澳城生活

焦點文章

【馬交慳多拿 baby】自助餐優惠特輯 - 8.9.2023

生活在我城
Cheers!・2023-09-08

自助餐可以食到來自各地嘅特色美食，又有多款菜品選擇，真係百食不厭！今期慳多拿 Baby 為大家整理咗一系列嘅自助餐優惠，等大家食得更抵！想知就即刻去片喇～ 1.凱旋門 深受歡迎嘅凱旋門「泰繽紛美食節」又嚟喇！於9月期間自助餐只需 $148 起！另外，仲有買三送一優惠，超抵食，快啲試下喇～ 地點：澳門凱旋門四樓 電話：8860 6141 2.澳門新濠影滙 澳門新濠影滙嘅星滙餐廳自助餐依家喺 Klook 上面有優惠，自助午餐有 82 折，折後每位 $285！ 地點：新濠影滙酒店，二樓 電話：8865 6668 詳情 3.CTM 新申請 CTM Home Media 娛樂服務（TVB Anywhere/hmvod/芒果 TV/Blacknut）同時使用Home Media 手機 App 賞您 2,000 CTM 積分！順便參加埋《夏日賞一賞》活動賞您 $150 餐飲券 或 2 張 CGV 電影門票，即日起至 9 月 20 日，TVB Anywhere 客戶睇 TVB Anywhere 即有機會贏走 $150 夏日甜品／飲品電子券，而活動期間新申請及使用量最高的頭 50 位 hmvod 新客戶，更有機會獲得 9 月 30 日嘅 《汪汪隊立大功：超班大電影》 電影專場門票 2 張！ TVB Anywhere 活動詳情 ： https://qr.page/g/jdoF8XNNZZ hmvod 活動詳情 ：https://qr.page/g/3M5soPej5Qz 4.澳門皇冠假日酒店 澳門皇冠假日酒店嘅藍灣餐廳依家上 kkday 訂新鮮生蠔自助晚餐每位都係 $331 起，最啱一家大細去！ 地址：澳門皇冠假日酒店3樓 電話：2888 6888 詳情 5.澳門旅遊塔 澳門旅遊塔 360 旋轉餐廳嘅自助午餐，指定日期低至 $182 起，想睇靚景食大餐不妨考慮下！ 地址: 澳門旅遊塔會展娛樂中心60樓 電話：8988 8622 詳情

