搜尋

搜尋結果

2018年9月新遊戲
手機‧電玩
肥羊的頹廢生活・2018-08-30

暑假又過左啦，但係好遊戲係唔會完嘅。九月有十九隻新遊戲推出，究竟有九月係你銀包出血定係又可以儲下錢等十月嘅新遊戲呢? 依家就由我推薦幾隻重點遊戲，睇下你嘅選擇會唔會同我一樣。 NBA Live/2K19 身為運動類遊戲嘅FANS，NBA系列嘅遊戲應該係你每年必入嘅遊戲。係近依幾年可能係無對手嘅關係，2K系列好似有D停滯不前，除左係畫面靚左之外，遊戲本身已經無咩進步，防守依舊都係離你兩步都係防守成功，小打大好多時都變成人類BLOCK SHORT精華合集，加上2K18果個極其白痴嘅MY GM故事，所以我對今集嘅2K都有少少保留。 NBA Live就年年都係雷聲大雨點小，都係Trailer一出，誰與爭鋒，但係玩落又係點呢?相信有玩嘅都心知肚明，動作/人物比例等等…… Shadow of the Tomb Raider 如果你係鐘意動作類遊戲，Tomb Raider你一定會鐘意玩，今集已經係故事嘅第三集，今集繼續都係探索遺跡一路尋找殺父仇人。而今集主要嘅場景都係以水中洞窟為主，但以我多年嘅打機經驗，水中操作都係遊戲嘅死穴黎，唔知今集你會唔會又要買多一個手制呢? Super Seducer 2 如果你唔鐘意運動類遊戲又唔鐘動作類遊戲，咁不如試下真人模擬遊戲。Super Seducer 2係一款真人戀愛遊戲，如果你對悶左日式戀愛遊戲，咁不如試下美式嘅戀愛遊戲。到底你係一個八面玲瓏嘅超級花花公子，定係情場新手會死係紅裙之下，一切都睇你嘅表現呢。 FIFA 19 最後一隻會推荐嘅遊戲就係FIFA 19，依隻其實唔洗講咁多，會買嘅人就會買，唔買嘅人都係唔會買。但好似我咁對足球係有愛嘅，其實都係會買。我覺得FIFA 同2K都係有同一個問題，就係因為無對手，所以真係無咩進步。每一集嘅感覺都係畫面靚左，名單更新左，但係感覺都係咁上下。而且今集仲要加左個食雞mode落去……… Marvel's Spider-Man 如果你鐘意超級英雄遊戲，咁你應該唔會放過你最好嘅鄰居Spider-Man。今集應該係第一隻做開放世界嘅超級英雄遊戲，但係開放式世界都會有一個好大嘅問題，會唔會為左一個細嘅支線任務要你飛十萬九千哩呢?而且係Trailer睇黎，蜘蛛感應係其中一個重點玩法，但係好多遊戲嘅重點都唔係重點黎，會唔會變左一個食之無味 棄之可惜嘅玩法呢?

點心大變身！澳門大倉酒店中餐廳Cute爆夏日新菜式
專題報導
Cheers!・2018-07-16

大倉酒店的點心一向走精緻路線，蝦餃、燒賣等一盎兩件亦零舍有睇頭。正值炎夏，行政總廚錢錦華特別選用當造而清爽的食材，炮製了一系列創新又開胃的點心，不但顏值令人驚喜，味道更令人回味！ 眾多道菜式中，頭號代表作必定是「金縷玉衣燕窩餃」和「櫻花水晶球」。錢師傅將泰國燕窩釀入蝦餃中，蝦餃彈牙、燕窩清爽，口感豐富；加上可食用的金萡粉飾，貴氣十足！後者則特別搜羅日本的櫻花，醃製後製成啫喱，入口酸甜清新，並帶來視覺、味覺的雙重享受！ 金縷玉衣燕窩餃　$58 櫻花水晶球　$38 必食的還有「雲南白肉紅蜇頭」，搶眼的擺盤秒殺不少記憶體，師傅更特別炮製了兩款醬汁，味道更具層次。而「田園白菜餃」的外皮晶瑩剔透，可見師傅功架十足，而且賣相勁萌，賞心悅目。 雲南白肉紅蜇頭　$88 田園白菜餃 $45 滋味南瓜包 $40 黑松露蟹肉燒茄子 $78 行政總廚錢錦華的出品精緻又好味。 大倉酒店中餐廳地點：澳門大倉酒店28樓時間：上午11時至下午2時半網址：《點我》

