食在澳門

標籤:食在澳門

為食推介 | 捧一碗地道牛雜,品澳門街頭百態~

飲食天地
食在澳門iFood ・2021-05-11

如果你要問 澳門空氣中最深刻的味道 我的答案係「牛雜」香味 喺街上聞到的哩陣牛雜香 就好似一條紅線 牽連著本地人、遊客的愛食之心 老Day牛雜 木鐸街38號 去到官也街唔好錯過哩間「老day牛雜」 香辣的滷汁帶著一絲絲甜味 啱曬大部分人的口味~ 儘管排隊的人多 但所有牛雜都係現點現煮 非常新鮮! 威記牛雜 永樂戲院附近 永樂戲院附近的 「威記牛什小食」 下午五點先開門 一直開到凌晨四點鐘 無論幾時,都要排隊! 一碗30蚊牛雜可以share俾三個人食 每一塊肉都好厚實 牛肺QQ彈彈 牛筋膠質感人 牛肚大片彈口 加咗咖喱仲特別入味! 錦記牛雜 (大堂巷店)澳門大堂巷12號地下C鋪 (賣草地店)澳門賣草地9號(商業銀行側面) 採用古法熬製出來的牛雜 香味濃郁十足 口味比較重口 牛雜煲得夠喉 綿軟的口感食極都唔攰! 恆友牛雜 (高士德店)美副將大馬路11-B號富康花園地下W (氹仔店)海灣街105號海灣花園地下M (新馬路店)澳門大堂巷6號 (鵝眉店)鵝眉街信杰花園地下3號B鋪 (南灣店)馬統領圍88~90號 (氹仔官也街店)氹仔官也街8號地下 如果話一定要食咖喱味的牛雜 咁「恆友」的咖喱味最重! 行喺街上 隔遠就會聞到超濃咖喱香~ 一碗30蚊牛雜可以share俾三個人食 每一塊肉都好厚實 牛肺QQ彈彈 牛筋膠質感人 加咗咖喱仲特別入味! 分量足、肉塊多 想食正宗啲的咖喱味 可以揀恆友~ 圖文|艾迪捧的一粒飯 攝影|嚕嚕米

茶飲推介 | 好茶需細品,飲茶去呢4間鋪冇錯喇!

飲食天地
食在澳門iFood ・2021-05-09

話說“好茶需細品” 冬日裡歎一杯香味回甘的靚茶 清除你身心的煩憂與疲累 為食妹特意奉上“飲茶手冊” 供你慢慢觀賞、細細品味~ ▽ 喜茶 /HEYTEA/ 澳門威尼斯人店:澳門威尼斯人購物中心3樓809鋪 澳門巴黎人店:澳門巴黎人購物中心5樓506鋪 多肉葡萄 喜茶首創芝士茶 肉厚多汁的巨峰葡萄 原粒投入綠妍茶底之中 葡萄的順滑與芝士茶的香濃清新 成就一杯人氣NO.1的多肉葡萄! 多肉芒芒甘露 厚切大塊濃甜芒果肉 融入清新綠妍茶湯 撒上酸甜可口柚子碎 注入喜茶獨家芝士 飲落成杯的甜蜜清香~ 芝芝芒芒 芝芝莓莓 喜茶芝士果茶家族 仲有兩位“頂梁柱” 香甜濃厚的芝芝芒芒 酸甜香醇的芝芝莓莓 在綠妍茶香中尋味最佳果香 迷客夏 /MILKSHA/ 地址:澳門高士德大馬路50號皇宮大廈GF樓D室 電話:2876-5053 甘蔗濃郁香氣同甘甜汁露 100%不摻糖甘蔗原汁 混合Milksha淡雅回甘青茶 碰撞出健康爽口的「甘蔗青茶」! 甘蔗青茶&柳丁綠茶 當“老練”甘醇茶湯邂逅“元氣”清香柳丁 帶出濃郁果香氣息 飄逸芬芳茶韻的「柳丁綠茶」! 清新綠茶搭配柳橙汁 茶氛與橙香在歡愉中交會…… 一芳台灣水果茶 /YIFANG/ 嘉應分店 和樂大馬路216-278號嘉應花園地下BI舖 tel:28769795 三盞燈分店 飛能便度街25A祥信大廈A座 tel:28352505 氹仔分店 氹仔潮州街41號匯景花園第一座地下G座 tel:28470145 信譽名門分店 黑沙環信譽名門第二座地下D tel:28265199 昌明分店 羅白沙街54號福來大廈地下I座 tel:28724317 水坑尾分店 美麗街31A號祐好大廈地下C座 tel:28553903 黑沙環分店 東北大馬路547號保利達花園地下AO座 tel:28502372 大三巴分店 澳門大炮台街3B號喜運大廈地下D tel:28415932 高士德分店 荷蘭園大馬路107-F號信福中心地下C舖 tel:28266405 東方海岸分店 筷子基俾若翰街東方海岸2座地下K舖 tel:28520564 一芳水果茶 甜酸可口的水果香氣 滲進獨家松柏嶺青茶中 原茶與鮮果之香 絲絲入扣、甜味回甘 鮮檸柚綠茶 鮮原葉綠茶質地輕盈清新 釋放茶味甘香 又不奪檸檬柚子芬芳 兩者相輔相成、滋味彰顯 仙草凍鮮奶茶 醲醇芳香零添加鮮奶 配合獨家青茶茶湯 再加入清新馥郁仙草凍 軟嫩、柔順且綿密的口感全數盡收! DIGREEN /滴果林/ 新濠影匯店 氹仔路氹連貫公路新濠影匯購物大道二樓2073號鋪 tel:6826-2593 氹仔濠尚店 氹仔廣東大馬路濠尚地庫一層KB06 百老匯店 氹仔百老匯大街E-G034鋪 賈伯樂店 澳門賈伯樂提督街43號永聯大廈A1 R/C 氹仔店 氹仔告利雅施利華街58號地下 tel:6881-3228 黑糖波波奶茶 黑糖珍珠遇上醇厚奶茶 係經典CP、天作之合 絲滑奶茶同爽滑黑糖波波 簡直就係“肥宅快樂茶”~ 水果茶 清新水果茶釋放燥熱情緒 百香果、香橙、西瓜匯集 口感清爽又解膩 仲補充到滿滿維C元氣添! 圖文 | 艾迪捧的一粒飯 攝影 | 嚕嚕米

為食推介 | 5間能量提供站!高卡CP給你最直接有效的心靈治愈!

