澳城生活

焦點文章

暴走澳門第一輯:澳門本地人先知嘅「筍嘢」!跟住小Pe去「揾食」!

其他
澳門生活圈・2018-08-13

每次上網Search澳門攻略嘅時候 滿滿嘅推薦攻略 大三巴觀光?? Sasa萬寧大掃貨?? 豬排包豬肉乾葡撻美食推薦?? 嘖嘖嘖~ 澳門邊度都有美食 唔通景點區嘅就比較好食啲? NONONO! 今次小Pe帶大家食 本地人先知嘅地道美食! 親身試過!唔好食都唔推薦! 記得準備包Tempo 墊住你啲口水吖! 馬慶康南天咖啡室 每次一講到食,三盞燈嘅美食一定唔可以少!次次去都排曬長龍!講下排隊規則,先排隊等有位坐低再嗌嘢食!最後食完摞住張黃單去收銀台埋單就得喇! 日日都賣曬嘅煎肉餅飯記得要11點就到先有!一般過咗12點就賣曬!配上太陽蛋餸飯一流! 滑蛋叉燒炒河就係For鐘意河粉嘅你!啲蛋滑過小BB! 但係講到小Pe摯愛,就係叉燒雙蛋飯同埋西多脆脆!咪以為生蛋會好腥!撈飯啱啱好!記得加菜(+9MOP)!西多脆脆唔係齋添戈種,入面夾住鹹芝士,鹹甜適中! 煎肉餅飯41MOP 滑蛋叉燒炒河43MOP 叉燒雙蛋飯33MOP 西多脆脆35MOP 地址:俾利喇街65號 營業時間:7:30-18:00 公交路線:賈伯樂/培正站(17路)、昌明花園(16路、3路、3X路) 人均:35MOP-45MOP 新鴻發咖啡美食 離馬慶康只有2分鐘路程!勁近!好容易就揾到! 干炒牛通加菜!冇辦法要多啲食青菜!好香,影戈陣流曬口水~不過味道有啲淡!整體味道唔錯!依家寫緊點評都係度吞緊口水,好想再食多次,配檸檬茶夠曬解濟~聽聞法蘭西多士好正,但係小Pe真係飽到貼底喇,下次試試! 干炒牛通39MOP 法蘭西多士28MOP 地址:高士德賈伯樂提督街55號A 營業時間:6:00-18:00 公交路線:賈伯樂/沙嘉都喇(17路)、高士德/賈伯樂(5路、28C路) 人均:35MOP-40MOP 洪馨椰子 老闆都係老人家,服務態度真係好Nice! 堅持用馬來西亞椰子做傳統手工雪糕,椰子雪糕每一口都有濃濃嘅椰子味!咪以為泡沫膠杯好唔環保,其實係為咗保溫。 唔係時時都有噶椰青水,同超市100%椰子水完全唔一樣!超天然一個一個椰青積落成桶雪住,一樽樽賣!又冰又清爽!好過飲奶茶! 椰子雪糕25MOP 芒果雪糕30MOP 椰青水10MOP 地址:新馬路果欄街14號 營業時間:9:00-13:00、14:30-19:00 公交路線:栢港停車場(3路、3X路、16路) 人均:10MOP-30MOP 南屏雅敘 舊式冰室真係好少喇!價錢仲好抵!咪以為老人家幫你落單就會算錯數!其實個個條數都好精!落單唔使寫紙仔!記憶力UPUP! 距離洪馨就兩分鐘路程嘅十月初五街,冷氣勁大(驚凍就帶翻件外套),嗌翻杯熱熱嘅杏仁奶,再加上招牌南屏蛋治,香甜叉燒搭配滑炒雞蛋。 最後再嚟件正宗港式蛋撻,撻皮蘇!蛋味濃! 南屏蛋治25MOP 杏仁奶露14MOP 鬆化熱蛋撻5MOP 地址:十月初五街85-85A號 營業時間:6:30-18:30 公交路線:栢港停車場(3路、3X路、16路) 人均:25MOP-35MOP 青洲灶記咖啡 鐘意去行官也街嘅朋友記得嚟呢間灶記,最出色嘅鮮茄牛尾通心粉,牛尾又淋又入味,啱曬小朋友,配埋凍奶茶,正! 另外仲有花生奶粒厚多士,濃濃嘅花生醬加上外酥內軟嘅士多!仲有阿華田脆脆,係小Pe摯愛! 花生奶粒厚多士28MOP 鮮茄牛尾通心粉36MOP 凍奶茶18MOP 阿華田脆脆21MOP 地址:氹仔舊城區巴波沙總督街18號地鋪 營業時間:7:00-19:00 公交路線:栢港停車場(34路、30路)、坐威尼斯人賭場車行路10分鐘 人均:30MOP-50MOP 祐漢小販大樓文記美食 呢間煎餃點係小Pe以前無意中發現,次次去呢間都要排20分鐘嘅隊。講下排隊規則,右邊排隊落單畀錢;左邊係已經埋咗單領煎餃嘎!大家記得唔好排錯隊! 煎餃有白菜同韭菜兩種揀,即包即煎即賣,新鮮滾熱!雖然肉唔係好多,但係隻隻料都係啱啱好~加翻啲紅醋,配埋佑漢嘅豆奶簡直完美~ 文記煎餃20MOP 豆奶10MOP 地址:澳門半島勞動節大馬路祐漢小販大樓3層文記美食 營業時間:7:00-21:00 公交路線:祐漢街市(3A路)、關閘行路10分鐘 人均:10MOP-25MOP 新文記豬扒面 呢間就喺拱北關閘M記附近(立交橋底),位置好容易揾到。阿叔真係好好傾,本身想食米粉,喺阿叔強烈推薦下食咗出前一丁+太陽蛋,Yummy~ 豬扒好入味,炸得又蘇又脆!再加上凍奶茶,簡直係好邪惡吖!(驚熱氣嘅朋友仔就記得飲翻杯涼茶) 豬扒面33MOP 凍奶茶15MOP 地址:永定街新寶花園地下(關閘附近) 營業時間:7:30-17:30(每月1號、11號、21號休息) 公交路線:關閘行路14分鐘 人均:33MOP-40MOP 小Pe越寫越餓 講真澳門美食到處都喺 大家咪顧住買買買! 得閒留翻啲時間去行下舊街巷 可能會發現到你嘅心水鋪頭~ 揾食路上記得 備好水同埋風扇仔仲有遮! 帶住小Pe嘅揾食推薦 做足功課就唔使身水身汗食閉門羹喇 今次只係推薦咗一小部分 如果仲想睇下集 歡迎吃貨留言畀小Pe 你知道邊啲澳門心水地道美食? 圖片來源:MacauLife 版權屬於原作者 素材來源:MacauLife 編輯撰寫:小Pe 本號原創文章,未經授權,不得轉載

