環宇搜奇
救呀媽／老婆？
女方 : 如果你呀媽同我一齊跌落海，你會先救邊個？
呢個問題，如果你上網搵答案，會發現一堆神回覆，例如:
女: 如果我同你呀媽同時跌落海，你先救邊個？
男：放心，我媽識游水，會順便拉埋你上岸。
女: 咁如果一定要你落水呢？
男：咁你死梗，我唔識游水，我媽肯定救我先。
但如果呢個問題活生生擺喺你眼前，睇怕到時手掌係肉，右手又係肉，全身都係肉，真係笑都笑唔出喇。
話說河北有個男人，知道有洪水來襲，立即返屋企救人，但由於呀媽同妻兒分開住，結果佢選擇先救住得較遠嘅母親，正當折返之際，洪水來襲，被迫等到第二日再救出妻兒，結果返到屋企，妻兒都經已嚇破膽企喺屋頂避洪，而自此之後，老婆就唔再開口講野，待洪水完全散去之後，妻子更憤然攞走屋企2千蚊帶埋小朋友離家出走。
如果係你，你又會點揀？
圖片來源 : 網絡圖片
