文章列表

【澳門必試甜品】歡呼吧！芝士蛋糕迷。The Cheesecake Factory 將會在金沙城中心開張

澳城餐飲
Chrysalids 少爺・2018-07-25

芝樂坊餐廳 The Cheesecake Factory 將會在澳門路氹城金沙城中心金沙廣場開張。相信大家近期有去買「她」的蛋糕的話，一定會發現這個大大櫥窗，展示出 The Cheesecake Factory 將要在金沙城中心開張的消息。至於 The Cheesecake Factory 在金沙廣場裏的確實位置和開張日期，暫時仍未對外公布。假如店舖位置正正就是在「她」的對面的話，相信到時金沙廣場二樓的人流一定會創新高，車水馬龍，非常熱鬧。 The Cheesecake Factory﹣WE ARE ON THE WAY, MACAU 芝樂坊餐廳﹣澳門，約定你 櫥窗裹展示了一個巨型餐牌。餐牌上列出了四款菜式圖片：有意粉，有類似壽司的，亦有和泰式春卷相似的。感覺上有些像墨西哥風格，亦帶有少許意大利色彩的菜式。相信要等待 The Cheesecake Factory 開張後，才會知道這些是甚麼菜式。 The Cheesecake Factory﹣非芝士蛋糕類的餐牌 巨型餐牌的另一面，詳細地列出各款芝士蛋糕的中英文名，以及對每款芝士蛋糕的簡短介紹，但可惜沒有列出價錢，可以推斷這應該是商業秘密吧。芝士蛋糕可謂是 The Cheesecake Factory 的靈魂。餐牌上列出的芝士蛋糕有： 原創芝士蛋糕 Original 鮮士多啤梨芝士蛋糕 Fresh Strawberry 至尊咖啡忌廉朱古力芝士蛋糕 Coffee & Cream Chocolate Supreme 鹹焦糖芝士蛋糕 Salted Caramel Cheesecake 檸檬馬令芝士蛋糕 Lemon Meringue Cheesecake 無敵紅絲絨芝士蛋糕 Ultimate Red Velvet Cake Cheesecake 30週年紀念朱古力芝士蛋糕 30th Anniversary Chocolate Cake Cheesecake 牛奶焦糖芝士蛋糕 Dulce de Leche Caramel Cheesecake 白朱古力紅桑子雲石芝士蛋糕 White Chocolate Raspberry Truffle 克里斯驚人芝士蛋糕 Chris' Outrageous Cheesecake 芒果青檸芝士蛋糕 Mango Key Lime Cheesecake 鮮香蕉忌廉芝士蛋糕 Fresh Banana Cream Cheesecake 青檸芝士蛋糕 Key Lime Cheesecake 克雷格瘋狂紅蘿蔔芝士蛋糕 Craig's Crazy Carrot Cake Cheesecake 白朱古力焦糖夏威夷果仁芝士蛋糕 White Chocolate Caramel Macadamia Nut 檸檬紅桑子忌廉芝士蛋糕 Lemon Raspberry Cream Cheesecake 提拉米蘇芝士蛋糕 Tiramisu Cheesecake 朱古力慕斯芝士蛋糕 Chocolate Mousse Cheesecake 雲呢拿籽芝士蛋糕 Vanilla Bean Cheesecake 其中有幾款有朱古力的芝士蛋糕如朱古力慕斯芝士蛋糕、白朱古力焦糖夏威夷果仁芝士蛋糕、至尊咖啡忌廉朱古力芝士蛋糕、白朱古力紅桑子雲石芝士蛋糕和30週年紀念朱古力芝士蛋糕都很吸引，特別是30週年紀念朱古力芝士蛋糕，這是其中一款少爺必定要品嚐的芝士蛋糕。另外原創芝士蛋糕和芒果青檸芝士蛋糕也被少爺列入必試系列。 可能有人會問，有青檸酸味的芝士蛋糕好食嗎？想當年少爺初次品嚐青檸芝士蛋糕前，也有這個疑惑。其實青檸和芝士蛋糕是非常搭配的，可謂是互補不足，有互相增強對方吸引之處的效果。青檸的酸味不但令芝士蛋糕的甜味食起來不會太甜，不會太滯，還會有種甜而不膩，依依不捨的感覺；芝士蛋糕的甜味減低青檸的酸味，從而發揮出開胃，令人有食完想再食的慾望。這不可思議的化學反應組合，就是少爺為何會毫不猶疑地選擇芒果青檸芝士蛋糕或青檸芝士蛋糕的主要原因。 除此之外，值得一提的還有無敵紅絲絨芝士蛋糕、克里斯驚人芝士蛋糕及克雷格瘋狂紅蘿蔔芝士蛋糕。原因在於甜品的名字裏居然含有「無敵」、「驚人」和「瘋狂」這類大膽而又令人十分好奇的字眼。倘若少爺與必試系列的芝士蛋糕無緣的話，少爺會考慮一試克里斯驚人芝士蛋糕和無敵紅絲絨芝士蛋糕。 澳門金沙城中心金沙廣場芝樂坊餐廳 The Cheesecake Factory 最後，少爺曾聽聞 The Cheesecake Factory 的芝士蛋糕並無想像中的好食，亦有曾經試過 The Cheesecake Factory 其它分店的朋友說去 The Cheesecake Factory 並不是食芝士蛋糕這類幽默笑話。少爺覺得意見固然重要，這樣便可以避免中伏踩中地雷，但對於少爺這種固執己見的性格，是起不到作用的。少爺認為好醜都要試 The Cheesecake Factory 的芝士蛋糕至少一次，假如真的如朋友所料的難以入口，少爺倒覺得也無所謂，反正就是一次而已。希望有喜歡芝士蛋糕的同道中人，和少爺一樣，會期待澳門金沙城中心 The Cheesecake Factory 的開張啦！ 延伸閱讀： 傳說級稀有度！《怪物彈珠》X《刀劍神域》紀念限量版桐人二刀流手機殼 【澳門必影美景】好罕有！幸運地遇見難得一遇的「彩虹」 【澳門甜品界傳奇】金沙城中心 Lady M 蛋糕可以有幾好賣？ 【澳門隱世美食】不可不試！連勝街《泰友麵》海南雞髀飯

【澳門必影美景】好罕有！幸運地遇見難得一遇的「彩虹」

生活在我城
Chrysalids 少爺・2018-07-24

彩虹，是一種在下雨後，在有陽光照射下才會出現的罕有自然現象。仍然停留在大氣中的小水點把陽光光線折射出七種顏色，也就是彩虹的基本七種顏色。澳門高樓大廈比較多，所以就算落雨後有彩虹出現，都好大機會被建築物阻擋。 上星期四，2018年7月19日，那天傍晚落驟雨，少爺偶然放工後，行路經過南灣大馬路和水坑尾街交界，在八角亭附近等過馬路時，抬頭居然發現彩虹。少爺看到這必定是快門時機，當然二話不說，立即拿起手機把彩虹影下來，畢竟在澳門見到彩虹的機會並不多。那時候彩虹的顏色比較暗淡，大慨是因為水點和光線不太足夠。 出現於八角亭附近的彩虹 過馬路後，少爺發現彩虹仍然未消失，還在天空上展示它的美麗。於是少爺在八角亭圖書館旁邊繼續拍攝。彩虹的顏色居然慢慢地變得深色，層次更加分明，那時候雨勢亦正好漸漸變大。當時用雙眼去觀看彩虹，反而比用手機影出來的顏色還要清楚，還要深色，看來少爺是時候要換款比較好的手機了。 從另一角度看出現於八角亭附近的彩虹 在拍攝彩虹期間，有一對母女經過，小女孩要她的媽媽幫忙影彩虹，她的媽媽亦順從女兒的要求，為她拍下彩虹的美麗。 拍攝彩虹最佳時機 雖然下雨天會令人的心情變得不愉快，情緒也會較為低落，但彩虹的罕有出現，吸引大部分人的目光。大多數人都會因為彩虹七種美麗的顏色，而被深深吸引，令情緒逐漸變好。彩虹的出現，都會令每個人都會好奇地抬頭望一望，喜歡用手機拍攝的，會用手機拍下；喜歡用眼睛去看的，會把彩虹深深的印在腦海記憶裏。每位小朋友見到彩虹都會顯得格外興奮和高興。下一次有機會，大家不妨抬頭望一望，說不定會有意外驚喜，切勿錯過可能會出現身邊罕有的自然現象。 延伸閱讀： 【澳門隱世美食】不可不試！連勝街《泰友麵》海南雞髀飯 【澳門手搖界傳奇】大排長龍！沐白黑糖波霸鮮奶可以有幾好飲？ 【澳門隱世甜品】值得一試！Fuoco Pastry 有大大粒棉花糖的石板街 【澳門必試甜品】是柑香茶？是蛋糕？必試連勝街 Baptiste Brichon 的柑香茶法式蛋糕

