生活在我城
【澳門國慶假期活動系列】
國慶小假期喺澳門有咩做？有一系列嘅活動大家都可以去，等小編介紹一下嚟緊10月國慶假期好去處！
氹仔舊城區行人專用區
氹仔舊城區部分路段將於10月1至7日國慶假期期間中午12時至晚上7時設為臨時行人專用區，臨時行人專用區實施期間，喺區內嘅不同地點增設打卡裝置、互動遊戲及表演；同時，旅遊局將安排澳門旅遊吉祥物“麥麥”，及組織國風愛好者喺區內與公眾互動、拍照打卡！
日期：10月1至7日
地點：氹仔舊城區
2024年爛鬼樓巡禮
「2024年爛鬼樓巡禮」於9月28日至10月27日期間喺關前正街、關前後街、果欄街及俊秀里一帶舉行。為期一個月的活動將以“超級放大街區慶典”為主題，以未來小熊為主角嘅冒險故事以及巨型物件打卡點佈置街區，逢星期六、日設有市集攤位及親子工作坊等！
日期：9月28日至10月27日
地點：關前正街、關前後街、果欄街及俊秀里
第十一屆「獅王爭霸國際賽2024—美高梅盃」
來自13個國家和地區嘅南獅勁旅將於10月5日及6日喺媽閣廟前地競逐獅王寶座，大家可以去現場感受中外交融嘅醒獅文化！除咗獅王爭霸國際賽，10月2至6日更有「美高梅獅藝工作坊」：大頭佛遊記、出色功夫鞋工作坊、畫出獅鼓工作坊！
獅王爭霸國際賽2024 賽事
日期：10月5至6日
地點：媽閣廟前地
美高梅獅藝工作坊
日期：10月2至6日
地點：海事工房2號
第十屆澳門工展會
第十屆澳門工展會將於2024年10月3日-10月6日在澳門漁人碼頭會議展覽中心舉行，今屆展會設有澳門工業綜合館、澳門M嘜品牌企業區、時尚產品區、美食區、食品區、金融區、電器及家品區、保健及嬰兒用品區同親子DIY區，可以同屋企人一齊去睇下有咩荀野！
日期：10月3至6日
地點：澳門漁人碼頭會議展覽中心
第七屆澳門花燈節
第七屆澳門花燈節於即日起至10月31日舉辦，攜手來自紐約布魯克林嘅先鋒藝術家兼設計師Jason Naylor共同打造「先鋒登月」沉浸式藝術展覽，實現塗鴉藝術與人工智能技術（AI）共融，於澳門壹號廣塲室內及海濱長廊亮相四組大型互動藝術裝置！大家可以去行海濱再打卡！
日期：即日至10月31日
地點：澳門壹號廣塲海濱長廊、澳門壹號廣塲地面層
國慶免費開放
如果想去帶小朋友去博物館參觀，澳門大賽車博物館喺10月1日免費參觀、澳門博物館10月1-2日免費開放、澳門科學館10月1日展覽中心免費入場、天文館（每場球幕節目首30位澳門居民觀眾免費入場）！
澳門大賽車博物館喺10月1日免費參觀
澳門博物館10月1-2日免費開放
澳門科學館10月1日展覽中心免費入場、天文館（每場球幕節目首30位澳門居民觀眾免費入場）
澳門國慶當日都有「澳門國際煙花比賽匯演」同「2024澳人齊賀國慶世界步行日歡樂跑」，如果仲有其他好去處推介，大家都可以留言分享！
