攻略

標籤:攻略

[評] 再評洛克人11

潮流特區
MacauYeah ・2019-01-16

因為自己有錄制攻略 同 研究Speedrun打法既關係,所以整個遊戲都重複玩了很多次。 雖然唔係100%遊玩,但在極限挑戰50小時以後,慢慢就會感到探索的樂趣 上次文章有提到,呢個遊戲係真係為左惡整你而出現。到50小時以後,惡整感覺依然存在,不過又會多出另一份讚嘆:只要用岩方法,呢個遊戲同食菜無乜分別,而且方法唔止一個,想攞金牌話咁易。(內建競速模式,可以無限重生,比你同一關試到飽為止。) 返到黎遊戲設計方面,今代真係比過去要貼心,一來可以買消耗道具防止即死陷阱,二來還可以選擇不同難度。真係有考慮過比唔同族群去試。最最重要係有額外模式(競速模式、遊樂場),令你可以無責任地重覆挑戰。有些還可以未通關下原遊戲就提前挑戰,比你充足機會去實驗。之後返到正常模式,你會變得好有信心,因為一切都在掌握之中。 花時間玩遊戲,並不代表沉迷。良性遊玩,更會促進策略思考的方式。不過講返現實,大家都仲要搵食,所以打完機開心完之後,記得努力讀書、返工,咁之後先會再有銀彈買新作。 以下,附上我修練50小時後的競速紀錄片。有興趣一齊玩嘅朋友,記得訂閱我地各個頻道。 Mega Man 11 Youtube 攻略存檔 https://www.youtube.com/playlist?list=PLUbYXpKT7aEXrO4Id5LMlplXXn_ihg02w 上期連結 https://lifemag.cyberctm.com/zh_TW/blog/macauyeah/7227/%E6%B4%9B%E5%85%8B%E4%BA%BA11%E7%9F%AD%E8%A9%95 如果覺得我地既攻略都睇得下,咁就快啲訂閱埋我地YouTube / Twitch / Facebook

澳門光影節2018,教你三招呃Like攻略!

澳城生活
Cheers! ・2018-12-10

踏入12月,其中一個最令人關注的便是澳門光影節!每年都會有無數人打卡影相,「個個都影相,唔通個個都影到靚相咩?」今次小編就教你使用簡單的小道具,影出唯美呃Like照,閨蜜出遊互拍必學!別人的男朋友也必學! 第一站——白鴿巢公園 今年白鴿巢公園就有「澳門雲端」,公園內有多個發光雲朵讓打卡拍照。但是只有「一舊雲」當然不夠,一於加上彩虹光束令照片更加出彩啦! 準備道具:CD,手機 把光碟擋着手機鏡頭的一部份,反覆轉動光碟折射出彩虹光反射的一面,然後按下快門,作品就會馬上有一束彩虹光投射在照片。 第二站——南灣湖 今年的南灣湖絕對是兔仔迷的天堂!事關南灣湖前地有大量發光兔仔進駐,兔仔更有不同的大小,可愛爆燈顏值滿分!無論大人小孩都可以坐在兔仔上面拍照!就這樣拍照未免沉悶,一於利用簡單工具拍出高質相片吧! 準備道具:玻璃色紙,手機 玻璃色紙在一般文具店有售,把玻璃色紙弄皺後,擋住部份鏡頭,便可營造出幻彩Filter,想要甚麼顏色都可以,絕對令你的照片突圍而出! 第三站——大三巴 在大三巴拍光影實在距離太遙遠,影出來的照片難免總是漆黑一片,想避免拍出普通觀光照,在這裡打卡就一定要玩玩新意思。既然光影難以合照我們就化成「光」,在大三巴腳下大玩Light painting吧! 使用可以調節光圈、快門及ISO的相機APP,在拍照的時候根據以下貼士設定! 準備道具:腳架,手機 光圈:F.8 - F.11 快門:4-10秒 ISO:ISO 100 或更低 同樣的設定也可以使用於相機,不過要注意玩Light painting 最忌手震,如果沒有腳架加持,就找個地方固定相機拍攝吧! 除了教大家三個小貼士,今年光影節更有不少互動環節!在俊秀圍我們就有大發現!這個名為「律動時間」的光影設置,只要站在感應器前面,後方的光影牆就馬上做出互動效果,以人作為中心拼發出多種特殊圖案,拍出來的照片非常特別,認真過癮! 除了俊秀圍,在南灣湖也有一款名為「遨遊澳門. VR 體驗」的VR遊戲,外型十分型格,十分吸引!工作人員確定好安全準備及設置後,吊臂將會升起,玩家可以在十分鐘「高空暢遊」澳門。同時,玩家後方的投射牆也會同步放映玩家所看的畫面,現場觀眾也可以一起感受玩家視覺,絕對是這次光影節不可錯過的活動! 2018澳門光影節─時光澳遊 日期:2018年12月2日至31日 時間:晚上7時至10時 詳細資訊:http://zh.macaotourism.gov.mo/events/majorevent_detail.php?id=1763 路線 A:《與時光玩遊戲》玫瑰堂 → 大三巴牌坊 → 俊秀圍 / 草堆街 / 關前正街 → 康公廟前地 → 白鴿巢公園 → 瘋堂斜巷 路線 B:《青蔥時光》南灣‧雅文湖畔 → 南灣湖水上活動中心 路線 C:《尋味歲月》龍環葡韻 → 氹仔街市 → 北帝廟及北帝廟前地 **旅遊局保留更改節目的權利及毋須另行通知。

【集思廣益】澳門最齊全自助餐回本攻略!

