多家酒店周年慶　澳門居民優惠率先試專題報導

多家酒店周年慶　澳門居民優惠率先試

還記得是甚麼時候開始，澳門由寂寂無聞的小城，變得經濟騰飛、酒店林立嗎？數數手指，原來已經有十多年光景，時間過得真快。近月多間酒店都為慶祝周年紀念，而推出澳門居民優惠，包括有永利澳門、永利皇宮、金光飛航、澳門喜來登大酒店。澳門人，有著數啦！

永利澳門、永利皇宮8折優惠

永利一向走高檔路線，給人的感覺都是我等凡人無法高攀的價格，今次為慶祝永利澳門開業11周年及永利皇宮開業1周年，竟然推出澳門居民八折優惠！！而且仲適用於該酒店內的任何餐廳、酒吧、水療，真係抵到無法用言語形容！

永利皇宮 - 永利宮

這天我率先試試永利皇宮的馬卡龍，事緣我每次經過都會被它繽紛的色彩深深誘惑，今次趁有8折優惠梗係唔好錯過。馬卡龍原價28元一個，折後只要22.4元，比市面上一些法式餅店抵，最重要是口味選擇非常多，連坊間少見的口味都有，外脆內軟，而且口味配搭上令人不會覺得過份地甜，令人回味無窮。

永利馬卡龍

永利澳門、永利皇宮澳門居民8折優惠至10月31日為止，仲有一個月機會試埋其他唔同嘅餐廳！

金光飛航100元來回船票

不經不覺原來澳門威尼斯人都已經10周年，佢哋嘅優惠已經完咗，不過金光飛航嚟緊11月都邁向十周年。為慶祝生日，金光飛航即日起至11月30日期間推出優惠，只要於任何一個月份的「10日」生日，即可以100元購買金光飛航標準艙來回船票！

金光飛航10周年生日優惠

OMG！100元來回船票，即係50元一程！！咁啱得咁橋我又係「10日」生日，簡直有種中咗頭獎嘅感覺！其實家住澳門嘅我本身好少去氹仔搭船，不過抵到咁唔用真係對唔住自己！順便去感受一下「全球首個比當地機場更大嘅碼頭」吖嘛！嗯，果然名不虛傳……

同樣起了十年的氹仔碼頭

澳門喜來登大酒店5大禮遇

澳門喜來登大酒店亦正式踏入5周年，推出澳門居民獨家5大禮遇，當中有餐飲有水療。對於吃貨的我來說，最吸引的是在酒店內所有餐廳都有75折優惠！！5人或以上訂座，更可享有免費葡萄酒一瓶。其他優惠包括：所有餐廳提供之啤酒劃一為港幣5 元；咖啡和茶添飲劃一為港幣5 元；以價格港幣955 ++元，在炫逸水療中心享受90分鐘特色水療護理。