連勝街

標籤:連勝街

【澳門必試甜品】是柑香茶?是蛋糕?必試連勝街 Baptiste Brichon 的柑香茶法式蛋糕

飲食天地
Chrysalids 少爺 ・2018-07-31

位於澳門連勝街的法式甜品店 Baptiste Brichon 每隔一段時間就會推出新款式的法式甜品。繼之前推出世界盃款式後,今期 Baptiste Brichon 推出以澳門為主題的法式甜品,包括有:大三巴、熊貓、柑香茶、老虎機、心形樹和標有連勝街街名的街牌。 Baptiste Brichon Pâtisserie 的正門面 Baptiste Brichon Pâtisserie 的地理位置 坐標:22.199267, 113.540903 地點:Baptiste Brichon Pâtisserie 地址:澳門連勝街4號益利大廈地下B座 巴士路線:M201 白鴿巢前地﹣8A,18,18A,19,26 M124 白鴿巢總站﹣17 營業時間:12 p.m.至 8 p.m. 圖片來源:Google Map 進入Baptiste Brichon Pâtisserie 後,會發現以下六款各有獨特色彩的法式甜品任君選擇。由左至右,由上至下分別是柑香茶、熊貓、老虎機、連勝街、心形樹和大三巴。每款法式甜品售價一律都是澳門幣45元正。 柑香茶和熊貓 老虎機和連勝街 心形樹和大三巴 Baptiste Brichon Pâtisserie 今期推出六款特式甜品,您最喜歡那一款? 少爺從 Baptiste Brichon Pâtisserie 裏購買了其中三款法式甜品。首先要介紹的是心形樹。心形是用抹茶朱古力製成的薄脆來做,底盤部分是用抹茶牛油蛋糕、加入紅豆流心醬和抹茶慕絲製作而成。造型與澳門科學館旁邊的心形樹十分相似。底盤還混入了些檸檬醬,食上去會有些酸酸地感覺。用來打卡真是一流。因為天氣炎熱的關係,所以要影相就要盡快,否則甜品會溶化的。 心形樹 第二款要介紹的是大三巴。Baptiste Brichon Pâtisserie 製作大三巴時用了少爺最愛的牛奶朱古力慕絲和朱古力奶油,而且還加了榛子果仁醬,再加上底盤是用果仁撻,令大三巴食起來更加有口感。如果您是位朱古力死忠粉絲的話,您必定要購買並細心品嚐大三巴。打卡呃 Like 程度絶對不會比心形樹遜色。 大三巴 最後一款是不得了的柑香茶。外形與某牌子的柑香茶十分相似。Baptiste Brichon Pâtisserie 製作柑香茶時,還特別加上一條短飲管。除了用來當裝飾外,還有一個特別用途,現在先賣個關子。柑香茶的外層是用了混入柑香茶的硬身朱古力,是來用來包著裏面的紅茶海綿蛋糕,然後這個蛋糕又包著新鮮的蘋果粒、柑香茶慕絲和令整件柑香茶蛋糕更加似柑香茶的流心柑香茶。現在您明白為甚麼要有這條短飲管吧。 柑香茶 如果想與其他人分享這件柑香茶的話,一定要小心地切,否則裏面的流心柑香茶會傾流而出。或者先用短飲管插入內,細心品嚐裏面的流心柑香茶,但注意不要全部喝盡,因為 Baptiste Brichon 法式甜品師傅吩咐要留些流心柑心茶在裏面,才會更加好食。 柑香茶被切開一半後 這三款 Baptiste Brichon Pâtisserie 新出品的法式蛋糕,少爺最喜歡柑香茶,因為其外形十分酷似一盒柑香茶,而且還真的是可以用飲管飲裏面的流心柑香茶,實在是集打卡、玩樂和品嚐於一身。當然以朱古力為主打的大三巴和心形樹少爺也很鍾意。以上三款法式甜品絶對是打卡和味道都達一流水準。各位切記影相打卡時要盡快,否則這些蛋糕會經不起炎熱天氣的考驗而逐漸溶化。各位如果有時間,不妨一試 Baptiste Brichon Pâtisserie 新推出的六款法式甜品,包您們拍照拍到手軟。 延伸閱讀: 【澳門手搖界傳奇】大排長龍!沐白黑糖波霸鮮奶可以有幾好飲? 傳說級稀有度!《怪物彈珠》X《刀劍神域》紀念限量版桐人二刀流手機殼 【澳門甜品界傳奇】金沙城中心 Lady M 蛋糕可以有幾好賣? 【澳門隱世美食】不可不試!連勝街《泰友麵》海南雞髀飯

