文章列表

Bar·Celona Tapas & Rice Spanish Gastro Bar

澳城餐飲
EAE // Grace・2016-07-28

早前版主到訪過0既西班牙烤雞 (黑沙環分店), 原來佢隔離0既樓上舖, 都係佢地開設0既西班牙餐廳, 而主打0既係西班牙小食Tapas同埋酒類~~ 從來無諗過會有一家咁不錯0既異國餐廳係黑沙環區出現! 意大利, 西班牙, 葡國菜等.. 一向係澳門0既價位唔算係低水平~~ 但呢家餐廳, 絕對會顛覆固有想法~~ 老闆刻意選址係租金比較平0既黑沙環區, 所以就算食材由歐洲當地入口, 價錢都可以大眾化! 拾級而上,已經可以感受到氣氛~ 餐廳裝潢簡單得黎又有異國特色, 2個人0黎又得, 一大班人黎gathering亦得~~ 水吧位置就放左2隻西班牙火腿~~ 版主勁鐘意~~(流口水中~~) 呢張最長0既枱, 其實係有特別設計, 專for試酒用的~~ 中間那個打開係一個桶.. 可以將試完d酒倒落去~~~ 店長話… 呢度慶祝生日, 同自己帶酒係唔會收service charge同開瓶費, 所以幾乎晚晚都full booking架!! Menu分Wine 同食物~ Hot regular Coffee 今次呢杯咖啡比上次的水準好好多~ 奶是熱的, 咖啡味很濃~ D小姐讚不絕口~~ 38個月伊比利牙黑毛豬火腿拼盤 (MOP$138) 特色蕃茄醬麵包配蒜蓉、橄欖油和蕃茄 (MOP$28) 黑毛豬火腿都係版主至愛~~ 呢度0既火腿切得好薄!透哂光!~ 單食都唔會覺得咸, 而且唔會好重油林林的感覺~ 口感係帶點爽口彈牙~ 好好味!!! 呢個麵包烘到外脆, 入面軟彈, 面頭0既蕃茄係用新鮮蕃茄蘑上去, 再加埋蒜蓉同橄欖油~ 勁香~~ 配埋ham食都好match! 廚師Special Salad (MOP$118) 呢個沙律係menu無的, 原因係作為亮點0既蕃茄係由法國入口~ 所以食唔食到, 真係要睇緣份~~ 來自法國0既有機蕃茄, 唔似中國的....不會有腥味…. 配上菠菜同松子, 面頭0既係主廚自家醃0既三文魚, 因為配方入面有蘋果同橙,仲有d gin酒, 所以唔會腥之餘, 口感清爽, 肉質仲帶點彈性~ 配上又fresh又清甜0既蕃茄, 好好味! Sangría 西班牙水果酒(白酒) (MOP$50/杯) 西班牙水果酒(紅酒) (MOP$50/杯) 呢度0既Sangría 係由調酒師自己調配的, 同平時飲開0既唔一樣~~ 因為果肉切得勁細粒, 所以飲落果味同甜味都好突出! 0岩哂女仔飲~~ 個人喜歡白酒多過紅酒~^^ 西班牙曼徹格芝士,小銀魚,焦糖洋蔥伴多士 (MOP$128) 樽仔入面0既係羊奶芝士, 而紫色一粒粒0既係用quince做0既jelly~~ 有d甜甜地同少少酸~好開胃~ 小銀魚係自家醃製, 唔怕咸同腥~~ 個人最喜歡0既食法係用多士做底, 上面放銀魚同埋quince jelly.. 感覺酸酸地好夾~~同埋會帶到魚0既鮮食出來~~ 但D小姐就勁喜歡個cheese~ 黎到呢個moment… D小姐就酒興大發~~(佢係酒鬼…XD) 店長兼侍酒師就推介左呢支白酒~ 係用左三種提子mix埋的(其中兩種就係甜提子同埋乾提子) 口感都唔錯 至少唔太好白酒0既我, 都覺得順口..hahahaha~ 經典西班牙炸丸子奶油配火腿和雞肉 (MOP48) 呢個小吃記得樓下間西班牙烤雞也有, 問左店長有咩唔同, 佢話呢個入面加左D 西班牙火腿~~!!! WOW!!! 唔怪得除左濃濃芝士味外, 仲食到有D火腿0既咸香~ 正!!! 煎蛋配薯仔和西班牙腸 (MOP$48) 店長話, 好多客人0黎呢度, 指定要食呢個菜! 午餐可以食, 晚餐可以食.. 面頭0既薯絲炸得超脆~~唔怕油~~ 中間係一隻半熟荷包蛋~~ 底下0既係西班牙腸~~ 食法係先整穿隻蛋, 之後將所有野mix埋~~ 包住蛋汁0既薯仔同埋已切成粒粒0既西牙腸, 好惹味!! 真係唔講得笑!!!!!!!!!!!!!!!!!!!!!!!! 所以我地食完之後話..早餐都可以食!!XD 西班牙海鮮飯 (MOP$358) Barcelona 0既海鮮飯比樓下0既西班牙烤雞飯, 材料豐富好多, 所以價錢都會稍為貴dd~~ 不過以份量同埋材料來講, 我地覺得非常合理!! 因為個湯汁比較濃0既關係, 所以唧少少檸檬汁, 帶少少酸, 可以食多d..XDDD 面頭0既海鮮有紅蝦, 海蝦仲有小龍蝦, 全部都好新鮮彈牙~~ D小姐又發揮地表最強食力, 1個人食左2/3~~ 飯粒煮到索夠汁之餘, 仲粒粒分明~~ 入面有雞肉, 蘑菇同魷魚~ 魷魚唔會太 “un” 甜品: 西班牙心太軟配雲呢拿雪糕 (MOP$60) 同一般心太軟唔同, 佢地做法係拎個朱古力漿雪凍左, 再上粉拎去炸~~ 外皮夠脆~ 一定要趁熱連埋雪糕一齊吃~ 食悶左傳統焗心太軟,可以試試呢個~^^ 食後感: 餐廳環境唔錯~~ 0岩哂夜晚同朋友傾下計…飲下酒, 吹下水~~ 一大班人搞生日都唔錯~~~(因為免收蛋糕charge同埋開瓶費) 營業時間到夜晚2點~~ 食物質素可以妣美五星酒店, 但價錢親民~~ 唔怪得成為好多熟客0既飯堂~~ 我同D小姐已經約好左叫埋其他朋友再去過~^^ 餐廳資料: 名稱:BarCelona Tapas & Rice Spanish Gastro Bar 地址:澳門慕拉士街16號,富大工業大廈地下B座(消防局前面條巷) 電話: 2872 1084 時間:12:00~02:00 Facebook:https://www.facebook.com/Barcelonat⋯⋯ Page: http://barcelonagastrobar.com/

