩，不過新版貪食蛇只有關卡制，操控方向亦由上、下、左、右四個方向轉為只有左右兩個，上手試玩確實有落差。每關限時 30 秒，完成指定目標先可以進入下一關。 雖然遊戲畫面變成彩色，但試玩幾局之後，小編始終鍾情舊版貪食蛇。 電量超強！備用時間多達 27 日 新 3310 使用 1200mAh 電池，號稱待機時間高達 27 日、通話時間 6.5 小時。而且支援 3G 上網，又內建的 facebook、Twitter 等社交網站，但不支援 Wi-Fi 及熱點分享功能，Send 相只能靠藍牙喇。 喺 Opera Mini 瀏覽網址只能利用方向按鈕，玩 facebook 有種穿越時空嘅錯覺。 加購只需 $480 凡喺 CTM 購買 $500 或以上淨機產品，就可以 $480 加購復刻版 Nokia 3310 啦（原價 $590）！

試比你睇！HTC U11+ 單手操機無難度

手機‧電玩
Cheers!・2017-11-24

臨近年尾，各大手機品牌頻頻推出旗艦機款吸客。HTC 亦唔例外，最新嘅旗艦手機 U11+ 將好評不斷嘅 U11 螢幕由 5.5 吋加大至 6 吋；電量亦加碼30%，由 3,000mAh 增加至 3,930mAh。加上配合全新功能「Edge Launcher」，就算手仔細細嘅女士們都能單手操機。 升級版 Edge Sense 同 U11 一樣，機身兩側嘅下半部，各有一個壓力感應器，只要喺「設定」開啟 Edge Sense 功能，每當用力一揸，即可啟動唔同功能嘅快捷鍵，例如影相、啟動電筒等，單手操控非常方便。而 U11+ 更新增「Edge Launcher」功能，長揸即可呼叫出一個快捷圈，用來切換 App、Google Assistant 等，令 Edge Sense 嘅功能更全面。 握力因人而異，而 U11+ 可讓用家自行調校力度，十分體貼。 Edge Launcher 可啟動相機、擷取螢幕、即時錄音等功能。 開啟 Edge Sense 功能後，只要用力一揸，即可擷取螢幕。 強大追焦功能 U11+ 沿用 1,200 萬像素主鏡頭，獲得「DxOMark」相機評分網 90 分的評價，更加入 UltraSpeed 自動對焦功能，同單反嘅技術一樣，對焦效果快而準，尤其拍片時效果特別顯著！ 小編試用其自動對焦功能，一個字：快狠準！ 一揈即可轉換鏡頭 影相或錄影嘅同時，輕輕一揈即可轉換前後鏡頭，而且 U11+ 嘅音箱比 U11 加大 30%，更內建聽覺焦點功能，可以錄低 360 度環繞聲音，令音量同音質更加出色。 《HTC U11+ 出機小貼士》 依家申請三地數據共用計劃 $296 / 3GB，就可以 $2,580 買走 HTC U11+！快啲去 CTM 出機啦！而透視黑版本亦即將推出，請密切留意 CTM 最新資訊。 產品詳情： https://www.ctm.net/cportal/base/public/eshop/mobiweb/mshowProductCatalog.xhtml?cmsmProductId=728&cmsmProdCatId=1 半透明機殼嘅透視黑版本隱隱約約睇到內部零件，勁有科技感！（官網圖片）

【獨家專訪】大賽車番外篇──Sailormoon 戰車之愛情故事

人物專訪
Cheers!・2017-11-24

“因為女朋友鍾意 Sailormoon，我想帶埋佢一齊比賽。” Delfim 的第一個答案，小編就被這段愛情曬到體無完膚。這位 26 歲、第一次參加「澳門格蘭披治大賽車」的 Delfim 以一眾 80、90 後無人不曉的美少女戰士 Sailormoon 打造成參加「CTM 澳門房車賽」的 17 號戰車，「謀殺」了現場不少記憶體。車上除有 Delfim 的中文名「蔡德勳」，還有另一個名字「家敏」。 家敏，就是這段愛情故事的女主角。「家敏好鍾意 Sailormoon，所以我想整（Sailormoon）喺架車度，代表佢（家敏）陪住我一齊比賽。」家敏和 Delfim 識於微時，卻在今年才成為男女朋友。不過愛情的長短並不代表深度，「家敏嘅 Daddy 都係賽車手，所以家敏好明白我，好支持我，比賽哥幾日佢病住都日日嚟支持我。」雖然小編和 Delfim 隔住電話訪問，但都感覺到 Delfim 甜到漏的笑容。 大賽車期間，家敏即使生病仍堅持每日到場撐 Delfim，Sweet 到痺。 Delfim 的家人亦有到場打氣。 一萬人仔　戰車育成 以桃紅為主色調的 17 號戰車，由設計到完成前後花了兩個月，「我想架車有 Sailormoon、我個名、家敏個名同埋公司名。」與車行不停溝通協調，合共花費人民幣 10,000 元，Sailormoon 戰車育成！ 首次參賽　目標達成 「其實由細到大我都好鍾意賽車，加上身邊有幾個車手朋友，今年又儲夠錢就決定參賽。」然而要參加大賽車，並非填 Form 報名咁簡單，資金亦是 Delfim 參賽嘅關鍵。「要港幣 50 萬左右，攞牌之後去內地參加 5 場 FIA 賽事，其中一定要完成 3 場，先可以喺澳門升牌，然後報名大賽車。」 第一次參賽，心情緊張在所難免，不過 Delfim 在星期五（11月17日）的排位賽中突破個人最佳成績，以第 10 名成功進入決賽。「我嘅目標其實只係入到星期日（決賽），因為我係今屆唯一一個新人（「CTM 澳門房車賽」1950cc 以上組別），大家都係前輩，加上又落雨，入到決賽我已經好開心啦。」最後 Delfim 贏得第 13 名的理想成績，亦為下年的賽事打下一支強心針！