傳說級稀有度！《怪物彈珠》X《刀劍神域》紀念限量版桐人二刀流手機殼

手機‧電玩
Chrysalids 少爺・2018-07-23

好興奮！想不到 XFLAG 真的會推出《怪物彈珠》X《刀劍神域》合作紀念的二刀流手機殼。令一眾《怪物彈珠》和《刀劍神域》粉絲們為之雀躍，想必每位粉絲們都想當上今次抽獎的幸運兒。 XFLAG Studio 於上星期四 (7月19日) 宣佈，為紀念旗下手機遊戲《怪物彈珠》與著名日本動漫《刀劍神域》的合作 ，將會推出以該動漫中男主角桐人使出獨特劍技「二刀流」中的著名招式「星爆氣流斬」時，所使用的武器「黑劍．闡釋者」，以及「白劍．逐暗者」為主要設計靈感來源的手機殼。 暫時這套手機殼不會公開發售，想要這套手機殼的話，只能夠從活動抽獎中得到。詳請可到以下影片來源的連結了解。是次活動只會抽出三名幸運兒，可以說是限量版中的限量版。 雖然大部分人都只能夠做分母，不過可以先一睹為快，認識這手機殼的厲害之處。 影片來源：XFLAG Youtube Channel 影片先以一名穿著日本高校校服青少年男性，左手握著「白劍．逐暗者」，右手握著「黑劍．闡釋者」打開序幕。可謂霸氣十足，有型有格，而且中二味十足，達至百分之一百。 然後當然不少得《刀劍神域》中，桐人使出二刀流劍技「星爆氣流斬 Starburst Stream」來斬殺青眼惡魔的幾秒短片。 桐人使用星爆氣流斬 接著就是該名青少年男性示範拿著以「闡釋者」和「逐暗者」為設計靈感的手機殼。雖然十分入型入格，但假如少爺有幸得到，亦只會把它們留在家中遊玩，斷定不會拿出街使用的，造成尷尬。 接著短片出現幾名設計師和工匹，深入洞穴，尋找可製作「闡釋者」和「逐暗者」的手機殼材料。製作完畢後，當然是要展示其強大之處。 首先，該手機殼能夠防水，就算下大雨都無問題。 防水性能 Water Resistance Test 厲害之處其二就是耐寒，無論温度有幾低，甚至下雪，手機殼依然若無其事。 耐寒性能 Cold Resistance Test 最後的厲害之處就是能夠抵抗雷雨，就算橫風橫雨，行雷閃電，也難以傷它分毫。 耐雷雨性能 Storm Resistance Test 看到這裏，少爺不知道這手機殼是不是真的如此厲害，有待幸運者拿來測試吧！（但應該不會有人會真的拿它來測試吧，畢竟這手機殼是十分珍貴。）（ 經過三款不同的測試後，是時候展示「白劍．逐暗者 Dark Repulser」 的手機殼。 《刀劍神域》白劍．逐暗者 Dark Repulser 以及可以用作觸控筆使用的「黑劍．闡釋者 Elucidator」，但看上去劍身太短了。 《刀劍神域》黑劍．闡釋者 Elucidator 接下來短片會介紹這手機殼的使用示範。其實全部都是任何一部智能手機本身都應該要有的功能（真的很想吐嘈）： 1）用來玩怪物彈珠﹣既然是 XFLAG 推出，當然是用來玩《怪物彈珠》啦！ 玩怪物彈珠遊戲 MONSTER STRIKE 2）打電話﹣任何一款手提電話都一定會有的功能。 打電話 PHONE CALL 3）導航﹣如果少爺是那位女性，一定會被這動作嚇呆。 導航 NAVIGATION 4）打字﹣手指也能夠做到的。 打字 TYPING 5）音樂播放器﹣只要手機裏有歌曲，都必定能夠做到。 音樂播放器 MUSIC PLAYER 6）自拍﹣可惜沒有自拍神棍的長度，否則一定會更加大受歡迎。 自拍 SELFIE 最後就以「黑劍．闡釋者」和「白劍．逐暗者」來結束這 137 秒的短片。 綜合而言，少爺個人認為覺得這款手機殼真的很有型，很有中二味，是任何《刀劍神域》的粉絲都夢眛以求想要得到的手機殼。可惜的是，數量有限，況且劍身太短，拿起來比較像單手短劍。倘若劍身長度能夠做到伸縮效果，大約能夠伸長至大約 30 厘米的長度會更加好。劍套應該不會是連同手機殼一齊送給幸運兒吧。 另外就是手機殼的功用，基本上是用來握著手機和觸控筆，方便用來玩《怪物彈珠》。令玩家玩《怪物彈珠》時更加投入，更能夠感受猶如置身於《刀劍神域》中的緊張感覺。總結來說，能夠幸運地被抽中的話，一定要用來收藏，但不應該花費巨額金錢來購買它。畢竟少爺認為，這三套手機殼只是用來試水温，假如深受大眾歡迎，將來 XFLAG 一定會推出巿面，大賺一筆；如果真的不會推出巿面發售，也一定會繼續透過各種各樣活動，贈送給參加者。 延伸閱讀： 【澳門隱世甜品】值得一試！Fuoco Pastry 有大大粒棉花糖的石板街 【澳門隱世美食】不可不試！連勝街《泰友麵》海南雞髀飯 【澳門炸雞美食】炸雞迷有口福啦！萬眾期待 Jollibee 6月27日開張 【澳門手搖界傳奇】大排長龍！沐白黑糖波霸鮮奶可以有幾好飲？

【澳門甜品界傳奇】金沙城中心 Lady M 蛋糕可以有幾好賣？

澳城餐飲
Chrysalids 少爺・2018-07-11

相信澳門各位朋友們都知道昨天 Lady M 在澳門路氹城金沙城中心開張。少爺當然要去朝聖，買三至四件 Lady M 蛋糕回家給公主品嚐。因為 Lady M 應該是晚上十點才關門，於是少爺計劃下班後才去 Lady M 買蛋糕， 心想時間方面應該沒有太大問題。少爺於下午六時二十六分到達 Lady M。發覺居然沒有人在排隊，暢通無阻，心知不妙。 看見這個牌 "WE ARE SORRY! ALL CAKES ARE SOLD OUT"，意思是「對不起！所有蛋糕已經售罄。」後，少爺完全不敢相信 Lady M 第一日開張，蛋糕居然會這麼好賣。少爺推斷大約下午四至五點前已經賣清光，甚至更早。雖然那時候仍然可以叫飲品，但少爺只是一心想食蛋糕。最後，少爺唯有懷著一副無奈的樣子，兩手空空地乘搭巴士回家。 延伸閱讀： 【澳門隱世甜品】值得一試！Fuoco Pastry 有大大粒棉花糖的石板街 【澳門必試甜品】是柑香茶？是蛋糕？必試連勝街 Baptiste Brichon 的柑香茶法式蛋糕 【澳門手搖界傳奇】大排長龍！沐白黑糖波霸鮮奶可以有幾好飲？ 【世界盃2018】睇見就想收藏！德國紀念版可口可樂