Chakra SPACE (素食) /by EAE

澳城餐飲
EAE // Grace・2016-05-19

是次到訪0既小店,無論係裝潢,餐具都深深吸引版主,加上主打素食.. 令到平時大吃大喝0既版主頓時有種遇上沙漠的綠州的感覺XD 版主都知近期懶左太多,因為歐洲之行回來以後,重歸現實,努力工作~ 古語有云:休息是為行更遠0既路,返工是為還更多的卡數XD 所以....懶懶藉口一堆,而家終於良心發現.......係時候要出返篇文~;) 今次呢家小店係老友D小姐帶我去,位置其實不難找,就在媽閣比薩意大利餐廳一路走下去就見。只要見到門口那部復古單車,走進去就是;) 小店位置不大,坐滿只有約10個位置,廚房採用開放式,客人可以一邊與店主傾計,一邊睇住佢忙碌地替客人準備食物,感覺似係朋友屋企作客。 個人超鐘意呢個靠窗位置,如果有時間真係好想叫一杯茶,靜靜望住外面發呆。 店中裝飾擺設都係以木為主(版主勁愛那張大木枱!) 通常出去CAFE等小店,一般都係檸檬水,但主打素食的Chakra SPACE,卻特別的用上陳皮及川貝浸水,飲完之後,覺得喉嚨好舒服。 Jasmine Lemon Tea 版主呢排睡眠質量都不是太好,所以叫店主推介花茶 佢地選用既係Normann Copenhagen自家生產0既純天然花茶,無添加任何人工物料,夠哂健康。 呢款茶係用左Eral Grey tea做,店主話可以泡三次,版主泡左兩次,味道都同第一次咁濃,呢款茶茶味突出之餘,仲有好香Jasmine味道,加埋新鮮檸檬,飲完真係有種放鬆感覺。 小店每日只提供一款素食套餐,夜晚同中午0既SET係唔一樣。 除左素食套餐外,當日仲有朱古力戚風蛋糕可以點,不過版主就無試XD~ 餐前沙律,係用切了片的秋葵配搭住甘筍絲,再加上少少wasabi拌勻,味道出呼意料的好! 甘筍絲爽口,秋葵雖然帶點黏黏的,但出現係呢個沙律上面,唔會覺得好核突,唯一美中不足0既係版主覺得太細碟~XD 意式黑松露燉雜菜 本來D小姐一心來這邊係想試佢地0既日式芋頭紫蕃薯咖哩,但去到同店主傾開計,先知道佢感冒,試唔到味,所以個幾日都無咖哩提供。今日午市提供0既就係呢款燉雜菜。 所以想去試0既朋友不防先打電話,睇下當日做咩SET先過去吧.. ^^ 如果一個人來,可以坐係呢個窗邊,出面0既馬路唔算繁忙,有時仲會有雀仔叫聲,靜靜地係度享服住健康0既素食午餐,真係好Relax。 燉雜菜唔會過林,仲保持口感,有蕃茄,黃紅甜椒,蘑菇等,黑松露係上碟時加上,香氣四溢。 至於味道,是偏向淡味,但版主一向鍾意食D清淡0既野,呢款帶點微酸的燉蔬葉,個人大愛。 而那個飯一D都唔馬虎,係南瓜飯,食落帶有微微南瓜甜味,好吃!! 店中另一人氣王,就係手工精品咖啡,可以一路睇住店主磨咖啡豆,沖泡,仲可以邊問店主心得^^ 唔多認識咖啡0既版主,只見店主每個過程都非常專注同講究,沖泡之前會先了解客人想要咩口味,再認真分析,單是過程已經覺得值回票價。 老友D小經姐話,咖啡超有誠意,味道不錯 食後感: 小店位置寧靜,非常配合吃素的心境,雖然每日只有一道SET提供,但誠意不錯,店主又鐘意同客人交流,食完飯慢慢坐慢慢傾,真係幾舒服。 為左個咖哩,一定會再去。XD 餐廳資訊: 名稱:Chakra SPACE 地址:澳門媽閣斜巷19-17號友成大廈4座地d座 電話:66778669;62287332 Facebook:https://www.facebook.com/chakraspac⋯⋯

