環宇搜奇
唔洗做月入兩皮，即刻移民啦
澳門政府每年派9千，搞到鄰埠鬼咁葡萄，唔洗郁有錢袋，真係好過行乞，好在瑞士都不甘後人，決定每人每月派2千5瑞士法郎(約2萬葡幣)，當地政府話可以鼓勵居民更努力工作喎，議案當然被當地居民反對啦，萬一通過左，相信瑞士會多左多操流利普通話嘅中華兒女入籍，到時瑞士仲唔成功被殖民？同時我都建議澳門高官去瑞士視察吓，嗱嗱嗱，唔係叫你有樣學樣，只係參考吓又無妨嘅～橫店大家都大食開，東昇斑食慣咗，係時候轉吓食龍躉啦。
一位初出茅廬嘅社會新鮮人，作為一個土生土長嘅澳門人，會有種莫名嘅歸屬感，喺外地讀完大學後，重歸舊地卻已人事已非，身邊的朋友一個個經已失去左當初對社會嘅期許，究竟係社會嘅錯，抑或是不思進取？家人話，既然改變不了現實就同現實埋堆，此一說我認為可圈可點，難道廚師不可一手拿刀，一手執筆乎？
作為標準90後，由踏出社會一刻就經已被貼上密密麻麻的標籤，廢青、樓奴、車奴、不思進取、擾亂秩序、冇恆心，真係未見官先打八十大板，再做幾年工，經已遍體鱗傷，連呼吸都感無力，又何惧？
小城大事，每天發生，一個個發人深省的報導，一篇篇社會真實案件的文章，向我們訴說着社會的不公，我既無力挽救，只得咬文嚼字，細閱每篇文章，每每扣人心弦，閒時講吓時事，聊聊民生，講盡一切澳城澳事﹗
活動推介
澳門電影