澳門文華東方酒店 喜迎雞年賀新歲
澳城餐飲
LifeMag Editor・2017-01-19

為迎接丁酉雞年，澳門文華東方酒店呈獻多款賀歲盛饌及水療推廣，透過一系列節慶活動與賓客同度難忘新春假期。 澳門文華東方酒店皇牌食府御苑餐廳的一流廚藝團隊，於 2017 年 1 月 21 日 2 月 12 日期間，分別推出寓意吉祥的賀年點心午餐、中式節慶套餐 (兩位澳門幣 988 元)、八道菜式晚餐 (兩位澳門幣1,988 元) 以及新春團圓菜譜 (八位澳門幣 8,888 元)，讓賓客與家人邊品嚐料豐味美的佳餚，邊享受佳節相聚時刻。此外，大堂酒廊亦於 2017 年 1 月 28 日 2 月 5 日期間，推出三道菜色節日套餐 (每位澳門幣 188 元)，另有「文華東方風撈起魚生」升級以供選擇。 新春午茶 時尚瑰麗的御苑酒廊於新春期間如常推出「夢幻午茶之約」和創意雞尾酒，讓賓客以湖畔美景作伴，與三五知己共享節日午後時光－價格為兩位澳門幣 498元，另有香檳搭配以供選擇。與此同時，大堂酒廊亦推出新春特式下午茶，另備有頂級咖啡、茗茶、各式飲料及東西風味小食等，實為賓客佳節購物後相敘閒聊的好去處－價格為兩位澳門幣 398 元，另有尊尚升級以供選擇。 賀年禮品籃及傳統食品 為向親友表謝意，包羅萬有的賀年禮品籃絕對是送禮的不二之選。文華東方餅店一如既往推出兩款選料講究、包裝優雅的精緻禮品籃，匯聚多款名釀美饌，價格分別為澳門幣 3,588 元及澳門幣 4,588 元；禮品籃更提供訂製禮品籃服務，賓客可自選福氣盛禮，盛放好意頭。 傳統福氣外帶食品是最愜意的禮遇：特別推薦文華東方風生水起魚生、文華東方富貴雞以及鴻運當頭乳豬，矜貴材料共冶一爐，搭配寓意喜慶的紅色禮盒，讓節慶的祝福升級且更具意義－每客菜色價格由澳門幣 988 元起。而文華東方金箔紅棗年糕、金柱鮑魚臘味蘿蔔糕及鮑魚臘味芋頭糕亦載譽歸來；每件匠心獨運的年糕均為限量手製，配以典雅不凡的瑰麗包裝，寓意步步高陞，福星高照－每件價格由澳門幣 258 元起。 水療禮遇 澳門文華東方酒店水療中心獻上兩款精美養生水療禮品籃，其中集合文華東方五行按摩潤膚油，讓賓客平衡身心、亮麗迎新春－價格分別為澳門幣 2，388 元及澳門幣 3，288 元。除此之外，賓客凡於 2017 年 1 月 28 日 2 月 28 日預訂 2 小時文華東方皇牌水療護理體驗，即可獲贈 20 分鐘腳部足部穴位反射療法一次；預訂1 小時 30 分鐘 Utopia 皇牌面部護理療程，則可獲贈 20 分鐘頭部按摩護理一次。 新春酒店活動 為雞年帶來好彩頭，酒店特於 2017 年 1 月 28 日 (正月初一) 上午 11 時正安排盛大的舞龍醒獅表演，與賓客於一片鞭炮與歡樂聲中共慶新歲。而 1 月 28 日至 30 日 (正月初一至初三) 期間，寓意招財進寶的財神將親臨酒店向賓客大派新年利是，祝願各位萬事如意，雞年行大運。 以上價格除禮籃及外帶小食外，皆需另收加壹服務費。大堂酒廊餐飲消費則需另收加壹服務費及零伍政府旅遊稅。查詢或預訂，請致電御苑餐廳 +853 8805 8918、御苑酒廊 +853 8805 8928、大堂酒廊 +853 8805 8938、文華東方餅店 +853 8805 8948 或水療中心 +853 8805 8588。

