澳城生活

焦點文章

【馬交慳多拿 baby】 澳門抵食火鍋放題特輯 -14.4.2023

生活在我城
Cheers!・2023-04-14

有咩開心得過一大班人圍埋一齊傾偈，暢飲暢食，依家小編為大家推介幾間抵食嘅火鍋放題，等大家食得盡興！ 1.帥鍋 帥鍋一人一鍋2小時任食放題，啤酒汽水任飲價位都係 $148 – 168起，包括多款肉類海鮮，最啱同朋友去暢食暢飲一番！ 帥鍋 地址：寶暉海景花園地下D/E鋪 電話：2842 1987 地址：慕拉士街4-6富大工業大廈地下E鋪 電話：2880 5880 2.泰鍋 泰鍋主打泰式火鍋，最適合好辣嘅朋友，有多款湯底選擇包括青咖喱雞湯、冬陰公湯，價格都係 $173 起！ 泰鍋 地址: 澳門黑沙環新街廣華大廈421號地下 電話：2876 2580 3.CTM 依家CTM 預付卡客戶 $78 即可享 3 個月 TVB Anywhere（原價：$68 / 月） 、hmvod （原價：$49 / 月） 或 JOOX 服務（原價：$58 / 月），俾您享盡精彩劇集電影及熱門音樂！ 4. 如在蜀毛肚老火鍋 如在蜀」任食火鍋 2 小時任食星期一至四都係每位 $188*，包括多款火鍋種類，仲有燒烤小吃、手搖、甜品等，豐富又抵食呀！ 如在蜀毛肚老火鍋 電話：2878 0000 / 6888 8210 地址：澳門海灣南街寶翠花園利明閣地下門牌9號 5. 凱旋門酒店喜慶堂 凱旋門酒店喜慶堂午市火鍋行政套餐只要每位 $88* ， 有多種湯底選擇，可選牛、豬、雞及素食套餐，仲包甜品飲品，非常豐富！ 凱旋門酒店喜慶堂 電話：2833 6399 / 6688 9338 地址：澳門城市日大馬路凱旋門酒店3樓

最新文章

胡智杰Jet Wu-中國拳王作者

人物專訪
文創遊樂場 // 米米 Esther Lim・2018-04-27

胡智杰Jet Wu在小時候，已經集美術及運動於一身，在不少比賽獲獎包括:1994年及1995年公開賽(柔道) 冠軍，1999年、2005年至2010年全澳拳擊公開賽冠軍；2008年威尼斯人重量級爭霸戰冠軍，2006年及2010年澳門拳擊亞運代表等。 2011年成為拳擊教練後；2012年到過中國拳王鄒市明國家隊訓練基地；延續拳擊故事，也開創了漫畫創作的歷程。2013年在威尼斯人開畫展，得到美國公司欣賞出版《中國拳王》第一集簡體字；於2015年12月推出繁體版。《中國拳王》第一集推出短短一個多月，尤其是香港反應理想，胡那時候帶著《中國拳王》參加馬來西亞、韓國等的漫畫展以打造外地市場。 早前澳門漫畫《中國拳王》首次在台灣推廣，作者胡智杰Jet W又展開新文創之路; 加上運動員體格令事業更進一步。