飲食天地
食在澳門iFood ・2021-05-06

無論係大人亦或小朋友 都無法抗拒快餐食品的誘惑 漢堡和披薩堪稱高卡CP 同時亦係最直接有效的心靈神藥 「⑤間能量提供站」 一個醇厚香濃的漢堡 一塊咀嚼生香的披薩 都係滿足感爆棚的選擇 ▽ Vol. 01. 「SHAKE SHACK」 推薦指數 : ★★★★★ ShackBurger ShroomBurger 澳門Shake Shack提供經典ShackBurger,100%全天然安格斯牛肉製成的芝士漢堡,漢堡扒由優質原塊牛排切割而成,配上生菜、蕃茄及自家秘製ShackSauce醬汁,令人回味無窮! 更有為素食主義者量身訂做的ShroomBurger,由鮮炸原隻大啡菇夾上滿滿明斯特及車打芝士,同樣配上生菜、蕃茄及自家出品ShackSauce,令人一試便愛上! Chick’n Bites脆炸雞塊採用100%全天然原塊全白雞胸肉,無添加抗生素和激素。醃製後的雞塊,口感鮮嫩,味道濃郁。Chick’n Bites有6粒裝及10粒裝,更可選配BBQ或蜜糖芥末沾醬,絕對讓你一咬鐘情! Queen of Tart Ola,Serradura 店鋪信息 地址:澳門倫敦人倫敦人購物中心2樓2200號鋪 電話:853 28898823 營業時間:11:00~23:00 Vol. 02. 「pizza time比薩時光」 推薦指數 : ★★★★★ 最暖心的時光,係同屋企人團圓的時光,最快樂的時光,係與朋友愛人一起相處的時光。而最悠閒滿足的時光梗係喺「pizza time比薩時光」帶走成個pizza的快樂時光喇! “芝士就是力量”芝士與pizza的融合,溫軟、黏性相連的口感,令人無法抵抗的口感。 製作餅胚、放入烤爐、高溫焗烤、出爐裝盒,每一個步驟都有條不紊地按順序進行,哩份誠意從製作開始到完成,都悉數送達到你的手中! 店鋪信息 地址:勞動節大馬路393號金海山花園五座地下C 營業時間:11:00-23:00 Vol. 03. 「HONEST PIZZERIA」 推薦指數 : ★★★★★ 用精緻的手工披薩開啟優質的生活體驗,HONEST PIZZERIA以高水準的出品為食客帶來別樣的加拿大風情,深受澳門都市麗人的喜愛~ 老闆喺加拿大留學,回澳後一直食唔到加拿大風味的披薩,Honest Pizzeria的初衷係想讓更多的人品嚐正宗加拿大風味的披薩~ 不只有好睇的皮囊,Honest Pizzeria的出品每樣都實力在線,帶俾你與眾不同的加拿大風味~ 從醬汁到配料,每一種的口味搭配都由老闆精細挑選,讓每一張披薩都能擁有最本真的加拿大滋味。 店鋪信息 地址:氹仔地堡街22號地下 電話:2857-6615/2857-6610 營業時間:11:00~23:00 Vol. 04. 「Little Star」 推薦指數 : ★★★★★ Little Star賣得最好的就係手工漢堡包喇!不同於速食漢堡包,手工漢堡包真材實料,保持原料新鮮現做,令人食得安心~ 整齊擺放的漢堡胚,散發著勾人的麵包香氣。將我的食慾亦一道勾引,蠢蠢欲動! 煎得雙面微微帶焦,牛肉餅的肉香味隨著焦香一齊飄入鼻腔,香氣四溢。添上滑捋捋、滿帶著元氣的芝士片,簡直錦上添花~ 金黃的漢堡胚,疊加雙層牛肉餅,再來個double cheese,零捨誘惑!蕃茄片、生菜片的加入令到漢堡包的營養更加均衡~ 店鋪信息 地址:澳門連勝街2號永賢大廈地下C鋪(白鴿巢麥當勞斜對面) 電話:6682-4131 營業時間:07:00 ~ 00:00 Vol. 05. 「遊 CAFE VOYAGE」 推薦指數 : ★★★★★ 牛肉漢堡向來係鐘愛西式風格的老友的心頭愛,遊 CAFE 將墨魚汁加入圓麵包,鬆軟厚實。 墨魚汁與圓麵包的奇妙組合,自然吸引四方食客前來嘗鮮,濃郁的芝士、厚實的牛肉餅,堆高的薯條,一試便愛上。 店鋪信息 關閘店:澳門黑沙環馬場大馬路90號南暉大廈Y地鋪 電話:6681-8121 營業時間:12:00 ~ 22:30 羅神父店:澳門羅神父街31號寶美安大廈地下A座 電話:6208-9023 營業時間:12:00 ~ 22:30 皇朝店:新口岸皇朝馬濟時總督大馬路331號 富達花園地下V座(中銀對面) 電話:6520-9600 營業時間:12:00 ~ 22:30 圖文 | 艾迪捧的一粒飯、農夫的胖奶茶 攝影 | 嚕嚕米 美工 | TT

宵夜推介 | 夜貓們集合!9點後的「宵夜專場」原來係咁精彩噶!