超吸睛！Facebook live呃like必試動感小新點心！
旅遊情報
Cheers!・2016-10-31

相信不少朋友同小編一樣，成日去香港食買玩，至新至潮嘢就一定唔可以錯過！今次介紹呢間點心店，近排就推出左好多款蠟筆小新點心，等大家可以同小新、佢嘅家人同朋友，一齊開心下食番餐！ 抵死點心推介 點心店呢個朱古力流沙包夠晒好玩，可以等大家同小新body全接觸！一督佢就有啡色嘅…朱古力流出。原來係用瑞士原粒朱古力，加上烘焙過嘅咸蛋黃製成嘅！ 除此之外，仲有鼻涕玩！豬鼻一督即流出秘製咸蛋黃、好立克粉及澳洲鮮牛油製成嘅餡料，原來「鼻涕」都可以咁好味！ 不理不理左衛門奶黃流沙包 HK$49@2個 (圖片來源：互聯網) 唔想玩流沙包咁「重口味」，就可以試下點呃like值高嘅蝦餃海鮮腸粉同三兄弟鮮蝦餃。蝦餃海鮮腸粉造型可愛，有如小新賴牀，用料也十分認真，用了越南原隻大蝦、帶子及蟹柳！ 蒙蒙豬蝦餃海鮮腸粉 HK$49 (圖片來源：互聯網) 三兄弟鮮蝦餃 HK$49（3隻） (圖片來源：互聯網) 飯後也不妨叫個甜品，慢慢歎番下！西瓜造型，食落有感情！ 真真假假西瓜糕HK$35@3件 (圖片來源：互聯網) 小新經常被媽媽打屁股，今次你都可以好似美冴咁，打下小新個pat！奶凍用咗日本3.6牛乳、淡奶油同魚膠片製成，屁股奶凍震震下，拍片分享至吸睛！ 震震屁股奶凍 HK$39 (圖片來源：互聯網) 想將咁可愛嘅點心即時share畀朋友，就要識得選擇啱自己嘅數據計劃嘞！ 成日港澳兩邊走嘅朋友，可選用月費 $198/3GB 嘅CTM「中‧港澳連城」三地數據共用計劃，於港澳超過 16,000 個 Wi-Fi 熱點無限上網。 而只係間中去香港嘅朋友，就可以去到香港先申請單次嘅 CTM 「數據漫遊護照（1日）」，宜家每日只需 $48 就可以在香港盡情上網，只需於當地每日撥打 #130# 申請，咁就可以全日無限於香港任用跨域數據。 醒目嘅讀者一定知點揀啦！ 点心代表 中環德己立街 1 號世紀廣場地庫 電話：(852) 2807 1682 尖沙咀彌敦道100號The ONE 3樓L308 電話：(852) 2885 1345 營業時間：11:00-23:00 (星期一至日) Facebook：www.facebook.com/DIMSUMICON

KIKA日本手工雪糕
澳城餐飲
旅途上的仨倆事 // 東尼 & 蛀牙妹・2016-07-03

聽聞有間由日本抹茶之鄉－靜岡縣遠渡而來既雪糕店新開業，仲話係低糖低脂添～就襯機會黎試一試佢！ 抹茶有3隻濃度，我就揀左單球「最濃」，蛀牙妹就要左雙球烘烤茶&菠蘿，一共買左3隻味道。 原來做緊Promo，買夠$35送一支甜筒.. 我地冇留意買左先知，搞到兩個人揸三份雪糕，諗到都亂吧XD 不過正因為咁比我無意中驗證左，一般溶左既雪糕都會整到隻手痴立立，而佢隻濃抹茶雪糕係冇痴立感的，糖度的確幾低喎！甚至味道都係帶有抹茶既澀添，鍾意濃郁抹茶味既朋友絕對要食！ 烘焙茶（下）算係近年茶味產品既後起之秀，呢度既烘焙茶雪糕味道出色，茶香保留完好，感覺似食左啖凍既茶葉入口～ 菠蘿(上)味係帶果肉既，而有趣的是果肉係微咸的！即係好似食西瓜加鹽戈種.. 比起另外兩隻出色既味道，好易就比下去了。但蛀牙妹話都OK～哈哈 店內仲有多種口味手工雪糕，試味時有試到黑芝麻都十分不錯！細緻嫩滑～ 下次想試櫻花味:D 總體評價係絕對值得一試！尤其係茶味控，可以黎個最濃抹茶+烘焙茶～！嘻 店鋪資料：KIKA gelato 地址：大堂巷 盧家大屋上小小 (其實直頭係檸檬車露旁邊鋪位XD) --------------------------------------------------------------- 更多資訊請睇FACEBOOK專頁： https://www.facebook.com/Tripswhatifeel/

