happyeatingwithdap

標籤：happyeatingwithdap

Happy Eating with Dap 之表嫂美食

飲食天地
Happy Eating with Dap ・2019-10-06

店名：表嫂美食地址：下環街鹽里文英30號之前係FB見到喱間店既推介，即刻組隊去試下圖既煲叫大盤雞，喱個係細既煲$388，其實以佢入面又蝦又蟹又飽魚都真係幾抵食，至於佢既味道個人覺得其實還好，因為佢個雞冇咩味，蟹冇咩肉同膏，但勝在材料新鮮。 服務方面其實都唔錯，戈到個姐姐有笑容，同埋有問有答，唔怕唔耐煩，唯一唔好係戈到坐得幾逼，唔太舒服。佢喱到出名既仲有手打肉餅、大盤魚、酸菜魚等等... ***大盤雞同大盤魚要提前預訂** 想睇更多其他食評可以到 Happy Eating with Dap 嘅 Instagram： https://www.instagram.com/happy_eating_with_dap/ 有興趣嘅朋友可以 follow 埋呀！

Happy Eating with Dap 之 Compass Point Eatery

飲食天地
Happy Eating with Dap ・2019-08-20

係喱個物價出名高野食出名差既地方，居然有一間又抵而食物質素又唔差既小店。 喱個pancake 大概$80左右，重點係夠哂大份，一個人食係會好飽，雖然講賣相佢絕對平庸，但食落去完全感覺到真材實料。Pancake 食落去口感鬆軟，5怕食落一舊粉甘，佢入面唔怕空心，重點係佢食落去暖暖地，再配埋生果食，係我戈陣餓到傻既時候食完都幾滿足，但唯一既缺點係個pancake 有少少乾，配埋個楓糖漿食會比較好。最後，喱到既老闆超好人，明明個pancake只係早餐時段先有得食，佢都滿足我地照整，同埋都冇額外加錢，加上佢全程都係笑笑口，勁nice！店名：Compass Point Eatery 想睇更多其他食評可以到 Happy Eating with Dap 嘅 Instagram： https://www.instagram.com/happy_eating_with_dap/ 有興趣嘅朋友可以 follow 埋呀！

Happy Eating with Dap 之 Palette Dessert Gallery

飲食天地
Happy Eating with Dap ・2019-08-15

店名: Palette Dessert Gallery地址: 澳門 東望洋新街209號 （愕斜巷/山頂醫院巴士站旁）今次都已經唔係第一次試喱間店既蛋糕，平時食開一直都覺得喱間蛋糕係用心出品，賣相靚之餘味道都唔馬虎。 喱個蛋糕叫Mon Chéri，係期間限定之作，一見到個賣相即刻吸引左，喱個蛋糕係4寸，$300，一開始都覺得略貴，但見到上面朵花完全係心機之作，所以其實都合理。 至於味道方面其實還好，但唔係難食，佢入面既戈5層塔配得唔太夾，反而個酸味比較突出，我都係鐘意紅石榴蛋糕多d。 想睇更多其他食評可以到 Happy Eating with Dap 嘅 Instagram： https://www.instagram.com/happy_eating_with_dap/ 有興趣嘅朋友可以 follow 埋呀！

Happy Eating with Dap 之澳門瘋堂新派料理

飲食天地
Happy Eating with Dap ・2019-08-05

之前係識搵識食上面見到喱間餐廳既介紹，一睇睇到流哂口水，過左幾日就即刻去左試。喱到既招牌係澳洲大理石西冷，甘當然一定要試，試完之後覺得牛味唔重，可能比佢既黑松露醬蓋左啦！個人比較鐘情於熱辣辣+3成熟既牛，佢食落唔熱，所以唔係甘岩我。 至於其餘兩樣個人都覺得偏向膩，個意粉都係喱到既主打之一，但我都係覺得試一次就夠，下次都係想試下第二間。 喱到係兩個午市套餐，牛係另外order，價錢大概$500左右，諗5到食咩戈陣又係喱附近都可以入去食。 想睇更多其他食評可以到 Happy Eating with Dap 嘅 Instagram： https://www.instagram.com/happy_eating_with_dap/ 有興趣嘅朋友可以 follow 埋呀！