最新文章

係邊一個Moment，澳門呢座城市打動咗你

其他
澳門生活圈・2018-08-14

澳門 又被稱為蓮花寶地 佢將嚟自唔同地域 唔同文化背景嘅人 通通融入呢塊寶地 令生活喺呢座城市嘅人 都會有一種 莫名嘅親切感 有啲人鐘意澳門 皆因佢繁華嘅背後 卻又不乏人情味 係邊一個Moment，澳門吸引你MacauLife 嚟澳門一年幾，期間期間番過屋企幾次，喺屋企踎咗個幾月之後又番嚟。 澳門關閘嘅人潮洶湧，放眼望過去，四周圍形色匆匆嘅的人群穿梭喺舊街角嘅每一個角落，冇停留嘅間隙。 忘記咗過去，忘記咗未知，時間就喺此時此刻停止。 後生嘅面龐，忙碌嘅身影，係對澳門嘅第一印象。 係邊一個Moment，澳門打動你MacauLife 身邊有好多同學、朋友都喺澳門，每個人嚟澳門嘅理由都唔一樣，但係唔想離開，大概只有一個理由，咁就係鐘意。 鐘意呢度熱烈嘅陽光，波瀾嘅大海，青翠嘅樹林、公園，仲有又細又窄又特別嘅馬路，世界各地嘅美食，美景；仲有身邊每一個拼搏嘅後生一代。 但生活不單止係咁，戈種內心嘅感受，係常人都無辦法捉摸噶，只有自己先至可以感受到，體會到，而佢哋又係點講嘅咧？ @阿Jim/運營經理 喺澳門生活雖然壓力好大，生活成本好高，每日上落班排隊逼巴士逼到懷疑人生，而我住澳門，番工嘅地方喺氹仔。 有一次病咗，每晚落班都要去醫院打吊針，本來落班就已經好晏，仲要餓住個肚打的趕去醫院。 每日都要使幾百蚊，感覺到自己好無助，但係又要對自己嘅身體負責任，只可以默默咁堅持落去。 番到屋企已經12點幾喇，樓下一家牛雜店準備關門，老世睇到有氣無力嘅我，問咗句：仲未食嘢？睇下想食乜，就嚟關門喇。 戈個moment，獨自喺異鄉嘅我一陣感動湧上咗心頭，喺我吃緊魚蛋嘅時候，老闆娘仲醒咗我一碗湯。 鐘意澳門嘅理由，大概就係再晏都會有一碗熱湯飲，仲有老世令人好Warm嘅深夜食堂。 @Bili/文員 對於每日堅持煮飯嘅我嚟講，收工買餸成為咗我嘅日常，我每天都喺同一個阿姨度買餸，久而久之，我哋慢慢熟絡。 佢熱情又開朗，每次我去買餸都會問我今日過得點，番工攰唔攰吖，仲會同我傾好多好多。 有一次收工收得好晏，隔離檔鋪都收曬，只有佢仲遲遲未收。 遠遠睇到我就Say Hi：“哇你終於嚟喇，我仲以為你今日唔嚟咯，你買完我就收檔番屋企喇~” 戈一刻我覺得呢個城市嘅溫情，都聚集曬喺呢位阿姨身上。 @阿誠/影視剪輯 有一次我番鄉下Book咗凌晨6點嘅機票，4點幾就要趕去澳門機場，而當時我隻篋無論點都Pack唔上。 十分鐘廿分鐘半粒鐘過去，內心越嚟越焦慮，最後乾脆拖住隻篋落樓直接嗌的士。 而啱好遇到兩位執緊勤嘅Secure，佢哋就行埋嚟幫手，一個壓住個篋另一個幫手Pack，最後終於Pack好，真係唔知要點樣多謝佢哋，但係佢哋已經行遠...... @阿Mui 特別鐘意澳門嘅海景！澳門仲有好多游行節日，每年12月就會有澳門光影節，用光同影嚟表達澳門的迷人之處，真係好靚~ 呢度有好多演唱會可以睇，仲有各種展覽；而且嚟海好近，禮拜可以約埋幾個Friend一齊睇海景傾傾計；仲可以去圖書館睇睇書，充實自己，關鍵嘅係呢邊啲圖書館嘅書，好多內地都冇，真係好值得慢慢細味！ @豬妹 從讀書到出嚟穩嘢做都6年幾喇，呢個月仲換咗份新Job，每次收工行喺華燈初上嘅澳門街頭嘅時候… 戈啲仲喺開住燈嘅Office度成千上萬個後生仔，為咗自己嘅生活仲喺度努力奮鬥緊… 澳門，佢既繁華，又迷人，很美好。 係邊一個Moment，澳門留低你MacauLife 其實，打動我哋嘅往往係，戈啲唔係咁易察覺嘅細微之處，戈啲觸碰心靈嘅感動，正係因為每一個澳門人嘅努力，令澳門變成一個溫情嘅城市。 儘管我哋每日Blablabla抱怨巴士又逼又嘈、味道仲好惡頂；澳門嘅房租越嚟越高，我哋嘅澳門夢吊喺又細又窄嘅舊租屋入面；澳門嘅生活成本太高，每日食飯+交通就要百幾蚊；澳門嘅工資水平又唔高，維持日常生活就只就可以話係啱啱好..... 但係，我哋仲係選擇Stay喺澳門，成為一名好普通嘅澳門人，用盡力氣咁生存落去。 因為，係對澳門嘅愛吖~ 圖片來源：MacauLife 素材來源：MacauLife 版權屬於原作者 編輯撰寫：小Pe 本號原創文章，未經授權，不得轉載

