生活在我城

位於澳門麗思卡爾頓酒店51樓嘅麗軒,係澳門高樓層嘅中菜廳之一,環境雅緻,由 2017 至 2023 年連續七年榮獲「一星米其林」!而今次何漢昇師傅打造嘅黃金盛宴,等小編為大家一一介紹喇!

中式點心三重奏 — 黑松露野菌西紅粿、一口和牛酥、安蝦雞粒鹹水角 

黑松露野菌西紅粿:香濃嘅黑松露,突顯野菌嘅鮮味,口感十足!

安蝦雞粒鹹水角:外型精緻,採用安南出產嘅蝦乾,加入雞粒,裏上外皮炸得又脆又煙韌!

一口和牛酥:入口即化,而且每一層酥皮都很細緻。

松茸菜膽竹絲雞湯:湯頭濃郁,非常滋補暖胃!

 

砵酒焗蝦球

選用越南大蝦,多肉口感爽脆,精髓係佢嘅秘製醬汁,加入葡萄牙甜砵酒及多款汁醬 ,合併廣東與葡國風味!

 

生炒香芋臘味糯米飯

糯米飯炒得粒粒分明,加入櫻花蝦、香芋臘味 ,非常香口,層次豐富 !

 

甜品紅豆沙湯圓

加入十年陳皮提味,紅豆沙濃郁綿密,同軟糯嘅湯圓,絕對係完美配搭!

澳門麗思卡爾頓酒店麗軒

地址:澳門麗思卡爾頓酒店51樓

電話:8886 6868