庭園意大利餐廳 (Terrazza Italian Dining) /by EAE

澳城餐飲
EAE // Grace・2015-08-25

每逢夏天, 出生率特高, 飯局故之然特多(其實根本冬夏都這麼多..XDD), 正如版主早前曾說.. 幾乎每個星期都會到氹仔各酒店入面餐廳報到~ 食到版主... 忍唔住要叫停一停~~haha~~~ (問一問老友R先生就知道....比我拒絕左N次..XDDDD...對不起啦!!XD) 慶生飯局, 版主比較喜歡搵一d酒店入面0既餐廳, 其中一個原因.. 就係因為呢類型0既餐廳, 通常都會有menu係官網, 可以先睇睇野食0岩唔0岩, 價錢接唔接到先訂位~ 而且..呢類中高檔路線0既餐廳, 一般如果係慶生, 只要訂位時說明, 都會有特別安排, 所以... 成為慶生飯局首選! Terrazza 雖然沒有米芝蓮0既頭銜, 不過Chef Gleb Snegin 來頭一d都唔簡單. 幫過好多意大利餐廳擇過米芝蓮星星~~ 所以呢度0既用餐環境, 同埋食物質素, 一定有保證~~~ 而庭園0既晚餐一樣有dress code要求~~ 也對的啦..配合返個環境情調. 訂位時, 侍應都會有提醒相關要求, 唔需要擔心~ 餐廳位於酒店2樓, 唔識路..唔緊要.. 去到見到staff就問就對了!XD 上到來, 已經比通往餐廳正門0既藝術廊吸引, 不由得對呢餐有D期待~~ 入到尾, 餐廳就係左手邊, 而另一邊係另一家飲野0既Bar~~ 餐廳空間都不小, 一入門口左手邊就是2人的卡位, 感覺上幾隱私同埋自成一角~~ 我地今日亦被安排坐呢邊位置~~ 坐低點了菜之後, 跟經理詢問一下, 可唔可以影下環境相時, 就起身"參觀"左餐廳一個圈~~ (這邊的侍應同經理都相當有禮熱情!!) 除左一D 2~4人枱外, 餐廳中間位置都會有呢D可以坐到8~10個人0既長枱, 好0岩商務或者一大班人gathering~~ 閃亮亮0既銀器裝飾, 令我諗起歐洲古堡入面0既裝飾品~~XD 由室外再走回室內, 走到裝了大大個玻璃窗的廚房!! 可以望到廚師們搓麵糰, 製作食物的過程! 透過玻璃窗, 還可以望到佢地專用來焗PIZZA的烤爐~~ 入座前, 餐具已經按照訂位人數擺放好~ 好少見到意大利餐廳會用一D咁colorful 0既餐具~ 見到咁多顏色, 會令人胃口大開!XD 吃意大利菜, 通常一定會有油跟醋的瓶子, 個人超喜愛呢種二合一的設計, 一個瓶內, 有齊哂兩種, 超慳位! 眼尖的我.. 發現了餐廳原來所用的刀叉, 都是德國廚具界名星..WMF!! 去年到德國的時候, 就想搬回來, 但後來見到價錢之後.. 唯有望下就算.. 因為對sparkling water不算是太喜愛, 所以就點了mineral water 吃意大利菜, 通常都會上這種長條型的麵包條~~ 庭園配來點麵包的三款醬, 分別是橄欖, 蕃茄, 同蒜 個人最愛就係蒜同埋蕃茄~ 蒜已經林哂, 又香又軟林林的口感, 勁正!!!! Rocket Leaves, Grana Padano, Black Taggiasche Loives with lemon Dressing (MOP$148) 火箭菜沙律配帕達諾芝士檸檬汁 呢道沙律上時, 非常有氣派! 侍應先將沙律材料推出來, 即場製作~ 當中, 最亮眼當然係呢個Grana Padano Cheese!!! 侍應先用湯匙將芝士挖出 好玩之處, 侍應仲會邀請客人參與製作~ 如果有興趣的客人可以親身製作自己的沙律~^^ 之後再將火箭菜拌入, 加入風乾車厘茄, black Taggiasche Loives 再加入檸檬汁及橄欖油 最後加入少許black pepper, 拌勻就可以上碟了! 面頭那塊薄脆是粟米做成的, 勁脆!!! 好突出0既粟米味~~ 不錯! 因為有大量芝士0既緣故, 所以呢個沙律勁香!(無辦法..