專題報導
既騎呢，又創新的一口「鹹蛋麥芽餅」
近排睇咗某個 Blogger 嘅騎呢零食開箱之後，
就決心要揾番樣似樣嘅騎呢零食分享下，實行騎呢鬥騎呢。
剛剛有同事去完台灣旅行帶番黎手信，
於是急不及待試了這款名為「鹹蛋麥芽餅」。
雖然唔知幾多新台幣，但感覺應該十分抵食！
一大包就已經差唔多有普通電腦主機咁上下大細了。
裹面大約應該至少有二、三十小包。
居然已經投保了成一千萬新台幣落去「產品責任險」！？
一小包嘅大細大慨同男性手掌差唔多大，
個人認為十分適合女士們嘅「一口零食」原則，
就算口細都絕對可以一啖食得晒。
好喇，至於點解揀呢款零食做騎呢零食呢？
就係因為睇到包裝上嘅「鹹蛋」同「麥芽」。
鹹蛋係鹹味，而麥芽糖本身就係甜，
兩樣放埋一齊究竟會出到咩化學反應？真係十分令人期待。
味道方面，唔太鹹亦唔太甜，難道係因為鹹味同甜味互相抵消？
口感方面，食落去絕對有麥芽糖個種煙韌感，但鹹蛋味嫌略少。
舌頭敏感度低嘅朋友，一定唔會察覺有鹹蛋嘅存在。
所以如果怕太鹹或太甜嘅朋友，呢款零食絕對非常適合食。
或者當做功課或温書悶悶地時，可以用黎放鬆調劑一下，話唔定會有奇效。
筆者食完呢款零食後認為，與其話係騎呢，
倒不如說是新穎或創新比較貼切，好適合買黎做手信。
睇黎筆者又要繼續加油去揾下一款更加騎呢嘅零食分享畀大家啦！