Happy Eating with Dap 之澳門天巢法國餐廳

飲食天地
Happy Eating with Dap ・2019-07-29

來字3⭐️的你 平時一聽米之蓮3星既餐廳，第一感覺都係價錢離地，但喱間甘出名既天巢，係平日最平居然$688就有得食，以米之蓮3星尼講價錢的確親民。 加上，佢地既服務質素幾好，侍應會主動過尼介紹食物，同埋會主動過尼睇你有咩特別需要。 係圖中甘多樣食物當中，個人最唔推薦既係羊架，佢食落有d乾，同埋佢既調味分佈唔平均，食落個近骨位就相對咸。 同埋下圖既鵪鶉鴨肝如果要一份會太多，佢既鴨肝會好膩，所以建議叫$888 set 的話可以要半份。 至於大家都大推既拿破崙就5多講喇，不過佢並5係係甜品車入面，係有野慶祝既時候提前同餐廳講，餐廳先會準備嫁。 總括尼講，佢既食物出品唔差，但唔會有一種令人念念不忘既感覺，但都係值得一試！ 想睇更多其他食評可以到 Happy Eating with Dap 嘅 Instagram： https://www.instagram.com/happy_eating_with_dap/ 有興趣嘅朋友可以 follow 埋呀！

Happy Eating with Dap 之澳門百老匯「千笹日本料理」

飲食天地
Happy Eating with Dap ・2019-07-24

喱間甘出名既日本料理其實已經有三間店，選擇百老匯店完全只係因為佢方便泊車。 係圖中既野食我冇一樣可以推介，所以今次就講有邊啲個人認為特別伏。 圖一：牛油果軟殼蟹卷，食落去個軟殻蟹食落勁乾身，加上個牛油果完全唔creamy ，兩樣野mix埋食落完全唔掂。 圖一：澳門百老匯「千笹日本料理」牛油果軟殼蟹卷 圖二：蟹肉太卷，見佢戈陣餐牌北海道季就試下啦，點知一上到尼蟹肉真心少，同埋冇咩蟹味，同埋個黃蘿蔔太多，成個卷食落去蓋過個蟹肉味，完全Fail。 圖二：澳門百老匯「千笹日本料理」蟹肉太卷 同埋入面既侍應麻麻，其中有一個落單既時候完全目無表情，有一個加單既時候就落錯單，有待加強。 想睇更多其他食評可以到 Happy Eating with Dap 嘅 Instagram： https://www.instagram.com/happy_eating_with_dap/ 有興趣嘅朋友可以 follow 埋呀！

Happy Eating with Dap 之澳門 Wonderwall Coffee

飲食天地
Happy Eating with Dap ・2019-07-19

係荷蘭園石仔路上有一條和隆街，大家未必熟悉喱個地方，但好多時都有可能會經過，而係喱條冇咩食肆商店既街卻有一間裝潢上比較有特式既Cafe。 門面細細，但入到去比想像中大少少，不過佢既枱真係幾細，d野食都唔係好夠位擺，所以食得好逼，唔太舒服。可能因為間店比較細，所以佢既抽風做得唔好，會聞到一陣油煙味。 至於食物方面比較推薦既係佢既隱藏版鬆餅！食落去佢同個可可粉同埋個cream幾夾，個cream食落幾creamy，成個pancake 食落感覺有少少似Tiramisu 味，不過佢既缺點係個pancake冇咩蛋香味，仲有個缺點係佢既雪糕完全係秒溶。 至於其他點既食物質素都可以，但冇話特別去推薦，喱間cafe性格比幾高，喱度6樣野$349，平時既普通cafe差不多價錢，但喱度食物質素相對高，同埋野食都幾大份。 建議：唔好太多人一齊食，佢冇咩大枱，同埋預左有可能要等一等位 想睇更多其他食評可以到 Happy Eating with Dap 嘅 Instagram： https://www.instagram.com/happy_eating_with_dap/ 有興趣嘅朋友可以 follow 埋呀！