澳城生活
Cheers! ・2018-05-14

澳門自助餐抵食又多選擇,但是要怎樣才可以吃得滋味又盡興?在廣集了各位網友的悉心指導後,總結了五個精華自助餐回本攻略,誓要把這些秘訣無私貢獻給所有人參考! 來源:Rachel Lei 回本策略:『精』、『序』、『節』、『值』、『特』 1.揀得『精』:首先要留意食物分佈!海鮮區通常特別搶手,每樣品嚐一二,加起來價錢也不算少。 2.有順『序』以少量蔬果、沙律開胃☞海鮮冷盤☞熱盤區☞甜品 3.懂『節』制每種食物只拿小份,可以試多些花樣 4.附加價『值』除了食材的本身價值,餐廳環境、景觀、服務等帶來很好的用餐體驗,也算是值回票價。 5.必食『特』定菜式餐廳推出不同主題的自助餐,當然要集中目光在特定菜式上,因為這些一定是當季的精華! (小編:每段精選出一字重點,一目了解,簡單易明!) 來源:Chan Mei 不可同情人去 因為有情飲水喝 不化算😂 按照順序分層進食 1水果→生鮮→海鮮→肉類→沙拉→主食→ 雪糕。 吃自助餐最忌大雜燴,盡量少喝飲料,一定不要喝碳酸飲料。 如果吃完第一輪還未飽,可以從頭進行第二輪,食到被趕出去😂 (小編:看到第一句「有情飲水飽」忍不住笑了!但是如果不和情人去回家會不會要跪鍵盤?) 來源:Sean Choy 我食自助餐回本秘技就係好好享受。我覺得食自助餐係整個配合... 可以在五星級酒店享受舒服的環境與一流的服務,和親愛的家人朋友一邊把酒談心,一邊品嚐最喜歡的美食 (我就最喜歡食海鮮,可以食各地特色蟹腳、龍蝦、生蠔😍),唔係只係食,仲欣賞到其他國家的烹調方式,好似用鐵桶海鮮配特色醬汁,就已經值回票價。在繁忙的生活中,輕輕鬆鬆,拋開煩惱,享受一餐自助餐已好難得!! (小編:無論甚麼時候,和朋家家人開開心心吃一餐飯,放鬆心情去享受是最正的~) 來源:Rita Kuok 食自助餐當然要有極為強大嘅攻略先回到本啦! 食自助餐前三日一定要食得夠清淡,目的係為左清腸胃,到食自助餐當日就淨係食流質野,最好就咩都唔好食,成日無食野有小小見暈😷好正常嫁,無事嘅!死唔去嘅! 終於涯到晚黑,美食去到口唇邊啦,鬥志就會立即被燃燒起黎!入左餐廳後記得立即環顧四周,視察場地,了解每種食物嘅位置,為接住落黎嘅出擊做好準備。 最好就叫餐廳安排接近主食嘅位置,方便視察軍情,因為主食通常都係自助餐嘅最大賣點所以一定好快俾人攞晒,坐係主食附近就最方便,一見到主食補貨立馬出手,最好帶晒黑超唔好俾其他對手發現自己一直望住主食區,咁就萬無一失。 食到咁上下開始飽飽地,唔好放棄!!!同同行者傾下計,去下廁所排返啲野出黎,又肚餓啦,又再次駁殺啦~~!記得係食嘅過程中去多幾次廁所,騰多啲空位出黎食更多嘅野。 最重要嘅一點就係堅持!就是勝利!唔好放棄!! (小編:沒想到自助餐前三天已經要開始準備,不求最飽但求更飽,堅持就是勝利Yeah!) 來源:Paul Choi 依小弟之見,我認為食自助餐回本不外乎幾個地方要注意,當然喺食之前仲要清楚今次係食乜,即係食物種類嘅多寡啦,要本住"餓到要扶住柺杖入,飽到要人扶住出嘅精神"。再落嚟分別就係策略、位置同隊友: 先講講策略,簡單而言,我會分為前、中、後期去執行: 1. 前期:食之前做好資料收集,食小小水果開胃先,再嚟就係貴夾唔飽嘅食物食起,例如係魚生等一啲生鮮嘢食,因為通常呢啲一般餐廳都會算貴價嘢。但千其祈千祈唔好飲飲料,尤其係汽水,因為會極速令肚裡面嘅小森林帶來一場雷暴。仲有仲有,凍嘅嘢飲都切記少飲為妙,原因係熱脹冷縮,唔係仲要教吧 :) 2. 中期:當貴夾唔飽嘅生鮮食完後,就可以開始食海鮮,蠔呀、龍蝦呀,總之就胃口大開嚟食。食到悶悶抵就可以開始進入肉類時間,亦即係豬、牛、羊,至於鐘意食咩同食邊種先,就睇吓你係人係鬼啦 ! 查實中間大家都可以飲少少水,最好就茶啦當然,因為會幫助消化, 又或者係覺得有飽肚感越來越強嘅時候,不彷行兩圈再戰,如果想去廁所,千其唔好因為要行而唔去,因為能夠放底嘅做咩要繼續carry呢?咁其實食到呢到我相信大家戰鬥力最多得返3成不到~~ 3. 後期:可以進入甜品系列作為今次暴食之旅嘅尾聲喇,切記係你真係食到飽先好食,因為甜品係2個胃,只限於再食甜品先有用,而喺你食嘅過程中,肉、海鮮呢類珍品已經不屑一顧,因為你已經食唔落。 4. 再落嚟幫大家總結一下大概嘅流程啦,水果>生鮮>海鮮>肉>菜>甜品 5. 仲有切記唔好飲汽水,因為佢嘅存在,就好似喺一盤新鮮嘅魚生上加咗醋一樣,失色不少 !! 其次講講位置:我建議大家可以由兩個角度出發揀合適嘅位置,一係近出菜嘅方向,或者係幽靜偏僻嘅位置。首先講講近出菜方向嘅好處啦,執輸行頭必過敗家呢句揀直完美演繹咗呢個狀況,原因係即時廚房出任何餐點,包括一啲限定嘅餐點,呢個位置都可以保證你立喺不敗之地,令你永遠有食唔完嘅滿足感;其次係點解揀幽靜嘅位置呢?仲要最好可以坐到變化石都冇人知嘅位就最perfect喇,因為即使你人前係一個幾有儀態嘅人,喺呢個moment,就算你食到暴龍開餐咁都一樣冇人睇到。所以,揀一個合適嘅位置絕對影響住你進膳嘅節奏。 最後講講隊友:當然,隊友食幾多同食自助餐感覺上好似冇乜大關係,之所以話揀個啱嘅隊友,除咗可以令進膳時枱上氣氛唔一樣外,亦都關係住食物種類嘅多寡,試諗吓,一個人一雙手,一個口,可以拎到幾多?食到幾多?更重要係就算中咗伏,都可以有人share,咁會大大降低不必要嘅戰鬥力。 最後嚟總結一下先,其實講咁多,都只係想話比大家聽我除咗對食有一種執著之外,仲有就係我係一個連自助餐都食唔起嘅窮L,唔係因為咁,我洗打咁大段字出嚟。anyway,希望大家食得開心 ! (小編:這位網友文采絕對五顆星,除了內容有質量之外,而且還毫不客氣寫下一篇千字文,小編甘拜下風!) -------------------------------- 看了這麼多自助餐的回本攻略,大家又學到幾多?下次去吃自助餐的時候也不妨一試! 更多自助餐攻略:澳門最齊全自助餐攻略,必食人氣推薦!