飲食天地
食在澳門iFood ・2021-05-01

你知唔知有一種不成文的規律 就係“一到夜晚就肚餓” 每次到咗夜晚9點 個肚就喺度同我講: “夠鐘食宵夜喇!” 宵夜有乜嘢食? 嗱!call埋朋友一齊出發喇~ ▽ 獨食麵屋 越到夜晚越肚餓!哩個時候梗係要食一碟熱辣辣、鑊氣十足的炒麵填飽個肚喇!獨食麵屋的招牌炒麵,有肉、有蛋、零捨有味! 一款“肉食大王”,滿足曬肉食怪對肉的所有幻想!獨家彈爽炒麵,配上這豬肉的爽口、單骨雞翼的香嫩同太陽蛋的營養,元氣爆棚!讓你喺枯燥無趣的夜晚接收來自肉香的誠意~ 咖喱海鮮太陽蛋炒麵,作為店內招牌,焦中帶嫩的開邊虎蝦、流心纏綿的太陽蛋,配上獨家炒麵,誓要用海鮮的魅力將你夜晚的胃口一舉拿下! 唔想食麵的話,喊上一碟香菇椰菜炒米粉,用懷舊的油香味,喚醒夜晚的無精打采、昏昏欲睡~ 椰菜、香菇哩啲平凡到不能夠再平凡的食材,只要帶上真情實意同地道烹飪方法,同米粉一同翻炒之後,就化“腐朽”為“神奇”,成就一碟美味~ 地址:澳門中心街樂富34號 營業時間:17:00~01:00(逢星期日休息) 電話:2855-7215 凱峯魚湯米線 日夜滿客的凱峯魚湯米線都係宵夜不二之選!被喚醒食慾的晚上,一碗米線對胃啱啱好! 無論係一碗清淡滋補的鮮魚湯魚腐米線,定係一碗開胃激爽的酸辣魚腩米線,都可以令到宵夜滋滋有味! 唔想吐骨頭?梗係要“啖啖肉”喇!鮮嫩多肉的魚腩輕油輕炸之後,加入酸菜、辣椒油後,酸爽更醒味! 斎食魚肉仲嫌唔夠!喺食米線之餘,來翻一條原條黃花魚!挑魚肉同嗦米線的樂趣並駕齊驅,樂此不疲! 輕炸過的魚皮脆而不黏,keep住皮下魚肉香味,入口香氣四溢,回味無窮。 氹仔店:氹仔孫逸仙博士大馬路508號大中華廣場地下F座 營業時間:11:00~03:00 電話:6881-1676 皇朝店:澳門布魯塞爾街89號富達花園地下AD座 營業時間:11:00~23:00 電話:2885-6508 住家湯 宵夜食辣?go!辣酒醃製的海鮮總能勾起無限食慾~住家湯唔止有湯,經典家常菜都會俘獲你心! 辛味滿格的辣椒、青椒輔佐,加以花雕酒點石成金,再加入姜、蔥、蒜提升香味。咁樣製作而出的醬汁,同大蝦鮮味相輔相成,令人食不停口! 新鮮惹味的司奄,就係我哋熟知的獅蚶。飽滿而通透的蚶肉只需輕輕蘸取辣酒汁,就可以提升佢的鮮味! 辛辣味微微蓋過血腥味,提升整體的蚶肉口感。成隻司奄放入口,喺咬動時候盡情享受佢的清爽彈滑,仲有補血之效添! 揭開熱辣辣的錫紙,哩隻肉質鮮嫩的金雞散發著誘惑的香味。唔單只係佢的名吸引著我,仲有佢肥肥白白的身軀召喚緊我! 蒸出來的金雞名副其實鮮甜幼嫩,金黃的外皮睇落就令人充滿幹勁!冇錯,佢好似喺度同我講“快脆啲,趁熱食咗我喇!” 地址:澳門黑沙環第二街63號新美安大廈第二期地下 BJ鋪 營業時間:00:00-02:00/16:00-23:59 電話:6881-2987 漁太郎日式外賣專門店 邊個話宵夜冇日料食噶!唔想出街都唔緊要,遠程落單就可以叫到鮮味日式料理,美味送上門! 漁太郎的細盤刺身盛合包羅萬象~三文魚、甜蝦、鮑魚、北極貝,每一樣都洋溢著海洋的鮮味。讓你的夜晚罪惡感與愉悅感並存! 誠意滿滿的組合三種DIY卷物:夾心吉列雪柳卷、熟三文魚泥沙律卷、自家製岩漿玉子焗卷,每一種都誘惑至極! 精緻的和風包裝盒,鮮味十足的日料組合,咁豐盛的宵夜選擇,由漁太郎帶俾你~ 地址:澳門史山斜巷1-B號華光大廈地下B 營業時間:18:00~02:00 電話:2835 8524/ 6238 7238 二二燒烤美食 人生樂事不過係想食嘓時有得食!無論深夜幾點,你總可以喺二二燒烤搵到你的食伴!重慶萬州烤魚係火鍋界的燒烤,燒烤界的燒烤,以焦嫩鮮香著稱。 開爐加熱將炒鍋升至高溫,加入植物油、豆芽菜、豆瓣醬等佐料翻炒,再單獨爆香蒜末同辣油,最後全部入鍋炒香~ 底料爆炒完畢裝盤,夾進鮮切青瓜片、蕃茄片提鮮,淋入由鮮辣椒、乾花椒炒香的紅油湯,加上香蔥絲,就上得檯面喇! 融合咗“一烤二燉”三種烹飪技術的萬州烤魚,喺滾燙熱辣的紅湯底中充分散發誘惑力,椒香、蔥香、魚香充斥鼻腔~ 精選海鱸魚烤製得皮焦脆、肉鮮嫩,充分考驗師傅烹製時候的技術。夾起一塊魚肉,厚度適中,啖啖滿足。 食燒烤有個好處就係隨心所欲!你想食乜就點乜,唔使拘泥於數量同品種的限制~ 超大原隻老虎蝦成個粟米咁大,為食妹都唔知究竟先食粟米定係先食蝦喇! Large size的烤茄子、雞爪、扇貝、金針菇等燒烤經典角色,令人目不暇接! 氹仔店:氹仔飛能便道街100號南龍大廈H舖 電話:2857-6670 營業時間:17:00 ~ 08:00 南新店:氹仔廣東大馬路南新花園6座B8及142A號地下M鋪 電話:2882-3867 營業時間:17:00 ~ 04:00 椰頭椰腦 宵夜唔想太重口味,帶上朋友仔一齊食甜品都得噶!椰頭椰腦開到夜晚12點,唔好話我唔提你! 獨有楊枝甘露加椰子肉完美融合,鮮芒甜中溢出濃濃椰香,啖啖回味! D24同金枕頭的雙重新鮮榴槤肉,搭配滑捋捋蘭香子,同時品嚐到兩種唔同風格的高級榴槤肉,又有咀嚼的快感~ 地址:澳門新勝街23A時新大廈第一期地下A 電話:2872-3290 營業時間:15:00 ~ 00:00 圖文 | 得得 美工 | 陳真香 攝影 | 他說他叫修杰楷、一斤

$35/碗「細龜」一賣就係三十幾年,高士德路邊無人不知的舊式糖水鋪!

