罰罰罰！十倍罰！黃實線唔落得！澳門的士司機：「揾埋都唔夠佢罰！」
澳門生活圈・2018-07-26澳門 MACAU 人哋都話係一座好城市 當然 嚟澳門吃喝玩樂嘅人唔少 但喺一切嘅繁華背後 真正了解澳門嘅人又有幾個 更唔好講係共患難嘅人 圖片分享自ins 澳門雖然作為一座旅遊城市 但仲有好多地方不盡人意 車多人多、到處塞車... 有時候真係覺得寸步難行 就連本地市民都日日承受住 ◀交通塞塞塞▶ ◀巴士逼逼逼▶ ◀的士貴貴貴▶ 2018嘅上半年 澳門一單又一單嘅 「黑的」事件 令到唔少澳門本地市民 寧願行路都唔想搭的士 的士問題處處多！ 噚日（24號） 立法會第三常設委員會繼續討論 《輕型出租汽車客運法律制度》 （俗稱「的士規章」） 面對無良的士司機嘅 ldquo;濫收車資、拒載行為rdquo; 社會大眾對「的士規章」嘅修訂 都寄予咗好大嘅期望 畢竟澳門黑的早已「聞名海外」 但今次喺細則性討論嘅時候 矛頭卻直指的士上客違規嘅懲罰 將違法上落客由原來嘅300MOP有可能加碼到3,000MOP！ 足足高咗十倍！ 有的士司機稱 澳門八成道路都係黃實線，如果的士黃實線上落客要罰錢，真係揾埋都唔夠佢罰！ 驚你啊？ 黃實線唔落得 咪係實線盡頭落！ 呢啲叫醒目！ 完美避過抄牌一劫！ Nice 今次討論仲提到 「的士規章」嘅有關處罰制度 會採用更快速、快捷嘅特別程序 嚟處理違法行為 大大提高行政效率 慳咗唔少程序上嘅不必要手續 實行罰款「速速磅」 相信修法之後 治安警同交通局兩個執法部門 辦事效率會更高 另外法案仲建議 獲得的士駕駛員證嘅前提之一 係必須通過交通事務局負責嘅考試 建議曾經違反的士駕駛法規 但未達到四次註銷 相關駕駛證嘅司機 喺有效期5年嘅執照屆滿續期時 首先參與政府開辦嘅培訓課程 加強駕駛者交通意識 關於的士駕駛員特別義務方面 提出咗每日出更不多於九粒鐘 新法生效後 最長工作時間、中間休息時間、超時工作 都將會照《勞動關係法》規定嚟計 而對於黃實線上落客罰3,000MOP 的士業界都大嗌： 「揾埋都唔夠佢罰！」 邊度都係黃實線，畀條生路行下！ 的士限制已經好多，例如巴士站前後十米同埋離街口五米都唔可以上落客，依家再加埋黃實線，真係唔知要點揾食！ 叫人喺邊到停呢？如果女仔半夜搭的士返屋企，行到冇實線嘅位置（例如高士德），都到屋企咯！咁警方又應該點處理？ （圖片分享自力報） 澳門的士問題多多 實黃線上落客罰款 究竟係利民？ 定係多此一舉？ 講真小Pe最關注嘅都係 有冇更好嘅方法處理黑的問題！ 你又點睇？ 圖片分享自：澳門力報、Ins 新聞素材來源：澳門力報 編輯撰寫：小Pe 本號原創文章，未經授權，不得轉載
. 小城閒人 .・2018-06-13
熊神進・2018-03-14
Cheers!・2025-09-04
蘇蘇・2023-10-23
MO560・2019-05-12
EAE // Grace・2016-05-19
文創遊樂場 // 米米 Esther Lim・2024-03-25