生活在我城
台大澳門生又殺貓？？？
有冇咁冷血呀？早前虐殺貓貓「大橘子」嘅台大澳門生，今日又爆出再度虐殺另一隻貓貓？日前台灣一間餐廳東主發現愛貓「班班」失蹤，於是報警求助，點知數日後有位陳姓學生投案自首，一問之下發現竟然係早前鬧出好大風波嘅台大澳門生陳XX，佢當時亦供稱錯手殺貓，亦已將貓貓屍體丟至新店溪，台大方面當然又表示非常遺憾啦，亦可能會作出退學處分。
唉！事隔「大橘子」事件只係短短數月，呢個人不旦冇經一事長一智，反而仲變本加厲，就事件而論，一而再，再而三發生同類事件，絕不可能係一時失手，如果只係退學處分就可以了事，相信亦難平息台灣民眾同愛貓人士嘅不憤。
圖片來源 : 網絡圖片
更詳盡新聞內容請瀏覽 : http://www.cyberctm.com/zh_TW/news/detail/1441649#.V6v2sVt97cs
