生活在我城
尚·米榭·巴斯奇亞「加冕之旅」藝術活動震撼登場！打卡即享免費餐飲券
小編呢兩日去咗澳門新濠天地嘅一個超震撼藝術活動，點可以唔同大家分享吖！「加冕之旅」係由已故美國傳奇藝術家尚·米榭·巴斯奇亞（Jean-Michel Basquiat）嘅作品組成。現場有多個充滿力量同色彩嘅大型藝術裝置比你打卡，直擊心靈！仲有最正嘅係，打卡之後仲有免費餐飲現金券換領！講真，咁正嘅活動，藝術迷點可以錯過呀，快啲跟住小編一齊去感受呢個藝術活動嘅魔力啦！
一、活動概覽
「加冕之旅」讓觀眾彷彿置身80年代紐約街頭氛圍，從9月26號開始，一直到11月24號，喺澳門新濠天地舉行。無論係主入口、西南門（戶外空間）、The Showroom，定係多維體驗藝術空間Artelli，你都可以睇到尚·米榭·巴斯奇亞嘅經典作品，透過大型裝置同沉浸式體驗，深入體會呢位藝術家嘅內心世界。
二、藝術活動亮點
新濠天地主入口
一行入新濠天地主入口，你即刻會俾一個7米高嘅巨型裝置震撼到，呢個作品係根據尚·米榭·巴斯奇亞超出名啟發自「戴王冠的小恐龍」之大型藝術裝置改造而成，畫面中佢嘅藝術觀、音樂熱情同時代背景一覽無遺，真係超有feel！
西南門（戶外空間）
呢到有10米高嘅《棕點（安迪·沃荷作為香蕉的肖像畫）（1984）》，呢個作品係尚·米榭·巴斯奇亞向佢嘅藝術夥伴安迪·沃荷致敬，當中充滿活力嘅波普藝術符號會讓你瞬間感受現代文化嘅獨特魅力。
The Showroom外牆
新濠天地外牆都變成咗一幅巨型藝術畫布，展示尚·米榭·巴斯奇亞經典作品《Grillo（1984）》，仲有個巨型皇冠裝置，彷彿歡迎大家進入佢嘅藝術王國，氣場爆棚！
多維體驗藝術空間Artelli
如果你想更加深入了解尚·米榭·巴斯奇亞嘅藝術魅力同精神世界，呢到就最啱喇！一踏入The Showroom外牆個門口，你就會被佢嘅藝術氛圍包圍住。呢度一共有三層，每一層都充滿驚喜！
等你一路欣賞，一路發掘更多關於尚·米榭·巴斯奇亞嘅藝術精髓，俾你嘅感官嚟一次全方位嘅衝擊！
同時仲可以喺度買到COD x Jean-Michel Basquiat嘅聯乘周邊商品，好似麻雀套裝、藝術拼圖、明信片、手機套同環保袋等，將藝術帶入你嘅生活！
三、藝賞有禮 + 美食推薦！
小編提醒你：去到藝術活動之後，記得影相打卡，仲可以換領餐飲現金券。
只要係新濠風尚會員，喺社交媒體上分享在新濠天地指定嘅藝術品照片，tag上指定活動標籤，即可以攞到澳門幣50蚊新濠天地嘅餐飲現金券（在指定餐廳適用）！每位會員每兩星期只可以參加一次哦。
活動時間：9月26日-1月26日
兌換地點：1樓新濠天地主入口服務櫃檯
私心推介幾間超正嘅餐廳俾大家！
L'ATTITUDE
「風雅廚」專門做法式風味現代料理，嚴選歐洲最優質時令食材。如果你鐘意餐前餐後嚟杯小酌，呢度一定唔會令你失望！
.jpg)
位置：摩珀斯3樓，北區
營業時間：
餐廳：12:00 - 15:00, 18:00 - 21:30
酒吧：12:00 - 14:30, 18:00 - 24:00
逢星期三休息
預約電話：(853) 8868 3436
SOHO
夜晚嚟蘇濠玩一圈，真係無得輸！呢度係新濠天地嘅美食同娛樂集中地，有超過12間餐廳同酒吧，想食乜飲乜應有盡有，係你澳門夜生活必到嘅地方。
快啲約埋朋友一齊去打卡，享受藝術同美食啦！