【澳門美食】澳門麗思卡爾頓酒店麗軒 — 賞心悅目 午市菜單
生活在我城
Lifemagfoodie・2024-01-31

位於澳門麗思卡爾頓酒店51樓嘅麗軒，係榮獲米芝蓮一星嘅粵菜餐廳，味道絕對有水準，邊食嘢仲可以欣賞美景。中午更會有不時更換嘅限定午市套餐，非常豐富。今次小編就試咗「賞心悅目」午市菜單，點心非常精緻，而且採用頂級食材，鮮味十足！同家人朋友聚會都非常合適。 餐前小食 口感似春卷，非常脆口開胃。 鮮蝦黃耳豆苗褔袋 黑松露野菌水晶粿 紅伶海皇酥 食用次序由淡味到濃味嘅點心開始，首先食咗中間嘅「鮮蝦黃耳豆苗褔袋」，外型色彩鮮艷吸睛，蝦入口啖啖肉，仲有豆苗伴隨，增添層次。「黑松露野菌水晶粿」嘅黑松露香氣濃郁，將野菌提味！最後係「紅伶海皇酥」好似手袋嘅外型真係非常可愛，酥皮香脆肉香。 海竹頭青橄欖燉雪雁 湯非常鮮味滋補，飲完成個人都暖哂！ 彩胡椒宫爆虎蝦球 虎蝦球係麗軒嘅名菜之一，蝦嘅口感非常彈牙，鮮嫩多汁，配搭咸香嘅醬汁，味道一絕！ 黑毛牛仔肉濃湯浸時蔬 濃湯浸時蔬非常入味，而且黑毛牛仔肉，非常香口，令蔬菜味道昇華！ 頭抽走地鷄絲炒蛋面 炒蛋面條條分明，有少少脆口，配搭鷄絲口感十足。 15 年陳皮蓮子紅豆沙 鍾意食紅豆沙嘅朋友一定要留肚食呢個甜品，紅豆沙濃郁綿密，陳皮令紅豆沙嘅香氣提升，而擺得愈耐嘅陳皮愈矝貴，據說可以提升免疫力，多食有益！ 麗軒美點雙輝 到最後仲有美點，個套餐真係好豐富，必試兔仔果凍同埋外形好似扭結糖嘅美點，味道驚喜！ 午市菜單詳情 澳門麗思卡爾頓酒店麗軒 地址：澳門麗思卡爾頓酒店51樓 電話：8886 6868 價錢：每位 $638* Home Media 嘅【Sports 體育頻道】已經新增咗賽事直播，為您鎖定一系列精彩國際賽事，包括 巴西足球甲級聯賽、德國足協杯、國家籃球聯賽 等，依家仲係免費收睇！Home Media 另外更有多款娛樂任您揀，只需一個賬號，全家都可享精彩娛樂 下載 Home Media App：https://s.ctm.net/qc012

