生活在我城
【春日玩水攻略】早鳥優惠「通行證」，早買早享受！
春天唔止要賞花，更可以盡情玩水！澳門新濠影滙水上樂園全年恆溫30°C，仲有室內外雙園區等緊你！而家買「夏季通行證」早鳥優惠，MOP3,988即可玩足半年（原價4,588），無論一家大細定熱戀CP，都可以喺多個遊樂設施放肆尖叫，瞬間告別冬日寒意，快跟住小編睇下有咩玩！
一證暢玩遍多個遊樂設施
水上樂園「夏季通行證」早鳥優惠期即日起至2025年4月25日，通行證2025年4月26日至10月31日有效，無限暢玩戶外及室內雙園區，仲送免費池畔小屋、6小時泊車及價值澳門幣1,000嘅精美禮品！快啲搶購，抵玩又盡興！
澳門新濠影滙水上樂園喺全澳最大、唯一以太空主題打造嘅室內水上樂園，全年開放，無論春夏秋冬、晴天雨天都可以無間斷暢玩。園區結合未來感設計，設有多個刺激好玩嘅遊樂設施，所有年齡層玩家都可以喺度盡情享受你嘅水上時光。
親子放電專區｜安全設施 + 全家暢玩
家庭專區嘅刺激程度較低，適合帶小朋友玩！小朋友盡情放電，對兒童身心發展都有益，係親子共樂嘅好地方。
太空控制台
小朋友可以喺嬉水城堡穿梭探險，仲有螺旋滑水道、大水桶同互動水槍戰，安全又有科幻感。
藍月噴泉
噴泉喺山岩上噴湧而出，配合浪花翻騰，讓孩子們在1,200平方米的波浪水池間歡躍遊動，感受自由奔放嘅水上樂趣。
星空激流
全長246米嘅溫和漂流道，瀑布同水霧營造太空漫遊feel，一家大細齊齊放鬆。
潮玩打卡位｜摩天輪同框+懸浮泳池
鍾意打卡影相嘅朋友，呃Like必mark以下呢幾個位，快啲拎起相機，一齊盡情影相！
天際星空池
澳門少有橫跨室內外嘅星空泳池！抬頭既可仰望藍天或星空，透過池底透明玻璃又可以俯瞰風景，仲可以同8字形摩天輪同框，IG出片即變網紅。
天崖海角
150平方米嘅深水池，適合藝高膽大嘅勇者挑戰！先攀上岩牆，再化身「深水炸彈」躍入3.7米的水池中，壓力瞬間釋放。
衝浪戰士
澳門唯一室內衝浪機，擺個型格pose影低逐浪瞬間，技術型玩家必試。而家仲有埋衝浪比賽，唔好錯過！
心跳加速挑戰｜15米垂直俯衝+蛇形軌道
追求刺激嘅朋友一定要挑戰！自由落體、垂直俯衝，瞬間下墜嘅刺激感令人腎上腺素飆升，挑戰你嘅心跳極限！
極限限逃生艙
置身於半透明嘅水管滑梯中體驗15米自由落體垂直俯衝，刺激感爆燈。
時空穿梭塔
蛇形滑道玩重力加速，連續急彎+失重感令人上癮到停唔到。
時空競賽
同friend一齊衝17米高雙滑道，封閉式水道玩急轉+俯衝，鬥快衝線超有競技感。
迷失黑洞
穿越彩虹隧道嘅夢幻視覺，光線折射出迷幻光影，拍片自帶濾鏡特效。
.jpg)
記住著返件靚靚泳衣，帶個防水袋，方便裝住手機影相！玩完水直落附近餐廳食野叉電，星滙餐廳、東南薈、港式車仔面、瀛菊拉麵等各式風味餐廳應有盡有，完美一日遊話咁易啦～
水上樂園「夏季通行證」早鳥優惠
早鳥價：澳門幣3,988（原價4,588）
通行證適用日期：2025年4月26日至10月31日
早鳥優惠期：2025年3月26日至4月25日
「新濠風尚」會員專享價：澳門幣4,288（原價4,588）
夏季通行證包括：
無限暢玩戶外 + 室內雙園區、免費專享戶外園區池畔小屋1次、6小時免費泊車以及精美歡迎禮品（價值澳門幣1,000）。
快啲mark實呢個春天，帶埋親朋好友一齊玩轉水世界啦！