版主勁愛芝士!!XD) 平時食0既火箭菜總會有點苦苦的, 但呢度0既唔怕, 配埋濃味0既芝士同埋醒胃0既lemon dressing同少少酸0既車厘茄乾 勁開胃! 意式細管面配鵝肝豬頰肉 (MOP$168) Rigatoni with Foir Gras, Gunaciale, Puy Lentils 熱葷上菜時, 隻碟是熱的~~ 可以keep住食物溫度~ 不錯~~ 可以見到鵝肝份量都唔少, 有整整的三大塊!!(心心眼!) 版主對鵝肝有點偏愛, 所以見到menu上有呢道時, 毫不猶豫. 點! 下! 去! XD 鵝肝煎得剛好! 而且處理得非常乾淨, 不會有筋~ 入口...即融!!(版主已經融化..XD) 自家製細管麵非常有咬口, 用左豬頰肉做成0既醬汁非常濃, 配上煮到勁軟林0既Puy Lentils(扁豆口感有點似煮到好林的綠豆, 味道不錯) 配管麵非常不錯! 版主大愛! 香草羊架配茄子 (MOP$338) Slow-cooked Herb Crusted Rack of Lamb with Eggplant, Bell Pepper, Baked Garlic slow cooked 係版主其中一樣幾喜愛0既烹煮方法, 之前因為係屋企做唔到, 所以出外用餐, 一見到慢煮方式做的菜式, 一定會點的! 用慢煮方式煮出來食0既食物, 可以保持食物最原始最新鮮味道 所以見到羊架入面0既肉色非常漂亮! 粉紅粉紅! 慢煮0既羊架, 內層肉質似5成, 煮好之後, 外層沾少許香草麵包糠再焗~ 所以外層非常香脆! 而入面0既羊肉就軟林, 好好味! 而且不怕騷! 勁勁勁正!!! 配菜下面四四方方係薯仔, 而上面那粒係焗過0既蒜頭, 應該係獨子蒜, 質感有點黏黏的, 好香蒜味 正! Romagnola (MOP$188) 蕃茄, 水牛芝士, Parma Ham, 火箭菜, 橄欖油做的pizza 因為頭先望到佢地0既pizza焗爐, 所以估計佢地0既pizza應該不錯~~ 果然意料之內! pizza個批底非常香脆! 而且唔會太厚, 配上有少少咸0既parma ham同mozzarella, 個茄醬有少少辣, 味道不錯! 因為pizza size太大, 非2人可以消滅~~ 不過餐廳非常貼心, 食唔哂都可以打包~~ Tiramisu (MOP$78) 因為訂位時, 已經跟侍應說明係慶生飯局, 所以佢地幫我安排左佢地0既招牌甜品作生日安排~~ 中間心0既餅乾已經吸滿哂咖啡同酒, 再配埋軟滑Mascarpone cheese, 帶有濃濃0既咖啡味之餘, 仲一d都唔甜!!! 勁好味! 食後感: 由訂位開始, 已經感受到佢地0既有禮0既服務態度, 用餐當天, 環境夠哂情調, 而且空間感十足, 枱與枱之間夠哂距離~ 食物味道不錯! 而一般每張枱都會有一個專屬侍應serve客人, 侍應主動有禮~ 整體用餐感覺不錯! 值得一試! 餐廳資訊: 名稱: 庭園意大利餐廳 (Terrazza Italian Dining) 地址: 路氹城「澳門銀河™」綜合渡假城銀河酒店2樓201號舖 電話: +853 8883 2221 時間: 星期一至六:18:00-23:00星期日:12:00-15:00, 17:00-23:00 服裝: 有dress code, 男士要著有領衫, 及不准穿拖鞋~ 是次消費: MOP$9XX/2人/晚餐 (銀河卡有折, 詳情可參考官網) 官網:http://www.galaxymacau.com/zh-hant/macau-restaurant/restaurant-directory/international/terrazza menu: http://www.galaxymacau.com/uploads/attachment/playlist/2015-07/4746555ac83020f2ab.pdf