自助餐現點現做！ Urban Kitchen 名廚都匯新姿態登場
澳門最齊全自助餐攻略
Cheers!・2020-07-08

環境：★★★★★ 食物種類：★★★★☆ 服務：★★★★★ 口味：★★★★★ 「Urban Kitchen 名廚都匯」最近全新改革，服務和食物質素都以前所未有的方式登場。打破以往的自助餐形式，在不同的食物區點菜後，再由專人為你送上。 另外，為確保食材更新鮮，多種招牌菜式更加是「現點現做」，像是必食的鮑魚泡飯、片皮鴨、黑松露卡邦尼意大利麵和日式大蝦天婦羅等等，都是由大廚即場炮製！另外，基於衛生考量，現在餐廳所有食品都會以獨立的容器分開裝好，客人只需和各個食物區的 ambassador 點菜，就會有專人把食物送到餐桌上，簡直是皇帝級的享受，現在就讓小編帶大家去看看吧！ 刺身及壽司區：海洋大西洋红鯛魚、日本油甘魚、甜蝦、鯖魚 熟食區有焗葡式焗魚、葡式鴨飯、葡式白酒炒蜆、四川麻婆豆腐等，都是餐廳很受歡迎的菜式。 入座後，會有專人按照人頭先送上凍海鮮拼盤：愛爾蘭生蠔、法國芬迪加生蠔、波士頓龍蝦、紐西蘭青口、亞拉斯加蟹腳等。 去自助餐除了吃海鮮刺身，這裹還有很多隱藏美食，價值不輸海鮮刺身，回本必食！以下為大家一一介紹，保證驚喜！ 回本必食Top 3 1.36 個月的西班牙黑豬肉 名廚都匯的火腿其實非常高質，是來自西班牙只有 36 個月大的黑毛豬，火腿的肉質肥瘦剛好，口感完全不會乾硬，吃幾片就值回票價！這個餐前小食區還有鵝肝慕絲和三文魚醬，小編亦非常推薦，開胃又好下酒！ 2. 現叫現炸的日式天婦羅 這道菜乍看之下可能沒什麼特別，但是因為是現叫現炸的，非常新鮮香脆，令小編也忍不住多吃了幾次。 3. 佛跳牆 大家都知道佛跳牆用料豐富，採用珍貴材料熬制而成，而 Urban Kitchen 的佛跳牆還是每日數量限定的，每日只有頭50名訂位的客人才有，非常特別！所以大家訂座時記得問一問～ 不可錯過的特色菜 1. 黑松露卡邦尼意大利麵 大家可能覺得在自助餐吃澱粉會非常飽肚不划算，但這道意大利麵用料豐富，黑松露和白汁的味道非常濃郁，大廚同樣是即場烹調，保證熱辣辣上枱！ 2. 新加坡喇沙 這個新加坡喇沙在湯底上絕不馬虎，熬製多時的湯頭濃厚入味，如果不想吃太飽的話，點菜時可以跟大廚要求少麵，喜歡東南亞風味的朋友必試！ 3. 海南雞飯 這個是正宗的馬六甲海南雞飯，做成球狀的黃油飯，配搭鮮嫩多汁的雞肉，大滿足。 4.紅酒煮牛面頰 這道菜非常驚喜，牛面頰入口即化，肉質細嫩，小編私心推介！ 甜品區絕對令甜品控瘋狂，集齊來自各地的特色甜點，有沖繩黑糖蛋糕、草莓蛋糕、閃電泡芙、柚子梳芙厘、焦糖布丁等等。每道甜品都非常精緻，柚子梳芙厘更是每晚8時新鮮出爐，非常有水準！ 時尚閃電泡芙（分別有香草、黑巧克力和紅莓口味） 即日起至 7月17 日，澳門居民或持有藍卡人士可享有七五折優惠，加 $70 還可以無限暢飲紅、白餐酒和特調夏日雞尾酒！想預訂就要趁早啦～ 特調夏日雞尾酒包括：仲夏日之夢、椰林飄香（必試！）、旭日初升、幽幽藍海 **可能會有變動 Urban Kitchen 名廚都匯 地址：澳門 JW 萬豪酒店 1樓 電話：+853 8886 6228 晚市自助餐供應時段：18:00 - 21:30 費用：平日晚市每位 $ 528，周五至日每位 $ 598（另加 10% 服務費） 網址：https://www.galaxymacau.com/zh-hant/dining/restaurants/urban-kitchen/ 更多自助餐攻略：澳門最全自助餐攻略，必食人氣推薦！

【澳門任食放題】$200有找！勁抵任食，台式一人火鍋--帥鍋
生活在我城
Lifemagfoodie・2020-04-09

在澳門，一般火鍋放題都在200mop以上，200mop以下的放題真的是少之又少，更不要說是加上服務費之後了。位於黑沙環的帥鍋真的是平價火鍋中的戰鬥機，他家基本是做晚市和夜宵，營業時間也是從下午五點開始到次日凌晨三點。期間可以任食2小時，2小時的用餐時間其實是足夠的。他家基本都卡位，卡位寬敞舒適，雖然他家裝修環境普普，但是給人愜意的感覺，可以舒暢的吃一頓火鍋，並且一人一鍋的設置非常衛生哦！ 一上來當然是先選鍋底了，一人一鍋，八款鍋底任君選擇，基本上算是選擇很多了，辣的不辣都有，番茄鍋、菌湯鍋、牛奶鍋，真的是一次滿足你多個要求呢。但是中間不能換鍋哦，換鍋另外加收30mop。 畢竟是平價類火鍋放題，所以海鮮的選擇相對較少。但是對我來說都已經夠了，有海蝦、白貝、脆肉鯇三種可選，算是有魚有蝦有貝殼了。另外可以加點三文魚刺身喝日本廣島生蠔，只是要額外付錢。 美國牛4種、西班牙豬2種、還有紐西蘭頂級小羊羔肉。我們全部試了一遍，肉都是切成薄薄的，打邊爐就是應該用薄薄的肉，這樣蘸醬菜入味。所有肉類都很新鮮，分量基本是每份薄薄的4大片。正常人食量的話一人能吃6盒上下。 素食和蔬菜是以自助的形式開放，每人發一個盤子，拿著盤子自己去開放式冰櫃裝素食、蔬菜、丸子。選擇也都可以說是應有盡有了，而且吃多少拿多少，也不浪費，冰櫃也有一些生鮮的雞肉和牛肉可選，總之非常豐富。 飲料的部分是一個開放式冰櫃，自主拿取，種類也是豐富到不行，紅茶、汽水、礦泉水，按個人喜好選擇，不限量。最後一人有一個哈根達斯冰淇淋可以選，都算是誠意滿滿的甜點了。 總的來說他家的食物新鮮又豐富，服務也很及時，餐位寬敞舒適。以200mop有找的請況來說，真的是超級抵食啦。 餐廳名稱：帥鍋·台式一人鮮湯火鍋 餐廳地點：澳門黑沙環永寧廣場219-225號寶輝海景花園（寶利閣）地下D/E鋪 營業時間：星期一至日05:00pm-次日03:00am 電話：2842 1987、6655 8506 作者：一葦 更多文章最介： 【澳門閨蜜下午茶】充滿情調，南灣湖邊的小資下午茶！ 【澳門閨蜜下午茶】CP值超高！正宗法式滋味Passion，享受甜蜜下午茶！