陪月辛酸。血。淚。屎@懶惰媽媽 2

人物專訪
陪月辛酸。血。淚。屎・2018-04-19

陪月辛酸。血。淚。屎@懶惰媽媽 2 第2日。我去到放低餸，換衫去睇下媽媽先。(我今日醒左，帶多左幾件衫同口罩，成盒手套) 房，臭味仲有但明顯少左。 我問媽媽：點吖，尋日沖完涼洗左頭，尋晚有無好瞓左吖？ 媽媽：我發現我啲皮膚1塊塊甩出嚟! 我：邊到吖？ 等我睇睇？ 媽媽打開件衫，指住個胸：個Lin頭，係咁流奶，我諗住瞓平應該5會再出，點知瞓醒成身都係咁甩皮。 我1睇，真係無眼睇。個啲1塊塊，係乾左既母乳嚟! 因為媽媽打平瞓，啲母乳流出嚟佢無用乳墊 (直頭無帶胸圍)流到個胸周圍都有，乾晒又甩甩地咁。。。 我：你5餵人奶，要用個緊身啲既胸圍，戴幾日，就會自然收奶。同埋我會煲啲回奶湯你飲。(我1講完就知自己講錯說話) 媽媽：好囉~又可以幾日先沖1次涼。 我：其實你張床褥係未應該換左去呢，太多惡露過晒底。會有好多菌。 媽媽：都要架喇，平時我啲M成日都過底。 我：半夜起身換下，或者M到時墊條大毛巾係床單面。 媽媽：條姨媽巾都未滿，我5會換住。我等到滿晒先換架。 我 我：5好吖，會好易發炎發臭架。 媽媽：我媽教我既，佢話5洗成日換架! (果然好家教!) 我：5好吖，有事個時就收尾長喇。 我：你起身先，我今日再幫你沖涼洗頭，係呢幾日架咋，過埋12朝，你自己做架喇。 媽媽1手掀起張被，我見到1包野，好臭，好似屎咁臭。 我：個包咩嚟架？ 咁臭既？ 媽媽：我見工人姐姐今朝5得閒扶我去廁所，所以我係床度屙左紙紙落片片到，包好左無流出嚟架! 我 我5記得左講，呢位媽媽懶到要工人姐姐比便盤佢在床上大小，晚上仲會用成人片片架。 我嚇到行屍走肉咁叫媽媽入廁所，再叫姐姐連床褥同枕頭都推出垃圾房掉埋。張床褥係黑色架! 我幫媽媽洗頭個時，見到好多血漬，我問：你搲損左個頭？ 媽媽：5係吖，可能係啲M血，個垃圾桶係我床頭柜入面。(呢1刻，我好有衝動掉埋張床!) 今日好啲，洗頭吹乾用左15分鐘。 再用熱敷搞埋2邊胸，又半個鐘。 肚皮傷口仍然無被波及。 重頭戲又來了! ! 媽媽話今朝屙過紙。。。前面毛毛痴實晒啲血後面毛毛痴實晒啲💩 我無眼睇，叫佢自己用手捽下佢每捽一下就聞一下 我：污糟吖，5好聞喇。 媽媽：我想聞下惡露既味道。你地個個話臭，我又5係好覺得喎。 我心諗：梗係喇，你身體構造咁特別。堂堂1個大學畢業生，可以咁無common sense! 我：今日5好坐落盤薑水到喇，你用毛巾慢慢洗。 話口未完，又1個屎忽坐左落盤薑水到。 我無眼睇，叫媽媽沖好涼抹乾身。我怕左佢，叫左工人姐姐入去幫手。 我換衫煲落湯同整好飯後，再換件衫，睇下阿B。我見阿B條片滿晒屎尿。 於是問工人姐姐阿B幾點前換過 婆婆搭口：上餐食奶到依家 我睇睇記事簿。。。上餐奶？3個鐘頭前？我打開片片1睇，阿B個屁股，袋底，大脾罅滿晒紙紙，已醃到傷左。 我問婆婆：點解5叫工人姐姐密啲幫阿B換片吖？ 婆婆：條片都未滿晒，5好嘥野嘛。( 2母女既 model answer，真係好家教) 我：婆婆，真係5好吖! 阿B感覺到片片滿會喊會5舒服之外，啲尿液都會倒流返入腎臟，到時為左慳個2，3蚊，搞到阿B有事就5好喇! 婆婆：咩原來會咁架，我真係5識。好在請到你咋。我女大學又5係讀呢科，所以佢都5係好識教我。 我嘔晒血，心諗，如果換條片都要讀大學，我做得教授喇! 真陰功，阿B邊沖涼邊大喊，我唯有用厚抹花屎令呢個方法，等傷口無咁痛同快啲好，順便教埋工人姐姐同婆婆。 開午飯比媽媽同婆婆食後，我問準先生，同工人姐姐2個拿拿聲去樓下商場間海X，是旦求其買張床褥加枕頭返上去，比媽媽瞓住先。 工人姐姐問我：姨姨，我可5可以都買張新架，我個張。。。係太太以前瞓過架。。。 我立即明晒，我：買，買完張單先生5比錢，我比! (我見特價$179先咁大聲答) 上篇：陪月辛酸。血。淚。屎@懶惰媽媽 1 原文：「陪月辛酸。血。淚。屎」Facebook專頁 （文章得作者授權轉載）

