攝影

標籤:攝影

世界級笑話- Yashica - digiFilm y35 - 簡單開箱

潮流特區
Freedom ・2021-07-07

依篇文其實係我 2018 年時剛收到呢部機寫落的,因礙於工作䌓忙及沒有記性,完全遺忘了依篇文。後來醒起時,已經過了一段時間,網上亦有五花八門的介詔(漫罵),所以便一直放到現在。 攞返呢篇文出來既原因係因為最新《膠攝現場》有搵到呢部機既發起人出來現身解說。 ---------------------------以下為原文-------------------------- 相信對於有早期接觸攝影既朋友,對 Yashica 呢個牌子應該唔會陌生,過去呢個牌子專門出一啲 CP 值高既攝影設備,其中著名既CY Mount 更有光學名廠 Zeiss 既加持,在中幅機既領域,Yashica 更係入門不二之選,總而言之過往 Yashica 呢個牌子給人的感覺,即使不是頂班攝影器材,但品質絕對不算太差。 不過,今次呢件產品《Yashica - digiFilm y35》,真係可以用《世界級笑話》來形容,先講講佢既背景,首先佢原先係係 Kickstarter 上由Yashica 官方發起既一個眾籌項目,當初亦引起一眾攝影人既興趣,雖然以Early Bird 一千樓下既價錢,大家都知道無可能係一部用得既相機,但一眾攝影人都因為 Yashica 呢個老牌子而相信即使呢部唔係一部有用既相機,至少都會係一部好玩既相機,結果如標題所述,大家眼鏡跌到一地都係。 以下,我為大家進行簡單開箱介紹 內容物大致如上圖所示,分別為本體、四粒DigiFilm,㡬張說明書之類既紙仔同一條Micro USB 傳輸線 個人認為機身其實外型算唔錯,可惜做工真係太差,好多Detail 位都好求其,好似 Film Roller 根本就只係本體凸出來既一部份,觀景窗 (View Finder) 只係 兩塊膠片,個對焦環(Focus Ring)不能用不在話下,大力少少都可以扯左佢落來....成部機比人既感覺就好似以前BB 仔玩哥D膠玩具錦。 而其中一個最搞笑既Point 係,依部機聲稱擁有 F2.0 光圈,雖然以佢既Sensor Size 個景深唔會真係太淺,但起碼唔係全個成象都係清晰,而依部機不能對焦既,亦無列明景深尺,所以實際使用呢部機時,只能靠估同埋靠本體移動進行對焦,而因為呢部機本身主打菲林攝影既Feel,機身並不配備LCD,只能透過電腦把SD Card 中的照片匯出,才能可以知道照片是否拍攝成功 。 總括而言,我覺得呢舊玩具既Concept 係唔錯,可以比人體驗一下菲林攝影既感覺,只可惜差咁啲誠意,如果成像同Build Quality 可以再好少少,功能再齊少少,即使價錢再貴啲,相信大部份眾影友們都會樂於埋單。

【澳門必影美景】好罕有!幸運地遇見難得一遇的「彩虹」

澳城生活
Chrysalids 少爺 ・2018-07-24

彩虹,是一種在下雨後,在有陽光照射下才會出現的罕有自然現象。仍然停留在大氣中的小水點把陽光光線折射出七種顏色,也就是彩虹的基本七種顏色。澳門高樓大廈比較多,所以就算落雨後有彩虹出現,都好大機會被建築物阻擋。 上星期四,2018年7月19日,那天傍晚落驟雨,少爺偶然放工後,行路經過南灣大馬路和水坑尾街交界,在八角亭附近等過馬路時,抬頭居然發現彩虹。少爺看到這必定是快門時機,當然二話不說,立即拿起手機把彩虹影下來,畢竟在澳門見到彩虹的機會並不多。那時候彩虹的顏色比較暗淡,大慨是因為水點和光線不太足夠。 出現於八角亭附近的彩虹 過馬路後,少爺發現彩虹仍然未消失,還在天空上展示它的美麗。於是少爺在八角亭圖書館旁邊繼續拍攝。彩虹的顏色居然慢慢地變得深色,層次更加分明,那時候雨勢亦正好漸漸變大。當時用雙眼去觀看彩虹,反而比用手機影出來的顏色還要清楚,還要深色,看來少爺是時候要換款比較好的手機了。 從另一角度看出現於八角亭附近的彩虹 在拍攝彩虹期間,有一對母女經過,小女孩要她的媽媽幫忙影彩虹,她的媽媽亦順從女兒的要求,為她拍下彩虹的美麗。 拍攝彩虹最佳時機 雖然下雨天會令人的心情變得不愉快,情緒也會較為低落,但彩虹的罕有出現,吸引大部分人的目光。大多數人都會因為彩虹七種美麗的顏色,而被深深吸引,令情緒逐漸變好。彩虹的出現,都會令每個人都會好奇地抬頭望一望,喜歡用手機拍攝的,會用手機拍下;喜歡用眼睛去看的,會把彩虹深深的印在腦海記憶裏。每位小朋友見到彩虹都會顯得格外興奮和高興。下一次有機會,大家不妨抬頭望一望,說不定會有意外驚喜,切勿錯過可能會出現身邊罕有的自然現象。 延伸閱讀: 【澳門隱世美食】不可不試!連勝街《泰友麵》海南雞髀飯 【澳門手搖界傳奇】大排長龍!沐白黑糖波霸鮮奶可以有幾好飲? 【澳門隱世甜品】值得一試!Fuoco Pastry 有大大粒棉花糖的石板街 【澳門必試甜品】是柑香茶?是蛋糕?必試連勝街 Baptiste Brichon 的柑香茶法式蛋糕