必食：鮑魚泡飯、片皮鴨！ 澳門 JW 萬豪酒店 Urban Kitchen 名廚都匯自助餐
澳門最齊全自助餐攻略
Cheers!・2018-03-19

環境：★★★★★ 食物種類：★★★★☆ 服務：★★★★★ 口味：★★★★★ 位於澳門 JW 萬豪酒店的「Urban Kitchen 名廚都匯」向來口碑不斷，拍攝當日，我等攝製團隊在晚市開始前半小時完成拍攝，餐廳門口經已出現等待入場的人龍（約 15 人），難怪最誇張時期訂位要等足 2 個月！ Urban Kitchen 主打高質食材，而在眾多食物中，小編最推薦「鮑魚泡飯」及「即烤片皮鴨」，前者將飯粒浸泡在以老雞、豬骨、瘦肉等材料熬煮 5 小時的湯底中，除了鮑魚粒之外，還有蝦米、菜絲、冬菇絲等配料，味道鮮甜濃郁！後者的片皮鴨烤得皮脆肉香，啖啖肉汁豐富，餅皮亦夠薄身，必食！ 片皮鴨即切即上檯，保證熱辣辣。 泡飯以大連鮑魚入饌，加上味道鮮甜的湯底，色香味俱全！ 至於 Buffet 精最關心的刺身區，就有三文魚、吞拿魚、希鯪魚、八爪魚等，還有法國生蠔、龍蝦、蟹腳、青口等，回本位勁多！不得不提，熟食區亦特別分有澳葡、意大利、京川粵菜和日韓美食區，囊括多道特色料理，可惜小編胃納不足，只試了超巨型的燒海鱸魚和肉質鮮嫩的烤羊架，便捧腹而回了。 即開的法國生蠔鮮甜中帶礦物味。 海鮮陣容鼎盛，食多兩 Round 龍蝦、生蠔，回本話咁易！ 奶茶即叫即沖，主打港式風味，深受港人熱捧！ 甜品選擇豐富，更有坊間罕見的紅絲絨蛋糕，驚喜！ Urban Kitchen名廚都匯 地址：澳門JW萬豪酒店 1樓 電話：+853 8886 6228 晚市自助餐供應時段：1800 - 2230 費用：平日晚市每位 $ 498，周五至日每位 $ 578（另加 10% 服務費） 網址：https://www.galaxymacau.com/zh-hant/macau-restaurant/restaurant-directory/international/urban-kitchen 更多自助餐攻略：澳門最全自助餐攻略，必食人氣推薦！ 更多：啖啖肉！Urban Kitchen名廚都匯自助餐加碼正宗德州烤肉

