全球飲食
台灣網民票選最愛飲品 7仔自家「現萃茶」紅到爆？
大家如果熟悉台式飲品，都應該對幾大品牌如數家珍，例如天仁茗茶、茶湯會、五十嵐等等；但大家可以有所不知，今年台灣夏天最受歡迎嘅飲料，竟然係屬於7-11旗下City Café嘅現萃茶！
可能大家未聽過呢個名，不過應該都見過台灣7仔好多都內藏小型Café，有幾張枱仔畀大家飲嘢食嘢；之前就只有現沖咖啡，但原來自去年開始連台式手搖茶都有埋，而現萃茶就係佢哋自己品牌。點解現萃茶會紅到咁？第一，佢哋標榜「嚴選台灣好茶」，所有茶葉都係100%台灣出產。
其次係極多期間限定新品，例如夏天先有嘅白玉系列。最後一個原因當然係夠方便啦，去便利店買嘢順手就可以飲埋。其實現萃茶自去年年頭開始，喺全台灣其中13間7仔有得飲，但要數佢爆紅就係今年4月開始嘅事，一時間大大小小人氣Blogger都話好飲，現今已經擴展至全台200間7仔有得飲。
不過亦有唔少人反而關心7仔員工，因為平時已經夠忙，宜家仲要做埋手搖飲品，被笑稱為「萬能員工」；簡直係「超血汗」！不過茶味濃加上價錢親民，最重要係方便，因此愈做愈有；如果閣下就去台灣旅遊，真係可以隨時搵間喺左近嘅試下喇！
好多人都盛讚現萃茶性價比高！
全台目前有200間7仔有得飲。
定時推出新口味，等大家無咁快厭。
以上文章及圖片均轉載自網路，所有版權歸原作者所有