暴走澳門第一輯：澳門本地人先知嘅「筍嘢」！跟住小Pe去「揾食」！

其他
澳門生活圈・2018-08-13

每次上網Search澳門攻略嘅時候 滿滿嘅推薦攻略 大三巴觀光？？ Sasa萬寧大掃貨？？ 豬排包豬肉乾葡撻美食推薦？？ 嘖嘖嘖~ 澳門邊度都有美食 唔通景點區嘅就比較好食啲？ NONONO！ 今次小Pe帶大家食 本地人先知嘅地道美食！ 親身試過！唔好食都唔推薦！ 記得準備包Tempo 墊住你啲口水吖！ 馬慶康南天咖啡室 每次一講到食，三盞燈嘅美食一定唔可以少！次次去都排曬長龍！講下排隊規則，先排隊等有位坐低再嗌嘢食！最後食完摞住張黃單去收銀台埋單就得喇！ 日日都賣曬嘅煎肉餅飯記得要11點就到先有！一般過咗12點就賣曬！配上太陽蛋餸飯一流！ 滑蛋叉燒炒河就係For鐘意河粉嘅你！啲蛋滑過小BB！ 但係講到小Pe摯愛，就係叉燒雙蛋飯同埋西多脆脆！咪以為生蛋會好腥！撈飯啱啱好！記得加菜（+9MOP）！西多脆脆唔係齋添戈種，入面夾住鹹芝士，鹹甜適中！ 煎肉餅飯41MOP 滑蛋叉燒炒河43MOP 叉燒雙蛋飯33MOP 西多脆脆35MOP 地址：俾利喇街65號 營業時間：7：30-18：00 公交路線：賈伯樂/培正站（17路）、昌明花園（16路、3路、3X路） 人均：35MOP-45MOP 新鴻發咖啡美食 離馬慶康只有2分鐘路程！勁近！好容易就揾到！ 干炒牛通加菜！冇辦法要多啲食青菜！好香，影戈陣流曬口水~不過味道有啲淡！整體味道唔錯！依家寫緊點評都係度吞緊口水，好想再食多次，配檸檬茶夠曬解濟~聽聞法蘭西多士好正，但係小Pe真係飽到貼底喇，下次試試！ 干炒牛通39MOP 法蘭西多士28MOP 地址：高士德賈伯樂提督街55號A 營業時間：6：00-18：00 公交路線：賈伯樂/沙嘉都喇（17路）、高士德/賈伯樂（5路、28C路） 人均：35MOP-40MOP 洪馨椰子 老闆都係老人家，服務態度真係好Nice！ 堅持用馬來西亞椰子做傳統手工雪糕，椰子雪糕每一口都有濃濃嘅椰子味！咪以為泡沫膠杯好唔環保，其實係為咗保溫。 唔係時時都有噶椰青水，同超市100%椰子水完全唔一樣！超天然一個一個椰青積落成桶雪住，一樽樽賣！又冰又清爽！好過飲奶茶！ 椰子雪糕25MOP 芒果雪糕30MOP 椰青水10MOP 地址：新馬路果欄街14號 營業時間：9：00-13：00、14：30-19：00 公交路線：栢港停車場（3路、3X路、16路） 人均：10MOP-30MOP 南屏雅敘 舊式冰室真係好少喇！價錢仲好抵！咪以為老人家幫你落單就會算錯數！其實個個條數都好精！落單唔使寫紙仔！記憶力UPUP！ 距離洪馨就兩分鐘路程嘅十月初五街，冷氣勁大（驚凍就帶翻件外套），嗌翻杯熱熱嘅杏仁奶，再加上招牌南屏蛋治，香甜叉燒搭配滑炒雞蛋。 最後再嚟件正宗港式蛋撻，撻皮蘇！蛋味濃！ 南屏蛋治25MOP 杏仁奶露14MOP 鬆化熱蛋撻5MOP 地址：十月初五街85-85A號 營業時間：6：30-18：30 公交路線：栢港停車場（3路、3X路、16路） 人均：25MOP-35MOP 青洲灶記咖啡 鐘意去行官也街嘅朋友記得嚟呢間灶記，最出色嘅鮮茄牛尾通心粉，牛尾又淋又入味，啱曬小朋友，配埋凍奶茶，正！ 另外仲有花生奶粒厚多士，濃濃嘅花生醬加上外酥內軟嘅士多！仲有阿華田脆脆，係小Pe摯愛！ 花生奶粒厚多士28MOP 鮮茄牛尾通心粉36MOP 凍奶茶18MOP 阿華田脆脆21MOP 地址：氹仔舊城區巴波沙總督街18號地鋪 營業時間：7：00-19：00 公交路線：栢港停車場（34路、30路）、坐威尼斯人賭場車行路10分鐘 人均：30MOP-50MOP 祐漢小販大樓文記美食 呢間煎餃點係小Pe以前無意中發現，次次去呢間都要排20分鐘嘅隊。講下排隊規則，右邊排隊落單畀錢；左邊係已經埋咗單領煎餃嘎！大家記得唔好排錯隊！ 煎餃有白菜同韭菜兩種揀，即包即煎即賣，新鮮滾熱！雖然肉唔係好多，但係隻隻料都係啱啱好~加翻啲紅醋，配埋佑漢嘅豆奶簡直完美~ 文記煎餃20MOP 豆奶10MOP 地址：澳門半島勞動節大馬路祐漢小販大樓3層文記美食 營業時間：7：00-21：00 公交路線：祐漢街市（3A路）、關閘行路10分鐘 人均：10MOP-25MOP 新文記豬扒面 呢間就喺拱北關閘M記附近（立交橋底），位置好容易揾到。阿叔真係好好傾，本身想食米粉，喺阿叔強烈推薦下食咗出前一丁+太陽蛋，Yummy~ 豬扒好入味，炸得又蘇又脆！再加上凍奶茶，簡直係好邪惡吖！（驚熱氣嘅朋友仔就記得飲翻杯涼茶） 豬扒面33MOP 凍奶茶15MOP 地址：永定街新寶花園地下（關閘附近） 營業時間：7：30-17：30（每月1號、11號、21號休息） 公交路線：關閘行路14分鐘 人均：33MOP-40MOP 小Pe越寫越餓 講真澳門美食到處都喺 大家咪顧住買買買！ 得閒留翻啲時間去行下舊街巷 可能會發現到你嘅心水鋪頭~ 揾食路上記得 備好水同埋風扇仔仲有遮！ 帶住小Pe嘅揾食推薦 做足功課就唔使身水身汗食閉門羹喇 今次只係推薦咗一小部分 如果仲想睇下集 歡迎吃貨留言畀小Pe 你知道邊啲澳門心水地道美食？ 圖片來源：MacauLife 版權屬於原作者 素材來源：MacauLife 編輯撰寫：小Pe 本號原創文章，未經授權，不得轉載

