《水舞間》全新升級版強勢回歸！

Cheers!・2025-04-14

澳門獨家水上鉅製終於歸嚟啦！澳門新濠天地嘅殿堂級水上匯演《水舞間》於2025年5月以全新姿態強勢回歸！呢部耗資超過20億人民幣，國際級別嘅水上鉅製，今次唔單止保留招牌嘅「水舞奇觀」，仲將故事、角色、舞台科技、音樂同服裝設計等全面大升級，誓要帶畀觀眾一場「超越想像」嘅感官衝擊。純動作演出奇幻故事元素，大人細路都啱睇，齊齊進入超越想像的夢幻國度！ 史詩故事再進化：安妮公主 times; 異鄉人 times; 黑皇后終極對決 今次全新劇情圍繞「被囚禁嘅安妮公主同異鄉勇士聯手對抗邪惡黑皇后」展開，以「水之心」、「愛同勇氣」為核心，但衝突更加激烈、角色更加立體。 新增嘅搞笑角色「水手」會用風趣互動調劑緊張氣氛，而黑皇后嘅陰謀、公主嘅掙扎、勇士嘅冒險，將會喺佩帕里尼工作室（Peparini Studios）藝術總監Giuliano Peparini朱利亞諾 . 佩帕里尼全新打造嘅魔幻場景：「水之囚籠」、「魔法花園」同「未來城市」中爆發，戲劇張力爆燈。 舞台科技再創巔峰：全球頂級270度環形水上劇院 《水舞間》嘅舞台係全球頂級嘅「270度環形劇院」，最大亮點係水壓升降台可在30秒內由平地變為9米深的水池，儲水量高達370萬加侖（等於5個奧運泳池）！ 仲有239組噴泉可以瞬間噴出18米高水柱，加上25米超高跳台（奧運會跳台嘅2.5倍），挑戰人體極限。 配合540組智能燈光同Barco投影技術，無縫切換「海底世界」同「未來城市」等場景，真係睇到人眼都唔眨。 國際級班底：300位演員與幕後人員 多項高難度特技 來自30個國家嘅近300位表演者與幕後人員，包括專業潛水員、雜技高手同職業舞者，聯手打造14項全新高難度表演！「人體吊燈」有多組空中飛人配合新編舞，超高空吊環嘅墜落式演出，「水之囚籠」、「舞之劍」等新演出元素都好令人期待！ 服裝音樂全面革新：24套戰衣 交響樂重塑 24款全新設計的閃耀戰衣新章亮相，安妮公主嘅禮服同黑皇后嘅暗黑長袍，細節精緻程度留比觀眾自行發掘，而音樂方面就由交響樂團重新編曲，由空靈吟唱到澎湃交響，層次超級豐富。 觀眾體驗再升級：VVIP包廂 零死角視野 劇院今次全面翻新，普通觀眾席優化咗視野，配合123個吊機同200項安全設備，確保每個位都睇得清楚又安心！ 而新增嘅兩間VVIP包廂（分別容納10人及13人），可以同演員互動合照兼免費享受主題餐飲，注重豪華體驗嘅朋友不容錯過。 《水舞間》門票已經開售，想見證呢個「一生必看」嘅升級版傳奇，就快啲上新濠天地官網撲飛啦！ 門票資訊 門票現已公開發售演出場地：新濠天地一樓水舞間劇院演出時間：5月9日起 （逢星期二、三為例行休館 5月15、22日及 9月 4 8日、1115日 暫停演出）立即購票：httpss.ctm.net2UQ0s