搜尋澳門生活誌

獨家整理！史上最強氹仔賭場一日游攻略【急急腳版】！

澳門生活圈・2018-08-15

澳門氹仔賭場數之不盡間間都奢華土豪但係好多Fans留言話每次想好好咁行一次噶時候因為唔熟路線一日都行唔曬就要走了唔！夠！癮！今日小Pe就做一個簡略嘅一日游氹仔賭場攻略低成本！又快速！ 1.關閘過完關左轉就會見到有關閘廣場客運站圖，直接標出每間酒店嘅免費巴士停放位置。第一站就係永利皇宮路氹，按地圖揾到牌仔排隊等車就得喇。上車唔使急，工作人員會直接計好人數。有行李，工作人員會幫你放好，唔使摞上車。 Ps.免費巴士同賭場嘅冷氣都好似唔使錢咁，驚凍嘅朋友記得帶件外套！ 2.永利皇宮永利皇宮嘅日間外景係好靚嘎！配上藍天白雲，忍唔住唱出口（123愛就像）落咗巴士可以到2層坐免費觀光纜車到1層，可以清楚睇到噴水池同酒店全景。到咗1層可以重新排隊坐翻到2層，纜車全程就五六分鐘，好快。喺酒店內部揾路其實唔難，按路標揾到穿梭巴士就得喇。工作人員會問你要去邊度，大家記得答要坐路氹服務專線，介紹下呢個專線，係幾間大賭場嘅循環路線大巴，直接到達，方便！唔使逐間逐間行路，Nice 3.美獅美高梅日間外景！其實夜景更正！呢間酒店主要係行土豪Style，到處都係金光閃閃。日頭嘅陽光滲入室內，食個Tea，好寫意嘎！連一個普通角落頭都好有藝術氣息 4.新濠天地一嚟到新濠天地就要講下呢條天橋，行起身超舒服吖！而且好啱影相（扮曬嘢發INS戈種咧）不得不提嘅就係Morpheus 摩珀斯，係已故嘅建筑师札哈middot;哈蒂Zaha Hadid女爵士，亲力操刀嘅遗作。 Lobby空間非常大，一眼望上去可以睇到獨特嘅建築設計。位於地面層嘅購物廊有多間頂級名店，可以令你方便選購獨家推薦、限量發售嘅各種精品。 5.威尼斯人威尼斯人大家應該唔會陌生，小Pe有好多場演唱會都係喺呢度睇嘎！其實呢度日日都好多人，不過最方便嘅係有好多大眾牌子可以行，Shopping好去處！而且仲有最出名嘅大運河，喺室內就可以輕鬆感受到藍天白雲（又要唱了，123STOP！）喺度提醒下大家，建議唔好喺威尼斯人坐車翻關閘（因為真係勁！多！人！Everyday！！！）其實喺威尼斯人步行到官也街都係10分鐘路程，仲可以食翻少少嘢補充能量（賭場啲嘢又貴，味道仲一般般！） 6.官也街魚蛋蛋撻嚟到官也街，小食肯定唔可以放過！但係講明吖！冇位坐嘎愉快的每一天小Pe就唔多做介紹喇，皆因官也街都一般做游客生意，但勝在近氹仔賭場，價錢都比賭場便。日日都很多人，記得早啲去（茶餐廳一般18點就關門） 7.金沙城中心食飽飽就繼續行喇，跟住嚟到金沙城，一樣都好近官也街。呢度最值得一提嘅係，啱新開嘅「小清新」Apple專賣店！室內係竹林設計，不單止可以體驗到最新Apple產品，仲可以感受園林氣息。講真，影下網紅Feel嘅相真係好Perfect！ 8.巴黎人黃昏時段最啱就係嚟巴黎人，夜晚嘅燈光勁迷人最出名嘅巴黎鐵塔，各位少女係一定要嚟打咔嘎！室內仲係行歐洲宮廷Feel，街拍一流過條馬路就係新濠影匯，2分鐘路程。 9.新濠影匯今期係行外星人風格，入面到處都有外星人嘅佈置。仲搭配埋奇特嘅音效，滿足曬你視覺同埋聽覺嘅需求！最出名嘅8字摩天輪！大家記得摩天輪21點關門，20點就停止售票喇！（小Pe遲咗冇得坐QAQ） 10.銀河終於到咗最後一站喇！就係銀河！呢間酒店擁有全澳第一間Apple Store，又大間仲可以坐低休息。行入銀河一路都有好多連鎖餐廳（不過價錢就比較貴）仲有UA影院，行攰咗可以嚟睇翻部電影（好多電影內地都冇得睇！）講咗咁多間賭場唔知有冇啱你心水嘅咧？喺度提醒下大家如果你著衫比較後生記得出入賭場嘅時候攜帶好你嘅證件工作人員隨時都好有可能會check 同埋賭場內嘅水都係免費（小Pe真係好慳...）另外，賭場以外嘅地方隨意你影！但係賭場內要記得係嚴！禁！影相嘎！（啰嗦Pe上線...）而呢條路線係小Pe自己行過一日搞掂冇問題！（如果你要行街街嘅話就可能emmmmm）而且仲儘量可以吹到冷氣！（冷氣：你條命我畀嘎）哇，勁惡！邊個嚟99我！（其實阿Pe行完都好攰）大家記得量力而為圖片來源：MacauLife 素材來源：MacauLife 版權屬於原作者編輯撰寫：小Pe 本號原創文章，未經授權，不得轉載