帶你去美食節搵小鮮肉，食老媽！真係老幼通吃！
Benjamin・2016-11-18一年一度第16屆澳門美食節，又在大賽車前後一星期，合共三週，於西灣湖廣場隆重舉行。今年規模是歷屆之最，很多新食肆加盟擺攤，而且有一部分好有睇頭，有一部分又大玩綽頭，再加上首年出現的馬來西亞村，雲集多個馬來西亞過江龍食店，等大家食到唔停口呀！ 今屆以「澳廚俠之惜食新世代」為主題，並首次將美食節大廚化身成「澳廚俠」，宣揚在面對琳琅滿目的美食時，要學懂識飲識食惜地球，做到盡情吃喝，惜食積福。今屆美食節廣納了121間本地著名餐飲商號參與，大家可以試到更多元、嶄新的地道美食，享受非一般的「惜食」之旅。 今屆組織了26家馬來西亞的著名餐飲商號黎喎，將當地超人氣既傳統及流行小食匯聚於西灣湖下層的「馬來西亞村」，畀大家感受下馬來西亞既飲食文化。除左馬來西亞村，今屆仲有順德美食團呀！佢地獲聯合國教科文組織列為全球創意城市網絡組織成員，以及獲得「世界美食之都」既稱號，現場設有4個美食攤位，並由當地大廚烹調出順德人對「食出真味」既追求，展現順德菜在粵菜中獨樹一幟的風味。唔講咁多，立即睇下今年有咩好行好食先啦！ Grill Burger：本澳地道的美式漢堡包店，都幾唔錯架！大家喜歡食漢堡包的，可以去食呀！ 川菜皇，但在賣大阪章魚燒？咩概念？近期咁興偷換概念咩？雖然不太正宗，但都幾好味呀！ Paddington house of pancakes今年都有參與呀！但美食節攤位唔賣pancakes，轉行賣龍蝦，賣雪糕等等，賣既野都幾新穎架！佢地既出品一向都唔差既！ 壹燕糖，一聽就知有燕窩食啦！貪食既你又點可以錯過呢？ 不得了！今年美食節連雞煲都有，總之好犀利啦！ 嗱嗱嗱，松露、粉絲都出埋啦！又翅又和牛，唔食就走寶架啦！幾十蚊一份咋！ 大家澳門人都食唔少啦！今年都有係美食節擺攤位，越南牛河，水準依然係好！ 黎到馬來西亞村，梗係有大把首次登場既好野食啦！絕對好野～～準備好未？？.................去片！ 嗱，小編就唔食榴蓮既，呢個蛋糕D榴蓮癡話好正喎，仲話齒頰留香添！係咪咁堅先？？ 西馬好好食既麵呀！ 仍然都係西馬代表，有紅咖哩雞；仲有東馬代表的咖哩羊肉、脆炸魚片等等～～ 來到東馬的客家風味啦！ 仲有街頭特色小食，好似我地D魚蛋檔呀！如果有去過馬來西亞既，一定有試過相類似的！ 食完馬來西亞既野，係時候返出來，食返D中日韓野啦！來自日本廣島的正宗雞湯拉麵，唔好話小編冇介紹你食呀！ 食完日本野，梗係要食返D韓國野調和一下啦！東大門有辣炒年糕、紫菜飯卷呢D韓國國民小食呀！ 仲有大熱既燈泡梳打特飲，藍色最特別，MOP$25蚊一枝，可以一試架！ 仲唔飽，仲可以食隻大魷魚，或者大大粒干貝燒。 呷一口小鮮肉奶茶，真係個個都變食家啦！（嘻嘻！） 小鮮肉唔岩口味，你可以買返包老媽返歸，拌麵做宵夜！ 如果嫌老媽太麻煩，可以排半個鐘或者一個鐘，食一隻大大的波士頓龍蝦架喎！ Juicy到暈既龍蝦，同時都排都你暈，腳骨力＋MOP$55換一隻，你自己決定啦！ 飲飽食醉，係時候拎出第二個胃，甜品時間！食一條手做健康生果雪條，再食一碗楊枝金露，都已經好滿足架啦！ 又嫌唔夠特別咩？咁樣你就要去食馬卡龍既雪糕啦！成舊雪糕樽咁，大大件，好好味又抵食！ 大件的先至40蚊咋，仲可以揀食寵物小精靈、迪士尼人物，定係麵包超人呀！ 一次過食咁多野，絕對係好滿足啦！比人話食咁多會好肥？？正所謂：唔食飽又邊有力氣減肥呢！！ 完～～
乜交食玩買 | Mackel Sharing・2022-01-31
文創遊樂場 // 米米 Esther Lim・2021-08-03
合資格90後・2016-11-28
半島師奶・2021-01-17