飲食天地
食在澳門iFood ・2021-04-25

香港作家亦舒話 “人生無常,先吃甜品 既然盡歡,也就無憾” 縱橫交錯的街道上 一間30幾年的糖水老店 「華生行」 無論係老一輩 亦或係年輕人小朋友 都逃唔過與糖水的牽絆 ▼ 樸素的裝潢,簡單的桌椅,空氣中的藥材香,係萬千食材文火慢燉的結晶,華生行處處皆是時光輕撫過的痕跡。 店內的彩色格子地磚逐漸褪色,玻璃壁畫、陶瓷碗筷亦光亮不再,但華生行依然選擇一年又一年地守護著這裡的街坊。 華生行裡面的杯、招牌、藥壺......一物一件都喺歲月中跌跌撞撞,見證著時間的飛速流逝。 此時此刻,糖水唔再係簡單的飲品,更像係一份親切的關懷,回過頭來睇,人生就似一碗龜苓膏,縱苦亦甜,回甘如露。 華生行龜苓膏 夏天的腳步越來越近,有愈發清晰的蟬鳴,仲有逐漸熱辣的氣溫,晚飯後回家前,大家努力尋找一絲清涼的慰藉,龜苓膏係老少皆宜的選擇~每逢放學、收工時間,店內都會聽到親切的“唔該俾碗細龜”! 華生行的龜苓膏自帶天然草本的清香,加入了龜板、茯苓等藥材,味道偏苦,加入蜂蜜後口感更佳! 加入蜂蜜的龜苓膏食落爽滑帶微苦,色澤透亮呈棕褐色,溫補不寒涼,係撐起廣東人夏天的糖水之一。每一啖先苦後回甘的口感,就似品味人生。 海底椰椰汁雪蛤膏 雪蛤作為養生佳品的功效已廣為人知,其性味鹹平,補肺潤膚,養心安神。 海底椰椰汁燉雪蛤白嫩清澈,表面潤澤,浸喺雪白的湯水中,一邊享受甜蜜一邊滋補養生。 雪蛤入口彈嫩,與椰汁混搭,汁水豐盈,沁甜清潤,而且帶著絲絲姜的香味,享受一份誠意滿滿的滋補~ 椰子燉竹絲雞 “寧可食無肉,不可飯無湯”諺語民謠道出許多人對養生的重視和對湯的喜愛。 將多種藥材和椰子、竹絲雞放入燉盅內蒸燉,一開蓋便能聞到飄香四溢的椰香和濃郁的藥材香。 一勺下去,滿滿的椰肉和竹絲雞燉得十分出味,既有椰子的清香又有竹絲雞的鮮美。 俗話說“飯前一碗湯,勝過良藥方”,養生的理念愈發趨向年輕化,一盅料足味美的燉湯,療愈疲憊,還原本味。 馳名港澳中山鹹肉粽 省去剝粽的繁瑣步驟,華生行的鹹肉粽原隻端上桌,油亮光滑的肉粽令人食慾激增~ 筷子順勢夾開,順滑綿密的糯米,濕潤噴香的鹹蛋黃,軟糯大塊的豬肉,值得一試! END 華生行 - 地址 - 澳門高士德大馬路75號B地下 - 電話 - 2851-5185 - 營業時間 - 11:00~23:00 - 人均 - 30mop-60mop 圖文 | 肥肥 美工 | 陳真香 攝影 | 他說他叫修杰楷

優惠推介 | 經典再現!李家菜宵夜特惠專場5重奏同你一齊回味!

飲食天地
食在澳門iFood ・2021-03-30

宵夜的快樂 只有夠鐘先明白 李家菜經典再現 在深宵為你奉上 宵夜特價區 讓你在寂靜裡 用美食釋放壓力~ 馳名胡椒豬筒骨煲 宵夜價 $198 經典重溫①重奏 滋補養胃的胡椒豬筒骨煲,用帶有微辣的溫度。在深宵溫暖你心,作為粵菜經典,精選大塊豬筒骨,再加入新鮮粟米同紅蘿蔔,鮮味交融、濃郁鮮香。嚟一碗暖粒粒的豬筒骨湯深夜零捨滿足! 笑口常開卜卜蜆 宵夜價 $78 經典重溫②重奏 做人最緊要係開心!哩款笑口常開卜卜蜆,飽滿蜆肉加入蒜泥、蔥碎、辣椒碎提味提鮮,醒味非凡!煮熟的卜卜蜆,就好似卜卜脆、笑口常開的十八歲! 特色一口魚片鍋 宵夜價 $98 經典重溫③重奏 如果想同朋友仔一齊小聚,深夜唔知食乜嘢的話,就點一鍋特色一口魚片鍋。片片鮮切魚片厚薄大小適中、肉質緊緻豐腴,再放入奶白色的豆腐湯裡淥一淥,濃厚的魚香與豆香交融,歎過成個漫漫長夜,暖化你的全身心! 炸四寶拼盤 宵夜價 $78 經典重溫④重奏 粵菜善於融會貫通,包羅萬象的炸四寶拼盤,雲吞、鯪魚球同新鮮釀青椒等入鍋高溫烹炸,脆香爆油,香味十足,勾引深夜躁動食慾~ 鮮茄牛展肉雜錦鍋 宵夜價 $108 經典重溫⑤重奏 備受食客青睞的雜錦鍋,精髓在於酸甜的鮮茄湯。鮮切蕃茄煮到熟爛,逼出可口的濃郁湯底。浸潤住牛展肉同貝類,再加入粟米塊,絲絲入扣、滋滋有味。一啖茄湯一啖肉,哩啲咪就係深夜的滿足感?! 李家菜(筷子基旗艦店) - 地址 - 澳門筷子基沙梨頭新街113號 威翠花園T座地鋪 - 電話 - 2826-2770 - 營業時間 - 17:00 ~ 04:00 圖文|艾迪捧的一粒飯

為食推介 | 論一條魚有幾多食法?五間「專門食魚」的餐廳話你知!