澳門十間最適合慶祝母親節的餐廳

飲食天地
Chrysalids 少爺 ・2018-05-09

今個星期日就是母親節,相信這幾天各位做人子女的, 都會忙碌地四出尋找好餐廳,帶媽媽出去食飯, 慰勞及答謝媽媽這一年來的辛勞。 如果還未想到母親節當日, 要帶媽媽去那一間餐廳食飯, 不妨考慮一下少爺建議的以下十間精選澳門餐廳, 少爺敢保證,各位媽媽一定會食得開心又快樂。 澳門旅遊塔﹣360度旋轉餐廳 全澳門只有這個限定地方可以欣賞澳門360度夜間美景, 少爺建議可以先帶媽媽在觀光塔底層拍照、看電影、購物, 假如媽媽不怕畏高的話,可以帶媽媽一齊「空中漫步」,是一個不錯的選擇。 當遊玩完後,可以邀請媽媽到360度旋轉餐廳, 一路觀賞澳門最美麗的夜景,飽覽澳門獨有的三條大穚, 一路品嚐豐富的自助晚餐和海鮮拼盤,媽媽一定會甜在心頭。 日期: 01/05/2018 - 30/06/2018 時間: 全日 以上圖片及資料來源:澳門旅遊塔 澳門美高梅﹣寶雅座法國餐廳 假如媽媽有畏高,不用擔心, 可以考慮帶她去澳門美高梅 MGM﹣寶雅座法國餐廳。 每位母親一定會給甜品吸引眼球。 可以打卡,放上臉書開心分享外, 還可以細口品嚐自家特製的母親節「士多啤梨玫瑰果醬」, 必定會令媽媽們甜在心頭。 精緻的母親節西餅糕點,包括以愛心為造形的「熱情果慕絲榛果脆脆蛋糕」; 及以玫瑰花瓣點綴的「玫瑰慕絲青檸金寶蛋糕」, 易入口之餘,又能表達對媽媽滿瀉的愛。 士多啤梨玫瑰果醬,熱情果慕絲榛果脆脆蛋糕,玫瑰慕絲青檸金寶蛋糕 以上圖片及資料來源:CyberCTM 最新澳門活動 皇都酒店﹣花道葡萄牙餐廳 相信大部分在澳門土生土長的媽媽, 一定會十分喜愛食正宗的葡國菜。 少爺十分推薦皇都酒店花葡萄牙餐廳。 因為皇都酒店地理位置離松山十分相近, 十分適合好動,且喜歡做運動的媽媽。 少爺會這樣安排行程, 當日下午先陪伴媽媽到松山一齊跑步做運動, 從二龍喉公園搭纜車出發上松山也可。 和媽媽活動完畢後,一定會肚餓, 這個時候就可以帶媽媽到附近的皇都酒店休息, 同時也可以食一頓豐富的葡國餐, 健康之餘,舌頭又得到滿足。 另外,少爺覺得一定試試「芝士布丁配焦糖蘋果及榛子碎」這款特色甜品。 主廚採用芝士布丁, 在上面佈滿士多啤梨、火龍果、燈籠果等多款營養豐富的生果, 再加上焦糖蘋果及榛子碎進食, 一定會為母親節添上無限甜絲絲的愛意。 推廣日期:2018年5月7日至13日 預約及查詢:(853)2855 2222,內線142 地址:澳門德勝馬路2-4號,皇都酒店M樓 備註:需另收加一服務費 以上圖片及資料來源:皇都酒店﹣花道葡萄牙餐廳 澳門銀河﹣CHA BEI 如果媽媽是文靜類型,喜歡慢慢地、安靜地享受, 不妨帶高貴型媽媽到CHA BEI享受母親節套餐。 和一般套餐不同之處, 是 CHA BEI 會準備限量的鮮花禮盒送給媽媽。 試問有那位媽媽收到花會不高興? CHA BEI 精心設計四款精緻的鮮花禮盒, 包括殷紅、芭蕾粉、蜜桃橘及丁香紫, 絕對適合喜歡不同顏色的媽媽。 營業時間:上午10時30分至晚上9時 地點:「澳門銀河™」1樓, 1047 以上圖片及資料來源:澳門銀河﹣CHA BEI 澳門JW萬豪酒店﹣萬豪中菜廳 如果媽媽是屬於傳統型,喜歡食中菜, 可以帶她到萬豪中菜廳品嚐, 由中菜行政總廚王永其師傅為母親們精心設計, 多款傳統粵菜佳餚。 其中包括黑豚肉叉燒拼豉油雞和海蜇、 籠仔荷葉蒸蝦,以及桂花牛柳炒帶子, 相信媽媽一定食得津津有味,食指大動。 桂花牛柳炒帶子 電話:+853 8886 6228 電郵:mhrs.mfmjw.mgr.manho@marriotthotels.com. 以上圖片及資料來源:CyberCTM 最新澳門活動 澳門漁人碼頭﹣廚泰餐廳 這間餐廳最適合辣媽, 別誤會, 少爺指好食得辣的媽媽。 廚泰餐廳座落於澳門漁人碼頭內, 是一間主打泰國菜的餐廳。 相信無媽媽見到這隻著火的火山雞不會尖叫, 還有很適合補充骨膠原的紅酒豬手和炸蝦餅, 都是不能錯過的泰國菜式。 