【澳門隱世美食】不可不試!連勝街《泰友麵》海南雞髀飯

飲食天地
Chrysalids 少爺 ・2018-06-15

今次少爺為大家介紹位於澳門連勝街《泰友麵》嘅海南雞髀飯。泰友麵主打外賣生意,亦有少量堂食座位畀客人食飯。泰友麵門面雖然唔多華麗,位置雖然近白鴿巢公園,但都唔太容易揾到,幾隱蔽,但最緊要係海南雞髀飯好食到不得了。 2019年1月21日更新:位於連勝街的《泰友麵》已於 2019年1月1日結束營業。 少爺某日黃昏大約六點左右到泰友麵買飯盒,好彩當時無太多人,好快就可以落單。點知,企咗大約兩三分鐘之後,已經有好多人走入嚟買飯盒。少爺心諗,好彩行快兩分鐘,否則一定未必買到想要嘅飯啦!所以奉勸大家最好六點前就好去泰友麵買飯啦。 「泰友麵」門面 要去泰友麵的話,最好就係行路或者搭巴士。連勝街本身比較窄,附近未必有車位可以暫時停車。搭巴士的話,只要响白鴿巢公園落車,徒步行約一分鐘就會到。 地址:澳門連勝街1I號麗豪大廈地下 營業時間:早上 11 點至晚上 9 點,逢星期一休息 坐標:22.199291, 113.540692 巴士路線:8A,17,18,18A,19,26 (白鴿巢前地落車,步行約一分鐘。) 今次少爺和公主分別點了青咖喱豬頸肉飯同埋海南雞髀飯,仲會附上特製辣椒醬同甜醬,海南雞髀飯仲會有湯跟埋添。 上半部分:海南雞髀飯 下半部分:青咖喱豬頸肉飯 少爺今次叫咗青咖喱豬頸肉飯,覺得超抵食。上面好大舊嘅其實係茄瓜,大部分豬頸肉都聚晒响底部。青咖喱汁超多超大桶,保證有剩,早知就買定白麵包點黎食,一定超正! 青咖喱豬頸肉飯 少爺最後將青咖喱汁留起,第二日朝早用嚟煮麵食,齋青咖喱汁撈麵已經好好味。青咖喱有一定辣度,所以唔食得辣嘅人或者要揀其它款式啦!茄瓜大大件,豬頸肉唔太淋,口感啱啱好,白飯鬆軟有口感。五十蚊澳門幣可以分兩餐嚟食,又好食又抵食,係慳家一族必選之首。 壓軸登場就係少爺認為係泰友麵嘅招牌菜,係必食首選,係傳說中的隱世美食。如果第一次去泰友麵,唔知點邊樣嘢食好,咁一定要叫海南雞髀飯,一定唔會後悔。假如路環安德魯最出名係葡撻的話,咁泰友麵最出名一定係海南雞髀飯。啖啖新鮮滑溜無骨嘅雞髀肉,配上雞湯、特製辣椒醬同埋甜醬,簡直令人垂涎三尺。特製辣椒醬好野味,比青咖喱汁還要辣,所以要慎點。 雖然少爺只試食了一件雞髀肉,但已經決定下次一定要試海南雞髀飯。唔知大家有無留意飯嘅顏色呢?左邊一半飯係黃色,而另一半係白色。 海南雞髀飯 兩種唔同飯味道,盡在一個外賣盒之內,都只係五十蚊澳門幣。响出面澳門餐廳食飯,都要咁上下價錢啦!仲有,大家要分清楚海南雞飯同海南雞髀飯,係兩款唔同嘅飯。 海南雞髀飯比海南雞飯要貴五蚊,但好多人一入去都係叫雞髀飯。仲要同老板娘好強烈咁強調話係要雞髀飯,大家都好怕比錯咗海南雞飯。可想而知,海南雞髀飯嘅魔力係十分巨大。 總結黎講,泰友麵雖然唔係咩高級餐廳,但十分注重衛生。斬雞廚師會帶上手套,環境都好乾淨。老闆娘講野雖然大聲,但十分温柔體貼。有顧客向佢投訴上次比錯飯,佢都肯作出補償,咁好嘅態度可以去邊度揾? 泰友麵大部分嘅飯都係五十蚊左右,價格算係中等,所以好多附近街坊都會黎幫襯支持。假如大家無無聊聊唔知去邊度揾食的話,不如試試連勝街嘅泰友麵,包您一定滿意。 延伸閱讀: 【澳門必試甜品】是柑香茶?是蛋糕?必試連勝街 Baptiste Brichon 的柑香茶法式蛋糕 傳說級稀有度!《怪物彈珠》X《刀劍神域》紀念限量版桐人二刀流手機殼 【澳門手搖界傳奇】大排長龍!沐白黑糖波霸鮮奶可以有幾好飲? 【澳門必影美景】不可錯過的浪漫!最愛夕陽下的澳門旅遊塔