女士福利文！大賽車型男特集

節慶盛事
Cheers!・2017-11-23

每年「澳門格蘭披治大賽車」嘅焦點，都放喺一班身材火辣嘅賽車女郎身上，風頭幾乎大過各項賽事嘅冠軍得主。今次小編就反其道而行，為各位 sis 謀福利，特別整理出一篇「大賽車型男特集」。除咗幾位「風一樣」嘅靚仔車手，仲有迷倒萬千少女大媽嘅賽車男模，即刻睇相慢慢欣賞啦。 CTM 已經連續第 15 年冠名贊助「CTM 澳門房車賽」，除咗搵嚟賽車女郎，亦係少有選用賽車男模嘅公司。繼上年笑容甜美嘅外籍孖仔，今年更請來韓籍美男子 Gwon Sik 和 Hwa Seok ，兩位 Oppa 出場即「秒殺」唔少記憶體！ 「澳門格蘭披治大賽車」嘅焦點又點止一班又索又性感嘅賽車女郎？ Oppa 一出場，場內女士歡喜若狂！ CTM是少有選用男Model的公司，引來傳媒爭相報導。（網上圖片） 場外俊男美女爭奇鬥艷，場內亦雲集來自世界各地嘅型男車手。重點是年輕外國選手佔大半數，比賽場內小鮮肉縱橫！！！ 現年30歲，別號「澳門先生」的莫他拿（Edoardo Mortara）就算載上頭盔，幾乎遮蓋全臉，仍然擋不住其超然魅力！（ 圖片取自澳門格蘭披治大賽車官網） 最後莫他拿以不足一秒時間力壓亞軍富林斯，第4次捧走GT世界盃，成為全場焦點。 英國車手伊洛特（Callum Ilott）排位賽得第一名，但決賽時因戰車故障，無緣奪冠，可惜！ 專注的男人最性感。 即使除下車手服，結實肌肉仍然若隱若現。 下期預告！《大賽車番外篇──Sailormoon戰車之愛情故事》 撇開車手與模特兒，場內戰車同樣是鏡頭焦點。今年首次參加「CTM澳門房車賽」嘅澳門車手 Delfim 就以非常吸睛嘅 Sailormoon 戰車出賽，小編同當事人做咗個專訪，先發現一切都是因為愛……

