娛樂殿堂
【在家系列】宅在家中遊戲精選，一機在手組埋朋友！
足不出戶搵朋友玩遊戲
放工放假宅喺屋企唔想外出，又想搵朋友一齊玩？小編都知道，喺被窩入邊玩手機先係最爽嘅，所以今日就精選幾款遊戲，等你哋可以搵埋朋友，一齊宅到天荒地老！
神來也麻將多合1
相信大家都好鍾意打麻雀，呢個 APP 入面除咗 16 張麻雀、廣東麻雀之外仲有鋤大 D 、鬥地主等熱門撲克遊戲，同朋友即刻打幾圈都得。
瑪利歐賽車巡迴賽
瑪利歐賽車大家都一定好熟悉，經典角色加埋世界城市為主題嘅賽道，可以同全世界玩家同朋友一較高下。
PUBG Mobile
「食雞」絕地求生手機版，同電腦版一樣跳完飛機之後收集裝備，就可以同其他玩家戰鬥，但係手機就可以玩，唔洗坐起身離開張床玩就是爽！約個神隊友一齊玩，今晚食雞不是夢！
第五人格
簡單來說就是1 V 4鬼捉人遊戲，5 個朋友一齊玩，4 人努力逃生，1 人扮演監管者負責阻止佢哋，遊戲中加入好多劇情與荒誕哥德風，地圖氣氛加上逃脫時一直要留意監管者幾時靠近你，真係緊張又刺激。
如果覺得下載遊戲好麻煩，打開微信一樣都有遊戲可以玩。
微派狼人殺
相信大家對狼人殺都好熟，電話玩超方便，即時邀請朋友入場，最多仲可以 10 個 FD 一齊玩。
微樂廣東麻將
無錯一樣唔洗下載都可以打麻雀同各種撲克遊戲。
你畫我猜
呢嗰相信睇名都知道玩法，輪流繪製題目比其他玩家估，一不小心發現朋友原來係個靈魂畫手。
眼力達人
經典嘅找不同遊戲，只要搵出兩張圖唔同嘅地方就可以過關啦，仲可以挑機朋友睇吓邊個眼力好，呢個一關過一關，一不小心可能就玩咗幾個鐘，記得休息吓雙眼啊。
作者：澳門健治郎