南亞廚房 Asia Kitchen /by EAE

澳城餐飲
EAE // Grace・2015-08-11

收到朋友的邀請, 其公司集團旗下的餐廳將更換新餐牌, 知道我一向愛吃泰國菜(其實就是知道我貪吃..XD), 於是就問問我有沒有興趣為他們試試新菜式, 希望多吸收客人的意見, 作為吃貨一枚, 怎可能推卻這一吸引邀請? 亦是本人第一次正正式式的參與food tasting! 為何我會用"正式的food tasting"來形容是次邀請, 是因為是次晚餐, 我們足足吃了3個小時, 品嘗了"12道風味" 也是我頭一趟試菜試上這麼多道... 真的是大快朵頤!!!! 南亞廚房 Asia Kitchen 主打南亞菜式, 其中60%為泰國菜, 40%為其他菜式(如馬來西亞, 新加坡等) 餐廳餐牌定期更換, 希望為食客們帶來更多南亞特式菜式. 餐廳位置就在COD的飲食新據點SOHO內, 如果你是坐"發財巴"(賭場接駁車), 下車後, 推門進內, 望向左手邊的長長扶手電梯, 直上就是~~ SOHO開業已經一段日子, 但版主還是頭一趟來~~ 因為是平日, 所以人流唔算太多~ 一直走至差不多最底, 看到左手邊就是他們的位置~~ 餐廳外也有部份用餐位置 當日所見, 很多客人也會選擇在外邊餐桌用餐~ 門外的用餐區的入口, 就是餐廳的"後門" 亦是廚房出菜的位置~~ 這副水松版上釘滿了客人們用餐時的照片, 感覺也挺溫馨的~ 餐廳室內位置有分卡位跟中間的獨立枱子 這邊的裝潢以木為主, 感覺與平時到的泰國菜館非常不一樣! 在走進南亞餐廳路經在SOHO內的多家餐廳, 感覺這家是最明亮, 而且在門外就能清清楚楚看見內邊環境 與傳統的泰式餐館相比, 我更愛這邊的風格...(是的!!我愛木頭!!!) 水吧及出菜位置 突然間他們給我拋下一個難題, 就是問這邊的水跟外面的餐廳有什麼不同, 腦中充滿疑問....有什麼不同啊? 外邊的檸檬水, 有些喝到的味道像洗碗精的味道. 但他們的水完全沒有這種感覺, 他們除了用檸檬外, 還會用上蘋果等新鮮生果浸上一會. 初喝真的喝不出什麼來, 再喝你會開始感覺到有微微的, 淡淡的果香味 你說我怎不能給這杯"心機"水來一個特寫?!XD 是次tasting, 菜式全由他們拍板(我們也就樂得不用研究menu!XD), 而菜式9成都是打算更換MENU時上架的~~ 特式冷飲(由左至右) Lemon Soda Lychee Soda Ginger Ale Shirley Temple Lemon Soda 我選了由味道最淡的開始~~ 這邊的凍飲非常的凍! 而且冰的比例不會太多~ 所以味道不怕越飲越淡~ 有少許soda味, 不甜, 因本人平時甚少飲汽水, 所以不甜的飲品, 對我來說更為喜歡~ 個人覺得清清地, 挺適合配上味道濃的泰式菜~~ 本來想問負責人要上一支長的搞拌匙 但負責人說.. 當地人地道飲法是只用飲管戮檸檬片, 所以我們也來個傳統喝法吧~^^ Ginger Ale 下了少許來自泰國的ginger ale (薑汁), 故此可以喝到輕微的薑味, 感覺很"泰"!!! 荔枝冰 負責人說..用荔枝肉做成荔枝冰的飲品, 澳門只有他們一家~~ 將荔枝肉與冰打碎, 之後加入少許雪碧及soda, 味道帶少許甜, 而且又能吃到荔枝果肉, 兩位D小姐(DL及DM)說四款飲品中最喜歡這一款! Shirley Temple 用了車厘子汁+雪碧+草莓+少許soda調製的特飲, 味道...