iPhone Master 開講！iPhone X 嶄新功能逐個試

手機‧電玩
Cheers!・2017-11-20

所謂「十年人事幾翻新」，更何況日新月異嘅科技產品？iPhone X 作為 Apple 十周年紀念作，手機裡裡外外均有革命性改變，例如將前後鏡頭升級、改用 OLED 螢幕、植入 FaceID 臉部辨識功能等。今次小編就喺 iPhone X 開賣前，請來 CTM 嘅 iPhone Master Paco，試用其前後鏡頭影相兼播片、又試玩呼聲甚高嘅 Animoji，多角度分析 iPhone X 嘅嶄新技術！ FaceID 附帶 Animoji 動態表情符號，大大提高生活情趣。 睇片比拼 iPhone X 除咗全螢幕設計，更換上 iPhone 系列首次採用嘅 OLED 螢幕。而所謂嘅 OLED 螢幕，即是每個像素會自行發光，簡單來說，畫面嘅顏色會更加鮮豔，對比度亦更高。 不過，就睇片而言，iPhone X 全螢幕嘅長闊比例為 2.17:1，當影片以 16:9 播放時（大多數電影及YouTube片嘅長闊比例皆為 16:9），螢幕左右兩側會以黑色顯示。雙撃至全螢幕時，畫面雖然大咗，但實際睇到嘅畫面內容會因為放大而少咗。 無論正面或側面睇片，iPhone X 嘅螢幕顯示都十分鮮豔。 影相比拼 iPhone X 嘅雙鏡頭排列方式由左右改為上下設計，亦首次將前置鏡頭升級至雙鏡頭，分別是 700 萬像素及紅外線鏡頭，更植入 FaceID 臉部辨識功能。Paco以 iPhone X 嘅前置鏡頭喺室內及戶外自拍，可見 iPhone X 嘅「人像模式自拍」確實略勝一籌。 　 　 尤其喺昏暗環境自拍，更能印證 iPhone X 前鏡頭嘅強大。 TrueDepth 鏡頭可分析超過 50 組不同肌肉動作，以 12 款 Animoji 模擬玩家嘅表情神態。（網上圖片） 101分最強攝影 最近知名相機評測網站「DXOMark」就 iPhone X 嘅拍照功能，給予 101 分嘅最高分數，而綜合評分則是 97 分，排名第二，與冠軍 Google Pixel 只有 1 分之距。 詳細報告請看：www.dxomark.com/apple-iphone-x-top-performer-stills （圖片取自DXOMark） iPhone Master 係咩？ iPhone Master 係由 Apple 公司發出嘅專業認證，而 CTM 亦係全澳唯一一間考取咗 iPhone Master 服務資格嘅電訊服務供應商。所有參與 iPhone Master 嘅同事除咗有豐富嘅銷售經驗，亦要對 Apple 全線產品非常熟悉，而且要通過多重考核，包括網上課程及完成指定功課同考試、個人達到指定銷售額、解決神秘顧客嘅提問同考核。另外，亦要將有關 Apple 產品嘅專業知識傳授比同事，以及解決客戶嘅疑難。 《iPhone X 出機小貼士》 只要喺 CTM 預訂 iPhone X，即可享預訂優惠，包括額外 12GB 數據用量及 $300 指定配件優惠。月費低至 $228，上台機價低至 $0！ 指定信用卡用戶更享驚喜優惠！ 立即預訂：https://iservice.ctm.net/CTMWebForm/cportal/base/public/newphone.xhtml　

雞 Wing 豪 Dee 帶路　試玩「CTM x Samsung Galaxy Studio」體驗館

手機‧電玩
Cheers!・2017-11-15

三星電子（Samsung）上星期（11月9日）進駐新濠影滙澳門時代廣場，首次在澳門開設全港澳最大型的 Gear VR Pop Up 體驗館，將旗下的大熱產品晒冷。開幕當日微辣嘅雞 Wing、豪 Dee 亦率先到場試玩，由港澳首個 Gear VR 4D 雪橇體驗玩到 S Pen，一次過試晒全新旗艦手機 Galaxy Note8、Gear Sport 等新產品嘅嶄新功能！ 場內展有 Samsung 多款最新的產品。 影院式動感射擊遊戲 4D 體驗向來係 Samsung Galaxy Studio 嘅殺手鐧，這個虛擬實境射擊遊戲只要戴上 Gear VR 配動態控制器、坐在左右搖擺的椅子上，就可以一秒飛上外太空。小編睇見雞 Wing、豪 Dee 玩到嘩嘩聲，都咪話唔過癮。 坐在太空船上射撃外星人的同時，還要避開殞石，加上畫面像真度高，超刺激！ Galaxy Fitness 划艇遊戲 這個划艇遊戲至得豪 Dee 歡心，小編問到豪 Dee 的玩後感，豪 Dee 流住汗表示：「我一向推祟健康人生，呢個 Game 結合遊戲同運動，最好同班 Friend 一齊玩，齊齊挑戰體能。」 遊戲一開始，「運動員」要先熱身，然後戴上 Gear Sport 監測心率及運動表現，Gear Sport 可以計算出運動過程中消耗的卡路里，幫助大家 Keep Fit。現場工作人員更表示，每玩一次可以消耗百幾卡路里，女士們仲唔排隊玩多幾轉？ 豪 Dee 同雞 Wing 都以為呢個遊戲好簡單，點知玩咗兩轉就喘晒氣。 Gear VR 4D 高速雪橇體驗 號稱「港澳首個」的 Gear VR 4D 雪橇體驗是場內一大亮點，遊戲的最快時速高達 120 公里，臨場感十足。雞 Wing、豪 Dee 邊玩邊嗌，更大讚「Game入面嘅抽象畫面帶來強勁視覺效果，之前從未玩過！」 用 S Pen 盡情繪畫 除了動感刺激的 VR，現場亦有 S Pen 互動區。先用 Note8 自拍，再以筆觸細膩的 S Pen 繪畫，更可以在自拍照上加入 Sticker，即時投放在場內的大螢幕。 （網上圖片） 除咗有得玩 VR 遊戲，CTM 亦喺現場設置攤位，只要參加「CTM x Samsung Galaxy Studio」網上遊戲，就有機會贏到最新嘅 Samsung Galaxy Note 8、「新濠影滙」酒店住宿、手機折扣等豐富獎品！咁著數仲唔拉大隊去參加？ 「CTM x Samsung Galaxy Studio」體驗館 地點：新濠影滙澳門時代廣場 日期：即日起至12月27日 開放時間：11:00-20:00 「CTM x Samsung Galaxy Studio」網上遊戲 遊戲網址：https://goo.gl/Yho8G8 活動日期：即日起至12月27日