城市休憩區盧九公園

生活在我城
文創遊樂場 // 米米 Esther Lim・2018-08-13

民署盧廉若公園又稱盧九花園，前身為是盧家大屋，也是澳門唯一蘇杭園林設計風格的名園，鳥語花香，而園內除了不少晨運人士，也有不少人在園內亭台樓閣唱粵曲。 盧九公園在1973年由當時的澳門政府將盧園購入，之後也有很多香港武打片在此取景。 盧九公園每年除舉辦蘭花及盆景展覽，還有尚荷花展、攝影展、書畫展及一些民族歷史等展覽，實在是熱鬧城市中的一片好休憩區。 開放時間: 06:00 - 24:00

【 自助餐買二送一 】漁人碼頭烤與鮮優惠

生活在我城
澳門優惠・2018-08-13

MacauJetso 為大家搜羅澳門優惠！今次介紹嘅係中銀信用卡優惠，憑卡於烤與鮮簽帳，可享買二送一優惠。💵想知有咩食，即睇自助餐攻略：食肉獸必去！巴西傳統炭火燒烤自助餐「烤與鮮」空降澳門漁人碼頭。 優惠日期：即日起（優惠有限） 優惠內容：中銀信用卡卡主憑卡即享烤與鮮買二送一優惠晚餐自助餐優惠。（原價：星期五至日每位成人 MOP 328 及星期一至四每位成人 MOP 288） 詳　　情：https://www.facebook.com/MacauFishermansWharf/posts/1778026365622751 * 所有資料以官方網站為公布為準。 * 更多澳門優惠情報、有獎活動及有獎遊戲，可瀏覽 https://lifemag.cyberctm.com/zh_TW/blogger/MacauJetso。

【 9 個月定期存款利率高達 2.2% 】大豐銀行定期存款優惠

生活在我城
澳門優惠・2018-08-12

MacauJetso 為大家搜羅澳門優惠！今次介紹嘅係大豐銀行定期存款優惠，9 個月定期存款利率高達 2.2%。💵 存款日期：即日起至2018 年 9 月 14 日 存款金額：20 萬或以上 存款幣種：澳門幣 存款利率：澳門幣 9 個月定期利率（$200,000 - $999,999）2.0 % 澳門幣 9 個月定期利率（$1,000,000 或以上）2.2 % 詳　　情：https://mp.weixin.qq.com/s/4tfiTckxVTiTr5PxpP2KZw 其他定期計劃：https://lifemag.cyberctm.com/zh_TW/search/tag/定期存款優惠 * 所有優惠及條款以官方網站為公布為準。 * 更多澳門優惠情報、有獎活動及有獎遊戲，可瀏覽 https://lifemag.cyberctm.com/zh_TW/blogger/MacauJetso。

【清積水抽 MOP 500 現金獎】第 3 階段之清除積水日有獎匯應通

生活在我城
澳門優惠・2018-08-11

MacauJetso 為大家搜羅澳門優惠！今次介紹嘅係預防登革熱工作小組舉辦嘅清除積水日有奬匯應通，清積水、報名、就有機會抽 MOP 500 現金獎。💵 活動日期：2018 年 8 月 4 日至 2018 年 9 月 29 日 活動內容：於活動期間，本澳居民於每逢星期六清除家居積水後，即可於當天內致電 2882 3232 作電話登記，若成功登記次數達 6 次或以上者便可參加抽獎。 活動獎品：現金獎 MOP 500（10 名） 詳　　情：https://www.iacm.gov.mo/sal/c/activity/detail.aspx?id=f858a53c-3ed3-4079-8ab2-b0020b03598f * 所有資料以官方網站為公布為準。 * 更多澳門優惠情報、有獎活動及有獎遊戲，可瀏覽 https://lifemag.cyberctm.com/zh_TW/blogger/MacauJetso。