我覺得沒什麼, 但兩位D小姐就不太喜歡^^ 鮮三文魚配泰式魚露 Fresh Salmon with Spicy Fish Sauce 平常吃泰國菜, 一般都必點醃生蝦, 但吃三文魚片, 倒是頭一篇... 這個新鮮三文魚片的精髓就在這個醬汁上! 這個醬汁是用泰菜必然出現的魚露, 加上青辣椒﹑檸檬﹑青檸及wasabi調制而為 吃時把只需要把醬汁淋上 這個三文魚... 我們是秒殺!!!!! 魚片新鮮不用多說, 就是那個汁把生魚片的味道提升!! 吃下去有點像平常醃生蝦那個汁,但多了少許wasabi的味道~ 想不到..原來醃生蝦的汁跟這個生魚片這麼配! 泰式什錦拼盆 Combination Appetizer 拼盤有4款泰式人氣小食, 包括炸蝦餅﹑炸魷魚﹑炸春卷及香葉包雞 這個拼盤的小吃, 基本上全部都炸得非常乾身, 不會有多餘油. 這個蝦餅非常正! 蝦肉爽口彈牙 外皮非常的脆~~~~ 炸魷魚的粉漿不會太厚 咬開也是很脆~~ 炸春卷 我們一度以為是月亮蝦餅.. 但原來是春卷. 用雲吞皮包住蝦膠及花生, 再拿去炸, 因為蝦膠比雲吞皮厚, 所以啖啖蝦肉, 花生亦非常香~ 味道不錯! 外面的香葉包雞, 通常都只係把雞肉包在香葉中, 但這家還把粟米粒與雞肉混合, 所以吃下去不會是全雞肉那麼膩~ 而且廚師們炸功了得! 雞肉熟透之餘, 肉質還非常嫩滑...不會乾澀 香葉味完全滲入雞肉內, 不錯~~~ 泰式香辣燒牛肉沙律 Thai Spicy Grilled Beef Salad 牛肉沙律賣相吸引! 用了雲吞皮來作小碗, 把熱的牛肉放在雲吞皮小碗內, 與冷的沙律分隔開~ 碗底的是炸洋蔥圈, 用來固定小碗 牛肉非常有"咬口"(彈性), 吃到有bbq的味道~ 本身也非常喜歡吃牛肉, 這道牛肉沙律很容易一口接一口~ 而碟周邊的不是一般拌碟, 而是沙律, 有鮮甜芒果肉, 青紅椒, 洋蔥等混合魚露及青檸做成的醬汁.. 非常開胃 兩位D小姐瞬間消滅........ 鹽焗魚 Salt encrusted Seabass 鱸魚外面有厚厚的鹽包著 處理方法是先剁碎了的香葉加上黑胡椒粒及蒜蓉塞入魚肚內, 醃半小時後再拿去焗~ 吃時把面頭那層"鹽皮"撥開.. 配魚吃的醬汁, 細心地分成三個辣度 啡色是小辣, 黃色是中辣, 紅色是大辣 小辣帶少許甜味, 而中辣則有莞芫茜跟魚露的味道~ 紅色大辣入口不算太辣, 但有後勁~~ 個人最愛係大辣...XD~ 魚包著厚鹽焗這個做法能把魚的水份鎖所入面, 所以魚肉不怕乾, 吃時還能保持嫩滑. 魚身入面塞滿了香葉等醃料, 所以吃時會有淡淡香葉味道~~ 頗特別的一道菜式~ 椰奶雞湯 Thai Chicken Soup in Coconut Milk 椰汁雞湯的料非常多, 除了有主角雞肉外, 還配有車厘茄及草菇, 湯頭除了有很濃椰汁味外, 還帶有淡淡的香茅味, 入口很滑, 雞肉一點都不老, 而車厘茄可以減低椰汁帶來的膩, 味道不錯~ 粉絲蝦煲 Baked King Prawn with Glass Noodle 12道食物入面, 外表最低調的就數這道粉絲蝦煲了!哈哈~ 別以為大蝦只有面頭那一隻, 原來 "禾稻蓋珍珠" 整個煲有3隻超大的蝦! 而且已經去了腸~ 粉絲味道超入味, 吃時會吃到有淡淡的香料味, 另外因用上了黑胡椒的原故, 所有會帶有少許微辣, 與外面吃到的不一樣, 感覺就是多了重心機! 