澳城餐飲
【澳門炸雞美食】炸雞迷有口福啦！萬眾期待 Jollibee 6月27日開張
澳門 Jollibee 炸雞將於 6月27日朝早 11 點正式同大家見面啦！
鍾意食炸雞嘅朋友又多一個新選擇，記得話埋比您身邊鍾意食炸雞嘅朋友知道喎。
近排有世界盃，一於買桶炸雞返屋企，一路睇世界盃，一路食炸雞，簡直超正。＃食完先再諗減肥啦
Jollibee 座落於新馬路近噴水池附近，人流一定多到爆燈！相信到時會有好多遊客同澳門炸雞迷會爭住去買炸雞食。
Jollibee 地址：永光廣場 Circle Square
來源：Google Map
Jollibee 將於永光廣場同大家見面
開張當日仲會有免費 Jollibee 公仔派發，當然要幫襯先至有啦！數量有限，送完即止。
首惠顧 100 名顧客可獲得 Jollibee 公仔
以上圖片及資料來源：Jollibee Macau Facebook 專頁
Jollibee 炸雞响美國同香港都有開分店，响當地十分出名同埋受歡迎。今次响澳門開張，簡直就係炸雞迷嘅天大喜訊！唔知大家期唔期待 Jollibee 炸雞呢？大家最想食邊款炸雞呢？諗住買幾多盒返屋企，一路睇世界盃一路食炸雞呢？
延伸閱讀：