澳門人最難明嘅廣東話方言排名!你嘅家鄉話上榜未？

其他
澳門生活圈・2018-08-11

自從嚟咗澳門做嘢 接觸咗唔少嘅廣東省各地人 每個人口音都唔同 單單係出去行個街 問路嘅人，口音就有好幾種 如果用普通話交流嘅話 就唔會覺得有啲咩唔同 但係一講起家鄉嘅方言 小Pe就會諗 你哋講嘅都係中國話？ 大家都係廣東人， 但係我唔知你講緊乜嘢 中國語言博大精深 單單喺廣東 就足足有72種地方嘅方言！ 廣東嘅方言 主要分成三類 粵語、客語、閩語 （分潮州話、雷州話等）三大類 另外仲有一啲 歸屬不明嘅方言 例如粵北土話、軍話、舊時正話等 小Pe整理咗一份 澳門人認為廣東 最難聽得明白嘅方言排名 埋嚟睇下你嘅 家鄉話有冇上榜？ ★第八名★粵語 粵語，又叫做廣東話、廣府話，俗稱白話，係一種漢藏語系漢語族嘅聲調語言，亦係漢族廣府民系嘅母語。 發源於古代中原雅言，有完整嘅九聲六調，好完美咁保留咗古漢語特徵。 喺中國廣東、廣西及香港、澳門同埋東南亞，以及北美、英國同澳大利亞華人社區中廣泛使用。 但係粵語唔等同於廣州話，廣州話只係粵語嘅一個分支。不同地方嘅粵語有啲字嘅表達係唔一樣，而且口音都唔同嘎！ 粵語有九音六調，相比普通話，學起身複雜好多。不過粵語其實保留咗好多古漢語嘅語法同埋用詞，所以粵語聽起身會有特別嘅Feel~ 如果畀份測試題你做 你又識做幾題？ 粵語包含咗好多普通話入面冇嘅語調同埋表達方式 所以好多普通話語系嘅同學仔 都會覺得粵語勁難學 常用詞語 猴賽雷 = 好厲害 點解 = 為什麼 做咩 = 幹什麼 冇野 = 沒事 幾多錢 = 多少錢 早晨 = 早上好 早唞 = 晚安 ★第七名★陽江話 陽江，喺地域廣闊嘅粵西南，係一座好靚嘅濱海小城。係中國十大最具幸福感城市之一，同時亦都係生活節奏比較慢、比較悠閒嘅城市。 陽江方言屬粵方言嘅一個分支，主要有分陽江話同埋陽春話兩種，都屬於粵方言高陽片中嘅一種次方言。 陽江話以陽江市區嘅陽江話作為代表，聽老人家講，陽江話中陽江城三鋪街嘅話最為正宗。 陽江方言嘅音調有11個咁多，佢嘅音調又高又尖，所以如果唔識陽江話嘅人，聽落就好似聽緊一班人嗌交咁~ 常用詞語 對毛住 = 對不起 請楚 = 請坐 估陣幾點？= 現在什麼時間？ 你系毛睡= 你是誰 溺也= 玩東西 假精 = 假聰明 ★第六名★吳川話 吳川濱江臨海、三江過境、水系發達、日照充足、資源豐富、氣候宜人，係中國南海之濱具有江海文化特色嘅安康宜居城市。 吳川話係一種介於粵語同越南語之間嘅過渡性語言，屬於粵語方言，由俚僚古越語融合古漢語、粵語、閩南語而成嘅特殊混合型語言。 吳川包含多種民間語言，發音各不相同，以靠近湛江一帶嘅吳陽、黃坡(包括坡頭、南三)等地最為正宗。 吳川話最大一個特點就係古味濃重，發音上，吳川話平平仄仄做德好協調，全國少有。 例如 有一種行街叫捎捎 有一種伴侶叫貨兒 有一種嬲叫鬼無作你 有一種睡唔著叫睡眼無眯 有一種尷尬叫惡做 有一種孩子叫儂倪 有一種嬌嗔叫嬲死你噠 有一種調皮叫馬溜 有一種諷刺叫有益加咯 有一種隨便叫留你哇 有一種欣賞叫都可以可以 有一種大笑叫實熟狗頭 有一種回應叫做物啊 ... 常用詞語 去書房 = 上課/學 車大炮= 說謊 眼鬼都盲 = 無語 風氣爆爆 =來勢洶洶 收你米簿 = 收拾你 舒法子 = 想怎麼樣 在阿試= 在哪里 運鬼運怪=不正經 阿爹阿奶=爺爺奶奶 ★第五名★茂名話 茂名位於廣東省西南部，係粵東西北地區中經濟實力較強嘅城市，GDP連續14年居粵東西北首位，係中國水果生產基地，亦都係"中國羅非魚之都"。 喺茂名，可能會經常遇到一啲“掌握”咗幾種語言嘅人：普通話、白話就唔使講喇，雷話、客家話甚至“舊時正”操起身都話唔定令你聽到O曬嘴。