【澳門必食甜品】好幸福，睇見就流口水！金沙城中心 Lady M 7月10日正式開幕

澳城餐飲
Chrysalids 少爺・2018-07-10

因為 Lady M 今日終於在澳門金沙城中心金沙廣場正式同澳門朋友見面，所以今日少爺特別開心，以後在澳門金沙城中心也可以嚐到 Lady M 的蛋糕，十分方便。 一如 Lady M 過往的設計風格，一切裝修都是以純白色為主，還採用了大理石紋的牆身、紫藍色的簷蓬和寬大的玻璃窗等不同裝飾來襯托，令周圍環境顯得寛闊輕鬆。因為當時攝影時，周圍環境燈色比較淡黃，以及少爺忘記調整手機裹的攝影模式，所以各位看這幅圖時會覺得是昏黃色，但實際上現場會是偏白色的，敬請留意。 金沙城中心 Lady M 這次 Lady M 推出好幾款既創新而又著名的招牌蛋糕，包括： 1）朱古力棋盤蛋糕，每件售價澳門幣 78 元。大約兩年前，少爺曾經在香港買過一件來品嚐。因為少爺要求很簡單，只要有朱古力就必定要買來試試。朱古力格仔非常分明，能夠清楚見到每一個格仔，味道一流。今次少爺會買件來認真品嚐，倘若少爺銀包裹還有剩錢的話。 朱古力棋盤蛋糕 (Checkers) 2）皇家奶茶慕斯蛋糕，每件售價澳門幣 68 元。另一款以朱古力和奶茶為主的慕斯蛋糕。號稱 Lady M 全新創作作品。少爺相信今次這款蛋糕一定會很搶手。價錢亦是 Lady M 眾多蛋糕款式中比較便宜。少爺十分期待這款蛋糕會為味蕾帶來甚麼次元的衝擊，這是一款去 Lady M 必買的指定蛋糕款式。 皇家奶茶慕斯蛋糕 (Royal Milk Tea Mousse) 3）熱情果千層蛋糕，每件售價澳門幣 88 元。Lady M 今次大力推介，號稱只有在澳門才能品嚐的熱情果千層蛋糕。自帶天然酸味的熱情果，配上香甜而又細滑的忌廉，再加上是澳門限定，完全沒有不去買一件的理由。雖然這款蛋糕沒有朱古力，不過因為是澳門限定的關係，少爺定必會買一件的。 澳門限定 - 熱情果千層蛋糕 (Passion Fruit Mille Crepes) 另外，Lady M 還推出了另外兩款蛋糕，分別是玫瑰千層蛋糕，每件售價澳門幣 88 元；以及抹茶千層蛋糕，每件售價澳門幣 88 元。倘若您是抹茶控的話，您絕對不要錯過這款抹茶千層蛋糕。雖然如此，少爺卻認為玫瑰千層蛋糕和抹茶千層蛋糕比較普通，沒有上文提及的三款蛋糕那麼吸引，所以少爺提議這兩款蛋糕可於稍後時間才去購買。 地址：澳門氹仔路氹金光大道金沙城中心金沙廣場 2 樓 2203B 號舖 電話： 853-2855-1680 營業時間：星期一至四 10:00-22:00，星期五至日 10:00-23:00 以上三款蛋糕圖片及資料來源：Lady M Hong Kong Facebook 專頁 今日 Lady M 在澳門金沙城中心正式開幕，令許多喜歡食甜品的澳門朋友及旅客為之雀躍。這五款蛋糕之中，少爺最喜歡皇家奶茶慕斯蛋糕、朱古力棋盤蛋糕和澳門限定的熱情果千層蛋糕。大家以後在澳門金沙廣場，都可以品嚐 Lady M 極具高貴感及幸福感的千層蛋糕，少爺十分期待 Lady M 將來會推出甚麼令人驚訝款式的蛋糕給大家品嚐。 延伸閱讀： 【澳門必試甜品】是柑香茶？是蛋糕？必試連勝街 Baptiste Brichon 的柑香茶法式蛋糕 【澳門隱世美食】不可不試！連勝街《泰友麵》海南雞髀飯 【澳門必試甜品】歡呼吧！芝士蛋糕迷。The Cheesecake Factory 將會在金沙城中心開張 【澳門隱世甜品】值得一試！Fuoco Pastry 有大大粒棉花糖的石板街

【澳門炸雞美食】炸雞迷有口福啦！萬眾期待 Jollibee 6月27日開張

澳城餐飲
Chrysalids 少爺・2018-06-26

澳門 Jollibee 炸雞將於 6月27日朝早 11 點正式同大家見面啦！ 鍾意食炸雞嘅朋友又多一個新選擇，記得話埋比您身邊鍾意食炸雞嘅朋友知道喎。 近排有世界盃，一於買桶炸雞返屋企，一路睇世界盃，一路食炸雞，簡直超正。＃食完先再諗減肥啦 Jollibee 座落於新馬路近噴水池附近，人流一定多到爆燈！相信到時會有好多遊客同澳門炸雞迷會爭住去買炸雞食。 Jollibee 地址：永光廣場 Circle Square 來源：Google Map Jollibee 將於永光廣場同大家見面 開張當日仲會有免費 Jollibee 公仔派發，當然要幫襯先至有啦！數量有限，送完即止。 首惠顧 100 名顧客可獲得 Jollibee 公仔 以上圖片及資料來源：Jollibee Macau Facebook 專頁 Jollibee 炸雞响美國同香港都有開分店，响當地十分出名同埋受歡迎。今次响澳門開張，簡直就係炸雞迷嘅天大喜訊！唔知大家期唔期待 Jollibee 炸雞呢？大家最想食邊款炸雞呢？諗住買幾多盒返屋企，一路睇世界盃一路食炸雞呢？ 延伸閱讀： 傳說級稀有度！《怪物彈珠》X《刀劍神域》紀念限量版桐人二刀流手機殼 【澳門手搖界傳奇】大排長龍！沐白黑糖波霸鮮奶可以有幾好飲？ 【澳門必影美景】好罕有！幸運地遇見難得一遇的「彩虹」 【澳門隱世甜品】值得一試！Fuoco Pastry 有大大粒棉花糖的石板街

