搜尋澳門生活誌

澳門必比登推介出爐！13間平民米芝蓮，最平$30嘆高質美食

Cheers!・2026-03-18

專為我哋平民而設嘅美食指南——2026「必比登推介（Bib Gourmand）」名單終於出爐！同米芝蓮星級餐廳嘅奢華路線唔同，必比登推介最緊要係貼地：喺合理預算內提供高質素用餐體驗，簡單講即係評審員親身認證、性價比爆錶嘅實力之選！今年港澳合共83間食肆入選，香港有70間，澳門有13間，其中2間首度上榜，唔知你又食過未呢？首度上榜餐廳 Nok Song 鸞鳴｜精緻泰菜主打精緻泰國菜，堅持傳統泰式料理為本，香料全部手工搗製，務求釋放出最地道嘅辛香層次。同時融合現代烹調技法，將經典風味重新演繹，每道菜都充滿驚喜。午市套餐親民實惠，啱晒上班族；晚市菜式更精緻豐富，無論係朋友聚餐定係慶生飯局，呢度都係一個好選擇。必食：烤沙嗲意大利春雞配泰式糯米飯：用蝦頭油、乾蔥、檸檬葉生炒糯米飯，每粒飯都包裹着泰式香氣，香糯美味。意大利春雞肉質嫩滑，用沙嗲醬醃製後先焗後烤，淡淡炭烤香氣令人垂涎。瑪莎曼咖喱配羊膝：泰國家常咖喱代表，味道濃烈但辣味較輕，香料味突出。加入日本甜薯吸收咖喱香氣，再配慢煮羊膝，相得益彰。臨近新年喜慶，好適合聚會享用。地址：羅理基博士大馬路319號山邊街206號境豐豪庭地下（來來超市旁）營業時間：週二至五 12:30-15:00、18:00-23:50 電話：(+853) 6208 3830 A Lorcha 船屋澳門老牌葡國菜餐廳，自1989年開業至今，坐落於歷史悠久嘅媽閣廟旁。餐廳裝潢融入大量海洋同帆船元素，彷彿置身於葡式帆船內用餐，氛圍感滿分！由土生葡人主理，主打葡萄牙北部傳統鄉村菜式，味道紮實、分量十足，充滿地道家常風味。如果想體驗最正宗嘅澳門葡國菜，呢間必定要收入口袋名單。葡式燴海鮮飯：濃郁蝦膏味，鮮味十足。燴牛利／燴牛尾：牛利軟淋入味，牛尾燜得夠淋，牛肉味濃郁，用牛尾汁撈飯係最正！地址：澳門媽閣河邊新街289號A地下營業時間：中午 12:30-15:00，晚上 18:30-23:00（逢星期二休息）電話：(+853) 2831 3193 / 2831 3195 温馨提示：去之前記得book位！實力非凡·常年座上客澳門旅遊大學教學餐廳｜本土風味為培訓旅遊業人才而設立，主打澳門本土美食，選料新鮮，廣泛採用自家種植有機香草和蔬菜。午、晚市分別提供不同套餐，週六午市供應自助餐。設有大型葡萄酒儲藏室，收藏多款葡國佳釀。必食：素肉免治配雲耳、馬鈴薯及煎蛋、葡式海鮮飯地址：澳門望廈山營業時間：週一至六 12:00-15:00、18:30-22:00 電話：(+853) 8598 3077 JUSTINDIA 印象派｜現代印度菜以現代手法和時令食材顛覆傳統印度菜。主廚來自南印度，曾在澳門知名印度餐廳從廚十餘年。餐室小巧而充滿異國風情，掛有代表印度不同城市嘅畫作，呼應這裏供應嘅南北印度美食。必食：羅望子蜂蜜炭烤羊架、CHAAT CHAAT CHAAT 恰特三重奏地址：澳門皇朝布魯塞爾街59號富達花園地下營業時間：11:30-23:30（逢星期二休息）電話/微信：6208 3100 網站預訂：www.justindiamacau.com 陳勝記｜傳統粵菜海鮮位於路環嘅傳統粵菜海鮮名店，以招牌「陳皮鴨」聞名，至今已傳至第三代，係大排檔風味嘅極致體現。