生活在我城
一喊就抱？
入媽媽group其中一個討論熱話係：「BB成日喊要抱，一放低就喊，到底抱唔抱？」
用心理發展個說法係，0至6個月係發展安全感嘅時期，呢個時候係需要無限滿足嬰兒嘅需要，咁第時佢先至會成為一個有安全感嘅人。當嬰兒時期嘅需要未能滿足，對於嬰兒嚟講就係直接嘅生命威脅。佢肚餓無得食就直接等於死；佢覺得自己唔安全，喊，但無人回應，等於無及時受到保護，又係直接等於死。係呀，BB真係唔嚇得㗎。佢無安全感嘅話，第時大個都會黐住你唔放，唔肯發達唔肯成唔肯搵女朋友唔肯結婚唔肯生仔⋯⋯
媽媽就話「咁好啦，咁我寧願而辛苦啲，都想佢成為一個有安全感嘅人。」
如果用靈魂層面嘅角度嚟講，又會唔會係，需要抱抱嗰個，其實係媽媽，BB只係透過用喊嘅方式，要去抱抱你呢？
愛與擁抱，根本是人的天性