【世界盃2018】睇見就想收藏！德國紀念版可口可樂

專題報導
Chrysalids 少爺・2018-06-22

2018 年世界盃响俄羅斯舉行，開咗波大約有一個星期啦！雖然德國第一場就已經輸咗波，但係仲有兩場，德國仲有機會出線嘅。 今年可口可樂特別推出六款主辦國紀念版鋁樽，少爺亦都買咗其中一支德國版可口可樂，單買價 20 蚊澳門幣。有心想儲齊 6 款的話，一定要買 100 蚊 6 支，抵好多嫁。6 款之中，少爺最鍾意巴西、德國同南非 3 隻顏色，但最後只係買咗最心愛嘅德國。 今日少爺就介紹一下世界盃紀念版可口可樂啦！ 世界盃主辦國紀念版鋁樽「可口可樂」 可樂嘅身高大約有 18 厘米高，唔係太大支，無論隻手大定細都好啱拎上手。 世界盃紀念版可口可樂高度﹣德國 樽嘅頂部，就當然會有 Coca Cola 字樣嘅樽蓋啦！ 可口可樂樽蓋 樽頸附近會寫明係原味 Original Taste，識飲梗係飲原味可口可樂啦！ Original Taste 原味 最搶眼吸睛嘅當然係樽身啦！樽身印有德國國旗嘅顏色，同埋會大大隻字寫 2006 FIFA World Cup Germany，收藏價值 Up Up！ 2006 FIFA World Cup GERMANY 鋁樽樽身仲會寫埋 2006 年，由德國主辦嘅世界盃，係由邊個國家攞冠軍。當年就係由意大利捧盃，不過今年意大利入唔到圍 lu。 2006 年世界盃冠軍﹣意大利 樽嘅背面會寫埋 Special Edition FIFA World Cup，更加突出鋁樽嘅紀念價值。 Coca Cola Special Edition FIFA World Cup Label 附近寫住「此日期前最佳」上少少嘅地方，唔知大家見唔見到，可口可樂鋁樽居然係 Made in Japan 日本製造？？ 唔係話中國製唔好，只係日本製黎得更加罕有、更加珍貴。 竟然係 Made in Japan 日本製造？！ 黎到樽底附近，會有用日文寫一支可樂有 113k 卡路里，唔知要做番幾多運動先至消耗到呢？少爺諗起夏天要做運動就怕怕。 113,000 卡路里 樽身近底部位置會有三個哈哈笑公仔，望見就想笑啦！贏咗要大笑一餐啦。 三隻哈哈大笑公仔 可口可樂嘅全身照，少爺覺得顏色同設計配合得好好。因為鋁製嘅關係，再加上設計比較細支輕巧，所以拎上手都唔會覺得好重。 可口可樂全身照 總括黎講，少爺個人認為今次 6 款紀念版可口可樂設計得好精美，好輕巧，好值得收藏。仲有就係，要响澳門街揾件嘢係日本製造嘅真係好難。如果您都係世界盃足球迷的話，應該都買番支捧吓自己心愛嘅球隊。反正都係廿蚊一支，一舊水 6 支。少爺係度祝德國隊第二戰大勝瑞典，今年捧走世界盃。 延伸閱讀： 【澳門隱世甜品】值得一試！Fuoco Pastry 有大大粒棉花糖的石板街 【澳門手搖界傳奇】大排長龍！沐白黑糖波霸鮮奶可以有幾好飲？ 【澳門隱世美食】不可不試！連勝街《泰友麵》海南雞髀飯 【澳門必試甜品】是柑香茶？是蛋糕？必試連勝街 Baptiste Brichon 的柑香茶法式蛋糕

【澳門隱世美食】不可不試！連勝街《泰友麵》海南雞髀飯

澳城餐飲
Chrysalids 少爺・2018-06-15

今次少爺為大家介紹位於澳門連勝街《泰友麵》嘅海南雞髀飯。泰友麵主打外賣生意，亦有少量堂食座位畀客人食飯。泰友麵門面雖然唔多華麗，位置雖然近白鴿巢公園，但都唔太容易揾到，幾隱蔽，但最緊要係海南雞髀飯好食到不得了。 2020年7月13日更新：位於連勝街的《泰友麵》已經易手並改名為《全桶美食》。 2019年1月21日更新：位於連勝街的《泰友麵》已於 2019年1月1日結束營業。 少爺某日黃昏大約六點左右到泰友麵買飯盒，好彩當時無太多人，好快就可以落單。點知，企咗大約兩三分鐘之後，已經有好多人走入嚟買飯盒。少爺心諗，好彩行快兩分鐘，否則一定未必買到想要嘅飯啦！所以奉勸大家最好六點前就好去泰友麵買飯啦。 「泰友麵」門面 要去泰友麵的話，最好就係行路或者搭巴士。連勝街本身比較窄，附近未必有車位可以暫時停車。搭巴士的話，只要响白鴿巢公園落車，徒步行約一分鐘就會到。 地址：澳門連勝街1I號麗豪大廈地下 營業時間：早上 11 點至晚上 9 點，逢星期一休息 坐標：22.199291, 113.540692 巴士路線：8A，17，18，18A，19，26 （白鴿巢前地落車，步行約一分鐘。） 今次少爺和公主分別點了青咖喱豬頸肉飯同埋海南雞髀飯，仲會附上特製辣椒醬同甜醬，海南雞髀飯仲會有湯跟埋添。 上半部分：海南雞髀飯 下半部分：青咖喱豬頸肉飯 少爺今次叫咗青咖喱豬頸肉飯，覺得超抵食。上面好大舊嘅其實係茄瓜，大部分豬頸肉都聚晒响底部。青咖喱汁超多超大桶，保證有剩，早知就買定白麵包點黎食，一定超正！ 青咖喱豬頸肉飯 少爺最後將青咖喱汁留起，第二日朝早用嚟煮麵食，齋青咖喱汁撈麵已經好好味。青咖喱有一定辣度，所以唔食得辣嘅人或者要揀其它款式啦！茄瓜大大件，豬頸肉唔太淋，口感啱啱好，白飯鬆軟有口感。五十蚊澳門幣可以分兩餐嚟食，又好食又抵食，係慳家一族必選之首。 壓軸登場就係少爺認為係泰友麵嘅招牌菜，係必食首選，係傳說中的隱世美食。如果第一次去泰友麵，唔知點邊樣嘢食好，咁一定要叫海南雞髀飯，一定唔會後悔。假如路環安德魯最出名係葡撻的話，咁泰友麵最出名一定係海南雞髀飯。啖啖新鮮滑溜無骨嘅雞髀肉，配上雞湯、特製辣椒醬同埋甜醬，簡直令人垂涎三尺。特製辣椒醬好野味，比青咖喱汁還要辣，所以要慎點。 雖然少爺只試食了一件雞髀肉，但已經決定下次一定要試海南雞髀飯。唔知大家有無留意飯嘅顏色呢？左邊一半飯係黃色，而另一半係白色。 海南雞髀飯 兩種唔同飯味道，盡在一個外賣盒之內，都只係五十蚊澳門幣。响出面澳門餐廳食飯，都要咁上下價錢啦！仲有，大家要分清楚海南雞飯同海南雞髀飯，係兩款唔同嘅飯。 海南雞髀飯比海南雞飯要貴五蚊，但好多人一入去都係叫雞髀飯。仲要同老板娘好強烈咁強調話係要雞髀飯，大家都好怕比錯咗海南雞飯。可想而知，海南雞髀飯嘅魔力係十分巨大。 總結黎講，泰友麵雖然唔係咩高級餐廳，但十分注重衛生。斬雞廚師會帶上手套，環境都好乾淨。老闆娘講野雖然大聲，但十分温柔體貼。有顧客向佢投訴上次比錯飯，佢都肯作出補償，咁好嘅態度可以去邊度揾？ 泰友麵大部分嘅飯都係五十蚊左右，價格算係中等，所以好多附近街坊都會黎幫襯支持。假如大家無無聊聊唔知去邊度揾食的話，不如試試連勝街嘅泰友麵，包您一定滿意。 延伸閱讀： 【澳門必試甜品】是柑香茶？是蛋糕？必試連勝街 Baptiste Brichon 的柑香茶法式蛋糕 傳說級稀有度！《怪物彈珠》X《刀劍神域》紀念限量版桐人二刀流手機殼 【澳門手搖界傳奇】大排長龍！沐白黑糖波霸鮮奶可以有幾好飲？ 【澳門必影美景】不可錯過的浪漫！最愛夕陽下的澳門旅遊塔

【NS 新遊戲】Overcooked 2 今個暑假正式開張大吉！

手機‧電玩
Chrysalids 少爺・2018-06-13

任天堂 Switch 新煮飯仔遊戲 Overcooked 2，將於 8 月 7 號面世。 想知今次 Overcooked 2 有咩新廚師揀呢？想知今次遊戲加入咗咩新元素？即刻睇預告啦！ 影片來源：Nintendo Switch Facebook 廚房啱啱激戰完？連洋蔥國國王都皺晒眉頭。 今次遊戲多咗好多款廚師比玩家揀，唔知各位想揀邊位廚師呢？ 少爺覺得八爪魚廚師揸住菜刀好恐佈，但好有威勢。 仲新加入咗好多款菜式，任君選擇。 當然唔少得 Kevin the Dog 啦！少爺未玩過 Overcooked，所以唔知佢有咩大作用。 當然唔少得線上多人遊玩啦！現今所有遊戲都要必備元素之一。 8 月 7 號正式開業，您準備好大混亂式煮餸對戰未呀？！