呢個就係茂名嘅一大“地方特色”。 茂名市嘅方言主要有茂名白話、涯話、雷話（又稱黎話）、海話，仲有少數地方講“舊時正話”（當地稱“狗屎正”，歸屬不明）、思賀話和容縣話。 但喺市民中，新坡鎮居民占了相當大嘅比重，且居住喺城區嘅心臟地帶，佢哋所講嘅白話基本上可以代表城區甚至茂名市區白話嘅主流。 常用詞語 矛day=不知道 去料=去玩 去絲試=去哪里 戳嗲=失敗 阿哈（han）=嬰兒 細儂=小孩 方乸=婦女 三腳雞=三輪車 手公頭=大拇指 ★第四名★四邑話 四邑話，即係華語粵語四邑片。以臺山話為代表，喺廣東省江門、中山等地區廣泛使用，臺山係“中國第一僑鄉”，有230幾年歷史古城~ “四邑”係臺山、新會、開平、恩平四縣嘅統稱。地道廣州人好難聽得明四邑話，四邑話之所以出名，係因為佢係北美唐人街嘅通用語言。族群內保持高度嘅團結，所以呢個語言先至得以保留。 常用詞語 便止=哪里、邊度 唔day=不知道 hie飯=吃飯 CUT址=這裏 索深蚊仔心氣=逗小孩開心 hiang歌=聽歌 CUT勁=厲害 返幾，返企=回家 翻管=回校 ★第三名★雷州話 雷州話，又叫作雷語雷州話，通用範圍很廣，雷州話中保留住嘅古漢語有好多特色，你可能聽得出幾個字嚟，但完整嘅意思真係估唔出。 雷州方言裏入面“土”同和“通俗”係一大特色，“土”來源于生活取材于生活，保留住古漢語嘅好多特色。如果唔夠了解，外地人經常會覺得係亂噏廿四，畢竟雷州話音系聽起身勁似天書。 常用詞語 哦耐 = 難受 狗酸 = 猴子 土妞 = 泥鰍 天歸 = 天亮 興早 = 明天 畫喜 = 高興 鬱角 = 轉彎 ★第二名★客家話 客家方言又稱客家語、客語、土廣東話，主要流行於廣東東部、東南部、北部和福建、江西南部等地區。以梅州為代表，梅州境內各地通用。 而客家話中嘅一啲詞語發音同日語係好相似嘎！ 現代客家話中保留咗好多我國古語發音而日語嘅好多發音有唔少都係學習自古漢語，所以兩種語言間經常有相似嘅地方~ 客家話嘅 晉級版TEST嚟一波 記得小Pe以前做嘢嘅時候，有好幾嘅同事都係梅州人，喺佢哋傾計嘅時候，我同其他同事嘅表情係咁噶。 常用詞語 有一種糊塗叫岳岳到 有一種嬌氣叫念念之 有一種丟架叫托衰人 有一種男朋友叫控哥 有一種女朋友叫七佬 ★第一名★潮汕話 講到潮汕話，真係終極大佬！而潮州話分佈於廣東東部嘅潮汕地區。 對潮汕人嚟說，潮州話係維繫感情嘅紐帶有住巨大凝聚力。尤其喺異地他鄉，鄉音相同，就係“膠己人”！ 不過根據地域嘅唔同，潮汕話音調上會有區分，有時隔一條街，講嘅潮汕話就完全唔一樣。 例如大家經常經過嘅拱北關口附近嘅底下商場，戈一堆找人再嘅人，多數都係潮汕人，小Pe經常覺得聽佢哋講家鄉話，就好似聽外文咁，一句都get唔到意思！ 所以，確認過眼神 呢啲係潮汕先睇得明嘅題 潮汕話有一字多音 一字多義嘅特點 如di就有八個音調 低、抵、地、滴、池、弟、帝、碟 唔同地區仲有唔同地區嘅腔調 每個潮汕人都會話自己嘅潮汕話先至係最正宗噶！ 常用詞語 膠己人 = 自己人 劃撲 = 炫耀 浪險 = 厲害 無變 = 沒辦法 四散旦 = 亂說 賣擔 = 不想說 做泥 = 幹嘛 除咗廣東省嘅方言 我哋澳門其實都有自己嘅方言！ 大家一起嚟簡單咁睇下 澳門人講粵語VS廣東人講粵語 冷氣=空調 電單車=摩托車 領呔=領帶 扮曬嘢=裝X Send message=發信息 句句都好聽又盞鬼 至於你想知點樣一眼識辨？ 咁小Pe就賣個關子 等我下回分解！！ 唔知你又覺得 邊種家鄉話最難Get？？ 圖片來源：MacauLife、Instagram、網絡 版權屬於原作者 素材來源：網絡 編輯撰寫：小Pe 本號原創文章，未經授權，不得轉載

