【宴會必選！】路氹唯一天際海景場地，五星服務為重要嘅場合留下難忘回憶 — 澳門新濠鋒宴會場地
Cheers!・2023-10-20無論係小朋友百日宴、生日慶祝、公司聚會、結婚周年，各類大型派對，符合心水又得體嘅場地必不可少，揀啱場地令成個派對、聚會嘅氣氛成個昇華，令人難忘！而澳門新濠鋒有多個唔同風格、款式嘅場地及餐廳，滿足唔同主題嘅餐飲聚會。 澳門新濠鋒名廚食府雲集，分別有榮獲《米芝蓮》一星嘅頂級粵菜廳「帝影樓」、獲《福布斯》五星評級嘅意大利海鮮扒房「奧羅拉」，以及屢獲大獎嘅大師級天婦羅料理「天政」，如果想舉辦時尚惬意嘅雞尾酒聚會，位於38樓嘅「38」酒廊就非常合適，可以一邊享用特色雞尾酒，一邊於戶外露台俯望美麗夜景，另外，仲有包廂可以唱k、室內打桌球，娛樂設施超豐富！ 另外，為滿足更多不同嘅派對需求，澳門新濠鋒更設有全新17樓多功能宴會廳、「37」私房尊尚設宴空間，可以睇盡海景及城市景觀，更有名廚團隊親自設計豪華菜式，絕對係極緻體驗！全部場地及餐廳都可作宴會、派對包場之用，等小編同大家一一介紹喇！ 多功能宴會廳 位於 17 樓嘅多功能宴會廳，唔單止可以獨享全層，仲係無柱式設計，設有景色開揚嘅空中庭園，城市及海景一覽無遺。另外，仲有一個休息區，可以俾大家享用茶點，更有三個多功能室可用作新娘房 ，功能全面！宴席美食由大廚團隊精心炮製，絕對令您感受到以客為尊。場地可容納到 144位客人（12 席華席），各類大型派對都非常合適。 「37」私房 想舉辦一個簡單而隆重，親朋密友之間嘅私人派對？呢個場地就非常適合你！位於37樓的私人尊尚設宴空間， 有 270 度嘅落地大玻璃，令大家可以一邊欣賞澳門景致，一邊享用美食。而名廚團隊亦會按照當季時令食材設計華宴菜式，仲有卡啦OK房，一齊唱飲歌令氣氛更高！場地可以容納36位（三席華宴），非常溫馨大氣！ 帝影樓 「帝影樓」係榮獲《米芝蓮》一星嘅粵菜餐廳，將傳統粵菜融入新穎元素，重新演繹，令層次昇華！餐廳可容納 199 人，共有 10 間私人包廂，想舉辦一個高端嘅粵菜聚會， 「帝影樓」絕對係不二之選！ 天政 榮獲《福布斯》五星嘅「 天政」，主廚來自獲獎無數嘅日本餐廳總店，為您即席炮制最正宗嘅頂級天婦羅料理，新鮮食材由日本入口，絕對令您一試難忘！而餐廳景觀可以望到澳門半島嘅醉人美景，亦設有日式榻榻米坐席，非常地道。餐廳可容納 48人，分別有 6 間私人包廂可容納 4 - 15 人。喜愛日料又要包場嘅朋友不妨考慮下！ 奧羅拉 同樣獲《福布斯》五星評級的「奧羅拉」，嚴選綠色有機嘅頂級食材，用心製作鮮味十足嘅意大利風味！餐廳可容納 142人，如果想舉辦西式聚會，喺呢個典雅嘅用餐環境享用美食，不妨考慮下！ 「38」酒廊 位於澳門新濠鋒頂層嘅「38」酒廊，擁有醉人嘅澳門美景，更設有室內戶外空間，適合舉辦不同類型嘅聚會。 酒廊可容納 150 人，模式亦可更隨意舒適，設有室內桌球，一邊享用特色雞尾酒，一邊打桌球，享受相聚時光！ 逸 如果想舉辦細細哋 10 幾人嘅聚會，「逸」呢個私房菜格局就非常適合你！ 270º環迴海景一眼睇盡，仲有專屬大廚，按照大家口味炮製一場盛宴，更可揀西式長桌或中式圓桌，最多容納 15 人，所有細節都可客制化，自由度更大，絕對係為你而設嘅宴會！ 年尾春節快到，喺時候準備派對聚會，以上有你覺得心儀又合適嘅場地，可以致電 (853) 2886 8868，或電郵到：enquiries@altiramacau.com 了解更多！
J.W攝影日誌・2017-07-21
LifeMag Editor・2017-07-21
Trisha・2017-07-19
Chrysalids 少爺・2017-07-18
半島師奶・2017-07-17