【HUAWEI Mate 10 新機試玩】神級 AI 功能到底係乜？

專題報導
Cheers!・2017-11-13

夥拍德國頂級相機品牌「Leica」的 HUAWEI 上星期推出旗艦作 Mate 系列，新作除了主打攝影功能，更大推 NPU（Neural-Network Processing Unit）人工智能晶片。小編就將其強大的 AI 功能整理出兩大賣點，並以 Mate 10 進行開箱實測，一試便知龍與鳳！ 賣點一：智能辨識拍攝場景 Mate 10 系列繼續沿用 Leica 的雙鏡頭設計，鏡頭部份升級至 F1.6 大光圈，輕鬆搞掂唯美景深照；並透過 NPU 即時辨識多達 13 種場景和物體，再根據景物的特點和屬性自動調節參數設置。而前置鏡頭亦配有 800 萬像素，具備 F2.0 光圈及 FF 追蹤對焦等功能。 相機可透過 AI 辨識出 13 種不同場景和物體（包括文字、食物、藍天、雪地、狗、貓、夜景、日落、植物、人像等）。 小編分別以雜誌及花進行實試時，相機即時自動辨別，效果非常好！ 花的攝影模式可以將植物的細緻完美呈現，F1.6 大光圈令景深的美感表露無遺。 賣點二：聯手 Microsoft 快速翻譯 除了 Leica 以外，HUAWEI 更找來 Microsoft 合作，為 Mate 10 系列加入翻譯功能，最把炮是可以進行離線翻譯，更支援多達 50 種語音。除可將語音和相片中的文字翻譯，更具備雙向語音翻譯功能，實測時雖然翻譯結果未算好精準，但在 AI 的加持下，翻譯速度非常快，甚至做到即時翻譯的效果。 程式支援多達 50 種語音，不過小編嘗試以廣東話測試時，成功率較低。 雙向語音翻譯功能強大，不出兩秒即可完成翻譯，速度勁快！ 小編將日本零食包裝紙上的成分拍下來，馬上出現中文翻譯，精準度 90%。 《出機小貼士》 想用至抵價錢出機，快啲去 CTM 申請 $296 / 3GB 三地共用月費，即享上台機價 $1,880！（HUAWEI Mate 10 ）/ $3,280（HUAWEI Mate 10 Pro）。而「尊壹會」會員及「大豐 CTM Visa Signature 信用卡」客戶亦可享淨機價 88 折優惠，仲可以用半價換購 HUAWEI MateDock 2 擴展塢同埋 HUAWEI 360 全景相機添！仲唔去出機？ HUAWEI MateDock 2 擴展塢（左）；HUAWEI 360 全景相機（右）。