Happy Eating with Dap 之澳門金沙城中心「希雅度」葡國餐廳

飲食天地
Happy Eating with Dap ・2019-07-09

喱間餐廳同傳統嘅葡國餐廳唔同，平時食葡國餐通常都係炒蜆、炸馬介休球又或者係燒焗馬介休等等。喺呢度最推介既馬介休（下圖）做法係以蛋黃洋蔥醬去拌，聽聞仲攞過獎，個人覺得食落去嗰醬有少少過多，食落去會蓋過咗本身馬介休既味，不過勝在夠創新，可以試下！ 而第二樣大家比較推薦嘅係慢煮乳豬，佢嘅皮真係好脆，唔好睇佢細細舊，食半舊已經覺得好膩，但加埋甜薯去食可以中和下膩嘅感覺，但我自己個人本身唔係咁鍾意食乳豬，所以都冇咩好感。 至於其他冇特別去講既野食都冇話特別推介，不過大家一致認為佢既牛同羊都唔得，就唔建議大家去試喇！ 係價錢方面大概300-400@1位，加上待應服務態度都唔錯，會主動介紹食物，同埋價錢合理，想食下啲有新意少少既野食可以試下。 想睇更多其他食評可以到 Happy Eating with Dap 嘅 Instagram： https://www.instagram.com/happy_eating_with_dap/ 有興趣嘅朋友可以 follow 埋呀！

Happy Eating with Dap 之泰國 ทองสมิทธ์ Thong Smith 船麵

飲食天地
Happy Eating with Dap ・2019-06-15

喱間就係我屋企人大讚既船面店！的確佢既湯底真係幾夠濃，同埋個辣都幾夠惹味。面底有米粉、貴刁等選擇。喱碗既料我選擇左牛肉，但佢既牛肉牛味5夠，不過好彩煮得5怕老，下次食既話可以試下雜既湯粉。建議食之前早d攞定位，我上次去食都等左半粒鐘，同埋如果餓既記得叫兩碗，5係有排等呀！ 泰國 ทองสมิทธ์ Thong Smith 船麵 - 牛肉濃湯船麵 想睇更多其他食評可以到 Happy Eating with Dap 嘅 Instagram： https://www.instagram.com/happy_eating_with_dap/ 有興趣嘅朋友可以 follow 埋呀！

Happy Eating with Dap 之澳門美獅美高梅「雅吉」

飲食天地
Happy Eating with Dap ・2019-05-25

之前見都有好多廣告就去試下，試完之後覺得冇咩驚喜，拖羅唔夠肥美，個薄餅醬有少少過多，慢煮牛同魚太膩，甜品就冇驚喜，總括而然試完一次就算。 想睇更多其他食評可以到 Happy Eating with Dap 嘅 Instagram： https://www.instagram.com/happy_eating_with_dap/ 有興趣嘅朋友可以 follow 埋呀！

Happy Eating with Dap 之澳門新濠鋒「帝影樓」

飲食天地
Happy Eating with Dap ・2019-05-06

喱間中菜廳係我第二次過尼飲茶點心相對精緻的式，屋企人比較推薦蝦餃燒賣。 澳門新濠鋒「帝影樓」蝦餃 的確佢地既點心冇其他酒樓甘膩，至於蟹肉小籠包我就有d失望蟹肉就唔係好食到，同埋佢既湯唔夠，至於其他野就不過不失啦！ 澳門新濠鋒「帝影樓」蟹肉小籠包 我個人就比較欣賞個核桃，連我喱個打死唔食核桃既人都覺得唔錯，佢既味道有少少似琥珀核桃，食落去冇左合桃既苦澀味，仲甜甜地，但我覺得佢可以更脆。 總括尼講都係不過不失啦，大家都可以去試下。建議：記得提早book位，同埋唔好太多人去食，3-4人就差不多。 想睇更多其他食評可以到 Happy Eating with Dap 嘅 Instagram： https://www.instagram.com/happy_eating_with_dap/ 有興趣嘅朋友可以 follow 埋呀！

