生活在我城
【一文睇中秋賞月好地方 - 澳門 + 珠海 + 橫琴】
下星期就中秋節啦，大家準備同親朋好友去邊度賞月同食月餅呢？小編有幾個地方推薦！
澳門
大三巴牌坊
澳門中樂團會喺大三巴牌坊前地舉行2場《月滿三巴夜2024》中秋音樂會，中樂團將演奏多首經久不衰嘅傳統曲目，而且免費觀看！活動日期及時間：2024年9月17日8pm及9pm
YOHO金銀島名勝世界酒店-南灣湖畔跑步徑
今年嘅金銀島名勝世界酒店南灣湖畔跑步徑設置咗中秋節日燈飾，可以賞月之餘仲可以打卡影相，感受中秋夜嘅氛圍！
婆仔屋
去婆仔屋文創空間，參加由澳門文化體舉辦嘅中秋園遊晚會，現場有多款特色傳統小吃，入場人士更有機會獲贈傳統兔仔燈籠，一齊感受中秋！
南灣‧雅文湖畔
南灣湖年年都好多人去嘅賞月地方，好多家長會帶埋小朋友去玩燈籠賞月，可以話係必去嘅賞月地方！
澳門科學館海堤
澳門科學館海堤都係一個大熱賞月地方之一，一邊吹住海風一邊賞月，真係一個唔錯嘅選擇！
觀音像海濱休憩區
食完晚飯同屋企人去氹仔海濱休憩區散步，仲有兒童遊樂區比小朋友放電，再一齊賞月，好啱一家人去！
珠海
日月貝
中秋節夜晚喺珠海嘅日月貝賞月都係一個大熱嘅地方，吹吹海風抬頭賞月，真係夠晒浪漫～
珠海前山河濱公園
前山河旁邊有個前山河濱公園，喺珠海賞月必去之地，有寬敞嘅廣場，亦有舒適嘅水邊露台，望住白石橋嘅夜景，喺中秋夜欣賞迷人嘅月色，別有一番風味！
橫琴
花海長廊
橫琴嘅花海長廊喺近年大熱嘅地方，仲有得露營燒烤添，一家人中秋夜一邊燒烤一邊賞月都好滿足！(露營燒烤服務可於網上預訂)
橫琴天沐河賽艇公園
今年嘅天沐河賽艇公園會舉行“琴澳家宴”中秋活動！於9月15日起至一連 3天舉行中秋歡慶活動，涵蓋文藝表演、市集美食、無人機表演、遊園露營、時光囊等多個環節，大家可以去參與！
如果大家有其他中秋賞月好地方推介都可以留言比小編知！