陪月辛酸。血。淚。屎@懶惰媽媽 1

人物專訪
陪月辛酸。血。淚。屎・2018-04-19

陪月辛酸。血。淚。屎@懶惰媽媽 1 呢位媽媽有工人有阿媽 佢媽媽又幫佢請左我做陪月 第1日我去到，新手婆婆：你幫下口叫下阿女去沖涼，佢個身臭架! 我：好，我入房睇睇媽媽先。 我叩門推入房，哇! 臭到呢! 屎味加臭味傳晒入我的鼻，想嘔 我：新手媽媽，你好吖，我係陪月姨姨，今日第1日返工架! 新手媽媽：我開刀生，我怕痛5想落床! 我：咁你都要去廁所架？個時順便去沖個涼洗下頭，出到嚟我立即幫你吹頭，5怕會入風。 新手媽媽：我都無落過床，工人姐姐幫我抹左2次身（生完第6日，返左屋企2日) ，阿媽會幫我換衛生巾。 我反晒白眼，吸1大啖氣，手揸緊拳頭：其實咁樣對你傷口有影響架，好易有細菌。阿B食奶個時好易接觸到，佢咁細個，發燒可以好嚴重架! 新手媽媽：我都無餵人奶，阿媽幫我餵奶粉。我生完好攰，咩都5想做。 我：咁我嚟左幫手，可以扶你去到廁所，行多步，個傷口都會復原得快啲。 新手媽媽：好喇，等陣我急，你陪我去喇。 我返出去整餸煲湯煲薑水，幫阿B沖涼時，發現阿B污糟多老泥，啲頭泥又無整理，1舊1舊咁。 我問新手婆婆：點解阿B咁多老泥既，頭泥又5清理甩左出嚟個啲。 新手婆婆：BB返嚟都無沖過涼，我5記得左點沖喇。同埋我地1家都習慣左3幾日先沖1次涼。 我擘大個口得個窿，心諗，等陣到個阿媽，我屎梗。 好在我袋長期有手套同口罩。 近11點，屎神終於來召喚! 新手媽媽話要去廁所加沖涼，叫我陪1次，話月尾會加返啲人工比我。我心諗我5想要呢啲多餘錢。 入房，我打個窗簾打開窗戶，個景好靚，有河境。 新手媽媽掀開張厚被，我被個情況嚇得退後2步。床單好多血漬加屎漬，加上惡露既味道，我戴住雙重口罩聞到都想嘔! 新手媽媽條睡褲，深深淺淺既血漬，如果佢5郁，我諗我估佢應該係被人殺死左架喇! 我先扶新手媽媽入廁所，叫佢坐定定除左衫褲先。 跟手我叫工人姐姐掉晒啲被同床單，實在太多血了。新手婆婆見狀，就話：我呢個女，真係由細到大都污糟邋遢，哎呀! 真係失禮屎人! （都係你教得好啫，3幾日先沖1次涼！) 我攞埋薑水返入廁所，由頭幫佢洗落腳! 頭髮已經1餅野咁，慢慢梳慢慢洗再吹乾用左45分鐘! 個胸又漲又硬，乳頭啲乳線已有堆奶乾左硬晒咁，塞實晒啲乳線。 我用熱敷清左啲污糟物先，再幫按摩舒緩，用手揸左啲奶出嚟。2邊胸夾埋搞左1個鐘。（我已身水身汗) 肚皮傷口既膠紙，好好彩係冇被波及，我再貼上1大塊防水膠布，幫佢沖身。 重頭戲終於來到，洗下身! 我叫佢自己用花灑洗下，起碼洗左啲痴住係毛毛啲血塊先喇！ 但佢竟然。。。成個屎忽坐落盤薑水到! 佢痛那到叫晒救命，我唯有不停幫佢沖凍水。成盤薑水變成臭血水! 佢個屎忽同妹妹中間條罅，夾住好多臭既血塊，不停沖水都仲有。 最後，我叫佢自己用梘液捽下雙腳。比我見到佢啲腳趾甲係黃晒翻晒出嚟，1問之下，原來佢大肚10個月以來無剪過！ 心入面講左過萬句粗口。有無人頂得順呢啲女人? 原來係有架！ 新手爸爸仲係幾好樣同乾乾淨淨架！ 下篇：陪月辛酸。血。淚。屎@懶惰媽媽 2 原文：「陪月辛酸。血。淚。屎」Facebook專頁 （文章得作者授權轉載）