飲食天地
食在澳門iFood ・2021-03-29

美好的生活裡有吃有喝 當然也希望大魚大肉 魚肉食多啲 先至會快高長大噶! 為食妹為你準備食【魚】攻略 ▽ 太二酸菜魚 店鋪信息 地址:氹仔金沙城中心1樓1048b號鋪 營業時間:11:00 ~ 14:00 17:00 ~ 21:00 只有一款酸菜魚,只有一種辣度的酸菜魚,係太二酸菜魚的獨有特色。吃魚三部曲:魚片、酸菜再到飲湯,睇落霸道不講理的規矩,只為將最完美的口感呈現給每一位食客! 太二認為最好的酸菜魚應選用鱸魚,仲要喺水溫20℃-30℃的水裡養殖,水質不能有污染,肉質自然緊實細膩! 去骨去尾去魚腩,只留下最精華的魚柳部分,鱸魚片彈嫩鮮美,酸辣到位! 凱峯魚湯米線 店鋪信息 氹仔店:氹仔孫逸仙博士大馬路508號大中華廣場地下F座 電話:6881-1676 營業時間:11:00 ~ 03:00 皇朝店:澳門布魯塞爾街89號富達花園地下AD座 電話:2885-6508 「湯比魚更鮮」魚肉與米線的完美cp,係凱峯魚湯米線的王牌!每日用過百斤的新鮮魚熬製高湯,魚肉鮮嫩可口,記得食粉前要先飲湯喇! 一碗美味又健康的魚湯米線,新鮮魚肉、配菜搭配、濃郁高湯都係不可或缺的部分。 有清新派的魚腐米線,亦有濃烈派的酸辣魚腩米線,不管天氣好唔好,心情靚唔靚,梗有一碗啱你口味! 原條黃花魚米線睇得出老闆真係誠意滿滿,食粉之前飲一啖高湯,一股暖流環繞全身,鮮香四溢。 魚魂 店鋪信息 地址:珠海市香洲區拱北僑光路73號國泰酒店旁 〖由拱北過關,出關五分鐘即到〗 營業時間:10:30~22:30 電話:0756-8711811 酸菜魚的靈魂在於一壇好的酸菜,魚魂的酸菜係用山泉水與多種香料浸泡醃製而成,掀蓋便有一陣獨特的酸爽湧入鼻腔! 多款口味魚肉可選,酸菜魚、藤椒魚、番茄魚應有盡有,滿足你唔同的躁動食慾。 謎魚 店鋪信息 地址:黑沙環信譽名門第一座地下C鋪 電話:6212-9988 營業時間:11:00-02:00 謎魚金湯酸辣鱸魚、鮮青椒巴沙魚、經典香辣鱸魚,三魚齊現,如魚得水! 肉質鮮嫩滑口的巴沙魚肉、緊緻少骨的酸辣鱸魚肉,酸味中帶著微微辛辣,分外過癮、風味十足!外帶的魚肉的溫熱感保持得啱啱好,達到入口極致口感! 賁窄巷子 店鋪信息 筷子基店:澳門筷子基綠楊花園內 (廣慈醫療中心旁) 黑沙環店:澳門黑沙環第七街萬利樓26號A 聯繫電話:6286-2662 不同於傳統烤魚,紙包魚不單止keep住魚肉風味,仲掀起健康吃魚的熱潮!鐘意蒜香味的朋友仔,唔好錯過哩份紙包魚喇! 薄薄一層錫紙,藏得住魚身,卻釋放出魚香,劃開錫紙,濃重的蒜香味同魚香味驟然四起,令人食慾大開!鮮嫩肉質、入味至極,讓你欲罷不能! 濃郁的紅油湯底浸潤著魚的每一吋肌膚,令到魚肉的紋理深處都得到滲透入味。 如果你對地道四川牛油火鍋的辣度已經蠢蠢欲動,咁不妨試一試哩份牛油火鍋風味的紙包魚! —END— 圖文 | 艾迪捧的一粒飯、農夫的胖奶茶 美工 | TT 攝影 | 嚕嚕米

為食推介 | ⑤間必食「緬甸小店」最經典的緬甸風味你不容錯過!

飲食天地
食在澳門iFood ・2021-03-28

世界的每個角落都有象征 自己的特色美食與地域文化 如果說一城一味 緬甸風味一定給澳門留下 濃墨重彩的一道 「⑤間必食緬甸小店」 一定唔可以錯過 Part.01 街頭緬甸風味兩代傳承 沿用最傳統地道做法 「甜蜜蜜咖啡美食」 唔賣蛋糕都唔賣糖水 呢度充滿異域風情 係專賣緬甸麵食的“咖啡美食”。 緬式推介|沿用最傳統地道做法,街頭緬甸風味兩代傳承! Part.02 品嚐緬甸風味的菜式 總會讓我感覺置身於湄公河畔 陌生又熟悉的國度 收藏咗幾多的特別風情 「002美食」 俾你喺澳門就食到緬式滋味。 為食推介|重溫緬甸經典味道,點解成為咁多人選擇的最愛餐廳? Part.03 週末假期就嚟開始啦 你有冇諗過來一場 話走就走的美食之旅 「368小食」讓你身在澳門 品嚐緬甸菜式,感受異域風情 為食推介|緬甸風味老字號,品嚐最正宗的緬甸魚湯粉! Part.04 如果你要食緬甸菜 嚟三盞燈就冇錯啦 哩度諸多地道緬甸美食中 「雅馨緬甸餐廳」 可以說是最有名的一家 吸引不少明星和遊客慕名前來 堪稱是偶遇明星的網紅聖地 最時髦不過行街市,三盞燈究竟隱藏了多少市井美食? Part.05 齋睇店名係咖啡店 細究菜單是緬甸味 開喺緬甸華僑聚集地三盞燈的 「小休咖啡」 不賣咖啡賣魚湯粉的緬甸美食店 讓你喺澳門街頭轉角之處 就仿似置身富有異國風情的緬甸街頭 開喺緬甸華僑聚集地的咖啡店!不賣咖啡賣正宗「緬甸魚湯粉」! 圖文 | 胖農夫的奶茶 攝影 | 嚕嚕米

澳門首家手工「貝果」專賣店,人均$18起備受追捧!冇預訂分分鐘食唔到!!