即叫即煮自助餐！與廚共饗在mezza9 Macau
澳城餐飲
Ping・2016-06-24

自助餐都可以你想點煮就點煮！澳門君悅酒店推出「與廚共饗在mezza9 Macau」自助晚餐新體驗。讓星級大廚話你知，美妙用餐不僅可以坐著，還可走進廚房互動探奇；自助晚餐品種繁多，即點即煮還不夠，烹飪方法更是由您隨心而定。 豐富多樣的美食是開放式廚房昇華的焦點及舞臺，泰國菜、中國菜、西餐、日本菜、甜品、海鮮一應俱全，除了有用心烹調的美食，大家更可與各位大廚一同互動及撰研食材選擇，自行決定口味偏好、烹飪方式，所以道道美味都是自己的出色呈獻。 中菜部分有麵食、燒味、時令蔬菜、中式湯餚 沙律及海鮮冷盤 飲品吧有提供鮮榨橙汁、能量水提供，亦可加錢選購原個椰青、西瓜、酒精飲品 西方菜式亦不遑多讓，有羊架、羊扒、牛肉等 各式日本料理、刺身、壽司 各式蛋糕甜品 度身定製的五感享受是這次餐廳升級的重要元素，所謂五感，就是讓食客除了感受到味覺外，在視覺、聽覺、觸覺、嗅覺都可以有不同感受。親身走進開放式廚房，每種讓人驚歎的味道變得不再神秘，蒸的溫度、炒的火候、煮的時間，每處細節就是美味亮相的最佳表演，您可向大廚們討教獨家秘方，心領神會每道菜的精髓，讓滋味綻放在您的舌尖上。 琉璃般鮮艷的鮮榨果汁，來自海洋的新鮮色彩，繽紛有趣的甜品及雪糕，滿眼盡是琳琅；伴隨來自煎炒、蒸氣、鍋具碰撞那此起彼落的誘人聲響，大廚和賓客熱鬧的對話，仿如置身一場動感的音樂會，滋味盛宴即將揭開帷幕。來自不同國家的大廚們正在施展渾身解數，時而蒜蓉炒蟹的拋鍋火聲，時而西冷牛扒的滋滋油聲，時而手工麵食的彈力聲響，時而鮮榨果汁的脆耳攪拌聲……；時令水果和新鮮蔬菜，一陣陣天然的清新味道撲面而來，旨意帶動您最原始的質樸嗅覺，各種香料如辣椒、咖喱、香草等的刺激氣味更能誘發您的口味想像；觸摸龍蝦的活躍、感受鮮魚的生猛，都由您親自把關，摸到的是食材的新鮮，是好奇的興奮，是期待的想像，或是隨心寫意，盡可能的選擇只為您靠近內心最嚮往的味道；放縱自己的味覺神經，從五味雜陳，到無辣不歡，再到酸甜盡意，一切能實現的味道從這裡開始，不需掂量味道的輕重，只需滿足前所未有的舌尖上享受。 只要揀選了一些的食材，告知大廚想要的烹調方法、口味，就會品嚐到即叫即煮的心水出品。 看看小編點選的心水出品，首先是蔬菜吧的紅莧菜： 海產類食品豐富，有鮑魚、帶子、基圍蝦、花蝦等，最重要的是：任食！！ 小編選擇了以豉椒炒鮑魚，鮑魚爽口彈牙，煮法夠惹味！ 帶子選擇了用蒜蓉蒸，夠晒香！ 游水海鮮有生猛龍蝦 大廚即場捉龍蝦來烹調，即叫即煮，超級新鮮！ 煮法亦有多種選擇，而小編揀選了以上湯來煮，正！ 還有每日靚湯，次次不同，小編到訪之日是蟲草花瑤柱響螺湯。 最後當然有女士至愛的甜品 紅莓和雲呢嗱泡芙 自家製鮮果雪條 自家製軟雪糕和雪芭 基於將烹飪作為藝術形式呈現的理念，mezza9 Macau一支來自世界各地的強大廚師陣容旨意打造多元化的味道選擇，他們細心傾聽，將無窮的滋味想法帶給每一位饗客。從前，或許您會嚮往自助餐琳琅滿目的選擇，如今，您將在mezza9 Macau邂逅大不一樣的體驗。 mezza9 Macau於2016年6月15日開始推出「與廚共饗」自選，自助式晚餐。 星期一至星期四 澳門幣499*元 星期五至星期日 澳門幣599*元 營業時間: 下午6:00至晚上11:00 位置: 澳門君悅酒店三樓 *價格均以澳門幣計算及另收10%服務費。6-12歲小童可享半價優惠。 如需預訂及查詢，請致電＋853 8868 1920或電郵至 macgh-mezza9@hyatt.com.

【食早餐神器】MPay 比錢買早餐　滿 28 蚊立減 8 蚊
生活在我城
澳門優惠・2019-04-14

每日請你食晚餐嘅人，可以有好多，但請你食早餐嘅，大概只得MPay一個！其他推介：近期 MPay 優惠惠 優惠日期： 2019 年 4 月 12 日至 2019 年 5 月 11 日 優惠內容： 每逢星期一至星期五朝早 7 點至 10 點， 於指定麵包鋪用 MPay 澳門錢包消費滿 $28 立減 $8。 每日朝早7點至10點， 於指定麵包鋪用 MPay 澳門錢包消費滿 $18 即享隨機立減最高 $18。 指定麵包鋪： 自由烘焙及咖啡店 東望洋餅店 香榭里烘焙有限公司 宮崎麵包西餅店 馬里奧餅店 聖安娜餅屋（澳門）有限公司 詳情： https://mp.weixin.qq.com/s/J8_UJinGaYey_GjxjtqRgQ * 所有優惠及條款以官方網站為公布為準。 * 更多澳門優惠情報、有獎活動及有獎遊戲，可瀏覽 https://lifemag.cyberctm.com/zh_TW/blogger/MacauJetso。