腰果炒雞丁 Stir Fried Chicken with Cashew Nuts 賣相討好的腰果雞, 底部是用芋頭做成的幼條弄成碗狀再拿去炸, 炸得乾身之餘, 仲非常脆!(比薯條還要脆!!!) 芋頭味突出, 個人覺得比主角雞肉還要搶鏡~XD 雞肉略嫌炸得乾過頭, 味道沒有椰汁雞的肉來得好~ 炆豬手 Slow Stewed Pork Leg 光看圖片, 著實沒辦法表達我們見到"它"上桌時的驚訝! 因為豬手非常的大一支!!!!!!!!!!!! 不是普通的大!!!! 豬手先拿去炸, 之後再炆兩個小時, 所以非常的入味! 切開時, 香味會飄出來, 本身很愛吃豬手!尤其是用汁炆到外皮軟林的那種! 豬手超級入味, 已經肉質不會老, 用叉子一瓣開即散, 證明炆得非常夠! 一向不抗拒吃皮的我, 對豬皮是全無抵抗力, 雖然豬皮底下有少許肥肉, 但吃下完全不覺得油及肥, 味道很讚! 如果覺得肉肉的很膩, 可以點附帶的醬汁, 味道帶點辣,很開胃~ 惹味咖哩炒蟹 Chef signature Curry Crab in Yellow Curry 這道炒蟹同樣是比較難拍得出氣勢XD 實際上他的SIZE非常大!!!我們3個人也沒辦法吃光! 餐廳負責人表示蟹隻是由泰國入口的花蟹, 因為只有花蟹才會多膏多肉, 的確.. 蟹是非常肥美!!! 蟹爪跟鉗子差不多大~ 肉很多.. 兩位D小姐吃得非常滿足! 用黃咖哩煮成的汁很香, 但又不會蓋過蟹的鮮味. 再配上洋蔥跟蛋一起煮成, 配著麵包吃更惹味~ 我們建議將多士改作法式長麵包(法棍), 會更好味~~ 芒果糯米飯 Mango Sticky Rice 我喜愛吃泰國菜的原因, 不多不少都是因為有芒果糯米飯, 我超過芒果糯米飯的程度, 已經去到每到泰國每天必吃, 上機前也要外帶一盒上飛機的地步! 這邊的芒果糯米飯..著實有驚喜, 因為頭面有我暫時只在泰國吃過的脆米! 好吃的芒果糯米飯若然有脆米的加持, 必然生色不少!!XD 除了脆米外, 他們還把平平無奇的芒果糯米飯做成心型.. 想必能在情人節大賣吧..XD 個人覺得除了飯粒偏硬左DD外... 整體都不錯. 如果再帶DD咸香味會更讚! 芒果肉超超超超甜!!!!! 泰式糖漬蕉仔配椰漿 Thai Sautee’ Banana with Coconut Cream 此道甜品在澳門比較少見, 皇帝蕉用糖水煮過, 吃落入面帶有少少酸味, 剛好可以中和外面糖水的甜, 本身除了香蕉以外, 我是不會吃皇帝蕉, 牛奶蕉, 大蕉的~ 但這個我卻破天荒吃了兩條! 斑蘭椰絲蛋卷 Pandan Egg Wrap with Coconut Filling 上桌時還是熱的.. PANCAKE皮用泰國香葉做為的漿, 故此香味不停飄出來~~ 外皮很Q, 內餡包有椰絲, 但不會很甜, 味道不錯! 食後感: 餐廳食材都是由泰國入口, 價錢跟出面泰國菜差不多~ 一至日提供午餐時段優惠~ 99元就有前菜+主食+飲品~ 而且每隔一段時間就會更換餐牌, 令客人保持新鮮感. 餐廳環境很舒適, 情侶或者一大班朋友用餐都不錯~~ 食物出品用心, 我們3個已經暗暗打算再帶家人或約朋友再訪~~ 餐廳資訊: 名稱: Asia Kitchen 南亞廚房 地址: 澳門路氹連貫公路新濠天地新濠大道二樓蘇濠餐飲13號舖 電話: 2882 4898 FACEBOOK: https://www.facebook.com/asiakitchenmacau/info 其他推介菜式: 海南雞飯 燒大蝦沙律