飲食天地
食在澳門iFood ・2021-03-27

烘焙的魅力在於 用愛和溫暖製造 平凡生活中的小確幸 蓬鬆、甜蜜、微苦、鬆軟 基調永遠係慰藉人心的甜 今日份層層遞進的幸福 來自有溫度的貝果專賣店 「i-BAGEL貝果屋」 ▼ 遇見一間素未謀面的小店,被鑲嵌喺墻上的燈盞閃著微黃的光,簡約至極卻又令人倍感溫馨,讓人忍不住想要一探究竟。 店內播放著首首柔情的歌曲,工作台前來回的身影,偶爾飄來烘焙時沁人的香氣,仲有廚具輕微的碰撞聲,一切都這麼賞心悅目。 i-BAGEL—澳門首家貝果專賣店,不同於機器化的批量生產,店內貝果每天都係純手工現做,最好就需要提前預訂,真正的美味都值得耐心等待。 純人手的道道工序,不僅賦予貝果新的生命更傳遞手心的溫度,讓細膩的口感食到嘴裡散發出令人回味的幸福感。 i-BAGEL口味琳瑯滿目,芝士、紫薯忌廉、朱古力、伯爵茶等等,讓人難以忘懷的味道和口感,你的味蕾會由誰來喚醒? 全麥貝果 營養到位好食唔肥,全麥貝果首當其衝,有著高營養價值的全麥貝果係優質健康佳品。 一啖咬落去喺嘴裡散發著穀物的自然香氣,自帶獨特的纖維感,香甜的味道忽遠忽近。 芝麻貝果 黑白芝麻星星點點灑喺貝果上,返璞歸真,刪繁就簡,內裡柔軟蓬鬆,穀物的自然香甜充斥口腔。 被稱為「八穀之冠」的芝麻,係最利於健康的天然食品,外皮韌性十足,微微濕潤的內芯越嚼越香,味蕾與身心都被悉心呵護周全。 芝士貝果 芝士喺甜品界係永恆的經典,表面微微皺起的外皮,不禁讓人好奇裡面到底,藏著怎樣的寶藏味道。 馥郁的芝士香裡混著淡淡的小麥香氣,舌尖撫過鹹甜交織的芝士,喺味蕾悄悄散開,引來讓人感知幸福的苯多安係來自貝果的關懷。 紫薯忌廉芝士貝果 「餡料」係貝果的靈魂所在,而貝果屋創造的內餡極其豐富精彩,紫薯忌廉芝士貝果將內餡元素綜合得恰到好處。 自帶獨特高級的清香,一出爐便飄香四溢,入口餡料融化喺唇齒間,紫薯芝士忌廉每一種口感一一捕捉,妙不可言。 特濃朱古力貝果 貝果屋將巧克力融入貝果,這一極具誘惑的結合做出“表裡不一”的貝果,睇落平平無奇內裡大有文章。 大概所有女生都無法拒絕朱古力的誘惑吧,濕潤蓬鬆的貝果夾著香醇絲滑的朱古力,微苦卻散發濃郁可可味的朱古力,正如阿甘正傳所說:“人生就像一盒朱古力,你永遠不知道下一塊是什麼滋味”。 朱古力麻糬貝果 朱古力與麻糬的搭配直擊年輕人的心,圓圓小小的身體裡內藏帶給人快樂的巨大能量,輕微加熱30秒口感會更加誘人~ 綿密細膩的朱古力包裹著Q彈柔韌的麻糬,食之前用微波爐加熱,外界的熱度激發朱古力的馥郁濃滑,甜和苦之間、濃與淡之間得到了想要的滿足。 意式風情貝果 意式風情貝果喺充斥著甜香的貝果屋當中係一股清流,鹹口麵包愛好者的不二之選,內餡採用蕃茄乾、辣肉腸與芝士成為固中精彩,用料絲毫不馬虎。 漂亮的橫切面清晰地看見貝果裡鬆弛有度,蕃茄乾、辣肉腸綿軟入味,芝士濃郁鮮香,每一啖都口味純正。 伯爵茶貝果 高級感的焦褐色係伯爵茶的代表色,中間輕輕撕扯開,用手指感受到貝果有著恰到好處的濕潤度和柔韌度。 細碎的茶葉藏在其中,散發出柔和的茶香,入口能感受到茶葉細小的顆粒感與貝果相融,細心的品味能夠感知到,其中淡雅清香的內在。 i-BAGEL 貝果屋 - 地址 - 澳門冼星海大馬路277號恆基花園N鋪 - 營業時間 - 10:30~18:30(週日休息) - 人均 - 18mop—50mop - 溫馨提示 - 因每日出品有限 需提前在Instagram或wechat進行預訂 圖文 | 肥肥 美工 | 陳真香 攝影 | 他說他叫修杰楷

$9紅豆餅!$20魷魚麵!人均$30食到飽的地道街市美食喺澳門無人不知!

飲食天地
食在澳門iFood ・2021-03-20

早在09年的時候,市政大樓替代了澳門走鬼檔繁華勝景。儘管如此,下環街市的熟食中心,至今仍是澳門街坊們放學、放工、休閒的“平民食堂”。裡面深藏的地道美食,值得我們一一探訪、品嚐。 地址:澳門李加祿街下環街市綜合大樓2樓 開放時間:全年整周 07:00-20:00 室內食堂 露天茶座 下環街市是澳門唯一一個有露天座位的熟食街市。天氣晴好的時候,在這裡圍坐小憩,也不失為一樁美事。 而今日我們的街市“尋寶”遊戲,就從熟食中心的熱門小食開始! 吳廷記 街邊檔起家的吳廷記,檔口前熱辣辣的紅豆餅香氣,香氣裊裊飄蕩70幾年。哩份保鮮的街坊味道,係佢經久不衰的“常勝秘笈”! 除咗紅豆餅,店內的冷糕都係港澳獨有!紅豆餡原料來自天津,師傅們每日定時定量手作餡料,保持材料的新鮮度! 紅豆餅皮金黃酥脆,餅皮煎至亮黃色微微帶焦,咬落鬆脆酥軟,內裡的紅豆餡甜香綿密。無論係出爐即場食,定係打包翻去做手信,都係不二之選! 冷糕哩款地道小食製作工藝繁複,夾有花生碎、砂糖等內餡,口感扎實可口,甜香四起! 唔單止紅豆餅同冷糕,吳廷記哩間老字號,亟待你本人前來探寶! 明記美食 人氣夾餅、hot sale雞蛋仔原來就藏匿於明記美食檔口之中!熟練的製作手法,睇到為食妹眼花繚亂~ 夾餅之中,牛油、花生醬、煉奶,甜到如心頭的三巨頭給你甜蜜攻擊!蛋香味濃的雞蛋仔,給你粒粒絲絲入扣的香軟誘惑滋味~ 招記美食 只要一到午餐時間,一條長人龍就排喺招記美食的店面!只要一碗全餐麵,就可以解決曬選擇困難症! 10幾款用料滿滿當當覆蓋著車仔麵,一不小心就滿瀉而出喇! 泉記咖啡美食 想一秒解鎖手沖奶茶的技能?泉記咖啡美食一次過滿足曬你的手癮同食慾! 老闆娘將有奶做基底的杯呈上,將一匙糖放入茶隔上,再加上一壺沖好的茶,上桌即可DIY!濃郁的奶香與厚重的茶味相互交融,在一杯方寸之間,濃縮成香濃精華! 權記煎炸小食 小爐雖細,卻擺滿童年最嚮往的美食!煎炸小食係我童年摯愛的“大餐”!任何食材只要通過煎炸製法,都會“化腐朽為神奇”,香、脆、酥的口感三管齊下~ 炸番薯、炸糯米丸、炸秋葵、炸雲吞、炸雞髀、炸雞扒……只要你想炸,就無嘢食炸唔到!只要你想食,喺權記煎炸小食的攤位上,就肯定食得到! 脆皮炸衣緊密包裹著的炸物,無論係蔬菜類定係肉食類,都被賦予了同一個香脆的美好口感~一應俱全的炸物,就深藏於此! 牛雜佬美食 在下環街市“尋寶”,所到之處、目之所及皆是珍寶!牛雜佬美食的牛雜,加入三種醬料之後,更深得我心~牛肚、牛筋、牛肺等用料充足,誠意滿滿! · 結語 · 下環街市之所以到現在依然客似雲來,最重要的是經過了時間的考驗,和人情的積累。 正如寶藏攤檔深藏於下環街市中,澳門的街市文化亦深藏於每位街坊心中。這份情懷會隨著時間的流逝,愈發濃厚…… 圖文|得得 美工|陳真香 攝影|他說他叫修杰楷

為食推介 | ③間精品日料推薦,邀你共赴一場星級盛宴!