【獨家專訪】蔣醫師話您知！九大保健是非題

人物專訪
Cheers!・2018-03-09

古語有云：人不可貌相。 眼前這位一身筆挺西裝，配搭秀氣形象的蔣 EC（醫師），竟然是位入行 14、15 年，在本澳甚有名氣的中醫師。今次的專訪，蔣 EC 除了分享中醫師的工作點滴，更會向大家傳授幾招保健心得，大家攞定紙筆做筆記啦！ 然而先入為主是人的天性，一個二十出頭的年輕醫師掛牌診證，被質疑、不獲信任的情況少不免。但當蔣 EC 提到剛入行的難忘軼事，卻一臉輕鬆的表示：「其實大家都覺得中醫多數都係老啲好，當然試過以前出嚟初診嗰段時間，有啲病人上到嚟一見『嘩！呢個醫師咁後生嘅。』調轉頭就走咗，但呢樣嘢會接受囉，因為時間耐咗，口傳口，以訛傳訛，就會 Okay 㗎啦。」現在蔣 EC 駐診的「長春閣」，經常門庭若市，以口碑打破刻板印象。 蔣 EC 一身筆挺西裝，完全顛覆小編對中醫師的印象！ 蔣 EC 目前在「長春閣」駐診。 初春保健術 ── 晚餐七分飽，培養良好飲食習慣 澳門的冬天，時陰時晴、忽冷忽熱，比女人的情緒更難觸摸。蔣 EC 就建議大家晚餐份量不要太豐富，盡量控制在七、八分飽。「每日一起身檢驗下自己脷苔，唔算太厚的話，基本上身體嘅循環就達到通透。腸胃唔怕有嘢積，消化系統好，就算有感冒菌入咗腸胃，無一個地方給它團積發展，就會很快由身體排走，所以保持一個好嘅飲食習慣好緊要。」 難得蔣 EC 坐定定任由小編提問，當然有殺錯無放過。訪問前小編就向同事們徵集種種對中醫的迷思，準備了以下九條保健是非題，想知答案就去片啦！ 保健是非題 沖蜜糖到底要用凍水定熱水？ 沖蜜糖唔可以用鐵匙羹？ 著襪瞓教唔好？ 洗完頭唔吹乾真係會偏頭髮？ 肚痛擦生油可以驅風？ 隔夜蛋對男仔唔好？ BB剃完頭擦花生油，頭髮會生得快啲？ 食咩可以去暗瘡印？ 大肚婆飲蜂蜜會滑胎？ 蔣 EC 出品 ── 雲南薑粉、玫瑰花蜜 眾所周知，雲南的氣候好、土壤肥沃，其野生菇菌更享譽全世界。蔣 EC 就特別挑選了當地的薑和玫瑰花，製成薑粉及玫瑰花蜜，希望為本澳市民帶來更好的養生「寶」物。 生薑粉 雲南的氣候非常適宜種植藥材，所以當地的薑又叫「御薑」，全部都用以進貢皇室。而這薑粉磨到非常幼細，極易溶解，用來沖蜜糖一流！又因為薑有消炎作用，對腸胃差、經常吃生冷食物的人，效果特別好。 玫瑰花蜜 玫瑰花既可舒緩經痛，又可以潤腸通便，還可以放鬆情緒。而且所採用的玫瑰花，統統（全部都是）由雲南以傳統的有機方法種植，一打開樽蓋就聞到清新玫瑰花香！ 「尊壹」生日驚喜 好消息是，CTM 為答謝客戶的長期支持，特別為所有「尊壹會」會員送上一系列「尊壹」生日驚喜﹗其中包括蔣 EC 精心炮製的「蜜蜜享」養生禮盒，禮盒包括上述的玫瑰花蜜及生薑粉！立即成為「尊壹會」會員享全年精彩尊尚禮遇！詳情點我 場地鳴謝：中國國貨公司

【獨家專訪】《好想你》主唱！馬來西亞歌手 Joyce 四葉草

人物專訪
Cheers!・2018-02-15

以一首洗腦神歌《好想你》紅遍省港澳的大馬可愛教主朱主愛日前就為宣傳她的第一個個人演唱會《澳門電訊榮譽呈獻朱主愛來自四葉草》，專程來澳與粉絲和傳媒見面。小編為了讓大家更深入了解四葉草，就在事前準備了《十條問題了解朱主愛》的訪問環節；又請四葉草充當馬來西亞潮語教師，想學大馬潮語？快啲去片啦！ 四葉草的笑容和吳若希有幾分相似，連佢本人都話：「梨涡一人一边，真的感觉好亲切。」（圖片來自 Joyce 四葉草 facebook） 免費贏演唱會門票 不得不提，由即日起至2月23日玩“星級娛樂「汪」新春”遊戲就有機會抽到 《澳門電訊榮譽呈獻朱主愛來自四葉草》演唱會門票 2 張同其他豐富獎品，總值超過 3,000 萬！ 立即進入遊戲： https://games.cyberctm.com/ 朱主愛Profile 英文名：Joyce Chu Zhu Ai 出生：1997年3月7日 暱稱：四葉草、草草團長、草草 國籍： 馬來西亞 （資料來源：維基百科） 演唱會詳情 主辦：萬星國際娛樂文化有限公司 表演日期：2018 年 3 月 2 日（星期五） 時間：晚上 8 時 地點：新濠影滙綜藝館 熱線：(853) 8865 3333 免付費電話：香港 800 906 282 門票類別 門票票價 貴賓廂房 * 24座 $12,000 / 12座 $6,000 A 區 $680 B 區 $450 C 區 $230 *貴賓廂房包含與歌手見面合照（24 座 - 兩張 / 12 座 - 一張）。 查詢及預訂貴賓廂房，請電郵scecsales@sc-macau.com 訂票網址：https://goo.gl/7tw4p6

小肥快問快答：最肥嗰時 200 磅 …… 左右

人物專訪
Cheers!・2018-01-31

上一篇的專訪 貳拾年・小肥：唱歌令我有自信 ，小肥讓大家了解到他出道 20 年的點點滴滴。而專訪的另一環節，小編就要求小肥挑戰快問快答，尖銳問題迫使小肥自爆「最肥嗰時重達 200 磅！」，想睇小肥會點應付小編嘅尖銳問題，立即去片啦！！！！！