食完後還可以到附近的燈光夜巿逛逛, 順便消化一下。 母親節那天剛好就是夜巿最後一天, 您怎可以不去捧場? 火山雞 紅酒豬手 炸蝦餅 以上圖片及資料來源:澳門廚泰餐廳 澳門銀河﹣和庭餐廳 如果媽媽喜歡食新鮮海鮮, 帶她到和庭餐廳一定不會錯。 在澳門銀河附近逛完商場,影相後, 便可以帶媽媽品嚐龍蝦生蠔等海鮮。 一定令她好像把整個大海吞了入口一樣。 和庭海鮮半自助餐 以上圖片及資料來源:CyberCTM 最新澳門活動 鮨味亭 如果媽媽對日本菜情有獨鍾, 有一定高預算的話, 鮨味亭是一間十分好的選擇。 已經有三間分店的鮨味亭, 實力一定不容置疑。 左上:三文魚親子海膽壽司 右上:牡丹蝦刺身 右下:三文魚夾餅創作壽司 左下:鐵板日本和牛厚燒 少爺推介三文魚親子海膽壽司, 好味不在話下, 好食程度根本不能用言語來表達, 只可惜價錢有點兒貴就是了。 鮨味亭日本創作料理 - 本店 Sushimitei Japanese Restaurant -Pou Seng Branch 澳門賈伯樂提督街64號寶誠大廈地下 Rua do Almiranle Cabral, No.64, R/C, Macau.Tel: (853) 2833-2992 營業時間 opening hours :1130 - 2330 鮨味亭日本創作料理 - 海富店 Sushimitei Japanese Restaurant - Hoi Fu Branch 澳門海邊馬路93-99號海富花園地下Estrada de Cacilhas, No.93-99, R/C, Macau.Tel: (853) 2877-3333 營業時間 opening hours :1130 - 2330 鮨味亭日本創作料理 - 海天居店 Sushimitei Japanese Restaurant - Villa De Mer Branch 澳門黑沙環東方明珠街海天居地下Q、R、S鋪Zona Da Areia Preta No.S/N, Villa De Mer Q、R、S/Rc, Macau.Tel: (853) 2876-7668 營業時間 opening hours :1130 - 2330 以上圖片及資料來源:鮨味亭 澳門麗思卡爾頓酒店﹣麗思咖啡廳 介紹到第九間, 一定要介紹「麗思咖啡廳」這間法國餐廳。 主廚紀韋麟師博精心設計母親節節日限定的法式晚宴, 主菜就是以下的「香草烤春雞配薯泥、炒蘑菇、龍蒿醬」, 還有特色甜點「燭光巧克力噴泉」, 絕對是答謝辛勞的母親的不二之選。 只限5月13日母親節供應。 香草烤春雞配薯泥、炒蘑菇、龍蒿醬 電話: +853 8886 6712 電郵:rc.mfmmr.fnb.res@ritzcarlton.com 圖片及資料來源:CyberCTM 最新澳門活動 澳門威尼斯人﹣皇雀印度餐廳 最後壓軸登場的是最有份量的「皇雀印度餐廳」! 它連續三年榮獲著名的 《米其林指南 香港 澳門 2014》、 《米其林指南 香港 澳門 2015》 和《米芝蓮指南 香港 澳門2016》 評選為米其林星級美食餐廳。 您一定要帶鍾意食印度菜的媽媽, 保証一定不會後悔。 印度菜款式多到數之不盡, 一定有一款適合媽媽的胃口, 還可以滿足媽媽對辣的要求。 地點:澳門威尼斯人地面大堂,1037號(近金光綜藝館) 營業時間: 午餐每天上午11:00至下午3:00 晚餐每天下午6:00至晚上11:00 (最後點單時間為晚上10:30) 電話:+853 8118 9696 圖片及資料來源:皇雀印度餐廳 相信各位一早已經安排好, 母親節當日要帶親愛的媽媽去那一間餐廳食飯、 去那一個地方玩。 如果有冒失鬼忘記今個星期日, 就是母親節的話, 不妨考慮少爺建議的以上十間澳門餐廳, 相信一定會令媽媽開心。 不過少爺相信, 只要是子女精挑細選的餐廳, 媽媽們一定會食得很高興。 少爺先預祝天下間的媽媽 母親節快樂!