飲食天地
食在澳門iFood ・2021-03-18

緊張忙碌的生活 總需要一些美食的慰藉 日料係精緻和匠心的代表 讓你神魂顛倒的刺身料理 讓你垂涎三尺的壽司甜品 三間精品日料推薦 邀你奔赴一場星級盛宴 ▼ 三葉料理 - 澳門店 - 澳門海上居U鋪 - 電話 - 63783232 - 營業時間 - 12:00-14:30、17:30-22:30 - 氹仔外賣店 - 氹仔南新6座L鋪 - 電話 - 65693232 - 營業時間 - 12:00-00:00 日料係世界美食地圖上,不可或缺的一塊,愛上一種食物,一定是因為佢的品質,「三葉上質刺身丼料理」,憑著別緻的日料情懷,用匠心對待稀世食材讓食客對佢難捨難分。 極上鐵火丼 終極海膽拖羅卷 恰到好處的厚度,由深至淺的色彩搭配,從視覺到味覺的美妙體驗,三葉為了追求食材的新鮮,店內的很多食材都係每星期由日本空運到店。 海鮮丼 鹽燒油甘魚鮫 極具匠心的壽司師傅對於每一份出品都力求完美,每一種食材的搭配都極為講究。 漁兵衛 塔石店 澳門東望洋街萬豐花園地下D鋪 訂座電話 28565402 營業時間 12:00~15:00,18:00~23:00 渡船店 澳門渡船台10-12號豐裕大廈地下A鋪 訂座電話 28210612 營業時間 12:00~15:00,18:00~23:00 皇朝店 澳門馬濟時大馬路195號東南亞花園地下AO 訂座電話 28724397 營業時間 12:00~23:00 氹仔店 澳門氹仔哥英布拉街131號花城 利鴻、利圖、利偉、利葉地下X座 訂座電話 28374170 營業時間 12:00~23:00 SAMURAI喺日文係武士的意思,之所以起名「漁兵衛」,係寓意用武士魂魄去傳承匠心精神! 魚介海鮮丼 堆成小山的蟹籽,下面藏著鮭魚卵、赤海老、蟹肉腳同鮭魚泥,一邊享受原料的鮮美之餘一邊驚喜「一丼二食」的新食法,打破傳統的創新顛覆你對海鮮丼的想象~ 如果你係選擇困難症患者,選哩份綜合刺身丼就一定唔會錯!碗仔細細裡面有星鰻、赤蝦、北海道干貝同海膽,一次過滿足你貪心的願望! 札幌 - 地址 - 澳門賈伯樂提督街駿景園地下C - 電話 - 2878-9198 - 營業時間 - 早市 12:00~14:30 晚市 18:00~00:00 刺身拼盤 碩大的擺盤中,各種刺身應有盡有!皇牌首選甜蝦坐擁萬千寵愛、鮮嫩滑口三文魚腩備受青睞~仲有多款令人垂涎的貝類、魚類添! 日式火鍋 作為日式火鍋靈魂之所在,一例純美、醇厚的湯底對於鍋中料理來講,係承上啟下的完美載體~ — END — 編輯:胖農夫的奶茶 攝影:嚕嚕米

為食推介 | 哩10間「續命」咖啡店,給你10種放鬆方式!

飲食天地
食在澳門iFood ・2021-03-15

咖啡店=能量充電站 咖啡=能量水 讓我們循著咖啡獨有的氣味 進入香氛氤氳的咖啡世界 澳門哩10間咖啡店 給你10種唔同的咖啡味 從此以後 除咗一杯咖啡 其他煩惱與我無關 ▼ 「誠品咖啡」 地址:澳門兵房斜巷28號 營業時間:11:00~19:00 清新多彩的建築,位於網紅地眾多的官也街頭~來自澳門自創「誠品咖啡」,帶俾你chic感滿滿的咖啡香~ 無論係誠意手沖咖啡、冰鎮樽裝咖啡定係定制周邊成品咖啡,都洋溢著滿滿誠摯!除咗沉醉於咖啡因之中,哩度仲有芝士蛋糕等各類精緻甜品,讓你在打卡歎啡之餘,增添無窮甜蜜~ 「Ujimart café」 地址:澳門皇朝巴黎街117號 電話:6225-5900 營業時間:08:00~23:00 純淨簡潔的ins style,係新晉的網紅打卡點。Ujimart仲有一個中文名:優及買,用大眾平價的消費水平,成為你日常必備的便民咖啡廳! 獨具葡洋風格的餐品,搭配出色、用料亦特別講究!特製的咖啡豆調製風味特色咖啡,係你不得不試的一款~ 特色飲品厚奶蓋抹茶、厚奶蓋紫薯,用甜蜜口感對你的味蕾攻城略地! 「Roof Top」 地址:氹仔告利雅施利華街49號一樓 電話:6252-6387 營業時間: 11:30 ~ 20:00 ( 星期一至四、日 ) 13:00 ~ 22:00 ( 星期五、六 ) 屋頂的咖啡店散發著遠離市井的神秘氣質,仿佛走進透明玻璃門的那一刻,便置身於另外一個世界之中。 作為店內的主打招牌,ROOFTOP“啡撞奶”自然與其他latte“奶撞啡”不同!啡奶碰撞出一杯latte,香滑溫潤~ long black香氣濃郁且豐富,苦味弱,冷卻後顯得清淡。表面厚咖啡油層,係咖啡足夠新鮮的表現。極低的咖啡因濃縮而成,令你欲罷不能~ 輕輕搖晃著手中滿滿一杯咖啡,喺暖粒粒的下午盡享絲滑~ 「blooom」 地址:澳門雀仔園柯高街5號 電話:6666-4479 營業時間: 08:30-20:00(星期一至五) 11:00-19:00(星期六日) 年輕的咖啡品牌總能帶來活力與新意,澳門的精品咖啡店blooom就係其中一名種子選手! blooom坐落於舊城區雀仔園,透露出一股青春的氣息!行過睇到店名,都會忍唔住入去歎翻杯~ 少冰少糖的flat white係我同朋友行街時必點的一杯。絲綢般潤滑的牛奶同香醇回甘的咖啡豆香融合,為我平平無奇的下午增色不少~ 「the hideout coffees」 地址:澳門馬統領圍26號 電話:2830-3709 營業時間:07:30 ~ 19:30 哩間以沉穩黑色調為主色的咖啡店,瀰漫著一股穩穩的幸福感。似乎你行入之後,就會即刻俾咖啡攻陷。 如同店名the hideout coffees,咖啡的影子無處不在,讓你得以安靜飲著咖啡,藏匿於每一個角落,無需煩憂。 啡奶勾兌、碰撞的瞬間,似百感交集於心,又再釋放出來。飲咖啡的時候,其實都係將煩惱抒發的時候,那麼就讓所有的不悅深藏於咖啡之中吧~ 「Quarter Square」 地址:米也馬嘉禮前地89號 營業時間:11:00~20:00 行入哩間cafe,第一觀感就係店主一定係鬥牛犬的忠實鏟屎官! ins擁有近萬粉絲的狗仔Copper係名副其實的“明星狗”~好多人來飲咖啡,就為咗同佢留低紀念~ 一杯latte、一張靚相帶來一份好心情,靜靜坐喺Quarter Square“荒廢”一個下午的時間都抵喇! 「pace」 地址:澳門關前正街49號 營業時間:11:00~19:00 pace意為步伐、節奏,係不斷前進的自由心態。當你想搵一個地方靜低、坐低,放慢你的速度時,哩度係你不錯的選擇~ 靜謐的午後來翻一杯flat white,感受比latte更加薄滑的奶沫、更加濃重的咖啡香…… 「SUGAR COFFEE 城市咖啡」 地址:戀愛巷1號地下B座榮豐大廈33A 電話:6850-3326 營業時間:09:30 ~ 22:30 漫步城市之中,總需要時不時停低你的腳步。喺某個轉角的街口,你也許能遇到一間吸引到你的咖啡店。 老闆的巧手打出細膩的奶泡,凍咖啡提神醒腦,熱咖啡更顯香濃咖啡味。 紅絲絨咖啡拿鐵的順滑口感,無論冰定熱的溫度都可以給你醒神效果。 「文藝門」 地址:澳門關前正街42號 營業時間:10:00~19:00 如果我有多啦A夢的任意門,我想去到唔同地方感受各地風情。而喺關前正街的哩道“文藝門”,卻會帶你進入文藝的咖啡世界。 穿過“文藝門”,我來到一個只有我同咖啡味的空間。一杯愛心拉花的咖啡,一份別緻的藍莓芝士將承包我的閒暇時光! 當你想放空自己,給心靈尋覓一處靜謐之地時,就行入哩個“文藝門”喇! 「空間叁拾」 地址:柯邦迪前地 / 司打口12A地下 電話:28524877 營業時間:12:00 - 03:00 逢星期二休息 睇到複式設計,頓時豁然開朗!哩度充滿異域風情的店面裝潢,讓人食慾大增!二樓帳篷式座位,俾你一種戶外野餐的既視感~ 點一杯獨特拉花設計的latte,在唇齒間盡享香濃牛奶與幼滑咖啡的碰撞感。 來翻杯Ginger Coffee本地薑啡,領略薑辣味與啡香味的衝擊力,提神醒腦! 咖啡係哩度不可缺少的角色,而與此同時,西式簡餐的搭配更會帶俾你共享的快樂! —END— 圖文|艾迪捧的一粒飯 美工|陳真香 攝影|他說他叫修杰楷

