手機‧電玩

生化危機2重制版發行至今都差不多一星期,係時候做個小小短評。
 
今次重制算係Capcom呢幾年最成功一次,本文主要分享一下劇情、恐怖感、敵人三方面嘅事。
 

劇情

首先從劇情講起,舊版同新版嘅劇情差別不大,雖然細節部份有修改,但整體劇情都原汁原味。而且多左中文譯版,對於亞洲地區嘅玩家簡直係褔音。以往遊戲都只有日文或英文,對於亞洲地區嘅我地黎講,睇劇情都係要靠估,好多故事細節理解都會有少部份唔清楚,有了中文後,對故事及人物之間關係可以更加了解。
 
而本作的雙線敍事方式會令老玩家覺得懷念,對於新玩家亦有新鮮感,因為生化2的故事劇情分[表][裏]關,即Leon表->Claire裏,或Claire表->Leon裏。表關或裏關的遊玩時間標準為2小時半至3小時,相對現時發行的遊戲時間比較短。Leon表關相對於Claire表關,最主要的分別就是遇到Ada、Sherry那一段。而裏關就是針對表關的附助陳述。
 

恐怖感

而恐怖感方面,今集利用七代遊戲引擎重制,恐怖二字絕對貼切。玩家需要係有限嘅室內空間,面對喪屍的近距離壓逼。而且血量方面也調到非常低,基本就只有正常、輕傷、重傷、死亡,每被咬一次就跌一級,有時吾好彩同時比2只喪屍抓住就一次由正常變重傷,一失足即成千古恨。你無睇錯,今集係會比喪屍同時攻擊,所以恐怖感極強。而且遊戲中的彈藥亦唔足夠殺晒所有喪屍,只能以回避或擊殘喪屍嚟省藥。
 

敵人

遊戲最常見就是普通人型喪屍,但有一點要注意,對敵打頭並非最有效嘅攻擊。相對打頭,本人較願意攻擊雙腳,只要打斷喪屍嘅腳,其威脅性就大大降低。不攻擊頭部嘅原因係,手槍要打中頭最少3下,敵人才會倒下,但沒死,過一陣會再企返起身進行攻擊。而要確實擊殺一只喪屍,需要手槍子彈攻擊頭部最少8發以上。除非歐王,可以一槍發動爆頭。但手槍爆擊機會率約1%,所以遊戲內的彈藥是基本唔夠用嚟射頭。遊戲後期更會出現植物系喪屍,只要被抓到而且手中無副武器就會必死,而且用一般槍類是殺不死,只能使用火槍將其燒成灰燼才能確保死亡,否則死幾多次都會復活。
 
而遊戲中第二只常見的怪物就是獵食者,獵食者並沒有任何視力,只有聽力,但佢攻擊速度非常高,有跳躍能瞬間接近。佢會能發動舌頭攻擊,血量亦高,必需要角色緩慢走行,才能避開,但要注意太接近也會被發現。
 
遊戲中第三只常見的怪物,就是喪屍狗,其速度快,攻擊偏弱,血量偏少,而且受到攻擊後會硬直,威脅力比較低。
 
之後就到遊戲中的BOSS “G” 。由小Boss G幼體(全遊戲共7只),之後由威廉感染的G-1、G-2、G-3、G-4、G-5(表關出現G-1、G-2、G-3,裏關則會出現G-1、G-2、G-3、G-4、G-5)其攻擊力非常高,攻擊模式也有不同。但共通嘅弱點為其美麗的紅眼晴,對戰難度唔算高,只要唔貪刀,就非常大機會通過。
 
還有一只謎之敵人暴君,佢係不死身,直到有火箭炮才能擊殺。只要遇見佢就要逃離,每次遇見佢,心跳都會不停急速跳,好有緊張感。直到最後一次見面,佢會解開限制爆衫,還會出現巨爪,最後才可以進行遊戲的劇情殺。
 
最後分享一下小技巧,
第一,打喪屍通常第一槍都會有小時間硬直(打頭機率最高),可以馬上從身邊沖過去;
第二,打斷喪屍其中一隻腳,容易回避其攻擊;
第三,神技,當喪屍攻擊時,我方肩膀方向正對着喪屍,有機會被直接推開,不扣血不扣副武,呢個技巧要相當時間練習,難度極高。
 
總結:遊戲畫面劇情都是非常不錯,恐怖感十足,劇情都很好,值得去遊玩。不論老手新手,喜歡恐怖類型嘅都值得遊玩。
 
 
 
想睇更多遊戲介紹,就快啲訂閱埋我地YouTube / Twitch / Facebook

馬交野


PP爸爸的日常
蘇蘇 OL上班族,酷愛吃喝玩樂美容旅遊藝術和分享。現於中港澳三地兼任時尚生活專欄作家。
熊神進 熊神進師傅,生於澳門,南洋長大,是澳門第一位擁有心理學碩士 及 行政管理學士的最年輕政府註册風水學家
文創不捱餓 // 娛樂小老闆 來自澳門的90後,深信搞文創一樣可以有飽飯食; 夢想打造屬於澳門的娛樂圈; 讓世界欣賞我們的電影、聽到我們的音樂、看見我們的創作。
Cheers! 積極搜羅最新吃喝玩樂資訊!