大中華逾四百萬熱點 CTM Wi-Fi無處不在

專題報導
Cheers!・2017-09-13

人生中不能沒有的東西太多了，Wi-Fi當然是重要的一環，人生沒有了Wi-Fi，當用光流動數據的時候，在重要關頭收不到愛人轉來的訊息，耽誤了終生幸福怎麼辦？客戶有要求時碰巧沒有數據，影響了工作怎辦？了解CTM的Wi-Fi 熱點，足以改善你使用流動數據的習慣。 Wi-Fi可以改變命運，實在沒有誇張，你與我的身邊也有差不多每月Data「爆Plan」的朋友，使用平板電腦的朋友不少也選擇買較便宜的Wi-Fi版本，採用CTM Wi-Fi服務，可於全澳各區2,500多個CTM Wi-Fi光纖熱點進行連線。只要你置身CTM Wi-Fi熱點覆蓋範圍內，便可隨時感受到工作及娛樂上的流暢、快速和低耗電量的高效上網體驗，唔使成日擔心數據用量，上網又得，傾長氣Wi-Fi WhatsApp call又得，睇片都得，速度順暢唔會窒住窒住，網上通話又無雜音，收得咁爽，係咪無晒壓力先？ Free Wi-Fi登入步驟及用戶代號在不同地點都清晰可見。 在完成CTM Wi-Fi自動連線設定步驟後，設備將會自動連線至「CTM-WIFI-AUTO」。以後每當身處CTM Wi-Fi熱點，就會自動連接上網，毋須再次輸入用戶資料，猶如在家中享受網上樂趣同樣方便。 氹仔舊城區商戶免費Wi-Fi 早前免費CTM Wi-Fi熱點亦正式登陸氹仔舊城區的官也街及地堡街一帶，近50個商戶同時受惠，無論是該區遊客、居民及商戶，只需要兩個簡單步驟，登入用戶代號「CTM-WIFI-FREE」即可免費使用60分鐘，令觀光旅客在此享用更便捷的Wi-Fi服務。 除了遍布全澳的CTM Wi-Fi熱點，當你乘搭巴士的時候，也可任意使用巴士上的免費Wi-Fi服務，服務範圍無界限，三間巴士公司均有提供，除了CTM的用戶，本澳人士及遊客均可輕鬆登入「BUS-FREE-WIFI」享用服務。 官也街每日遊人如梭，免費Wi-Fi對遊客帶來了方便。 抵澳旅客即享服務 作為經常往來港澳工作的朋友，這種無地域界限，以至在交通工具上都能輕鬆使用的Wi-Fi服務自然貼心，甚至最方便的是在澳門的幾個熱門出入境口岸如機場、外港碼頭及新北安碼頭的範圍內，都能甫抵澳便使用「CTM-WIFI-FREE」提供的免費Wi-Fi服務。 逾四百萬Wi-Fi熱點 惠及來澳遊客之餘，本澳的CTM 4G+流動電話用戶也不必「葡萄」，CTM Wi-Fi熱點已延伸至大中華，客戶可免費於全中國內地、香港、澳門及台灣超過4,000,000多個Wi-Fi熱點連接上網，即使在本澳消遣娛樂、到外地旅遊或公幹，都能隨時隨地享受上網的樂趣。 登入方法簡單，只需打開手機的Wi-Fi版面就能自動應對系統。 回饋弱勢社福界 如此龐大的跨地域服務，當然少不了也要照顅一下本澳的弱勢社群，若你擁有任何的智能手機或平板等流動設備，任何人於以下地區皆可使用免費Wi-Fi服務。 紅十字會-澳門黑沙環第六街合時工業大廈 登入用戶代號「CTM-WIFI-MRC」 街坊總會近30個服務中心 登入用戶代號「CTM-WIFI-UGAMM」 明愛康復巴士/明愛圖書館 登入用戶代號「CTM-WIFI-CARITAS」 澳門房屋局-11個社會房屋公共地方/休憩平台 登入用戶代號「CTM-WIFI-IHM」 開心樂園協會-南灣加思欄花園內 登入用戶代號「CTM-WIFI-FREE」 除了固定地點，全澳的巴士上也有免費Wi-Fi供應，無論是否CTM用戶皆能使用。 Wi-Fi服務接收小貼士 由於「CTM-WIFI-AUTO」會自動連接到熱點，非無限Wi-Fi用量手機用戶，在毋須使用時宜關閉裝置的Wi-Fi功能。 CTM Wi-Fi信號強度及速度會因使用者身處的實際位置及實時使用者數量而有所影響。 每分鐘額外使用收費$0.1。（此項只適用於非無限 Wi-Fi計劃用戶） 每個CTM Wi-Fi賬戶每次只能用於一個流動設備。

台灣留學執行李---重要清單

專題報導
Cheers!・2017-08-24

要去台灣讀大學嘅同學仔，差唔多要開始執行李啦喎。筆者總結咗幾樣一定要帶嘅物品，希望可以幫到大家啦～ 一、入學許可通知書 二、護照 & 簽證 三、機票 四、現金 五、轉插器 六、手提電腦 七、5 吋 ～ 2 吋相片 八、準備 2 個不同字體嘅印章 九、申請咗 CTM 四地數據共用計劃未？ 保持通訊都係好重要嘅一環。CTM 嘅數據共用計劃，唔洗換SIM就可以即刻喺台灣上網，仲可以喺埋全中國內地、澳門同香港四地共用數據添，真係好方便架！ 計劃詳情：https://goo.gl/T7T9rY　

去台灣留學，您準備好未？

專題報導
Cheers!・2017-08-21

仲有兩個星期就放完暑假啦，即將要去台灣留學嘅您，一齊 Double Check 下做咗呢啲入學嘅準備未啦！ 一、睇咗「新生手冊」未？ 每一位準大學生應該都會收到由學校寄出嘅「新生手冊」。入面有好多好重要嘅資訊，一定要仔細閱讀啊。 二、護照有效期夠唔夠半年？ 如果護照有效期唔夠半年，可能會唔俾入境架。所以一定要 Check 清楚！ 三、搞好晒簽證未？ 去台灣留學前，一定要搞好學生簽證。如果仲未去搞，就要嗱嗱聲啦！ 四、聯絡咗台灣學校嘅僑聯會未？ 每一間台灣嘅大學都有一屆傳一屆嘅聯絡網，佢哋會幫忙解決新生嘅各種疑難，仲會安排接機添，好貼心啊！ 五、申請咗 CTM 四地數據共用計劃未？ 保持通訊都係好重要嘅一環。CTM 嘅數據共用計劃，唔洗換SIM就可以即刻喺台灣上網，仲可以喺埋全中國內地、澳門同香港四地共用數據添，真係好方便架！ 計劃詳情：https://goo.gl/T7T9rY　