【必睇】澳門十個復活節吃喝玩樂好去處攻略2018

澳城生活
Chrysalids 少爺 ・2018-03-22

一年一度嘅復活節,仲有一個星期就到啦! 今年復活節假期,頭疊尾有四日咁多, 唔知各位計劃好去邊度吃喝玩樂未呢? 想知復活節期間,澳門有咩地方好去、好食、好睇同好玩, 咁您一定要繼續睇落去啦! 因為少爺將要介紹十個唔同地方,各有各好玩好食之處。 包括科學館、漁人碼頭、旅遊塔、JW 萬豪酒店、MGM 美高梅、新濠影匯、主教座堂、果阿之夜、氹仔舊城區藝術空間同埋永樂戲院。 首先係「吃」,民以食為天,少爺十分建議去 JW 萬豪酒店「名廚都匯 Urban Kitchen」,同埋澳門美高梅「甜點餐廳」及「寶雅座法國餐廳」。 講甜品,有紅絲絨蛋糕、「復活節小兔」蛋糕,包您甜到漏; 講海鮮,有成個海咁多款式嘅海鮮陣、水煮波士頓龍蝦,多款到眼都花埋; 講高級,有鮑魚泡飯、法國生蠔、片皮鴨、三文魚刺身、烤羊腿,最有體面嘅不二之選。 簡直就係應有盡有,最啱復活節一家大細齊齊食通街,咁就磨走幾個小時啦。 澳門 JW 萬豪酒店﹣名廚都匯 Urban Kitchen 名廚都匯_紅絲絨蛋糕 傳說中包羅萬有的海鮮陣 最夠體面的鮑魚泡飯 無可能會失禮人的片皮鴨 少爺知齋睇圖片係唔夠,所以準備埋介紹短片畀大家睇埋。(#貼心的少爺) 澳門 JW 萬豪酒店「名廚都匯」介紹短片: 以上圖片及短片來源:<Cheers!>﹣必食:鮑魚泡飯、片皮鴨! 澳門 JW 萬豪酒店 Urban Kitchen 名廚都匯自助餐 少爺亦都曾經做過小朋友,知小朋友最鍾意既得意又可愛嘅食物, 例如復活蛋,復活兔等等。 作為家長可以不妨考慮帶小朋友到澳門美高梅「甜點餐廳」, 試一試佢地嘅精選復活節美饌, 影靚相之餘,仲可以 po 上網,攞多D Like 添!XD 「復活節小兔」蛋糕 鍾意食法國菜嘅朋友,或者係波士頓龍蝦嘅粉絲,咁就一定要去「寶雅座法國餐廳」, 試一試「水煮波士頓龍蝦配耶路撒冷亞枝竹蓉及烤胡椒」,絕對包您話正! 以上圖片及資料來源:LifeMag Editor﹣澳門美高梅復活節精選美饌 介紹完「吃」之後, 當然要介紹有咩地方好「喝」啦! 澳門隨隨便便,求求其其係皇朝區,都可以揾到大把好 Club 飲酒啦,做咩要介紹呢間呀? 三個原因。(#扮遊作的少爺) 第一,因為印度人調酒師就係勁; 酒保及調酒師 Chetan Gangan 圖片來源:Goa Nights 第二,因為食迷你包嘆酒就係正; 左:咖喱雞迷你漢堡;右:九款之一的雞尾酒 圖片來源:原來世界這樣大﹣【澳門。食記】Happy Hour推介- 氹仔舊城內的印度酒吧。 第三,因為有九款雞尾酒就係嘆。 九款雞尾酒任君選擇 圖片來源:文創遊樂場 // 米米 Esther Lim﹣時尚酒吧餐廳「果阿之夜」進駐氹仔 無錯!答案呼之欲出,就係啱啱新開無耐, 位於氹仔舊城區的「果阿之夜 Goa Nights」。 最啱就係大朋友同三五知己一齊,係復活節一齊曬月光, 摸摸酒杯底,吹下水,講下是非,爆下料。 果阿之夜 Goa Nights,試完包您以後唔會再去皇朝區飲酒。 「吃」同「喝」一共介紹咗三個地方, 跟住就要介紹有咩地方好「玩」啦。(#貪玩的少爺) 呢三個地方絕對適合小朋友玩。 第一間係位於澳門科學館的「科學館兒童世界」。 兒童世界入口 位於科學館館展覽中心入口旁邊的「科學館兒童世界」, 以熱帶雨林為主題,分爲幼兒區及小童區兩部分。 幼兒區裹面有小型滑梯、捕魚攻略及軟墊積木等遊樂設施,適合2至4歲小朋友; 適合 2 至 4 歲及 5 至 12 歲小朋友遊玩 小童區有一座三層高的大型遊戲組合「淘氣堡」,有繩網、隧道、沙包、彩虹拱橋及軟墊積木,最適合5至12歲小朋友。 如果少爺細個時,有咁好設施玩就好啦。(#歎氣) 小朋友唔單止可以盡情享受攀爬、跨越障礙及溜滑梯的樂趣之餘, 仲可以鍛煉小朋友體能、增強小朋友嘅自信及培養冒險精神。點可以唔帶佢地去呀? 入場費十蚊,一位陪同家長免費。 ● 費用: 門票類型 票價 (澳門幣) 標準票 2-12歲兒童 10元 特別優惠票 18歲或以上照顧者 免費 ● 開放時間: 每天共7個場次,逢周四休息,公衆假期照常開放。 場次 時間 上午時段 第一場 10:00-10:50 第二場 11:00-11:50 第三場 12:00-12:50 清潔時段 13:00-14:00 下午時段 第四場 14:00-14:50 第五場 15:00-15:50 第六場 16:00-16:50 第七場 17:00-17:50 * 入場人士須穿著襪子,亦可於現場購買。 * 首場購票時間:上午9時45分 資料來源:澳門科學館﹣科學館兒童世界 新聞來源:澳門日報﹣科學館兒童世界周三開幕 去完科學館,不妨帶小朋友搭巴士到澳門旅遊塔, 欣賞觀光塔之餘,裹面仲有個名為「復活節繽粉彩蛋池」, 消費滿五百蚊或以上,小朋友就可以大玩特玩波波池,仲有工藝坊。 嫌太貴?如果小朋友無畏高,可以帶小朋友上去觀光塔,睇澳門全景,超靚! 