貳拾年・小肥：唱歌令我有自信

人物專訪
Cheers!・2018-01-19

小肥，原名徐智勇。是個土生土長澳門人。由「C-plus」到「小肥」，唱足 20 個年頭，然而作為一個澳門歌手，能夠踏入香港樂壇，小肥可謂第一人。可是充擔「先頭部隊」要面對坊間幾多個負評、乘載多少澳門歌手的希望，壓力可想而知。但眼前這位「少肥」大男孩，仍然堅持唱好歌。 下一篇：小肥快問快答：最肥嗰時 200 磅 …… 左右 自從「破咗處」　令我有返信心 短短 30 分鐘的訪問，小肥多次提到，是唱歌令他找到自信，是唱歌改變了他內向的性格。「由以前匿埋唔講嘢，到依家做訪問可以兜到去外太空。」至於他開始唱歌的契機，原來是因為《李香蘭》，「中學嗰時有個 Miss 要走，有啲活躍份子就搞 Karaoke 同 Miss 踐行，唔知點解夠膽死點隻《李香蘭》。自從呢次『破咗處（指第一次在眾人面前唱歌）』，就一路都有參加（歌唱）比賽，慢慢開始有人搵表演。發覺自己由一個每個禮拜六日無街去，匿喺屋企嘅小朋友，變成每個禮拜都會有比賽，又參加歌唱班。唱歌令我充實咗，朋友識多咗，連帶書都肯讀咗，因為你覺得自己得咗！」就是這一次的「公開演唱」，開展了小肥的歌唱生涯，澳門樂壇亦有了（鍾楚霖、徐智勇）這個雙人男子組合。 （網上圖片） 出道廿年　單飛十年 單飛，或多或少帶點眨義成份。不過在小肥的字裡行間可以發現，這次「單飛」，是希望澳門的歌壇可以飛得更遠。 小肥隻身赴港發展之前，其實已有多間香港唱片公司接觸，最後選定 Paco（金牌大風），全是鍾楚霖（下稱小霖）的決定。「咁啱香港歌壇想搵啲唱得嘅，唔係好講求外表嘅，但嗰時我哋（C-plus）有一個條件，就係想去到香港都係組合，所以前幾次都傾唔成。其實 Paco 嗰次都係咁，佢覺得組合難做。」即使面前是香港大名鼎鼎的金牌經理人 Paco，被他成功捧上一線歌手地位的，有劉德華、郭富城、楊千嬅、古巨基、側田等，但對於小肥來說，始終友情大過天。「成件事決策放棄（組合）嘅係小霖，我咩都比晒佢諗嘅，我話『你覆 Paco 啦，你 Say No 我無問題。』咁佢（小霖）諗咗陣，就決定『你單飛，簽比 Paco；我返嚟棋人搞。』」小肥繼續補充，C-plus 從未解散，只是各自專注做各自的事。 小肥在多個公開訪問中，亦表示 Paco 是他的伯樂。（圖片取自小肥 facebook） 闖蕩港澳　小肥眼中的娛樂圈風雲 然而對於第一位在金光綜藝館開演唱會、第一位勇闖香港歌壇的澳門歌手，並且在澳門和香港歌壇各發展了十年的小肥，的確別有一番領會。「澳門通常都係業餘歌手，嗰時有個Event唱完歌返嚟（公司）仲要整 Poster，好多嘢都自己搞，嗰隻 MD、MMO 都係自己搞，化妝整頭無㗎啦；喺香港（做歌手）係 Full time market，所以基本上你顧唱歌得㗎喇，坐喺度就有人幫你化妝，車又有人會安排，去到邊都有人幫你跟。」 可幸的是，經歷過如此「皇帝級享受」嘅小肥，依然平易近人、有禮貌、零架子。 小編和攝製隊一致認為小肥平易近人又有禮貌。 新碟《睡前服》　癲覆唱片公司套路 2016 年小肥結束了和「太陽娛樂文化」的合約，決定回澳發展自己喜歡的音樂，並全力創作新專輯《睡前服》。「我諗現今成功嘅唱片公司老闆都唔會同自己員工講做多啲 K 歌，因為 K 歌喺依家未必再成功，媒體都變晒啦，甚至依家都少咗人去唱K啦。與其無規則，不如做返自己鍾意做嘅嘢。」所以新碟的每首歌都是貼地而坦白，何以坦白？「舉個例子，《寵物》係離地唔誠實嘅，因為《寵物》係兵歌，為咗愛情寧願做隻貓做隻狗，我嘅愛情觀唔係咁㗎嘛。」換言之，新碟的每一首歌、合作的班底都是小肥欣賞和識於微時的音樂人，例如龍世傑、6 號@RubberBand、李拾壹、盧凱彤、側田、藍奕邦等，每一粒音都是「真・小肥」。 採訪當日，小肥就率先透露即將在 2 月 11 日舉行的《小肥不再孤單演唱會》的嘉賓名單，除了會有部分參與製作新碟的音樂人，亦會有出乎意料的驚喜。大家不妨將口中一句句的加油，化成買飛入場睇演唱會的實質力量，為一個努力了廿年的實力派歌手打氣。 小肥話開演唱會體力好重要，一定要做運動健身。（圖片取自小肥 facebook） 演唱會詳情： 活動 澳門電訊榮譽呈獻：小肥不再孤單演唱會 日期及時間 2018 年 2 月 11 日（星期日），晚上 8 時 場地 澳門威尼斯人 金光綜藝館 票價 澳門幣 / 港幣 880元 （VIP 區） 澳門幣 / 港幣 680元 （A 區） 澳門幣 / 港幣 480元 （B 區） 澳門幣 / 港幣 280元 （C 區） 金光票務：www.cotaiticketing.com 售票處： o 澳門巴黎人 – 一樓正門大堂售票處 o 澳門威尼斯人 – 金光綜藝館及酒店正門大堂售票處 o 澳門四季酒店 – 百利宮™售票處 o 澳門金沙® – 一樓售票處 o 金沙城中心 – 喜來登酒店正門及假日酒店正門售票處 電話訂購： o 澳門熱線：+853 2882 8818 o 香港熱線：+852 6333 6660 o 中國內地免費熱線：4001 206 618 澳門廣星傳訊 網上訂購：www.macauticket.com 門市據點資料請瀏覽：www.macauticket.com/TicketWeb/ServiceStations.aspx 電話訂購：+853 2855 5555

