手機‧電玩
今個月尾有得玩《瑪利歐 ＋ 瘋狂兔子 王國之戰》啦！準備好你部 NINTENDO SWITCH 未？
相信大家都有玩過 Super Mario 嘅 Gameboy 版，
亦都有玩過瑪利歐賽車 Super Mario Kart，
所以都應該認識晒所有遊戲角色啦，
但唔知大家知唔知《瑪利歐 ＋ 瘋狂兔子 王國之戰》將會於今個月29號有得出售呢？
所以準備好你部 Nintendo Switch 黎玩呢部新作啦！
29號會先出英文版，再遲啲就會出埋中文版，不過相信大家都會買英文版黎玩架啦～
依家先睇住圖，頂住舖打機癮先吧！
好明顯今次瑪利歐唔揸車，唔用腳黎踩死蘑菇，
而係會用好多唔同類型嘅陷阱同武器去攻擊敵人。
可活動範圍亦都受到限制，但有好多唔同角色人物選擇，
相信要花些時間去了解唔同人物嘅屬性和專長，
從而組成一隊攻擊同防禦都平衡嘅隊伍。
分分鐘仲要組出幾隊唔同角色配置黎對抗唔同嘅地形同敵人，
大家拭目以待。
以上圖片均取自網路，所有版權歸原作者所有。