「暑」出去攻略：遊泰必讀

專題報導
Cheers!・2017-08-17

泰國是暑假熱門旅遊地點之一，玩水、購物、美食、spa 應有盡有。當地不時有新購物中心、酒店、景點落成，但同時亦有要注意的新規定，想玩得盡興，就要守當地的規矩。我們就從衣食住行玩各方面逐一看各樣注意事項，讓大家玩得更盡興、更輕鬆、更精明！ 衣 入廟和皇宮要衣著端莊 泰國是虔誠的佛教國家，九成人民篤信佛教，亦非常尊敬皇室。入鄉隨俗，遊客都要尊重宗教和皇室傳統。雖然泰國熱辣辣，背心短褲是慣常裝束，不過注意進入寺廟要服裝整齊端莊，禁止著無袖衫、短褲或短裙，必須除帽及除鞋，不可腳踏門檻。而參觀大皇宮的服飾要求更嚴格，如果外國遊客穿著違禁服飾，可以憑護照免費借用專門服裝。 食 用手機程式預訂餐廳至抵 泰國五星級酒店自助餐出名抵食，想抵上加抵，可以用餐廳搜尋及預訂手機程式Eatigo。喜來登、假日酒店、半島酒店等自助餐於不同時段有不同優惠，甚至半價！如果購物逛累了，想在附近開餐，亦可以透過地區分類，搜尋附近餐廳的折扣優惠。 住 新興經濟型酒店型格兼實惠 近年很多人喜歡在網上預訂民宿，但要注意民宿是否合法和符合規格。其實曼谷近期有不少經濟型酒店新開業，裝潢舒適別具型格，交通位置便利。例如位於Thonglor的IR-on酒店，工業風裝潢極具型格，而且鄰近捷運站位置方便掃手信，最低價的標準房一晚大概為澳門幣$400。 www.ir-onhotel.com 行 捷運 / 地鐵直達旅遊熱點 泰國的士問題多，近年好多人都會選擇Uber，可是今年泰國政府嚴打Uber。但其實乘搭捷運 / 地鐵都好方便，可避開曼谷嚴重塞車問題，而且可直達很多大型商場和熱門景點，如：四面佛、BIG C。記得用Bangkok Thailand Transit- by NAVITIME交通App，教你如何搭地鐵到景點，操作簡單易用。用 Rabbit Card 搭捷運，更可省卻在繁忙車站排長龍買票的時間。 如果要搭的士，現階段可以用Grabtaxi手機程式，Grabtaxi跟咪錶收費，但用這個App搭車要額外支付25泰銖的費用。 電子秤避免行李超重 講到買手信，要注意回程寄艙及手提行李重量的限制。現時CTM客戶可憑350積分加$158，換購原價$210的三合一密碼電子秤行李帶，回程前一晚執行李時，要分配好寄艙及手提行李重量，用電子秤確保重量，就不用在機場發現超重後臨急臨忙再執過。憑CTM積分還可以優惠價換購旅行充電插座、充電器等旅行套裝，一應俱全夠方便。 既可秤行李重量，以防超重，亦可當作密碼鎖和行李帶，確保行李安全，以及預防爆喼。 機場貴賓候機室夠嘆 現在流行搭廉航，機上沒有提供免費飲食，因此很多人都喜歡去機場貴賓候機室，嘆杯咖啡食飽飽才上機。現時憑大豐CTM Visa Signature信用卡可免費申請Priority Pass會員卡，憑卡於2017年可無限次免費享用全球 Priority Pass 機場貴賓候機室服務，上機前先享用茶點小吃，輕鬆出發。 鋰電池不可寄艙 鋰電池需要放在手提行李隨身攜帶上機。注意鋰電池上需要標示瓦時值(Wh)或鋰容量。至於不放在電器內的備用鋰電池，100Wh或以下的每名乘客限攜帶20件，100-160Wh的每人限攜2件，160Wh以上的不可攜帶。萬一忘記帶外置充電器，可以去澳門機場或離境碼頭的CTM櫃位免費借用，無需按金，回程歸還即可。 CTM設於碼頭及機場的櫃位，照顧旅客不同需要。除了可借用外置充電器，還可以借用自拍棍、雨傘及享用即時充電服務(只限外港碼頭）。無需按金，回程歸還即可。 帶不足兩萬泰銖可拒入境 泰國政府最近在旅客入境時加強抽查身上是否帶備足夠現金，以防止非法入境者流入。外籍人士須備有不少於2萬泰銖現金（約澳門幣＄4,600），四人家庭須帶備不少於4萬泰銖現金（約澳門幣＄9,300），或其他等值的現金，並不得以信用卡作為財力證明。如發現旅客攜帶的現金不足，即使出示回程機票和酒店訂單，也可能被拒入境。 玩 自拍注意安全 出遊自拍分享是基本，但是現時不少國家的旅遊景點為了旅客的安全起見，開始規管自拍行為。建議旅客們到訪當地景點時，多留意規定，注意安全。 一日內任用漫遊數據 出遊外地，無論是影相Share、打卡、睇地圖、預訂餐廳、Spa或睇資料再plan行程，在外地上網已是基本。CTM客戶出遊時可以申請任用「數據漫遊護照」1日，無需計住數據用量，優惠價每日低至$28，就可於當地一日內任用漫遊數據，泰國、澳洲、 印度均可享此優惠。申請辦法簡單，透過CTM網上（www.ctm.net）申請、於當地經手機每日撥打 #130# 申請亦可。仲有其他旅遊熱門地區優惠。以上優惠期至2017年8月31日。 下載CTM Buddy手機程式，申請「數據漫遊護照」更方便。