【微辣 x 非常大學生】 電視兒童常識問題比賽！

人物專訪
Cheers!・2018-01-12

小編上星期同微辣、非常大學生玩完呢兩個 Games，喉嚨痛足一星期！ 是咁的，自從 TVB Anywhere 登陸澳門後，唔少 TVB 經典劇集同遊戲節目都可以即時重溫。小編乘機搵嚟風靡 80、90、00 後嘅微辣同非常大學生，以「超級無敵估歌仔」同「超級無敵馬拉松」兩個經典遊戲 PK，輸咗就要犧牲色相扮醜，Any 肥無論點都好，吞妹始終都係小編心目中嘅女神️️️！ 新申請指定 4G+ 月費計劃享 24 個月 TVB Anywhere 流動應用程式，隨時緊貼熱門韓劇！ 📣 光纖優惠詳情：https://goo.gl/2L3RdM 📣 4G+ 月費優惠詳情：https://goo.gl/v9wdNy TVB Anywhere 賣點全面睇：https://goo.gl/1SF8Ha

【Show前專訪】 舞台華麗背後 ── 星級妝髮師 Maza & Kim 的 Working Holiday

人物專訪
Cheers!・2017-12-29

一個 3 小時、齊集 30 多位來自港、澳及韓國的藝人和 Dancers 出席的「TVB Anywhere 澳門電訊星級娛樂服務啟動禮」。舞台上每位藝人的星光熠熠，全靠著這 10 多人的妝髮團隊「Kim Maza Styling」打造。小編趁著開 Show 前深入後台，找來化妝師 Maza（左）和髮型師 Kim（右），以 30 分鐘的採訪時間，帶大家窺探每位藝人的華麗背後。 「通常接 Event 都唔會有多過一個月時間準備，首先要追咗人物、主題先，好似呢個 Event，要先知道幾多個人、幾多個鐘，要預幾多人做嘢。然後追問對方想要咩效果，好似普通紮一隻簪，同 Set 一個藝術品（髮型），時間已經差好遠。」的確，採訪當日，他們就針對出席的藝人，像是田芯妮、陳展鵬等，做了大量資料搜集（現場有一堆印有藝人肖像的 A4 紙），「要搵多啲 Reference，知道佢哋喜好、上鏡角度，就好似睇醫生咁，都要知病歷，食過咩藥。」事前功課做到足。 「TVB Anywhere 澳門電訊星級娛樂服務啟動禮」當日星光熠熠，包括 TVB 視帝、視后級人馬陳展鵬、田蕊妮，還有陳敏芝、黃智雯等，非常熱鬧！ Maza 表示：每次接 Event，就好似一齊去 Working Holiday 咁開心。（圖片取自受訪者 facebook） 問到 Maza 和 Kim 如何面對這種大型活動的壓力和體力，他們竟然用「Working Holiday」來形容這場分秒必爭的「計時賽」：「我哋幾百人、幾千人嘅 Event 都做過，好開心㗎，我哋永遠都唔會當一個Job咁接，而係好似一齊去 Working Holiday 咁，處於興奮狀態！」 Maza：細個唔玩玩具，就係砌香水玩眉筆。 14 歲，正值反叛的青春期，正如小編一樣，當大家放學後流連機鋪，Maza 就拿起眉筆，開始學化妝。「媽咪係 70 年代化妝師，屋企開女士用品專門店，所以細細個就接觸一切關於美嘅嘢，指甲啦、香水啦、Facial 咁。」Maza 的成功，不盡是贏在起跑線，但在媽媽的潛移默化下，年紀輕輕已經找到一生所愛。 不少本地藝人都找來「Kim Maza Styling」合作。 至於入行 17 年的 Kim，從小就非常喜歡去 Salon，享受「被人整（髮型）」的感覺。於是決定從髮型屋的學徒起步，由低做起，然後不停參加比賽來增強自己的技術。「參加比賽首先要有齊髮型師的所有技能，但要達標就要操練，因為比賽時間有限，而且緊張就會手震，所以要多啲練習，熟能生巧。」Kim由 2001 年開始參賽，直到 2010 年退出，之後就開始教學生涯。 採訪時 Kim 話不多，工作起來非常專業。 