文章列表

2016 USJ大阪環球影城Halloween《環球驚喜萬聖節》活動簡報!!

專題報導
旅途上的仨倆事 // 東尼 & 蛀牙妹・2016-10-01

每逢USJ搞限定活動都吸引大量遊客到訪,今年仲係環球影城15週年,所以Halloween活動都特別隆重其事,咁岩首日我地又身處大阪,當然要去做白老鼠啦!^^ 雖然一大早就到,但全日既重點絕到係夜晚6點先開始既「驚魂夜」活動啊! 話說右手邊既「恐怖實驗病院」恐怖指數係10粒★架!但因為遊戲內容需要"接觸昆蟲"蛀牙妹就不敢入內啦xd (留待玩左既網友同返我地講好唔好玩啦~HAHA) 今年最新加入既日式恐怖遊戲「崇」,一大堆日本人偶帶你遊走結界。。 聲明先,佢地唔係工作人員,而係分別既兩批客人黎架~當日好多遊客都好似佢地咁黎扮鬼扮馬入場~超有玩味! 好好奇到底佢地玩鬼屋係咩畫面^^? 6點前值「驚魂夜」準備開始,街頭既氣氛明顯變得凝重,大概好多人都係抱住又驚又想睇既心態?嘻嘻 樂園安排得好有心思,預先set好係街上既S.W.A.T.裝甲車會突然傳出爆炸聲引開大家注意力,成班喪屍就會襯機衝出黎嚇大家一個操手不及~~~嚇死人咩XD Biohazard經典場面... 頗為迫真! 每個場景都會吸引大批遊客圍觀。 無面男亂入啊~~~無面男見到大家圍住自己影相,開心到係衫袖"變"出金粒啊XD 話就話以恐怖為主題,其實現場係「恐怖X熱鬧」先岩! 日本人好明白一期一會,活在當下既道理,一玩呢活動隨時玩得認真過工作人員添。 「驚魂夜」場內地圖~同行有老人家/唔敢睇既人可以到安全區暫避,十分貼心。 最後附上用手機粗剪既現場影片比大家參考~:) 購票資訊:《環球驚喜萬聖節》官方網頁 --------------------------------------------------------------- 更多東尼&蛀牙妹走過歐亞24國既背包故事(請多多指教^^): FACEBOOK粉絲專頁 https://www.facebook.com/Tripswhatifeel/ IG帳號 https://www.instagram.com/davidtonio/

《旅途上遇見改變人生的50個人》(二)

走遍世界
旅途上的仨倆事 // 東尼 & 蛀牙妹・2016-07-10

若果話每個人既相遇都係一種緣份,咁我地同王大哥(年齡上真係大哥,哈哈)既相遇就更似一種安排.. 我知,一定有人見到係中國人面孔就覺得「哦,咁冇咩特別姐~」。有時間就睇埋落去啦>< 同樣係認識上篇主角美國人Mit既同一間hostel, 當時係我地人生第一次入住青年旅館,黎到門前仲狠狽緊要點入去,咁巧合就有個中國人面孔既人出現又有鎖匙入去,哦原來佢都係住客~ 佢可能見我地望住佢,佢就主動問「你們會中文嗎?」。噢,當然啦~人生路不熟,加上我地前一晚先露宿完街頭,有個講中文既人同你住同一間青旅點都係件好事丫! 我地一邊上樓梯一邊傾左幾句,當聽到佢來自河南時,東尼真心覺得好有緣呀!我地去內地既地方唔多,但其中一個地點就係河南省。佢表現得比我地更出奇,話「我們老家(河南)人跑去澳門玩的人多,很少見澳門人跑去河南玩啊。」.. 攝於 河南省-嵩山少林寺 有共同話題就自自然變得多野講,佢係一位舞台劇導演,現居上海,近幾年不斷往返中、英兩國,想尋求適合既英國戲團引薦到中國,所以基本上英國各大城市都遊歷過了,我地接住去愛丁堡既路線都得到左不少資料。 攝於 河南省-嵩山少林寺(塔林) 到而家都好記得同佢相處的一幕,由於戈間hostel既鎖匙櫃係係房外,貴重野我地有貼身袋,唔等洗既野會鎖入櫃,但.. 如相機充電, iPad等電子野又唔係時時跟身, 鎖左就有時要走幾次去開鎖咪好煩麻?「你要相信人呀, 真是貴重的鎖好, 其他的你看其他人(指住人地床位)都有放在這呀..」佢語氣好好,亦都唔係同我地同房,只係見我地咩都唔識入黎睇下有咩幫手。正因為咁,就更加慚愧啦,我地成日認為內地地獄鬼國,十個有八個人都係騙子,點知就係外國遇到個教我地「信」既中國人.. 最後,我地住左七晚同房所有人都係行開時都將自己D野放係度,仲好似大家庭一樣。 冇錯,如果我地事事防範,我地受到傷害/蝕底既機會係會大減,但只有我地去「信」更多,先有機會見到更美麗既事物-人性既真善美。 無聊Google,都可以搵到"王俊曉"既導演事跡@_@ ------------------------------------------------------------------------------------更多內容請睇Facebook專頁啦^^http://www.facebook.com/Tripswhatifeel/

KIKA日本手工雪糕

澳城餐飲
旅途上的仨倆事 // 東尼 & 蛀牙妹・2016-07-03

聽聞有間由日本抹茶之鄉-靜岡縣遠渡而來既雪糕店新開業,仲話係低糖低脂添~就襯機會黎試一試佢! 抹茶有3隻濃度,我就揀左單球「最濃」,蛀牙妹就要左雙球烘烤茶&菠蘿,一共買左3隻味道。 原來做緊Promo,買夠$35送一支甜筒.. 我地冇留意買左先知,搞到兩個人揸三份雪糕,諗到都亂吧XD 不過正因為咁比我無意中驗證左,一般溶左既雪糕都會整到隻手痴立立,而佢隻濃抹茶雪糕係冇痴立感的,糖度的確幾低喎!甚至味道都係帶有抹茶既澀添,鍾意濃郁抹茶味既朋友絕對要食! 烘焙茶(下)算係近年茶味產品既後起之秀,呢度既烘焙茶雪糕味道出色,茶香保留完好,感覺似食左啖凍既茶葉入口~ 菠蘿(上)味係帶果肉既,而有趣的是果肉係微咸的!即係好似食西瓜加鹽戈種.. 比起另外兩隻出色既味道,好易就比下去了。但蛀牙妹話都OK~哈哈 店內仲有多種口味手工雪糕,試味時有試到黑芝麻都十分不錯!細緻嫩滑~ 下次想試櫻花味:D 總體評價係絕對值得一試!尤其係茶味控,可以黎個最濃抹茶+烘焙茶~!嘻 店鋪資料:KIKA gelato 地址:大堂巷 盧家大屋上小小 (其實直頭係檸檬車露旁邊鋪位XD) --------------------------------------------------------------- 更多資訊請睇FACEBOOK專頁: https://www.facebook.com/Tripswhatifeel/