澳門建築物

生活在我城
文創遊樂場 // 米米 Esther Lim・2018-08-11

澳門雖小, 但近年來澳遊客人數竟達三千萬人, 一般遊客熱門地就是大三巴, 新馬路等, 我們用不同角度看澳門街的靚靚建築物。 澳門建築物充滿中西特色, 其他地方如:媽閣, 塔石及南灣也可成為旅遊熱門地。 鳴謝相片提供: Mr. Miguel Wong 傳道書3:1 凡事都有定期、天下萬務都有定時

【68 天定期存款利率高達 1.98% 】華僑永亨銀行定期存款優惠

生活在我城
澳門優惠・2018-08-11

MacauJetso 為大家搜羅澳門優惠！今次介紹嘅係華僑永亨銀行定期存款優惠，68 天存款計劃，利率高達 1.98%。💵 存款日期：即日起（額滿即止） 存款金額：20 萬或以上 存款幣種：澳門幣或港幣 存款利率：澳門幣 68 日定期利率（$200,000 - $999,999）1.48 % 澳門幣 68 日定期利率（$1,000,000 - $2,999,999）1.68 % 澳門幣 68 日定期利率（$3,000,000 或以上）1.78% 港幣 68 日定期利率（$200,000 - $999,999）1.68 % 港門幣 68 日定期利率（$1,000,000 - $2,999,999）1.88 % 港門幣 68 日定期利率（$3,000,000 或以上）1.98 % 詳　　情：https://www.ocbcwhmac.com/whb/webpages_cmm/#/new-page/3571 其他定期計劃：https://lifemag.cyberctm.com/zh_TW/search/tag/定期存款優惠 * 所有優惠及條款以官方網站為公布為準。 * 更多澳門優惠情報、有獎活動及有獎遊戲，可瀏覽 https://lifemag.cyberctm.com/zh_TW/blogger/MacauJetso。

高能預警！「一號」風球形成，市民需做好應對措施！

其他
澳門生活圈・2018-08-10

一直以來 澳門的天一直處於高溫狀態 正所謂“出門5分鐘， 濕身一整天” 熱到爆炸 澳門外港碼頭34.8℃ 九澳最高溫達36.6℃！ 說熱已經決解不了問題 周圍一片毒區！ 8號下午5點時 氣象局發出預告 南海中部的廣闊低壓區 會在未來幾日緩慢發展及向北移動 為華南沿岸帶來不穩定天氣 預計本月10至13日 因天文潮加上風力影響 內港一帶將會出現水浸現象！ 前方警告 今年第14號颱風“摩羯”已生成 暫對本澳影響不大 但南海的颱風胚胎在逐漸增強！ 據氣象局監測 南海熱帶低壓96W中心 已移至南海的中北部 最大風力已接近11米/秒 且本週末可能在南海北部海域 加強成為今年第15號颱風“麗琵” 96W將對本澳天氣造成一定影響！ 圖片來源於：中央氣象台 本月9號上午11點 珠海市氣象臺發佈了 颱風白色預警信號 未來幾日將會有驟雨 熱帶低壓逐漸趨近海南東部海面 海面風力6至7級 陣風8至9級！ 珠海市三防指揮部 已啟動防風IV級應急 同時跟進天氣最新情況 做好一切計畫！ 本月9號下午5點 本澳氣象局發佈最新一號風球 熱帶低氣壓集結在本澳西南偏南 約540公里 可能將會維持一段時間 藍色風暴潮警告同時生效！ 去年“天鴿”風災後 本澳市民都對颱風產生後怕心裡 正所謂一朝被蛇咬，十年怕井繩 我們再也經不起 任何自然風災的打擊！ 對此 特區政府也隨時做好對颱風的監測 更計畫將在低窪地區的天眼柱和停車場 貼上風暴潮警告標示貼紙 以便讓市民更清晰地掌握颱風信號 做好各種預防措施！ 或許大家都知道 風暴潮從過往的3級提升至5級 程度有藍、黃、橙、紅、黑 為咗方便市民 當局就計畫用近2個月的時間 在內港低窪地區等 合共90支天眼柱上 張貼風暴潮警示貼紙 方便居民知悉風暴潮的實際影響！ 新增設備裝置 本澳共有16個自動氣象局監測站 當局計畫新增2個站點 北區污水處理廠 氹仔東亞運大馬路 兩站點將在下個月實行使用 今年尾或明年初會增設後備裝置 以備氣象站故障的情況 除此除外 計畫與珠江水利科學研究院合作 在澳門附近海域裝置5個浮標監測 掌握潮汐變化 更準確預測風暴潮！ 我們無法對抗自然災害 只能做好每一步預防措施 避免颱風無情轉變 我們卻措手不及！ 圖片來源：珠海、澳門氣象局、力報 版權屬於原作者 新聞素材來源：百度、澳門力報 編輯撰寫：小嚕 本號原創文章，未經授權，不得轉載