必食：陳皮鴨、豉椒炒蜆地址：路環計單奴街21號（聖方濟各教堂旁）營業時間：11:30-14:30、18:00-22:30 電話：(+853) 2888 2021 祥記｜蝦籽撈麵代名詞福隆新街上嘅老字號，家族經營嘅小麵店於七十年代起屹立至今。自家製竹昇麵搭配香氣撲鼻嘅蝦籽，簡單一碗蝦籽撈麵已是澳門味道嘅代名詞。另有售頂級蝦籽及秘製辣椒油。必食：招牌蝦子撈麵、金沙炸鯪魚球地址：澳門新馬路福隆新街68號地下營業時間：12:30-00:45 電話：(+853) 2857 4310 鼎泰豐（新濠天地）｜國際級小籠包源自台灣嘅國際級小籠包品牌，位於新濠天地內，特高樓底配搭一貫雅淨裝潢。菜單包羅逾七十款涼菜、麵食、小炒、湯品及甜點，手工精巧嘅小籠包係焦點所在。必食：黑松露小籠包、紅燒牛肉麵地址：新濠天地1樓1029號營業時間：週一至五 12:00-22:00（最後點餐21:30）；週六、日及公眾假期 11:00-22:30（最後點餐22:00）電話：(+853) 8865 3305 六棉酒家｜復古典雅粵菜氹仔區內復古典雅嘅粵菜酒家，深受本地人喜愛。金屬吊扇、木材牌匾、雲石圓桌，加上嶺南風格彩色玻璃窗，環境復古典雅。午市點心種類豐富，不少以古法炮製。必食：蜂巢炸芋角、鮑汁琵琶豆腐地址：澳門氹仔杭州街60號地下海怡花園營業時間：週一至六 11:00-15:00、17:30-23:00；週日 09:00-15:00、17:30-23:30 電話：(+853) 2883 3333 六記粥麵（沙梨頭）｜宵夜聖地宵夜聖地，1945年創立。位於泉利碼頭旁邊，第二代店主堅持以傳統手法製作竹昇麵，由其太太親自烹煮，時間控制得宜，麵條彈性十足。必食：水蟹粥、蝦子撈麵地址：澳門沙梨頭仁慕巷1號D地下（利源大廈）營業時間：約18:00-02:30 電話：(+853) 2855 9627 温馨提示：只收現金老記粥麵｜宵夜好去處開業二十多年，供應傳統粥品麵食及廣東菜式，價廉物美，位於筷子基，深受本地人喜愛。營業至凌晨，係享用宵夜嘅好去處。必食：避風塘九肚魚、豉汁風鱔煲仔飯地址：澳門筷子基和樂大馬路12號宏基大廈地下及閣樓H鋪營業時間：下午5時至凌晨5時電話：(+853) 2856 9494 O Castiço｜葡國家庭風味提供正宗葡國家庭風味，環境溫馨，彷彿置身葡萄牙當地小餐館。小店陳設簡約，只有五張餐桌，家庭式葡國菜式一直依循原店主食譜烹製，價格實惠。必食：豬肉粒炒蜆、馬介休球地址：澳門氹仔施督憲正街65號營業時間：11:00-23:00 電話：(+853) 2857 6505 海灣餐廳（氹仔）｜葡澳風味供應葡萄牙和澳門菜，菜式份量十足，適合大型聚會。酒單以產自葡萄牙嘅佳釀為主，讓食客品嚐濃厚葡國風味。必食：葡國雞、非洲雞地址：氹仔地堡街53-67號泉福新邨第二期第四座偉展閣地下S,T,U及V座營業時間：12:00-21:00 電話：(+853) 2882 5255 順德公飯店｜傳統手工順德菜始於1979年，一直專注烹調順德美食，菜單上盡是傳統手工菜式。服務員態度友善，讓客人倍感親切。必食：砵仔焗魚腸、煎鯪魚地址：澳門大街106號A（新馬路大豐銀行對面內街）營業時間：11:30-02:30 電話：(+853) 2856 1051 13間澳門必比登推介餐廳，涵蓋泰式、葡式、印度、粵菜、台式等多元風味，豐儉由人，最平$30就品嚐到米芝蓮級美食！今個週末，一於約齊親朋好友，逐間去試勻佢啦！ #澳門美食 #必比登推介 #米芝蓮 #高性價比美食 #澳門必食