最新文章

澳門葡國菜推薦,必食人氣餐廳!

生活在我城
Cheers!・2018-09-18

如果要數澳門必定要食的地道特色菜,葡國菜就一定在其中!在澳門林林總總的葡國餐廳數之不盡,無論是傳統葡式風味,還是澳門特色葡國菜,上至貴價葡國精緻料理,下至平民抵食餐廳,我們都為你一一搜羅,給你最詳細的葡國餐廳推薦清單! 氹仔舊城區「葡薏園」新派葡式素菜 氹仔木鐸街的「葡薏園(Tapas de Portugal)」,就特別準備了一系列的新派素菜,給一眾吃貨帶來更多選擇,走清新、Family gathering 的路線。 詳細介紹:【澳門葡國菜】氹仔舊城區「葡薏園」新派葡式素菜 銀河酒店「葡軒」餐廳 如果想在一餐之中既能吃到葡國菜,又可吃到融入了本土特色的澳葡菜,澳門銀河的「葡軒」絕對是不二之選。餐廳更貼心將餐牌分成澳葡菜和正宗葡國菜兩個派系,讓大家輕鬆飽嚐兩種滋味! 詳細介紹:【澳門葡國菜】銀河酒店「葡軒」餐廳 一頓飽嚐澳葡菜和正宗葡國菜 亞利咖喱屋葡國餐廳 開業超過30年、位於西灣湖畔的亞利咖喱屋葡國餐廳,主打印度咖喱及澳門土生菜餚,加上價錢經濟實惠,深受澳門人及旅客垂青。 詳細介紹:【澳門葡國菜】30年經典印葡菜味道!坐擁西灣湖畔美景的亞利咖喱屋葡國餐廳 氹仔舊城區安東尼奧 餐廳開業兩年已成為米芝蓮推介餐廳之一,可謂一炮而紅。門外掛滿的,都是世界知名的美食獎項,例如亞洲最佳餐廳評鑑、路易威登城市嚮導、Tatler 香港及澳門最佳食府、Frommer’s Guide等,個個擲地有聲。 詳細介紹:【澳門葡國菜】獲獎無數!氹仔舊城區「安東尼奧」──葡籍軍人的祖傳葡國菜 更多葡國菜食評,持續更新中!