有筍野益街坊，Haagen-Dazs 有6折呀！

生活在我城
Cheers!・2017-04-06

大家可能食Häagen-Dazs就食得多啦！但有6折優惠食的話又有冇試過呢？ 機會黎啦！而家只需持有CTM尊壹會的會員卡，或是CTM信用卡，就可以用6折的優惠去地堡街的Häagen-Dazs店品嚐6折優惠後的雪糕啦！ 由套餐A任選一項，之後再加套餐B或套餐C就可以，有很多不同款式、不同口味，絕對能夠滿足到多心的你！ 優惠詳情：由即日起至2017年5月5日。憑CTM「尊壹會」電子會員卡或「CTM 信用卡」惠顧澳門 Häagen-Dazs™ 地堡街店下午茶餐低至6折。優惠時段為13:00-19:00（星期一至五），另收加一服務費。以上圖片僅供參考。優惠不可與Häagen-Dazs™ VIP卡、現金劵及其他優惠同時使用。客戶需於下單前出示有效之「尊壹會」電子會員卡方可使用優惠。如有任何爭議，澳門電訊及威龍發展一人有限公司保留最終決定權。

善事上網做 社福機構齊齊搞網購

專題報導
Cheers!・2017-04-03

雖然CTM在構建「澳門好幫手」時是源於建立屬於本澳特色的網上購物平台這觀念，話倒容易 說，但如何才真正做到那種回饋社會的角色?澳門的其中一個特色，就是小社區中洋溢著濃濃 的人情味，善長仁翁也特別多，社福機構也因而得到不少養分去支持他們成長。 非牟利網店有需求 除了各行各業的「企業賣家」、「商店賣家」及「個人賣家」，「澳門好幫手」當然也與城中的社福機構合作，為他們打造適合自己的網店，因為都是非牟利，他們對於銷售及推廣兩方面的比例輕重，自然跟一般網店有很大差別，又例如沒有任何買賣成分的澳門愛護動物協會Anima，他們會把一些等待領養的小動物放到網店上，牠們不是貨品，自然不會有售價。 「澳門好幫手-購物」Anima 領養 當用家想進一步了解及進行領養手續時，大可在網店點click進入Anima的官網，對於這類大型慈善團體及社福機構來說，「澳門好幫手」正正能彌補他們在官方網站欠缺的不足－宣傳，需要龐大的宣傳攻勢，自不然要投放人手及資源，這對他們是一個沉重的負擔。加入「澳門好幫手」除了可以善用CTM龐大的客戶網絡接收宣傳訊息，他們亦在營運網店方面，為本澳的社福機構提供費用全免的服務，從正式登記成為網店，到各項必要開支都由CTM一力承擔，為本澳社會盡一分力。 澳門愛護動物協會(Anima) 主席 Albano Martins 我們的宗旨是希望每個澳門人都不要殘害動物，也能體會到與動物共處時是何等的快樂，所以Anima需要先行去幫助及教導大眾關於愛護動物的訊息，去建立及融合大眾與動物之間的關係，從而減少動物被違棄的機會。於「澳門好幫手」這個網上平台上建立領養專頁是個非常好的概念，這個專頁可提高動物被領養的數目，就目前的狀況來說，我們已拯救了的動物，已被領養的數目其實還不足半數。 我們所遇到最大的困難，是大眾還未明白到當他們擁有寵物時，就應該要有照顧其寵物的責任及義務，否則，只會造成更多的動物被遺棄。CTM是本澳一間十分重要及具影響力的企業，所以我相信這個專頁可促成更多還待領養動物的機會。 澳門扶康會總幹事周惠儀女士 澳門扶康會成立 2003年，現時有八個服務單位，成立於2010年的創藝工房是其中一個，旨在通過將藝術帶到社會服務當中，如造陶瓷、畫畫去抒發學員的情緒，令他們在過程中得到喜悅。所以扶康會有很多由學員手製的工藝品。 「澳門好幫手-購物」樂善禮 周女士坦言，如果只靠會方自己去建立網店，資源及技術上都會面對許多困難。今次藉著「澳門好幫手」可以上載不同的製品，讓善長選購及支持，在網站上看產品的描述資料及售價，減省了員工的準備工夫及時間。網店的分類亦很齊全，善長可以先挑選產品再與扶康會聯絡，比實體店加快了交易流程，令扶康會更容易進入商業市場。 假如你是本澳任何類型的已註册慈善團體或社福機構，CTM亦歡迎你申請成為「澳門好幫手」當中一員，我們會盡力為每個團體的不同需要而作了解及配合，擴大不同範疇的服務領域。

