旅遊情報
小丸子Cafe趣爆永澤洋蔥頭湯
小丸子豆腐漢堡扒飯
永澤洋蔥頭湯
日本嘅餐廳以卡通人物作主題屢見不鮮，不過各種菜式搞怪諗頭真係超頂癮。日本富士電視台為了慶祝「櫻桃小丸子」播放25周年，於台場的電視台一樓開設期間限定咖啡店，裡面嘅食物真係趣怪得不得了。
當中最搞怪的，莫過於永澤同學的洋蔥湯，唔係平時一片片放落湯煮，竟然係成個洋蔥放在湯內！而洋蔥則畫了永澤同學個頭，維肖維妙，創意十足。不過碗湯咁樣，點食好呀？
比起永澤洋蔥湯，小丸子豆腐漢堡扒飯應該比較易入口。其他人物都有登場融入菜式中。
小丸子Café於3月21日開幕，預期開放一年左右，唔知去日本旅行嘅朋友又有冇興趣試吓咁爆趣嘅食物呢？
圖片來源：fujitv
