法式

標籤：法式

美高梅為您與摯愛締造浪漫法式情人節晚宴

飲食天地
LifeMag Editor ・2018-02-06

情人節將至，澳門美高梅悉心準備了節日限定美饌體驗，賓客可於寶雅座法國餐廳享用法式情人節晚宴，或選擇在甜點餐廳品嚐別緻的情人節糕餅系列，讓您與愛侶共享一趟浪漫之旅，於美高梅留下溫馨幸福的足跡。 寶雅座溫馨法式晚宴 寶雅座主廚精心設計四道創意十足的菜式，以傳統法式烹調技巧炮製新鮮上乘的食材，配合醉人的歐陸環境，締造難忘甜蜜回憶。 情人節晚宴共有四道菜式，頭盤為餐廳著名的海鮮拼盤，包括法國生蠔、魚子醬、波士頓龍蝦等一系列海鮮，以海洋鮮味打開您的味蕾；第一道主菜以慢煮鱈魚配上蕃茄西芹意大利飯，並加入藏紅花讓色彩更吸引誘人，為情人節晚上加溫；另一道主菜則使用肉質軟腍鬆化的澳州和牛柳，搭配肥美細滑的鴨肝，主廚更加入開心果碎，口感層次相當豐富；最後的甜點拼盤共有五款精選甜點，包括「水果香檳慕斯 」、「朱古力肉桂松露撻」、「柚子馬卡龍」、「蘋果撻」及「法式藍梅布丁」，為晚宴劃上完美句點，讓摯愛甜入心頭。 四道菜餚的情人節晚宴於2月13及14日供應，二人價格為澳門幣1,388元*，賓客更可以每位澳門幣119元*搭配三杯特定餐酒，將浪漫情懷融入香醇的美酒之中。查詢或訂座，請致電 (853) 8802 2319。 甜點蜜意糕餅之選 甜點餐廳亦將於2月7日至14日期間限定推出情人節蛋糕，充滿愉快幸福滋味，讓賓客感受心動時刻。查詢及預訂，請致電 (853) 8802 2324。 *價格需另收10%服務費

