專題報導
有數計：男士多食蔬果 汗味能吸引女性
一到咗呢個炎炎夏日，簡直係男士惡夢，尤其係易出汗嘅男士，因為一出戶外即刻成身濕晒，散發出嘅汗味更加趕客，莫講話對住心儀對象，係所有人都怕咗你呀！慘慘豬嘅「出汗男」唔使太洩氣，原來有方法解救！
根據澳洲最近一項研究，原來男士多食蔬果，可易令身體吸收更多胡蘿蔔素，對汗味嘅味體更好，而女士對於呢種汗味更加係覺得吸引！當然，相反食更多碳水化合物例如多飯嘅男性，散發嘅汗味就非常難頂喇。不過我知大家實知易行難，尤其係男性，要食咁多菜，點肯吖！所以研究有講到除咗蔬果之外，食肉、蛋、豆腐一樣可以有助改善汗味，汗水散發嘅味道一樣唔差！
以上文章及圖片均轉載自網路，所有版權歸原作者所有