智慧生活模式 本澳網店起革命

專題報導
Cheers!・2017-03-31

一個網購平台是怎樣煉成的?你登記咗未呢?响本澳首個購物網站「澳門好幫手」新張期間，優惠多到嘭嘭聲，除了小市民消費購物時得益，本澳的中小企及社福團體，才是最大的受惠者。 網店東主各有見地 先機當然要早著，做生意食頭圍永遠有著數，針對 在「澳門好幫手」的逾50個合作網店入面，早於網站試 運期間已經加入成為本澳網購先驅的幾間商號負責人，在經營過程中各有心得，睇下佢哋以賣家角度又對這個本地網購平台有何意見! 低成本營商環境 網上商店不需龐大的租金及人手，造就了不少中小 企網店抬頭，以四兩撥千斤的營運模式對澳門這傳統小社區的商戶已經起了變化。 假如你是本澳的商號，CTM亦歡迎你申請進駐「澳門好幫手」成為當中一員，申請後合資格的商戶會有專人到店作個別分析，了解每間店的不同需要而作配合， 亦歡迎不同界別的社福機構及青年文創藝術工作者加入，擴大這個屬於澳門人的網上商圈。 壹文創百貨 - 55號一人有限公司 「澳門好幫手-購物」壹文創百貨 市場策劃經理 陳啟鵬先生 採用大型「格仔舖」銷售概念，兼與提供場地予本澳藝術家舉行展覽的實體店壹文創百貨，陳 啟鵬先生坦言早有意開設網上平台作買賣，但購物網站一 般除了貨架，還有其他額外營運開支費用等等需要支付，當他知悉「澳門好幫手」這個本地化的購物平台，與他以「澳門文創」及「澳門品牌」的開店理念相同便一拍即合，加上在他店裡租「格仔」的手作人，貨品都是少量生產，能負擔的營運成本較低，較適合以網店方式銷售。 除了本地元素，他亦對CTM這強大網絡支援有信心，當有疑問時一個電話便能獲得IT支援協助 ，這是外地的購物平台無法提供的服務，在宣傳方面亦幫了不少忙，可以集大家所長，令「澳門好幫手」更強大。 潮樓咖啡In Cafe - 世紀萬豪 「澳門好幫手-購物」潮樓咖啡 市場發展部經理 盧曉茵女士 盧曉茵女士自言在剛開始涉獵網店操作時仍需要時間模索，,但經過CTM團隊來店鋪親自教導便 很快上手，更大讚網站寫的程式系統很方便用家。盧女士打趣說，在剛開始時，拿著優惠券來到的客人及她的樓面夥計，大家都對這網上交易的訂單號及兌換碼不太了解，有雞同鴨講的情況，現在已經有默契。 她表示也曾試過與幾個購物平台合作，最後還是選擇有信心保證的「澳門好幫手」。她指這網站便是網上版的澳門商圈，專門買賣有澳門特色的東西、澳門的商家、澳門的產品、澳門的服務，也給客人更大的購買信心，很安全地消費。即使海外、內地及香港的客人也能在此找到保證是澳門特色的商品，如果將來在支付方式的選擇上，能加入澳門通、微訊錢包或支付寶這些 途徑作交易便更理想。

Cheers!

    鍾意食玩買 & 所有新奇事物！

    本網站使用Cookies來令您獲得最佳的瀏覽體驗。若繼續瀏覽此網站，即表示您同意我們使用您的Cookies。詳情請見我們的 Cookie 使用政策。