以身試伏－美獅美高梅「濤岸」

飲食天地
Happy Eating with Dap ・2019-04-29

據說餐廳由星級大廚掌舵，試戈陣抱滿希望，但結果係完全令人失望 牛肉叫5成熟，食落又老味道又唔夠，一個字差 喱個我屋企人幾鐘意食，但佢有我最憎既三色椒，完全好感度下降 反而喱個牛油果炸得夠脆，配埋個醬食都唔錯 喱個係冷麵，不過配埋橘子既感覺唔塔 個Pizza食落帶苦，個經理試左都覺得係有問題 最後個甜品完全唔得，每一樣都偏甜，仲要唔好食 不過講句公道說話，喱到既經理好好人，會令到對喱間食店有番少少好感 想睇更多其他食評可以到 Happy Eating with Dap 嘅 Instagram： https://www.instagram.com/happy_eating_with_dap/ 有興趣嘅朋友可以 follow 埋呀！

尋找澳門的Cafe — Tap House

飲食天地
Happy Eating with Dap ・2019-04-22

唔係講笑，喱間cafe既食物認真麻麻，圖一既risotto 菌香味唔夠同埋個飯太稀。 圖一：澳門 Tap House Risotto 圖二既抹茶味唔夠出同埋奶味完全太淡。 圖二：澳門 Tap House 抹茶 仲有個椒鹽茶樹菇炸得太乾同埋油左d。 澳門 Tap House 椒鹽茶樹菇 最後個pancake叉落去戈陣個面同中間心係分離左，同埋冇咩蛋香，5係近屋企都5會食。 澳門 Tap House 班戟 想睇更多其他食評可以到 Happy Eating with Dap 嘅 Instagram： https://www.instagram.com/happy_eating_with_dap/ 有興趣嘅朋友可以 follow 埋呀！

意麵情迷—英國人最愛Pasta Brown

飲食天地
Happy Eating with Dap ・2019-04-15

係英國喱個出名冇啖好食既地方，意粉卻成為左英國人既主食。 喱間店名叫Pasta Brown，顧名思義係以食意粉為主，好多英國當地既人都會去食，之前睇過大家既評價通常都覺得性價比高，但我今次去食並冇喱種感覺。 佢既意粉價錢平均都要£15 一碟，不過係英國喱個物價相對高既地方其實都唔算太貴 海鮮意粉，食落海鮮味幾重，個蕃茄汁同個意粉幾夾，可惜個藍青口唔夠新鮮，有待加強。 番茄豬肉長通粉，身邊朋友覺得太咸。如果比較重口味又中意pasta既大家都可以試下 想睇更多其他食評可以到 Happy Eating with Dap 嘅 Instagram： https://www.instagram.com/happy_eating_with_dap/ 有興趣嘅朋友可以 follow 埋呀！

傳統粵菜 －澳門美獅美高梅「淳」

飲食天地
Happy Eating with Dap ・2019-04-08

係MGM入面有好幾間比較為人所知既中西式美食，而喱間係主打粵菜，係價錢方面大概$450一個人左右，以酒店尼講其實價錢都算合理，係食物質素方面其實用料的確新鮮，但烹調方法冇咩過人之處。 第一個豬手唔夠入味。 砂鍋龍躉球既魚唔夠滑，同埋唔夠惹味。 澳門美獅美高梅「淳」砂鍋龍躉球 蘆筍都算幼嫩。 蝦球都幾夠爽，同埋個醬都唔怕太甜。 豉油雞好彩都幾滑，同個皮熱既時候都脆脆地。 澳門美獅美高梅「淳」豉油雞 至於個炒飯就有些少單調，總括尼講就不過不失啦！之後應該都會去試下其他唔同既中菜。 想睇更多其他食評可以到 Happy Eating with Dap 嘅 Instagram： https://www.instagram.com/happy_eating_with_dap/ 有興趣嘅朋友可以 follow 埋呀！