地址:澳門旅遊塔 日期:30/03/2018 - 08/04/2018 時間:全日 資料來源:澳門旅遊塔﹣復活節繽粉彩蛋池 最後呢個地方啱小朋友之餘,仲啱大人一齊玩!免費的。 就係位於新濠影匯嘅「賞金尋龍」。 裹面有好多恐龍模型,仿真度甚高,裹面有隻暴龍會郁會叫, 最啱就係影相,扮身處險境,被恐龍追,一流之選! 除咗同模型恐龍有近距離接觸之外, 附近仲有個要帶 VR 眼鏡嘅虛擬體驗, 因為所在位置唔太起眼,所以要花時間去揾同埋排隊。 少爺玩過,好刺激同埋會有些頭暈,老人家盡量唔好去玩,小朋友都玩得。 資料補充: 時間:全日開放(綠幕互動體驗「恐龍出逃」及「與恐龍飛翔」之旅開放時間為中午12時至晚上8時) 網頁:www.studiocity-macau.com 查詢:(853) 8868 6767 以上圖片及資料來源:CyberCTM 最新活動﹣「賞金尋龍」活動 「吃喝玩樂」黎到最後,就輪到「樂」, 少爺將要介紹嘅活動都比較平靜,無太大活動量。 要數文靜嘅活動,首選一定係睇戲。 睇完一場戲都已經係一兩個鐘頭後嘅事。 今個復活節檔期,少爺最推薦睇《比得兔》。(#有兔仔耳的少爺) 故事大慨係講比得和賓仔本來同一大班動物住係菜園相安無事, 誰不知新屋主麥奎格先生入伙之後, 竟然要將所有動物趕走,仲要扮好人,討隔離鄰居靚女碧雅歡心。 梗係激到比得火冒三丈啦!為咗要攞番安樂窩,比得一家決定要執行「玩謝麥奎格」行動! 出盡法寶,誓要踢走新屋主!由菜園鬥到去倫敦,鬧出笑話,人兔大戰最後結果係點呢?(#少爺覺得係打和,曾志偉配音) 有森美同陳豪配音,實笑到「兔」痛,睇戲最佳之選。 暫時少爺 check 過,澳門大會堂同永樂戲院一定會上映《比得兔》,其它戲院就未知。 以上資料來源:CyerCTM 不日上映電影﹣《比得兔 Peter Rabbit》 當然有少爺,有 trailer 睇! 轉載自:Youtube﹣SonyPicturesHK 第八個地方要介紹就係氹仔舊城區藝術空間,名為「癲噹暢遊氹仔舊城區」。 齋睇字好難解釋,不如先睇完短片介紹。 短片來源:<Cheers!>﹣澳門創意藝術展!《癲噹暢遊氹仔舊城區》 由氹仔城區文化協會獨家呈獻,澳門首個以香港人氣卡通貓「癲噹」為主題的《癲噹暢遊氹仔舊城區》創意藝術展覽, 展出多達五十幅澳門學生於2017《癲噹暢遊氹仔舊城區》創意藝術比賽中得獎同埋優秀作品。 咁好嘅展覽,點可以唔帶充滿想像力嘅小朋友,去睇下可愛又得意嘅「癲噹」呢? 資料補充: 時間:中午12時至晚上8時 (逢週一休館) 網頁:http://taipavillagemacau.org.mo 查詢:(853) 2857 6118 電子郵箱:info@taipavillagemacau.org.mo 以上圖片及資料來源:CyberCTM 最新活動﹣癲噹暢遊氹仔舊城區資料來源 話咁快就黎到壓軸必去之處,就係有鼎爺(李家鼎)坐鎮嘅「香港工展會.澳門」展覽。 今年工展會依然係漁人碼頭舉行,屆時推廣大使鼎爺就會親臨漁人碼頭,示範廚藝。 期間當然唔少得精彩嘅「工展小姐」表演,仲有幸運大抽獎及「BB瘋狂大掃貨」比賽。 嘩!咁究竟係BB比賽,定還是係家長瘋狂掃BB野呢? 需要買新廚具、服裝、飾物、美容保健品、食品同野飲嘅朋友,記得去漁人碼頭啦! 「香港工展會.澳門」展覽宣傳短片: 詳細資料: 日期:2018年3月30日至4月2日(星期五至星期一),4天 開放時間: 星期五至星期日 上午11時至晚上9時 星期一 上午11時至晚上7時 (展會每天結束前30分鐘及最後一天結束前1小時停止參觀人士進場) 地點:澳門漁人碼頭會議展覽中心(地址:澳門友誼大馬路及孫逸仙大馬路) 入場費用:免費 免費穿梭巴士: 詳情請到 http://www.hkbpe.com.hk/web/subpage.php?mid=219 環保小Tips: 請自備購物袋 <﹣﹣﹣睇黎現場攞膠袋要畀$$$ 以上宣傳短片、圖片及資料來源均來自:工展會 Facebook 專頁 最後,要記得番點解會有「復活節」呢一回事。 就係為咗紀念耶穌為咗我地人類,被釘上十字架,死後第三日復活。(#嚴肅的少爺) 所以每年天主教都會响復活節期間,舉辦「耶穌聖屍出遊」,今年亦唔例外。 屆時,耶穌聖屍聖像會由主教座堂出發, 經過議事亭前地、板樟堂前地及主教巷等地,最後返回主教座堂。 除咗天主教徒之外,沿途都會吸引唔少居民和旅客加入。 呢個獨特的宗教儀式,是天主教信仰的重要傳承。 日期:3月30日 時間:下午5時30分 地點:澳門主教座堂 網頁:www.catholic.org.mo 查詢:(853) 2837 3643 資料來源:CyberCTM 最新活動﹣耶穌聖屍出遊 (#嚴肅ModeOFF) 經過少爺介紹嘅十個澳門「吃喝玩樂」好去處之後, 相信各位已經心裹有數要去邊度玩玩食食, 少爺祝大家有一個開開心心、快快樂樂嘅復活節! 温馨提示:飲咗酒之後,記得切勿揸車。

