生活在我城

妮妲睇嚟再一次令公眾對政府大開眼界，正當鄰近城市先後發出8號強風訊號後，澳門依然懸掛3號風球，學啲人講笑話齋“香港有李氏力場，澳門有賭牆。”呢句說話，雖然講唔出咩野大道理，但係我聽完之後覺得非常之有親切感﹗

然而，作為一個要向公眾負責嘅部門，是否應該要按實際情況作出協調？萬一而家仍處於上課階段，試問小朋友又點返學？斷估唔會到時又話因為唔洗返學而唔考慮掛更高風球掛？相信各位今日要返工嘅打工仔，完完全全感受到呢個三號風球嘅威力，簡直可以比美8號風球嘅3號風球，就連大樹、電單車都吹跌，更何況只揸得一把遮嘅普通市民？再者，就連大眾都最關心嘅天氣報導環節，呢位專員更不停出現哎、額等嘅字眼，成件事簡直就令人火冒三丈﹗﹗

 

#睇嚟以後澳門唔會有八號或以上嘅風球啦

 

#我今朝堅心覺得自己係咁樣返工

 

#有根有據架，澳門真係與別不同

 

#小朋友，你要嘅唔係打風，而係世界未日

 

圖片來源 : 網絡圖片

【編輯聲明】

本篇文章或視頻版權屬作者所有，經由版權持有人授權CyberCTM.com發表

合資格90後

    一位初出茅廬嘅社會新鮮人，作為一個土生土長嘅澳門人，會有種莫名嘅歸屬感，喺外地讀完大學後，重歸舊地卻已人事已非，身邊的朋友一個個經已失去左當初對社會嘅期許，究竟係社會嘅錯，抑或是不思進取？家人話，既然改變不了現實就同現實埋堆，此一說我認為可圈可點，難道廚師不可一手拿刀，一手執筆乎？

    作為標準90後，由踏出社會一刻就經已被貼上密密麻麻的標籤，廢青、樓奴、車奴、不思進取、擾亂秩序、冇恆心，真係未見官先打八十大板，再做幾年工，經已遍體鱗傷，連呼吸都感無力，又何惧？

    小城大事，每天發生，一個個發人深省的報導，一篇篇社會真實案件的文章，向我們訴說着社會的不公，我既無力挽救，只得咬文嚼字，細閱每篇文章，每每扣人心弦，閒時講吓時事，聊聊民生，講盡一切澳城澳事﹗

     

     

    作者文章

    1. 大豆蠟 結緣記
    2. 快樂 有很難嗎？
    3. 錶奴系列 - 精工錶入手開箱文
    4. 天鴿過後，滿目瘡痍的澳門
    5. 意義與報酬？
    本網站使用Cookies來令您獲得最佳的瀏覽體驗。若繼續瀏覽此網站，即表示您同意我們使用您的Cookies。詳情請見我們的 Cookie 使用政策。