澳門有得賣！限量版世界盃可口可樂

生活在我城
Chrysalids 少爺・2018-06-11

世界盃今個月開始啦！ 澳門各大超巿同加油站都有得賣可口可樂世界杯限量版， 想集齊一套六款印有世界盃主辦國嘅設計圖案？ 咁您仲唔快啲去買？ 時間：由 6 月 8 日起 售賣地點： 來來超級巿場、新苗超級巿場、加德士油站、 利豐超級巿場、泰豐超級巿場、 新花城超級巿場、澳門 OK 便利店 價錢：＄13.90 澳門幣 圖片及資料來源：Coca Cola Macau

澳門十間最適合慶祝母親節的餐廳

澳城餐飲
Chrysalids 少爺・2018-05-09

今個星期日就是母親節，相信這幾天各位做人子女的， 都會忙碌地四出尋找好餐廳，帶媽媽出去食飯， 慰勞及答謝媽媽這一年來的辛勞。 如果還未想到母親節當日， 要帶媽媽去那一間餐廳食飯， 不妨考慮一下少爺建議的以下十間精選澳門餐廳， 少爺敢保證，各位媽媽一定會食得開心又快樂。 澳門旅遊塔﹣360度旋轉餐廳 全澳門只有這個限定地方可以欣賞澳門360度夜間美景， 少爺建議可以先帶媽媽在觀光塔底層拍照、看電影、購物， 假如媽媽不怕畏高的話，可以帶媽媽一齊「空中漫步」，是一個不錯的選擇。 當遊玩完後，可以邀請媽媽到360度旋轉餐廳， 一路觀賞澳門最美麗的夜景，飽覽澳門獨有的三條大穚， 一路品嚐豐富的自助晚餐和海鮮拼盤，媽媽一定會甜在心頭。 日期: 01/05/2018 - 30/06/2018 時間: 全日 以上圖片及資料來源：澳門旅遊塔 澳門美高梅﹣寶雅座法國餐廳 假如媽媽有畏高，不用擔心， 可以考慮帶她去澳門美高梅 MGM﹣寶雅座法國餐廳。 每位母親一定會給甜品吸引眼球。 可以打卡，放上臉書開心分享外， 還可以細口品嚐自家特製的母親節「士多啤梨玫瑰果醬」， 必定會令媽媽們甜在心頭。 精緻的母親節西餅糕點，包括以愛心為造形的「熱情果慕絲榛果脆脆蛋糕」； 及以玫瑰花瓣點綴的「玫瑰慕絲青檸金寶蛋糕」， 易入口之餘，又能表達對媽媽滿瀉的愛。 士多啤梨玫瑰果醬，熱情果慕絲榛果脆脆蛋糕，玫瑰慕絲青檸金寶蛋糕 以上圖片及資料來源：CyberCTM 最新澳門活動 皇都酒店﹣花道葡萄牙餐廳 相信大部分在澳門土生土長的媽媽， 一定會十分喜愛食正宗的葡國菜。 少爺十分推薦皇都酒店花葡萄牙餐廳。 因為皇都酒店地理位置離松山十分相近， 十分適合好動，且喜歡做運動的媽媽。 少爺會這樣安排行程， 當日下午先陪伴媽媽到松山一齊跑步做運動， 從二龍喉公園搭纜車出發上松山也可。 和媽媽活動完畢後，一定會肚餓， 這個時候就可以帶媽媽到附近的皇都酒店休息， 同時也可以食一頓豐富的葡國餐， 健康之餘，舌頭又得到滿足。 另外，少爺覺得一定試試「芝士布丁配焦糖蘋果及榛子碎」這款特色甜品。 主廚採用芝士布丁， 在上面佈滿士多啤梨、火龍果、燈籠果等多款營養豐富的生果， 再加上焦糖蘋果及榛子碎進食， 一定會為母親節添上無限甜絲絲的愛意。 推廣日期：2018年5月7日至13日 預約及查詢：（853）2855 2222，內線142 地址：澳門德勝馬路2-4號，皇都酒店M樓 備註：需另收加一服務費 以上圖片及資料來源：皇都酒店﹣花道葡萄牙餐廳 澳門銀河﹣CHA BEI 如果媽媽是文靜類型，喜歡慢慢地、安靜地享受， 不妨帶高貴型媽媽到CHA BEI享受母親節套餐。 和一般套餐不同之處， 是 CHA BEI 會準備限量的鮮花禮盒送給媽媽。 試問有那位媽媽收到花會不高興？ CHA BEI 精心設計四款精緻的鮮花禮盒， 包括殷紅、芭蕾粉、蜜桃橘及丁香紫， 絕對適合喜歡不同顏色的媽媽。 營業時間：上午10時30分至晚上9時 地點：「澳門銀河™」1樓， 1047 以上圖片及資料來源：澳門銀河﹣CHA BEI 澳門JW萬豪酒店﹣萬豪中菜廳 如果媽媽是屬於傳統型，喜歡食中菜， 可以帶她到萬豪中菜廳品嚐， 由中菜行政總廚王永其師傅為母親們精心設計， 多款傳統粵菜佳餚。 其中包括黑豚肉叉燒拼豉油雞和海蜇、 籠仔荷葉蒸蝦，以及桂花牛柳炒帶子， 相信媽媽一定食得津津有味，食指大動。 桂花牛柳炒帶子 電話：+853 8886 6228 電郵：mhrs.mfmjw.mgr.manho@marriotthotels.com. 以上圖片及資料來源：CyberCTM 最新澳門活動 澳門漁人碼頭﹣廚泰餐廳 這間餐廳最適合辣媽， 別誤會， 少爺指好食得辣的媽媽。 廚泰餐廳座落於澳門漁人碼頭內， 是一間主打泰國菜的餐廳。 相信無媽媽見到這隻著火的火山雞不會尖叫， 還有很適合補充骨膠原的紅酒豬手和炸蝦餅， 都是不能錯過的泰國菜式。 食完後還可以到附近的燈光夜巿逛逛， 順便消化一下。 母親節那天剛好就是夜巿最後一天， 您怎可以不去捧場？ 火山雞 紅酒豬手 炸蝦餅 以上圖片及資料來源：澳門廚泰餐廳 澳門銀河﹣和庭餐廳 如果媽媽喜歡食新鮮海鮮， 帶她到和庭餐廳一定不會錯。 在澳門銀河附近逛完商場，影相後， 便可以帶媽媽品嚐龍蝦生蠔等海鮮。 一定令她好像把整個大海吞了入口一樣。 和庭海鮮半自助餐 以上圖片及資料來源：CyberCTM 最新澳門活動 鮨味亭 如果媽媽對日本菜情有獨鍾， 有一定高預算的話， 鮨味亭是一間十分好的選擇。 已經有三間分店的鮨味亭， 實力一定不容置疑。 左上：三文魚親子海膽壽司 右上：牡丹蝦刺身 右下：三文魚夾餅創作壽司 左下：鐵板日本和牛厚燒 少爺推介三文魚親子海膽壽司， 好味不在話下， 好食程度根本不能用言語來表達， 只可惜價錢有點兒貴就是了。 鮨味亭日本創作料理 - 本店 Sushimitei Japanese Restaurant -Pou Seng Branch 澳門賈伯樂提督街64號寶誠大廈地下 Rua do Almiranle Cabral, No.64, R/C, Macau.Tel: (853) 2833-2992 營業時間 opening hours :1130 - 2330 鮨味亭日本創作料理 - 海富店 Sushimitei Japanese Restaurant - Hoi Fu Branch 澳門海邊馬路93-99號海富花園地下Estrada de Cacilhas, No.93-99, R/C, Macau.Tel: (853) 2877-3333 營業時間 opening hours :1130 - 2330 鮨味亭日本創作料理 - 海天居店 Sushimitei Japanese Restaurant - Villa De Mer Branch 澳門黑沙環東方明珠街海天居地下Q、R、S鋪Zona Da Areia Preta No.S/N, Villa De Mer Q、R、S/Rc, Macau.Tel: (853) 2876-7668 營業時間 opening hours :1130 - 2330 以上圖片及資料來源：鮨味亭 澳門麗思卡爾頓酒店﹣麗思咖啡廳 介紹到第九間， 一定要介紹「麗思咖啡廳」這間法國餐廳。 主廚紀韋麟師博精心設計母親節節日限定的法式晚宴， 主菜就是以下的「香草烤春雞配薯泥、炒蘑菇、龍蒿醬」， 還有特色甜點「燭光巧克力噴泉」， 絕對是答謝辛勞的母親的不二之選。 只限5月13日母親節供應。 香草烤春雞配薯泥、炒蘑菇、龍蒿醬 電話： +853 8886 6712 電郵：rc.mfmmr.fnb.res@ritzcarlton.com 圖片及資料來源：CyberCTM 最新澳門活動 澳門威尼斯人﹣皇雀印度餐廳 最後壓軸登場的是最有份量的「皇雀印度餐廳」！ 它連續三年榮獲著名的 《米其林指南 香港 澳門 2014》、 《米其林指南 香港 澳門 2015》 和《米芝蓮指南 香港 澳門2016》 評選為米其林星級美食餐廳。 您一定要帶鍾意食印度菜的媽媽， 保証一定不會後悔。 印度菜款式多到數之不盡， 一定有一款適合媽媽的胃口， 還可以滿足媽媽對辣的要求。 地點：澳門威尼斯人地面大堂，1037號（近金光綜藝館） 營業時間： 午餐每天上午11:00至下午3:00 晚餐每天下午6:00至晚上11:00 （最後點單時間為晚上10:30） 電話：+853 8118 9696 圖片及資料來源：皇雀印度餐廳 相信各位一早已經安排好， 母親節當日要帶親愛的媽媽去那一間餐廳食飯、 去那一個地方玩。 如果有冒失鬼忘記今個星期日， 就是母親節的話， 不妨考慮少爺建議的以上十間澳門餐廳， 相信一定會令媽媽開心。 不過少爺相信， 只要是子女精挑細選的餐廳， 媽媽們一定會食得很高興。 少爺先預祝天下間的媽媽 母親節快樂！

