手機‧電玩
[推薦] PS Store 聖誕又特賣啦
PS4 大大話話，都推出左四年有多，而家真係有唔少GAME可以玩。
今年聖誕，真係夠誠意，有500幾件特價商品。扣除之前一直有特價開嘅刺客系列、生化危機系列，仲有一兩隻我覺得幾值得推大家入坑嘅。
首先係 街霸五 （Street Fighter V），經歷左三個年頭，DLC角色一直補完。而家買數碼版有50%折，仲送第一、二季DLC角色。
有心玩嘅，可以買埋第三季DLC，保證你可以自虐到明年頭。
未入坑嘅、一直好想試嘅，就係要趁機入，12月24日就無優惠㗎啦。
再黎就係 地平線 完全版（Horizon Zero Dawn）。70%折扣（成為會員後80%，即係74HKD就有交易阿，真係抵到爛）
講起地平線呢隻GAME，科幻得黎，又不失感性。如果有機會，呢個聖誕我地Twitch Channel / Youtube Channel都會由頭玩一次。
聖誕無地方去嘅朋友記得入去PS Store睇睇，應該有唔錯收穫。