可愛到爆燈的 Baptiste Brichon Pâtisserie 聖誕節甜品

飲食天地
Chrysalids 少爺 ・2017-12-30

近排少爺揾到間賣法式甜品嘅店舖，名為 Baptiste Brichon Pâtisserie。 甜品賣相滿分，甜品樣靚可愛不在話下，味道亦十分唔錯，尤其是企鵝。 當然，一分錢一分貨，價錢亦相對比較高，每款甜品都是賣 45 澳門幣。 Baptiste Brichon 係老闆嘅姓名。老闆係法國人，不過望落有D似意大利人。 雖然老闆望落比較Cool，其實都好 nice 嘅。 因為12月最大嘅節日係聖誕節關係，所以推出咗一系列同聖誕節有關嘅法式甜品。 先上全家幅，不過當日無買到聖誕樹。後尾先知原來要買一整套先至會包埋聖誕樹。 唉，有些失落。 首先介紹可愛甜品之一嘅雪人。Snowman 係由海綿蛋糕、日本富士蘋果果肉、白桃果凍、茉莉花茶慕絲、玉米片和薄脆餅乾整成。最好味係條頸巾，有種棉花糖嘅口感，不過其實應該係日本富士蘋果果肉。可愛程度只係僅僅比鹿低DD（可能輸係個鼻唔夠大 XD同埋又係得個頭）。 其次，亦都係可愛甜品之二嘅聖誕老人。Santa Claus 嘅組成部分有紅絨毛海綿蛋糕、 紅莓果醬、脆米片和黑朱古力忌廉。 第三款要介紹嘅係鹿。Deer 係由朱古力曲奇海綿蛋糕、軟心朱古力再加薄片朱古力薄荷慕絲所整成。薄荷味十分濃郁。鹿嘅紅鼻子係馬卡龍黎嘅，可愛程度只僅次於企鵝（因為又畀甜品大廚斬首）。 第四款係人人都想收到嘅禮物。少爺係個孝順仔，所以讓咗爸爸同媽媽試。Gift 裹面有柚子千層班㦸蛋糕、牛奶朱古力脆脆同埋伯爵紅茶慕絲。媽媽試完後讚不絕口，爸爸則一副無咩特別嘅樣子。 第五款係一款頗為特別嘅甜品。將聖誕老人斬首已經夠晒慘慘豬，仲要賣埋頸以下嘅身軀。 這款名為倒轉聖誕老人 Santa Claus Up Side Down 係用車厘子果肉海綿蛋糕、車厘子果凍、再加上香草煉奶慕絲和朱古力曲奇。係一個咁開心嘅聖誕節，居然要食聖誕老人落肚。 腳同皮帶都係由朱古力所組成。可愛程度我簡直係無言，相反，恐佈程度真係好高。 好！來到最後壓軸登場嘅呢款甜品係少爺心目中，無論賣相同味道都係遠遠超過 45 蚊嘅價值。假如你身上只有 45 蚊，又唔知買邊款甜品先至好，咁少爺一定推薦你買呢款甜品。包你賺超過45蚊。佢就係六款甜品之中最可愛，亦都係味道最無得彈嘅企鵝。 Penguin 係由黑朱古力海綿蛋糕、白朱古力慕絲及牛奶朱古力奶油夾心所組成。因為少爺係朱味力控，所以偏心就必然的。真係想食多次（可能係唯一一款甜品無畀廚師斬首XD）。 因為依家已經過了聖誕節，所以聖誕系列法式甜品可能已經無再出，不過不妨碰下運氣。就算買唔到聖誕甜品，都可以見一見呢位靚仔嘅法國廚師啦！ 甜品材料資料來源： Baptiste Brichon Pâtisserie Facebook 專頁 坐標：22.199267, 113.540903 地點：Baptiste Brichon Pâtisserie 地址：澳門連勝街4號益利大廈地下B座 巴士路線：M201 白鴿巢前地﹣8A，18，18A，19，26 M124 白鴿巢總站﹣17 營業時間：12 p.m.至 8 p.m. 圖片來源：Google Map 延伸閱讀： 既騎呢，又創新的一口「鹹蛋麥芽餅」 口痕痕想食特式小食？試試美丹印尼小食店啦！ 食黎食去都係豬扒包同葡撻，不如試間新野﹣﹣青洲灶記咖啡

米芝蓮主廚獻藝　法式美饌限時品嚐

飲食天地
LifeMag Editor ・2015-04-16

蒸柑橘茸龍利魚卷 法國龍蝦配紅莓甜酸蘿蔔 烤鴿子胸鵝肝椰菜卷 大餅芝士泡配榛子油及法式苦生菜沙律 派意舫Privé 士多啤梨批 「米芝蓮」星級法國主廚Jean-Yves Guého即場獻藝 澳門十六浦索菲特酒店於2015年4月15至19日舉辦「米芝蓮星級客席大廚週」，邀請了「米芝蓮」星級法國主廚Jean-Yves Guého在派意舫法式餐廳烹調特色創意美饌，首次在澳門大獻廚藝。 法籍「米芝蓮」星級主廚Jean-Yves Guého屆時會將創新的意念注入傳統烹調，把豐富味蕾的精緻美饌帶到派意舫法式餐廳的所有客人面前，感受餐廳獨一私密的餐飲體驗，同時品嚐「米芝蓮」星級大師的精嶄廚藝。當中特別值得推介的創意佳餚包括水煮手釣黑鱸魚及松露片、乳鴿胸沾羅曼諾夫醬、冷凍蜘蛛蟹配西班牙舌型椒意大利飯、後半隻龍蝦伴黃酒淹鮮羊肚蕈菌或炒青蘆筍、烤蛋小乾酪蛋糕配法國魚子醬等。 由2015年4月15至19日連續5天，客人可於派意舫品嚐至少五道式的精選晚餐菜單，並搭配餐廳精心挑選的葡萄美酒。詳情請瀏覽澳門十六浦索菲特酒店官方網或Facebook專頁。晚餐現正接受預訂，座位供應有限，預訂從速。