【必睇】澳門十個復活節吃喝玩樂好去處攻略2018

專題報導
Chrysalids 少爺・2018-03-22

一年一度嘅復活節，仲有一個星期就到啦！ 今年復活節假期，頭疊尾有四日咁多， 唔知各位計劃好去邊度吃喝玩樂未呢？ 想知復活節期間，澳門有咩地方好去、好食、好睇同好玩， 咁您一定要繼續睇落去啦！ 因為少爺將要介紹十個唔同地方，各有各好玩好食之處。 包括科學館、漁人碼頭、旅遊塔、JW 萬豪酒店、MGM 美高梅、新濠影匯、主教座堂、果阿之夜、氹仔舊城區藝術空間同埋永樂戲院。 首先係「吃」，民以食為天，少爺十分建議去 JW 萬豪酒店「名廚都匯 Urban Kitchen」，同埋澳門美高梅「甜點餐廳」及「寶雅座法國餐廳」。 講甜品，有紅絲絨蛋糕、「復活節小兔」蛋糕，包您甜到漏； 講海鮮，有成個海咁多款式嘅海鮮陣、水煮波士頓龍蝦，多款到眼都花埋； 講高級，有鮑魚泡飯、法國生蠔、片皮鴨、三文魚刺身、烤羊腿，最有體面嘅不二之選。 簡直就係應有盡有，最啱復活節一家大細齊齊食通街，咁就磨走幾個小時啦。 澳門 JW 萬豪酒店﹣名廚都匯 Urban Kitchen 名廚都匯_紅絲絨蛋糕 傳說中包羅萬有的海鮮陣 最夠體面的鮑魚泡飯 無可能會失禮人的片皮鴨 少爺知齋睇圖片係唔夠，所以準備埋介紹短片畀大家睇埋。（＃貼心的少爺） 澳門 JW 萬豪酒店「名廚都匯」介紹短片： 以上圖片及短片來源：<Cheers!>﹣必食：鮑魚泡飯、片皮鴨！ 澳門 JW 萬豪酒店 Urban Kitchen 名廚都匯自助餐 少爺亦都曾經做過小朋友，知小朋友最鍾意既得意又可愛嘅食物， 例如復活蛋，復活兔等等。 作為家長可以不妨考慮帶小朋友到澳門美高梅「甜點餐廳」， 試一試佢地嘅精選復活節美饌， 影靚相之餘，仲可以 po 上網，攞多D Like 添！XD 「復活節小兔」蛋糕 鍾意食法國菜嘅朋友，或者係波士頓龍蝦嘅粉絲，咁就一定要去「寶雅座法國餐廳」， 試一試「水煮波士頓龍蝦配耶路撒冷亞枝竹蓉及烤胡椒」，絕對包您話正！ 以上圖片及資料來源：LifeMag Editor﹣澳門美高梅復活節精選美饌 介紹完「吃」之後， 當然要介紹有咩地方好「喝」啦！ 澳門隨隨便便，求求其其係皇朝區，都可以揾到大把好 Club 飲酒啦，做咩要介紹呢間呀？ 三個原因。（＃扮遊作的少爺） 第一，因為印度人調酒師就係勁； 酒保及調酒師 Chetan Gangan 圖片來源：Goa Nights 第二，因為食迷你包嘆酒就係正； 左：咖喱雞迷你漢堡；右：九款之一的雞尾酒 圖片來源：原來世界這樣大﹣【澳門。食記】Happy Hour推介- 氹仔舊城內的印度酒吧。 第三，因為有九款雞尾酒就係嘆。 九款雞尾酒任君選擇 圖片來源：文創遊樂場 // 米米 Esther Lim﹣時尚酒吧餐廳「果阿之夜」進駐氹仔 無錯！答案呼之欲出，就係啱啱新開無耐， 位於氹仔舊城區的「果阿之夜 Goa Nights」。 最啱就係大朋友同三五知己一齊，係復活節一齊曬月光， 摸摸酒杯底，吹下水，講下是非，爆下料。 果阿之夜 Goa Nights，試完包您以後唔會再去皇朝區飲酒。 「吃」同「喝」一共介紹咗三個地方， 跟住就要介紹有咩地方好「玩」啦。（＃貪玩的少爺） 呢三個地方絕對適合小朋友玩。 第一間係位於澳門科學館的「科學館兒童世界」。 兒童世界入口 位於科學館館展覽中心入口旁邊的「科學館兒童世界」， 以熱帶雨林為主題，分爲幼兒區及小童區兩部分。 幼兒區裹面有小型滑梯、捕魚攻略及軟墊積木等遊樂設施，適合2至4歲小朋友； 適合 2 至 4 歲及 5 至 12 歲小朋友遊玩 小童區有一座三層高的大型遊戲組合「淘氣堡」，有繩網、隧道、沙包、彩虹拱橋及軟墊積木，最適合5至12歲小朋友。 如果少爺細個時，有咁好設施玩就好啦。（＃歎氣） 小朋友唔單止可以盡情享受攀爬、跨越障礙及溜滑梯的樂趣之餘， 仲可以鍛煉小朋友體能、增強小朋友嘅自信及培養冒險精神。點可以唔帶佢地去呀？ 入場費十蚊，一位陪同家長免費。 ● 費用： 門票類型 票價 (澳門幣) 標準票 2-12歲兒童 10元 特別優惠票 18歲或以上照顧者 免費 ● 開放時間： 每天共7個場次，逢周四休息，公衆假期照常開放。 場次 時間 上午時段 第一場 10:00-10:50 第二場 11:00-11:50 第三場 12:00-12:50 清潔時段 13:00-14:00 下午時段 第四場 14:00-14:50 第五場 15:00-15:50 第六場 16:00-16:50 第七場 17:00-17:50 * 入場人士須穿著襪子，亦可於現場購買。 * 首場購票時間：上午9時45分 資料來源：澳門科學館﹣科學館兒童世界 新聞來源：澳門日報﹣科學館兒童世界周三開幕 去完科學館，不妨帶小朋友搭巴士到澳門旅遊塔， 欣賞觀光塔之餘，裹面仲有個名為「復活節繽粉彩蛋池」， 消費滿五百蚊或以上，小朋友就可以大玩特玩波波池，仲有工藝坊。 嫌太貴？如果小朋友無畏高，可以帶小朋友上去觀光塔，睇澳門全景，超靚！ 地址：澳門旅遊塔 日期：30/03/2018 - 08/04/2018 時間：全日 資料來源：澳門旅遊塔﹣復活節繽粉彩蛋池 最後呢個地方啱小朋友之餘，仲啱大人一齊玩！免費的。 就係位於新濠影匯嘅「賞金尋龍」。 