澳門最齊全自助餐攻略,必食人氣推薦!

飲食天地
Cheers! ・2018-03-22

澳門自助餐抵食又多選擇人人都知道,來自世界各地的新鮮食材加上高質素的環境,真的是不得不去!現在就等小編親自走遍全澳,勁食多間人氣酒店Buffet,找齊最新優惠和特色主題,精心推薦最熱門的自助餐清單給大家吧! 所有自助餐攻略 2019新年自助餐推介,私心必食清單! NEW 喜來登酒店 - 班妮 JW 萬豪酒店 - 名廚都匯(時令毛蟹限時任食) 四季酒店 - 鳴詩 大倉酒店 - 和庭餐廳 金沙 - 888 康萊德酒店 - 奧旋 新濠天地 - 迎尚 鷺環海天度假酒店 - Café Panorama 麗思卡爾頓酒店 - Ritz Carlton Café 永利皇宮 - 咖啡苑 威尼斯人 - 碧濤意國漁鄉 JW 萬豪酒店 - 名廚都匯 瑞吉酒店 - 雅舍 喜來登 - 盛宴 君悅酒店 - Mezza 9 JW 萬豪酒店 - 名廚都匯 巴黎人 - Le Buffet 漁人碼頭 - 烤與鮮 十六浦索菲特酒店 - 海風餐廳 我們的最新主題 澳門葡國菜推薦,必食人氣餐廳! 推薦清單:澳門葡國菜推薦,必食人氣餐廳! 澳門冬季火鍋系列,不容錯過的推介清單! 推薦清單:澳門冬季火鍋系列,不容錯過的推介清單! 2019新年自助餐推介,私心必食清單! 每到農曆新年期間,本澳坊間大多食店都會停業休息,就算是正在營業的餐廳也少不了“加三”的額外服務費。每年到這個時候都總是“搵食”艱難。 其實除了部分國際連鎖快餐店之外,澳門的各大酒店餐飲都是不少家庭的節假日首選。 詳細介紹:2019新年自助餐推介,私心必食清單! 澳門喜來登酒店班妮餐廳早午自助餐 最近澳門喜來登金沙城中心大酒店的「班妮」意大利餐廳就推出了升級版的週日早午自助餐,除了一如以往的佳餚外,新增了無限暢飲多款美酒及更豐富的意式佳餚,亦加設了互動兒童專區和現場表演,讓大家在一片美味及歡笑聲中度過週末。 詳細食評:無限美酒佳餚及娛樂驚喜!澳門喜來登酒店班妮餐廳推出升級版Sunday Brunch 澳門 JW 萬豪酒店 Urban Kitchen 名廚都匯自助餐 澳門 JW 萬豪酒店的「Urban Kitchen 名廚都匯」就在自助餐中加入清蒸安徽毛蟹,由即日起至11月中限時供應,讓蟹迷一次食過夠! 詳細食評:時令毛蟹限時任食!JW萬豪酒店Urban Kitchen名廚都匯自助餐日賣550隻毛蟹 澳門四季酒店「鳴詩」自助餐 四季酒店的「鳴詩」餐廳最近一轉形象,在開放式的廚房中加入不少新元素,當中以海鮮料理最有 Gimmick,除了新鮮的凍海鮮之外,更新增「生滾粥」和「炭燒」兩大區域! 詳細食評:海鮮煮法多!澳門四季酒店「鳴詩」自助餐 澳門大倉酒店「和庭餐廳」超高質半自助餐 打工仔 Lunch Time 吃個痛快,絕對是充電良方。大倉酒店「和庭餐廳」的半自助餐就以超抵價錢吸客,只需 $168,就可任食前菜及甜品,而主菜亦有牛膈肌、豬肋骨等菜式選擇,CP值超高! 詳細食評:$168 有交易!澳門大倉酒店「和庭餐廳」超高質半自助餐 澳門金沙「888自助餐」 去酒店吃一頓自助餐,動輒都要花四五百元,而金沙酒店的「888自助餐」就以平民價錢吸客,成人自助晚餐每位收費 $318,與同類型自助餐比較,價錢非常親民! 詳細食評:平價五星級 Buffet!澳門金沙「888自助餐」 澳門康萊德酒店奧旋「盛夏嚐『鮮』饗宴」自助晚餐 澳門金沙城康萊德酒店「奧旋自助餐」特意為大家搜羅世界各地的時令海鮮,推出了「盛夏嚐『鮮』饗宴」自助晚餐。是次的海鮮自助晚餐設有六個特色區域,讓大家置身世界特色的港口一樣! 詳細食評:海鮮迷最後召集!環球海鮮盛宴盡在康萊德酒店奧旋自助餐 澳門銀河酒店「馬來西亞美食節」榴槤自助餐 這個八月,澳門銀河酒店就上演了一場榴槤盛宴,除了由馬來西亞直送十多款頂級榴槤之外,還傾盡全力創作出多款以榴槤入饌的創意菜式,保證令榴槤控為之瘋狂! 詳細食評:榴槤控的天堂!