專題報導
兒時文具逐件睇
今集嘅懷舊專題帶大家返到學生哥/妹年代，正所謂初戀無限touch(唔好諗咗...)，作為一個標準90後，文具簡直就陪伴咗我渡過一個個痛苦嘅測驗、考試，多功能仲識變形嘅變形金鋼筆盒、擦爛紙嘅砂擦、香味筆、閃粉筆，每一樣都像漆黑中的螢火蟲一樣是那樣的鮮明，那樣的出眾。
變型金鋼筆盒 :
話說小編當年都大量採購，更正 : 係向同學採購，因為余家貧 耕植不足以自給(歸去來辭並序 陶渊明)。
#多功能 #複式 #超酷 #暗格 #戇居家必備 #防狼神武
#拋吓書包先
七彩色筆:
話說當年小編買咗返嚟，唔可以用嚟做功課，測驗、考試又唔用得，發現原來一無是處。
#女神如何練成的 #一無是處的筆 #買一排顏色一樣嘅 #少女的青澀
迷宮間尺:
呢個天才設計，當年令唔少老師頭痛，而作為一位優秀嘅學生，當然會隨身配備一把間尺，以便訓練頭腦，呢家野，老師識條鐵咩…
#天才設計 #屋企幾廿把 #真‧間尺 #學校違禁品 #挑戰學校底線
香味筆:
呢支當年盛傳用新鮮水果造嘅筆，不論男女老幼，都梗會有支喺就近，更有傳聞筆嘅墨汁係果汁，話時話，有冇人試過？
#果味濃郁清香 #香精嚟架87 #沖水變果汁 #女神必備 #課室有雜果味
彩筆盒:
當年攞得出呢set野，實係小康之家，功能之強大實在不容置疑，一支筆買起人心，搞小圈子，不二之選 !
#每個人都有畫家夢 #每次打開總會唔見左支 #小圈子神器首選 #有冇人用得哂全部色
針筒筆:
呢支筆曾令小編認為可以做醫生，每次UN一UN支筆芯，會有種莫名嘅優越感，只不過用落，又真係難用過普通筆，又難寫，都唔知買嚟做乜。
#醫生夢諗下就算 #好難揸得穩囉 #玩醫生遊戲插落同學隻手 #點解啲水一定係紅色
彩虹筆:
色彩繽紛，隨時更換就係佢嘅特點，即使跌左一截都冇有怕，無聊時手執一支，邊到都係你嘅藝術空閒 !
#仲可以砌架 #買左7支換成同一色 #每截分拆做小買賣 #商人如何練成的
砂擦:
話說當年用原子筆做作業，好唔慣，有人介紹用砂擦，結果用左一次就丟，原因只得一個，我只係想擦左一個字，唔係想擦爛本簿啊!!!!!!!!!!!!!!
#用一次果斷放棄 #邊個用完成舊 #係咪用砂做的 #點解叫砂擦 #其實係咪堅work
舊式塗改液:
相信呢兩支野對九十後而言，都可能會有點陌生，話說當年小編都只係有幸見過人用，佢原理就係先將天拿水倒入另一支野到，撈埋即可飲用，其實就同塗改液一樣，只係多左一個步驟。
#呢支咩嚟架 #能吃的嗎 #一支睇穿你幾歲 #如果你自覺自己就係錯誤請塗在身上
中華牌鉛筆:
佢簡直可以稱得上係經典文具之王，小編由細用到大，總之有咩測驗、考試，點都會派上用場，而且價錢仲非常公道。
#由細用到大 #剩返個頭都會繼續用 #上面舊擦膠冇咩用
筆刨:
有鉛筆，又點可以缺少佢嘅好巴打筆刨呢？當年筆刨款式五花八門，不過小編都係鍾愛簡約風格，所謂低調奢華上檔次就是這個意思吧。
#刨完成地都係碎 #其實只係屋企貧 #刨的不是筆是心酸 #酸過硫酸