裹面有好多恐龍模型，仿真度甚高，裹面有隻暴龍會郁會叫， 最啱就係影相，扮身處險境，被恐龍追，一流之選！ 除咗同模型恐龍有近距離接觸之外， 附近仲有個要帶 VR 眼鏡嘅虛擬體驗， 因為所在位置唔太起眼，所以要花時間去揾同埋排隊。 少爺玩過，好刺激同埋會有些頭暈，老人家盡量唔好去玩，小朋友都玩得。 資料補充： 時間：全日開放（綠幕互動體驗「恐龍出逃」及「與恐龍飛翔」之旅開放時間為中午12時至晚上8時) 網頁：www.studiocity-macau.com 查詢：(853) 8868 6767 以上圖片及資料來源：CyberCTM 最新活動﹣「賞金尋龍」活動 「吃喝玩樂」黎到最後，就輪到「樂」， 少爺將要介紹嘅活動都比較平靜，無太大活動量。 要數文靜嘅活動，首選一定係睇戲。 睇完一場戲都已經係一兩個鐘頭後嘅事。 今個復活節檔期，少爺最推薦睇《比得兔》。（＃有兔仔耳的少爺） 故事大慨係講比得和賓仔本來同一大班動物住係菜園相安無事， 誰不知新屋主麥奎格先生入伙之後， 竟然要將所有動物趕走，仲要扮好人，討隔離鄰居靚女碧雅歡心。 梗係激到比得火冒三丈啦！為咗要攞番安樂窩，比得一家決定要執行「玩謝麥奎格」行動！ 出盡法寶，誓要踢走新屋主！由菜園鬥到去倫敦，鬧出笑話，人兔大戰最後結果係點呢？（＃少爺覺得係打和，曾志偉配音） 有森美同陳豪配音，實笑到「兔」痛，睇戲最佳之選。 暫時少爺 check 過，澳門大會堂同永樂戲院一定會上映《比得兔》，其它戲院就未知。 以上資料來源：CyerCTM 不日上映電影﹣《比得兔 Peter Rabbit》 當然有少爺，有 trailer 睇！ 轉載自：Youtube﹣SonyPicturesHK 第八個地方要介紹就係氹仔舊城區藝術空間，名為「癲噹暢遊氹仔舊城區」。 齋睇字好難解釋，不如先睇完短片介紹。 短片來源：<Cheers!>﹣澳門創意藝術展！《癲噹暢遊氹仔舊城區》 由氹仔城區文化協會獨家呈獻，澳門首個以香港人氣卡通貓「癲噹」為主題的《癲噹暢遊氹仔舊城區》創意藝術展覽， 展出多達五十幅澳門學生於2017《癲噹暢遊氹仔舊城區》創意藝術比賽中得獎同埋優秀作品。 咁好嘅展覽，點可以唔帶充滿想像力嘅小朋友，去睇下可愛又得意嘅「癲噹」呢？ 資料補充： 時間：中午12時至晚上8時 (逢週一休館) 網頁：http://taipavillagemacau.org.mo 查詢：(853) 2857 6118 電子郵箱：info@taipavillagemacau.org.mo 以上圖片及資料來源：CyberCTM 最新活動﹣癲噹暢遊氹仔舊城區資料來源 話咁快就黎到壓軸必去之處，就係有鼎爺（李家鼎）坐鎮嘅「香港工展會．澳門」展覽。 今年工展會依然係漁人碼頭舉行，屆時推廣大使鼎爺就會親臨漁人碼頭，示範廚藝。 期間當然唔少得精彩嘅「工展小姐」表演，仲有幸運大抽獎及「BB瘋狂大掃貨」比賽。 嘩！咁究竟係BB比賽，定還是係家長瘋狂掃BB野呢？ 需要買新廚具、服裝、飾物、美容保健品、食品同野飲嘅朋友，記得去漁人碼頭啦！ 「香港工展會．澳門」展覽宣傳短片： 詳細資料： 日期：2018年3月30日至4月2日(星期五至星期一)，4天 開放時間： 星期五至星期日 上午11時至晚上9時 星期一 上午11時至晚上7時 （展會每天結束前30分鐘及最後一天結束前1小時停止參觀人士進場) 地點：澳門漁人碼頭會議展覽中心(地址：澳門友誼大馬路及孫逸仙大馬路) 入場費用：免費 免費穿梭巴士: 詳情請到 http://www.hkbpe.com.hk/web/subpage.php?mid=219 環保小Tips: 請自備購物袋 ＜﹣﹣﹣睇黎現場攞膠袋要畀＄＄＄ 以上宣傳短片、圖片及資料來源均來自：工展會 Facebook 專頁 最後，要記得番點解會有「復活節」呢一回事。 就係為咗紀念耶穌為咗我地人類，被釘上十字架，死後第三日復活。（＃嚴肅的少爺） 所以每年天主教都會响復活節期間，舉辦「耶穌聖屍出遊」，今年亦唔例外。 屆時，耶穌聖屍聖像會由主教座堂出發， 經過議事亭前地、板樟堂前地及主教巷等地，最後返回主教座堂。 除咗天主教徒之外，沿途都會吸引唔少居民和旅客加入。 呢個獨特的宗教儀式，是天主教信仰的重要傳承。 日期：3月30日 時間：下午5時30分 地點：澳門主教座堂 網頁：www.catholic.org.mo 查詢：(853) 2837 3643 資料來源：CyberCTM 最新活動﹣耶穌聖屍出遊 （＃嚴肅ModeOFF） 經過少爺介紹嘅十個澳門「吃喝玩樂」好去處之後， 相信各位已經心裹有數要去邊度玩玩食食， 少爺祝大家有一個開開心心、快快樂樂嘅復活節！ 温馨提示：飲咗酒之後，記得切勿揸車。

【電影】《無敵破壞王2 網路大暴走》今年11月有得睇啦！

娛樂殿堂
Chrysalids 少爺・2018-03-01

無敵破壞王2（Wreck-it-Ralph 2）《網路大暴走》今年 11 月有得睇啦！ 齋睇預告就知一定好睇！（好爆笑！） 當初第一集結尾有洋蔥，仲以為成個故事就咁完。 好彩編劇無浪費 Ralph 呢個角色，仲寫埋續集畀佢添。 今次玩埋無線上網（Wifi），實行殺入互聯網！ 想知道兔仔後未點樣，要等8個月後先會知道答案， 依家睇住預告先！ 影片來源：迪士尼影業