Campos No.6 畔 /by EAE

澳城餐飲
EAE // Grace・2015-08-10

唔知大家有無發生過, 係facebook見到新餐廳0既廣告, 好多時kick入去, 但都唔知係邊..哈哈~~ 版主就係經常發生呢個冏況, 同澳門街名0既交情, 由出世到而家都唔係好熟... 所以好多時想去, 但就kick住左係度囉~XD 不過皇天不負有心人.. 呢間Cafe.. 其實好早已經想試, 又係唔知正確位置~ 某日坐父親大人順風車, 唔覺意眼角瞄到一下, 見到入面滿哂人!!! 所以.................改天就找親愛的N小姐來試一下~~ 版主真的比較少行呢條路, 而住係大約十分鐘以外0既N小姐, 都話成日經過都發現唔到佢0既在存在... 光看門外, 就已經充滿濃濃的classic味道~ 木製的餐桌, 黃黃的燈光, 覺得約埋三五知己係度聚餐, 好舒服! 皮製menu成為牆上裝飾的一部份 如果一個人... 坐窗邊都係一個唔錯選擇 有時去做暗訪, 拎住相機周圍影真係好怕會比人望住..(覺得你好似異類.^^") 見到呢個牌.. 安心哂~~(拍手掌) 不妨留意下, 佢地0既水吧位, 每日都會有是日"例"湯架~~ 個人覺得見到, 真係要必點! 水準極高! 焦糖凍咖啡 (MOP$45) 咖啡不甜, 焦糖味適中, 超濃0既咖啡味~ N小姐勁鐘意! 凍榛子咖啡 (MOP$45) 榛子咖啡比焦糖咖啡略甜, 但亦唔會話太over, 剛好帶出咖啡味~ 不錯~~ 點餐完畢, 侍應主動拎上餐具~~ 讚! 由於我地係第一枱客, 所以點左食物之後, 好快就已經上齊~ 讚! 傳統炸魚薯條 (MOP$58) 茄汁配薯條 mayonnaise配炸魚薯仔~~ 呢度用左可倫堡1664特優啤酒做炸漿, 會食到外層炸漿有陣陣啤酒味~ 但可惜去了兩次, 都係覺得外皮唔夠脆, 應該係油溫唔夠高~~ 但入面魚0既味道不錯 甘荀南瓜湯 今日精選係呢個湯, 好好彩去兩次..都係呢個湯, 因為真係勁勁勁好飲!! 配0既蒜蓉包勁香脆, 好好味! 南瓜同甘荀無各搶大家0既味, 好清楚咁飲到南瓜0既清甜, 又飲到甘荀0既味道, 而且質地好滑身! 水準之作! 大推!!!! 露筍煙三文魚配香蒜欖油意大利麵 (MOP$75) 意粉一上枱, 我同N小姐就忍唔住要狂影, 居然勁有心思地用煙三文魚砌左一朵玫瑰花! 面條硬度OK~煙煙韌韌~ 但味道就略咸左DD~ 煙三文魚唔怕腥, 露筍都夠爽脆~ 整體味道不錯~ 牛油果配蛋沙律牛角包 (MOP$58) 牛角包雖然SIZE不算大, 但入面餡料絕對夠誠意, 有生洋蔥, 芝士, 蕃茄片等..~~ 塞滿哂成個包!!! 蛋沙律味道不錯~~ 不過略嫌牛油果唔夠熟~~ 牛角包感覺唔夠脆~~ 整體屬一般~~ 食後感: 呢度0既咖啡唔錯~~ 真係飲到咖啡0既甘味~~ 食物都可以~~ 尤其係個Daily soup~~ 勁正!!!!!!!!!!!!!!!!!! 環境都ok~ 服務唔錯~~ 但人手可能未必夠~~ 0岩朋友3~4人聚會, 人多就可以坐哂佢一張大枱~~ 可以一試~~ 餐廳資訊: 名稱: Campos No.6 地地: 田畔街6號 (白鴿巢~佳景土地廟轉左下斜坡~富來火鍋轉右~直行十個舖位) 電話: +853 6388 8798 facebook: https://www.facebook.com/camposno.6/timeline

關於Everything About Eating與版主---

版主天生好動,愛玩,愛買,愛吃,更愛煮,
近年活躍於嘗試不同的新屎坑(文雅d可以叫”新開餐廳”),
久而久之,除了對不同餐廳的帳房略有貢獻之餘,
亦在三五知己構思聚餐地點上有了不少心得和啟發,
一次因緣巧合認識了一位餐廳創業人,
在欣賞其創業理念的同時,便盟生起以文字記錄個人飲食經驗的想法,
剛開始只在某個平台微弱發聲,及後在各方好友支持及鼓勵下,
屬於個人社交網站第一個(應該也只得一個)食評---
Everything About Eating終於在2013年4月面世,
版主決定用自己的荷包及味蕾,
將本地或其他地區絕無商業成份的美味發掘出來,
與此同時亦會不定期加插個人出外遊記, 
實行貫徹無私分享的精神,盡可能將版主認為好玩,好買,好吃的分享給大家~~! 

熱門推介