官也街

標籤:官也街

動漫迷注意!氹仔官也街最新打卡熱點「Flame Macau Green House 7」

澳城生活
Cheers! ・2018-05-24

澳門售賣動漫商品的地方不多,而且選擇較少,往往都要到香港選購。但最近位於氹仔舊城區官也街就進駐了一間以售賣日本動漫產品及自家原創手機殼的店舖 Flame Macau Green House 7。 Flame Macau Green House 7樓高兩層,葡式綠屋仔設計十分惹人注目。 (圖片取自官方Facebook) 店舖售購各種人氣動漫商品如海賊王、刀劍神域、龍珠外,更取得國內及國外多個著名動漫作品獨家授權製作推出的手機殼,而且還有與澳門及香港文創單位合作推出手機殼,款款都獨一無二,可愛搞鬼。 小編身上就是海賊王系列的咕𠱸被十分可愛。 小編最愛的AV女優系列機殼,送禮自用皆宜。 而最新推出的就是以日本著名恐佈漫畫家伊藤潤二創作的角色的手機殼。 除了售賣動漫商品外,該店還引入了日本超人氣品牌NISSEI軟雪糕!雪糕口味會按季節不定期更新,保證每次光顧都有驚喜。 小編當日試的是佐賀金奇異果味軟雪糕,入口滿滿的奇異果味,清甜開胃,熱辣辣的夏日食一流! 由即日起至6月2日,Flame Macau Green House 7與氹仔舊城區攜手推出「Flame Macau滿月慶典」活動,提供每日限量供應的夢幻花飾軟雪糕、手機殼優惠、社交平台打卡優惠,還有在氹仔舊城區指定餐廳消費滿$300即可以優惠價$20購買NISSEI軟雪糕等優惠。 Flame Macau 聯乘K‘Sweet推出的Bloom Floral 夢幻花飾軟雪糕十分可愛,影相裝b一流! 勁減優惠大「跳」戰,跳得越高,手機殼優惠越大。 Flame Macau Green House 7地址:氹仔客商街7號Facebook:https://www.facebook.com/FlameMacAcc/

食黎食去都係豬扒包同葡撻,不如試間新野﹣﹣青洲灶記咖啡

飲食天地
Chrysalids 少爺 ・2017-10-18

筆者仲記得以前細細個都會去大利豬扒包對面的單車舖租單車踩, 亦都係學識踩單車嘅地方,依家當然唔同晒。 時代進步,賭權開放,租單車嘅地方已經變晒做食肆, 大利豬扒包亦都搬走到附近(雖然只係轉個彎左右)。 今次同大家介紹頂替大利豬扒包位置嘅新地方﹣﹣青洲灶記咖啡。 以上圖片取自網絡,版權全歸拍攝者所有。 由於筆者當晚去到已經接近晚上7點,好彩侍應仲肯幫我落單。 筆者點咗兩款小食外賣,一款係花生奶粒粒厚多士 (9粒), 另一款係10粒的炸魚蛋。 左邊:花生奶粒粒厚多士 (9粒) 右邊:炸魚蛋 (10粒) 先講比較普遍的炸魚蛋。魚蛋大大粒,有樣野一定要強調, 千祈唔好成粒「啪」落口 千祈唔好成粒「啪」落口 千祈唔好成粒「啪」落口 因為好重要,所以要講三次。 魚蛋真係好大粒,成粒啪落口,唔單止好難咬,分分鐘會出事。 千祈唔好成粒食,否則一定會後悔,XD 慢慢食就至享受! 泰式甜酸醬係附送,連埋魚蛋一齊點的確惹味, 只係無其它醬料選擇或配搭,覺得有些單調。 魚蛋質感好軟熟,比起街邊檔賣嘅普通冰鮮魚蛋,的確係好一點。 味道方面,十分平凡,同咖喱魚蛋嘅配搭差唔多,只係變左做甜酸醬炸魚蛋。 如果魚蛋加麵包糠一齊炸,食落去有種類似「食薯片」嘅聲音同感覺,會獨特好多。 再配其他唔同嘅醬汁,例如芥末、酸梅或乳酪味,產生唔同味覺變化會好好多。 10粒炸魚蛋=澳門幣38元,外賣加1元,貴唔貴就見人見智。 綜合黎講,我對炸魚蛋好失望,平平無奇,無驚喜, 只不過係咖喱魚蛋嘅放大版,而且38蚊10粒炸魚蛋真係唔多值得。 覺得一粒魚蛋三個八裹面,有兩個半係入咗去舖租裹面, 分分鐘得8毫子左右係食落肚,有機會再揀過一定唔會點呢樣。 另一款外賣小食,花生奶粒粒厚多士,比起炸魚蛋表現可謂好得多, 可以稱得上去到灶記一定要試。 先講個名,初頭畀「粒粒」一詞呃左,以為會又係一口小食系列。 但點知原來厚多士大大舊,一定要咬幾啖先食完一件。 雖然只係將麵包整成四方體黎炸,但炸得好體面,唔會話一度比較燶。 大大舊厚多士,配上花生奶,簡直係好味到爆晒燈。 咬感絕對係法蘭西多士嘅縮小版,「的的式式」,好好味。 配上甜到漏嘅花生奶一齊食,更加有一種幸福的感覺。 雖然外表有啲似炸豆卜或炸豆腐,但味道絕對係一流, 花生奶足夠有餘,唔會畀得太少,食完9件之後仲有得剩。 9粒花生奶粒粒厚多士=澳門幣30元,絕對值得一試。 總括黎講,花生奶粒粒厚多士可以用「可愛」黎形容, 講緊係個小食名改得好可愛,而唔係指外貌。 加埋花生奶食落去仲會有種開心+幸福+甜蜜嘅感覺, 絕對係失落或剛剛失戀嘅人士一定要食嘅一款小食。 灶記咖啡當然仲有其他好好食嘅小食,大家有機會黎到澳門一定要去試試, 而且交通方面,附近仲有官也街、龍環葡韻同星星花園,係打卡影相必到之處, 食飽飽之後仲可以行過去,幫助消化,一舉兩得。 坐標:22.152342,113.555336 地點:青洲灶記咖啡 地址:澳門巴波沙總督前地18號地下 巴士路線:T321氹仔中葡小學﹣11,15,22,28A,30,33,34 營業時間:7 a.m.至7 p.m. 圖片來源:Google Map