入華25年 麥當勞終於開始賣粥和饅頭了

專題報導
Chrysalids 少爺・2018-01-11

從2月24日起，麥當勞中國終於開始賣粥和饅頭了。此時，這家外資連鎖巨頭進入中國市場已長達25年。 首次推出的這款粥類產品名為「穀物雞肉麥鮮粥」，添加了薏米、紅芸豆、燕麥、雞蛋等食材。同時推出的早餐產品還包括一款類似炸小麵包產品——「金饅頭」。這兩款食品都將作為長期產品在全國（早餐）門店出售，早餐供應時段為上午10點半前。 無論是從名字還是材料上，麥當勞這次的早餐新品非常本土化。麥當勞給出的理由非常官方，稱推出新產品是為了滿足中國消費者的口味需求。 雖然麥當勞對這兩款產品的推出詳情保持神秘，但在社交平台以及地鐵廣告上，麥當勞卻在加大投放力度，「一碗雞粥『谷』勵你，拿下今天從早餐開始」的廣告語開始變得隨處可見。 作為麥當勞的老對手，肯德基從2002年開始就在中國市場試水中式早餐，推出包括粥、油條和豆漿一類的產品，而類似於老北京雞肉卷，雞腿米飯等一系列產品也讓肯德基成為一家最本土化的西式快餐店。 在品類上，麥當勞的本土化一直更為謹慎，相比直接推出新的品類，它更願意在原有的產品中加入一些中國口味，比如去年推出過的饅頭口感的饅火芝香豬排堡、鮮蔬魚餅等產品。麥當勞也曾推出過米飯產品，但是比起肯德基的米飯套餐，它更像是一次試探。 早餐市場之於麥當勞正在變得更加重要，去年麥當勞中國市場的一大貢獻來自於「超值充電飽」套餐，這款價格15元的套餐使得麥當勞去年在中國市場獲得了4%的增長。不過，麥當勞顯然不想只是憑藉價格優勢獲得市場增長。 從去年下半年開始，麥當勞開始奮力開設新興店鋪，推出定製漢堡服務，逐步在門店推出觸摸點餐屏，這些投入都需要新產品去支撐消費者走入門店。早餐和咖啡業務就開始變得更加重要。 在早餐產品的設置上，除了價格優惠，麥當勞曾主打過便捷的概念，西式的漢堡和薯餅是上班族可以隨手帶走的食物，而這一次，推出粥類產品，麥當勞顯然想與中國的消費者產生更多的共鳴。 在今年，麥當勞的推新速度也會更快，大概每四周就會有新產品，這種更新頻率除了能促進銷售，也能帶來消費者更多的持續關注，尤其在社交類媒體上，每一款新品——無論是否在口味上獲得了認可，在傳播上，它都獲得了更多的關注度，類似於去年的季節限定，黑里白派，墨玉黑堡，麻麻黑甜筒。 這一次，除了粥和饅頭，在全天菜單中，麥當勞還加入了一款雞排產品，名字也非常簡單粗暴，叫做「那麼大雞排」，簡潔明了說明了產品賣點。相比兩款早餐產品，麥當勞為這塊雞排投入了更多的社交媒體關注，不僅製作了一款H5遊戲，還找來了「小崽子劇場」畫了一款《中國好廚藝》的漫畫廣告。 「那麼大雞排」是麥當勞繼去年那款香骨雞腿之後的又一款雞肉類產品，至於好好做漢堡的麥當勞為什麼開始買雞排，除了「更好滿足中國消費者的需求」，更像是在搶奪更懂雞肉食品的肯德基的市場。目前，這款產品已經加入了麥當勞從去年推出的「麥趣雞盒」以及各種組合套餐中，至於它能不能成為下一代的麥辣雞翅或者是麥樂雞產品，現在還不得而知。 以上文章轉載自：https://kknews.cc/zh-mo/news/naqzz5.html

人人都話「玩轉極樂園」好睇好正，係米真係咁好睇呀？

娛樂殿堂
Chrysalids 少爺・2018-01-03

周末周日最好嘅消遣活動， 莫過於約埋朋友一齊去戲院睇電影。 一睇通常都會起碼用兩個鐘頭或以上，善用時間不二之選。 要數近期必睇嘅電影就當然有「玩轉極樂園」、「星球大戰﹣最後絕地武士」、「逃出魔幻紀3﹣叢林挑機」、「柏靈頓2」等。 其中少爺唔係星戰迷同埋無睇柏靈頓第一集嘅關係， 所以剩番「玩轉極樂園」同埋「逃出魔幻紀3﹣叢林挑機」可以揀。 又因為小數服從多數嘅無奈投票結果之下，少爺唯有要睇「玩轉極樂園」。 想睇「玩轉極樂園」嘅朋友要留意， 澳門只有兩間戲院有得睇， 一係澳門大會堂，一係就要去路氹澳門銀河UA戲院， 觀光塔無播呢套戲，兩張床，Two Bed。 相信眼利嘅朋友仔都見到海報嘅右下角，有隻叫小白嘅公仔係度。 無錯喇！頭廿二分鐘唔係播「玩轉極樂園」，而係播「魔雪奇緣﹣小白的任務」！ 一張飛睇兩套戲，係米好抵呢？所以唔洗怕以為買錯飛或者去錯咗戲院。 少爺無睇電影預告，所以唔太清楚知成套戲係講D咩。 一開始以一個拋妻棄女嘅男人為開端，繼以阻止一個小男孩嘅夢想， 再以「千與千尋」嘅橋段進出亡靈之城，跟住就會出現類似「星夢傳奇」嘅比賽。 去到呢度，情節都大多都是以搞笑為主。 但之後就比較緊湊啦！因為會有近似「名偵探柯南」嘅推測橋段出現。 「誰是米哥嘅真正嘅太太爺呢？」 少爺覺得結局真係絕對有洋蔥眼濕濕嘅感覺。 當所有人都以為將要出現一個二選一嘅決定嘅時候，奇蹟出現啦！ 想知係咩？當然要入戲院睇啦！ 少爺最佩服嘅地方係畫 CoCo 太太婆嘅功力，畫得十分細膩。 雖然太太婆出場次數唔多，但絕無馬虎，條條皺紋都畫得好神似。 年紀老邁嘅感覺之餘，還帶有些可愛嘅感覺，尤其是個嘴。 大家睇戲嘅時候，不妨多D留意 CoCo 太太婆嘅動靜，非常得意。 其次係進出亡靈之城嘅連接位。 雖然只係剎那間，但畫得好靚。 如果應用係遊戲裹放出大招式嘅時候，效果應該會唔錯。 總括嚟講，如果想睇場戲打發時間， 但唔知睇咩戲，又唔想晒錢的話， 咁一定要揀睇「玩轉極樂園」！ 包唔會晒錢又有好戲睇。 另外，如果有朋友會好似我咁， 睇完成套戲之後，會繼續留低睇下 Post Credit 之後有無幾秒短片的話， 可以慳番唔洗等啦，因為 Post Credit 之後係唔會有短片。 以上圖片均取自網絡。 延伸閱讀： 爆澳門賭王兒子何猷君追奚梦瑶追到節目去：我吃醋了！ 柳暗花明又一村 哈爾施塔特 . 高修湖 -- 初秋 . 奧地利 . 2017 出走廣州。品嚐正宗粵菜。愉粵軒

Chrysalids 少爺

    最喜歡在澳門四出尋找隱世澳門美食，對甜品和手搖完全是零抵抗力。

    聯絡電郵：youngmasterchrysalids@gmail.com

    熱門推介

    本網站使用Cookies來令您獲得最佳的瀏覽體驗。若繼續瀏覽此網站，即表示您同意我們使用您的Cookies。詳情請見我們的 Cookie 使用政策。