生活在我城
【馬交慳多拿baby】聚餐必備餐飲優惠！自助餐、日料、中西餐優惠大集合 - 29.10.2021
歡迎收睇《馬交慳多拿Baby》，臨近年尾，又點少得同親朋好友聚下餐，update下近況！今期為大家帶嚟多個餐飲優惠，想知就繼續睇落去啦～
1.西班牙餐廳巴塞隆拿單點 85 折
氹仔舊城區嘅西班牙餐廳巴塞隆拿推出單點優惠，全部菜品都係 85 折！想搵個地方同朋友chill返下可以考慮下！
2.江戶日本料理外賣壽司盤一盤 $350，兩盤 $600!
向來小貴嘅江戶日本料理，依家推出嘅外賣壽司盤非常抵食，雜錦壽司拼盤一盤 $350，兩盤 $600！特色卷物仲買一送一，平時堂食絕對唔止呢個價，打電話預訂就得啦～
3.澳門上葡京「自助山」及「茶樓」8 折
澳門上葡京擁有高人氣嘅「自助山」同埋「茶樓」都推出澳門人專享優惠。逢星期一至五去「自助山」食午巿自助餐即享 8 折，而夜晚去「茶樓」叫單點菜式都係 8 折，優惠期到 11 月底咋，快啲把握機會喇！
4.澳門十六浦十六八餐廳推出「富貴佛跳牆」，提前一日預訂$138
澳門十六浦嘅十六八餐廳推出滋補養生嘅「富貴佛跳牆」，加入各款高級食材包括鮑魚、魚翅、花膠等熬製，依家提前一日預訂只要 $138！天氣轉涼，同屋企人一齊補下喇～
5.澳門旅遊塔嘅自助套餐
聖誕節一於預訂澳門旅遊塔嘅自助套餐啦～包括澳門旅遊塔觀光層門票 10 張、餐飲現金券 $500，每枱更送一支精選紅酒！大家族啱晒～