*頭腦清晰好辦法*

有機健康
hoyukiki・2018-08-10

身為都市人的我們，每天都為很多事情煩惱，每天都想東想西，思緒容易混亂。 煩惱的同時也會影響心情，以致容易影響工作表現、人際關係等等，因此保持頭腦清晰可以大大減低因煩惱帶來的影響。 以下為大家介紹一下我是自己如何保持頭腦清晰，同時增加工作效率的方法： 1. 每天晚上睡前記錄明天一定要做的事情，並排列處理的優先次序 *記錄是可以看到的資料，方便日後翻查資料，因此可以是電子記錄、也可以是紙筆記錄，但千萬不要只靠自己的頭腦記憶！！因為當你憶述一件事情時很容易出現把當中的細節遺漏或誤解等情況，以致無法準確，容易產生誤會。 *煩惱很多時候是因為沒有心理準備的情況下產生，同時具有時效的急切性，因此讓自己有足夠的時間想清楚及時做好準備，煩惱便可以大減 2. 吸收補充品-卵磷脂 (1)卵磷脂介紹 卵磷脂(lecithin）屬於一種混合物，是存在於動植物組織以及卵黃之中的一組黃褐色的油脂性物質。其構成成分包括磷酸、膽鹼、脂肪酸、甘油、糖脂、甘油三酸酯以及磷脂等，卵磷脂被譽為與蛋白質、維生素並列的“第三營養素”。卵磷脂有時還是純磷脂醯膽鹼的同義詞。 卵磷脂廣泛存在於多種食品中，只要飲食多樣化、合理調配、葷素兼顧。不挑食、不偏食，一般是不會缺乏的，一般情況下，不需要額外補充卵磷脂，但都市有多少人會達致“均衡飲食”？。食補卵磷脂，同時還要注意維生素E的補充，維E可防止卵磷脂的氧化，且可促進其吸收和利用。兩者合用，可相輔相成、相得益彰。 卵磷脂主要存在於蛋黃、大豆、動物內臟中。科學證明：大豆卵磷脂的作用更優於蛋黃中的卵磷脂。因其更易於運輸膽固醇，使膽醇不沉積於動脈壁。 (2) 大腦皮層-介紹 大腦皮層（英語：cerebral cortex），又稱為大腦皮質，或簡稱為皮質或皮層，成年人類的皮質如果全部展平，面積大約有兩張報紙展開這麼大。大腦皮質的厚度約為2-4毫米。 大腦皮層是由大量神經細胞組成，包括神經元和星形膠質細胞等其它支持細胞。成年人類大腦皮層所含的神經元的數量大約在1010量級。神經細胞透過對細胞膜的刺激達致神經傳導作用。因此細胞膜沒有足夠的營份會影響神經傳導作用的產生。 人體大腦皮層存在分層結構，根據空間位置，大腦皮層被分為幾個葉。每個葉是空間上連通的一部分皮層。以下列出的是這些分區的名稱及目前學術界所認為的主要功能： 額葉-高級認知功能，比如學習、語言、決策、抽象思維、情緒等，自主運動的控制； 頂葉-軀體感覺，空間信息處理，視覺信息和體感信息的整合； 顳葉-聽覺，嗅覺，高級視覺功能（例如物體識別），分辨左右，長期記憶； 枕葉-視覺處理； 邊緣系統-獎勵學習和情感處理 (3) 卵磷脂對大腦的作用 人體細胞中細胞膜主要由脂質、蛋白質及糖類組成，因此卵磷脂是大腦細胞發展的重要元素之一，大腦細胞養份充足，對日後記憶力、思考力等有重要功效。 以上產品於以下公司有售，歡迎選購！ 陽光健康有限公司 Address:澳門高士德大馬路9-E號世紀豪庭1樓K舖 Tel: +853 2852 7683 Fax: +853 2852 9069 Email: ioklinho1987@gmail.com

【西遊記 1 大 1 小套票 $1 】澳覓週五秒殺

生活在我城
澳門優惠・2018-08-10

MacauJetso 為大家搜羅澳門優惠！今次介紹嘅係澳覓優惠，記住 12 點去澳覓 app 搶啦！提提大家，週五用澳覓卡比錢，仲可享有雙倍積分優惠（詳情）。 主辦單位：澳覓 活動日期：2018 年 8 月 10 日中午 12 時 參加方法：使用澳覓 app 到秒殺區進行購買，優惠有限，售完即止。 參與商戶：金沙城中心大型中國秀《西遊記》1大1小套票 MOP 646MOP 1 喜喜代金券 MOP 50MOP 25 冒險王國 Planet J 全日通一人票 MOP 460MOP 220 LA VIDA 代金券 MOP 100MOP 50 食家砂鍋碗仔翅代金券 MOP 100MOP 50 Grill W扒廚特選晚市4人套餐 MOP 1571MOP 588 發哥養生磨坊指定飲品 MOP 28MOP 11.8 天福台式鐵板燒代金券 MOP 100MOP 50 詳　　情：請到澳覓 app 秒殺區查看。 * 所有優惠及條款以官方網站為公布為準。 * 更多澳門優惠情報、有獎活動及有獎遊戲，可瀏覽 https://lifemag.cyberctm.com/zh_TW/blogger/MacauJetso。

熱門文章

  1. 【郭富城夢幻舞林演唱會2024】全城至抵玩攻略，全方位豐富娛樂懶人包！
  2. 【澳門美食】澳門威尼斯人頂級粵菜食府「品粵軒」
  3. 激光矯視懶人包！術前檢查及適合人群
  4. 【澳門美食】澳門麗思卡爾頓酒店麗軒 — 賞心悅目 午市菜單
  5. 【澳門美食】澳門上葡京范思哲酒店，米芝蓮星級餐廳「當奧豐素 1890」精緻意大利菜
本網站使用Cookies來令您獲得最佳的瀏覽體驗。若繼續瀏覽此網站，即表示您同意我們使用您的Cookies。詳情請見我們的 Cookie 使用政策。