Kim：個頭鬆到咩位，全部都要計。 網友說：「論髮型的重要性，堪比整形。」小編劈頭就向 Kim 請教自己的髮型問題，但 Kim 的回答卻超乎小編所料：「要視乎場合，然後針對頭骨、面形作調整配合。例如頭扁就靠改變頭髮方向，要整鬆個頭，但鬆到咩位置，全部都要計數。」如此專業的答案，可見 Kim 對髮型的執著和認真。 零配合的默契 妝髮同步，在小編的腦海中，畫面只得「混亂」兩個字。當問到 Kim 和 Maza 如何培養彼此間的默契，他們竟然異口同聲表示：「真係無夾過喎。可能見到我畫眼線佢就會唔郁得咁大，我見佢噴嘢（造型產品）我就唔唞氣。」Kim 又補充「佢痴緊眼睫毛或者畫嘴唇，咁我就整其他嘢。因為大家都係比賽出身，對時間掌握得好好。」就是這天衣無縫的默契，一位客人的妝髮，廿分鐘搞掂。 入行要三心兩意？ 萬事起頭難，問到 Maza 和 Kim 對於妝髮師在澳門的發展，他們卻一致表示：「（澳門市場）容得落！例如一個婚禮，除咗新娘，仲有屋企人、姊妹，至少都要 5 個化妝師，依家澳門仲有好多 Event，所以鍾意就入行啦。」髮型亦一樣，「只要有心做，就一定會有人搵。」不過，他們亦建議想入行的新人必須具備「三心兩意」，「三心」即「細心、專心、耐心」；而「兩意」則是「鍾意、心意」。 Kim Maza Styling 網址：https://www.facebook.com/KMS.MC/

【獨家專訪】大賽車番外篇──Sailormoon 戰車之愛情故事

人物專訪
Cheers!・2017-11-24

“因為女朋友鍾意 Sailormoon，我想帶埋佢一齊比賽。” Delfim 的第一個答案，小編就被這段愛情曬到體無完膚。這位 26 歲、第一次參加「澳門格蘭披治大賽車」的 Delfim 以一眾 80、90 後無人不曉的美少女戰士 Sailormoon 打造成參加「CTM 澳門房車賽」的 17 號戰車，「謀殺」了現場不少記憶體。車上除有 Delfim 的中文名「蔡德勳」，還有另一個名字「家敏」。 家敏，就是這段愛情故事的女主角。「家敏好鍾意 Sailormoon，所以我想整（Sailormoon）喺架車度，代表佢（家敏）陪住我一齊比賽。」家敏和 Delfim 識於微時，卻在今年才成為男女朋友。不過愛情的長短並不代表深度，「家敏嘅 Daddy 都係賽車手，所以家敏好明白我，好支持我，比賽哥幾日佢病住都日日嚟支持我。」雖然小編和 Delfim 隔住電話訪問，但都感覺到 Delfim 甜到漏的笑容。 大賽車期間，家敏即使生病仍堅持每日到場撐 Delfim，Sweet 到痺。 Delfim 的家人亦有到場打氣。 一萬人仔　戰車育成 以桃紅為主色調的 17 號戰車，由設計到完成前後花了兩個月，「我想架車有 Sailormoon、我個名、家敏個名同埋公司名。」與車行不停溝通協調，合共花費人民幣 10,000 元，Sailormoon 戰車育成！ 首次參賽　目標達成 「其實由細到大我都好鍾意賽車，加上身邊有幾個車手朋友，今年又儲夠錢就決定參賽。」然而要參加大賽車，並非填 Form 報名咁簡單，資金亦是 Delfim 參賽嘅關鍵。「要港幣 50 萬左右，攞牌之後去內地參加 5 場 FIA 賽事，其中一定要完成 3 場，先可以喺澳門升牌，然後報名大賽車。」 第一次參賽，心情緊張在所難免，不過 Delfim 在星期五（11月17日）的排位賽中突破個人最佳成績，以第 10 名成功進入決賽。「我嘅目標其實只係入到星期日（決賽），因為我係今屆唯一一個新人（「CTM 澳門房車賽」1950cc 以上組別），大家都係前輩，加上又落雨，入到決賽我已經好開心啦。」最後 Delfim 贏得第 13 名的理想成績，亦為下年的賽事打下一支強心針！