今個夏天不可錯過的「澳門銀河」榴槤Buffet盛宴 澳門新濠天地迎尚酒店三樓「浪淘池畔燒烤自助餐」 位於新濠天地的迎尚酒店三樓「浪淘池畔燒烤自助餐」,成人每位收費 398 元,就可以在享受自助餐的同時,到全澳獨一的結他形泳池暢泳,絕對是 Weekend 消暑的最佳選擇。 詳細食評:$398 邊玩水邊 BBQ!浪淘池畔燒烤自助餐 澳門鷺環海天度假酒店自助餐 在鷺環海天度假酒店的Café Panorama食自助餐就不一樣,餐廳地方大之餘,更可以到戶外草坪放鬆下,半場休息食多輪未嘗不可。 詳細食評:戶外燒烤搶戲!鷺環海天度假酒店一樓西餐廳自助餐 澳門麗思卡爾頓酒店 Ritz Carlton Café 車厘子任食下午茶 Ritz Carlton Café 每期都推出不同主題的任食下午茶,最近就以時令的車厘子作主打,只需 $188,即可任食以車厘子入饌的甜點,鹹點則以鐵盒盛載登場,氣派十足! 詳細食評:$188 有交易!澳門麗思卡爾頓酒店 Ritz Carlton Café 車厘子任食下午茶 永利皇宮「咖啡苑」自助晚餐 8 米長的甜點區,有近 30 款甜品,全部自家製。加上自助晚餐每天劃一收費成人每位 $488,星期六日最抵食! 詳細食評:邊食邊睇噴泉靚景!永利皇宮「咖啡苑」自助晚餐 澳門威尼斯人「碧濤意國漁鄉」任食意式料理 最近澳門威尼斯人的正宗意式料理餐廳「碧濤意國漁鄉」推出了名為「意國閑情 品味週末」的早午餐,主打意大利和地中海色彩的美食市集,更加入了娛樂表演環節,同時滿足你的視覺和味覺! 詳細食評:周末高質 Brunch!澳門威尼斯人「碧濤意國漁鄉」任食意式料理 澳門 JW 萬豪酒店 Urban Kitchen 名廚都匯自助餐 即日起至 6 月30日,澳門 JW 萬豪酒店的「Urban Kitchen 名廚都匯」將美國著名的德州燒烤帶到自助餐桌上! 詳細食評:啖啖肉!Urban Kitchen名廚都匯自助餐加碼正宗德州烤肉 澳門瑞吉酒店「雅舍」下午茶自助餐 最近瑞吉酒店「雅舍」推出以土生葡人下午茶為主題的 3 小時任食之旅,特意搜羅了大量傳統而且不常見的特色食譜,讓你一餐試勻澳葡小食! 詳細食評:3 小時任食澳葡小食!澳門瑞吉酒店「雅舍」新推土生葡人下午茶自助餐 澳門喜來登酒店「盛宴」自助餐 最近喜來登酒店的「盛宴」推出了周五及六限定的「美式海鮮盛宴」。一於捲起衫袖、戴上圍巾,享受另類自助餐體驗! 詳細食評:捲起衫袖戴上圍兜!澳門喜來登「盛宴」自助餐推美式海鮮盛宴 澳門君悅酒店 Mezza 9 與廚共饗自助餐 君悅酒店的「Mezza 9」自助晚餐甫推出已長期 Full booking,食材即叫即煮,還有蒸、炒、炸、椒鹽等十多種煮法任君選擇! 詳細食評:提前半年預訂!澳門君悅酒店 Mezza 9 超人氣自助餐 澳門 JW 萬豪酒店 Urban Kitchen 名廚都匯自助餐 位於澳門 JW 萬豪酒店的「Urban Kitchen 名廚都匯」向來口碑不斷最誇張時期訂位要等足 2 個月! 詳細食評:必食:鮑魚泡飯、片皮鴨! 澳門 JW 萬豪酒店 Urban Kitchen 名廚都匯自助餐 澳門巴黎人 Le Buffet 自助餐 巴黎人酒店的「Le Buffet」除了海鮮和甜品區陣容強大,熟食區更有個即叫即煮的 Live Station,食物選擇非常多! 詳細食評:熟食區超搶戲!澳門巴黎人 Le Buffet 自助餐 澳門漁人碼頭「烤與鮮」自助餐 「烤與鮮」位於澳門漁人碼頭,以南美及東澳風情作為設計概念,佔地超過 23,000 平方尺,並設有雙樓層。 詳細食評:食肉獸必去!巴西傳統炭火燒烤「烤與鮮」空降澳門漁人碼頭 澳門十六浦索菲特酒店海風餐廳自助餐 海風餐廳的自助餐出名抵食,成人每位 $348 即可任食生蠔龍蝦,任飲紅白酒及啤酒,光是海鮮和酒都已值回票價! 詳細食評:期間限定泰國主題!澳門十六浦索菲特酒店海風餐廳自助餐 自助餐要怎樣才可以吃得滋味又盡興?在廣集了各位網友的悉心指導後,總結了五個精華自助餐回本攻略,誓要把這些秘訣無私貢獻給所有人參考! 領取攻略:【集思廣益】澳門最齊全自助餐回本攻略! 更多自助餐食評,持續更新中!