【非常大學生｜EP11】檸檬辛酸史
非常大學生
非常大學生・2018-06-15

你有無食過'檸檬'呀？究竟請人地食檸檬酸啲定喺人地請自己食檸檬酸啲呢我地大家一齊討論下係愛情路上經歷咗啲咩辛"酸事#酸到上心頭的一件事

【非常大學生｜EP11】檸檬辛酸史
非常大學生
非常大學生・2018-05-21

聽聞520表白節💕你今日有無食到'檸檬'呀？究竟請人地食檸檬酸啲🍋定喺人地請自己食檸檬酸啲呢我地大家一齊討論下係愛情路上經歷咗啲咩辛"酸事#酸到上心頭的一件事#520表白節 💏

第十七屆澳門美食節
專題報導
LifeMag Editor2・2017-11-03

<<第十七屆澳門美食節>> 天氣凍凍地，最啱食兩味!^^ 2017年11月10日至26日一連十七天假西灣湖廣場即將開鑼。2017年又差唔多到尾聲，做左成年野，梗係要食返餐好嘅放鬆一吓啦！今屆美食節以「發現美食新煮意」為主題，糅合「美食航海」的元素，今年西灣湖下層打造成別具特色的「日本村」，仲有精彩表演同有獎遊戲。 仲等？快D拎起你部電話，約人一齊去Chill 一 Chill啦! 時 間：星期一至星期四 每天下午5時至晚上11時 星期五、六、日 每天下午3時至凌晨12時 >>>>>唔好走住，見到 CyberCTM 梗係有著數比大家<<<<< 我地將會係CyberCTM Facebook專頁進行一連串抽奬活動，只要您話我知最想約邊個朋友仔一齊去同指定要求，就有機會贏取「＄100美食代金券」以及「＄500美食代金券」，等您同班朋友仔𡁻一𡁻，一齊刷餐飽！ 第一階段活動：【CyberCTM X 第十七屆澳門美食節 – CyberCTM請您食好嘢！】2017年11月6日 08:00 － 11月10日 17：00 第二階段活動：【CyberCTM X 第十七屆澳門美食節 – 機會又嚟喇，又開餐喇喂!!! 第二擊】2017年11月13日 08:00 － 11月16日 17：00 第三階段活動：【CyberCTM X 第十七屆澳門美食節 – 最後機會喇!!!《最終回》】2017年11月18日 08:00 － 11月21日 17：00 記得LIKE 返CyberCTM Facebook專頁 www.facebook.com/Cyberctm.Macau/ 密切留意最新活動資訊

JW萬豪酒店「萬豪中菜廳」巧手炮製大閘蟹
澳城餐飲
LifeMag Editor・2015-10-23

蟹粉小籠包 清蒸大閘蟹 中國第三大淡水湖太湖，在深秋時節不僅景色醉人，更盛產滋味大閘蟹。座落於澳門JW萬豪酒店一樓的「萬豪中菜廳」乘勢推出12款季節限定的大閘蟹佳餚美饌，供應期為10月16日至11月30日，定能令食客大飽口福。 太湖大閘蟹為蟹中極品，以蟹膏綿密及蟹肉鮮甜馳名。「萬豪中菜廳」中菜總廚吳志佳師傅說道：「大閘蟹的蟹膏香濃美味，原隻單吃已叫人食指大動。我們更在當中加入了手拆蟹肉，並經過精心烹調處理，成為肉質香濃口感豐富的『蟹粉』，將大閘蟹的鮮味與咬感提升至另一層次。是次大閘蟹宴亦特別用上各種不同的上等食材，以配襯出蟹粉的獨特滋味。」 「萬豪中菜廳」嚴選最新鮮食材，矢志為賓客帶來前所未有、永誌難忘的餐飲享受。吳師傅的特大蟹粉小籠包是大閘蟹宴重點菜式之一，以一片厚薄適中的麵粉皮，包著美味的蟹粉、豬肉及上湯作餡料。這個特大蟹粉小籠包大小相當於3隻平常的小籠包，所以每隻均要以獨立蒸籠蒸煮，火喉控制亦須十分準確，才能將這道蟹粉小籠包完美呈獻在賓客的餐桌上。 脆口彈牙的蟹粉爆漿百花球亦會為賓客帶來驚喜，每咬一口都會被甘香多汁的酥炸蟹粉餡料迷倒。其他季節限定的大閘蟹菜式還包括蟹粉石榴球 、蟹粉扒自製豆腐 及蟹粉小米南瓜羮。 詳細菜單請參閱附錄。如欲訂座或查詢，請致電+853 8886 6222或電郵至 mhrs.mfmjw.man.ho@marriotthotels.com。