功夫小子

人物專訪
文創遊樂場 // 米米 Esther Lim・2017-08-16

第二屆武林群英會剛完結，曾在第一屆武林群英會其中一位澳門武術精英表演者，來自南北武術學會的官宏浩，曾以苗刀比賽奪得金牌；當然他還有其他的武術比賽例如：傳統武術男子長拳類短器械冠軍、集體器械冠軍及男子南拳類長器械等奪得獎項。 介紹官因為他是首支徒步橫跨加國的華裔團隊參予(3位加拿大藉，4位香港人及5位澳門人)，代號「7K180」的徒步橫跨加拿大東西兩岸行動，由Monticle導師雷祐民帶領，有時一日連續行走80多公里和深山及腰深的積雪中爬行，還試過深夜遭遇熊群，他在這段時間除了靈修，還感恩這些難得經歷都會令人思考生命和心靈得以成長。 官宏浩這位土生土長的大男孩，六歲時開始在南北武術學會跟莊少平師父習武，但官試過因怕練武，在洗手間躲著…他由怕武術到奪獎，就像一般年青人祇要努力付出，他朝必定有收成。 官宏浩在加拿大的大學是讀遊戲設計；剛好今年在北京實習，在結業禮他設計了一款遊戲是很多人可以一起玩；意義在於互動、團結和合作，他說希望透過設計出來的遊戲帶出正面信息就是彼此扶持、努力合作；面對困難時不要太激進，而且遊戲是媒體，從玩遊戲增加思考和解決問題的能力才有意思。

澳門時裝達人-關治平

人物專訪
文創遊樂場 // 米米 Esther Lim・2017-03-09

澳門生產力暨科技轉移中心成立於1996年，生產力中心高級經理關治平，負責時裝及形象創意部；即負責一切本澳時裝及相關事宜。早在1986年，中心附屬現在的經濟局，名為職業發展輔導中心就是轉移中心的前身。本澳製衣業很早期開始轉型，關與中心多年來也積極發展及推動本地時裝相關工作，筆者在1999年(世貿中心)參加本澳時裝設計畢業作品(花生騷) 就認識了香港名設計師William Tang。 澳門生產力暨科技轉移中心Show Room 關在轉移中心對本地時裝設計師推廣從不間斷；每年澳門服裝節有內地、香港、台灣，重點是還有澳門時裝設計師；兩岸四地設計師互相交流(crossover)，切磋心得，以建立了良好的商業合作關係；而且也讓海外傳媒看到本澳時裝設計師的作品。 在2016年澳門服裝節以環保為主題，並有本澳10位設計師參予。關坦言籌備澳門服裝節困難在於與多位及不同各地的時裝設計師協調、MIF展覽塲地、舞台化裝師還有本地和外地嘉賓邀請等等，籌備需一年半載呢。 課室 時裝相關技術 另中心與中葡職業學校合作相關時裝課程開辦已有十多屆；課程內容除時裝設計、立體裁剪、車縫、化裝等。中心在2016、 2017年更與聖若瑟大學開辦學士學位設計課程。近年政府推出不少時裝相關資助計劃，擁有20年時裝相關經驗的關治平冀設計師們要發揮工匠精神，培養和發揮澳門時裝特別之處及優勢；像轉移中心及一班時裝有心人用了數十年時間令澳門時裝見到曙光。 圖書館一角 澳門製造 此外，澳門勞工局世界職業技能2013年-第42屆世界職業技能競賽中，流行時裝技術(Fashion Technology) 由麥泳詩奪得卓越表現獎章。另本澳時裝設計師在澳門時尚廊-聖祿杞街47號有銷售點，而逢星期六澳門日報的姿彩版均有澳門時裝相關的介紹。 時裝相關外地比賽相片 特別嗚謝：穆欣欣小姐、關治平小姐為婦女節文創的受訪嘉賓。

熱門文章

  1. 【澳門美食速遞】正宗北京風味銅爐火鍋 — 東來順飯莊
  2. 【馬交慳多拿 baby】 澳門抵食火鍋放題特輯 -14.4.2023
  3. 【馬交慳多拿 baby】自助餐優惠特輯 - 8.9.2023
  4. 【澳門美食】澳門麗思卡爾頓酒店麗軒 — 賞心悅目 午市菜單
  5. 【澳門美食速遞】外食族之選，用心製作健康日式便當 — 日玥 About Bento