好玩推介 | 逛展讀書好時光,喺澳門與展覽來一場春天的約會!

澳城生活
食在澳門iFood ・2021-03-13

陽春三月,春暖花開 當三月的梅花傲立枝頭 行色匆匆的我們 是否可以放慢腳步 喺博物館圖書館裡 一吋吋走過 看書逛展 現在就出發 ▼ 澳門teamLab超自然空間 - 時間 - 上午11時到晚上7時 (最後入場時間為晚上6時15分,3月10日及24日閉館) - 地點 - 澳門威尼斯人金光會展展覽F館 - 票價 - MOP / HKD188起(3歲或以上)/ www.cotaiticketing.com / 澳門威尼斯人、澳門金沙娛樂場、 澳門倫敦人酒店及澳門巴黎人售票處 藝術團隊teamLab於澳門威尼斯人打造占地5,000平方米、8米高空間的常設美術館,由“學習!未來遊樂園”和“運動森林”兩大主題構成“身體沈浸式”的體驗。 “學習!未來遊樂園”是以“共同創造,共創”為主題的教育型專案,與他人共同並自由地把世界創造成為歡樂的“遊樂園”;“運動森林”則以“用身體來感受世界,用三維來思考世界”為主題,讓大腦和身體一起成長,是鍛煉空間認知能力的全新“創造性運動空間”。 "品讀灣區" 9+2城巿悅讀之旅 - 時間 - 3月1日至17日, 周一下午2時至晚上12時, 周二至周日上午8時至晚上12時 (澳門中央圖書館) 3月19日至4月7日, 周一下午2時至晚上12時, 周二至周日上午8時至晚上12時 (氹仔圖書館) - 票價 - 免費入場 書展從粵港澳多所公共圖書館的推薦書目及贈書當中,整理並展出澳門公共圖書館館藏約80本圖書,內容豐富。 包括名家經典、地方風貌、小說文學、童書繪本、歷史傳記、哲學理論等,期間於多所澳門公共圖書館作巡回展示,有興趣者可免費參觀。 「一代昭度 ─ 故宮博物館藏清代帝后服飾」展 - 地點 - 澳門藝術博物館4樓 - 開幕日期 - 2020-12-16 18:30 - 展覽日期 - 2020-12-17 - 2021-03-14 - 公開導賞服務日期 - 2020-12-20 – 2021-03-14 (逢星期六、日及公眾假期 15:00-16:00 ; 16:15-17:15四樓升降機出口處集合) - 團體導賞服務日期 - 2021-01-05 – 2021-03-14 文化局轄下澳門藝術博物館與故宮博物院合辦“壹代昭度——故宮博物院藏清代帝後服飾”展,展出故宮博物院藏清代帝後服飾近90件套,當中包括彰顯乾隆皇帝天子地位的明黃色彩雲龍紋朝袍、代表鹹豐皇帝軍權在握的禦用盔甲、突顯皇後綽約風姿的點翠嵌珠石鈿子等。 清王朝以“騎射為業,弓矢立國”,依靠強大的武力入主中原,所以清代服飾保留了遊獵民族服飾便於騎射的特點,同時吸收了漢民族服飾文化的元素,重新訂立了“辨等威、昭品秩”的冠服制度。清代服飾融會了中華民族幾千年來形成的禮儀制度、宗教信仰與民間習俗,呈現出遊獵與農耕兩種文化交織的特點,並對近代服飾的發展產生了重要影響。來到澳門藝術博物館,壹起探尋清朝宮廷服飾中的文化內涵和獨特魅力。 慢賞文化 ─ ─ 戶外及室內聯展 - 時間 - 2月3日至3月31日 中午12時至晚上8時 - 地點 - 氹仔舊城區藝術空間 (氹仔木鐸街10號) - 票價 - 免費入場 展覽結合室內及室外裝置,展示出13組藝術家共39件藝術作品。 類型涵蓋塗鴉、攝影、速寫本繪畫、雕塑、繪畫、電影海報、水彩畫、小誌、插畫及版畫等,為觀眾上演一場匯聚歷史文化、互動元素及藝術觀賞的視覺盛宴。 編輯 | 胖農夫的奶茶 圖片 | 來自於網絡