搜羅本地生活最新資訊讓您貼近澳門的人事物
【金田一少年之事件簿探偵大展】是全球首站落腳台北的「VR」密室解謎結合展覽，重現故事場景，用「VR」技術、加上智能手機去解謎，讓粉絲們親身體驗推理破案過程，喜歡《金田一少年之事件簿》的粉絲不容錯過。 展覽期：即日起至10月6日 地點：台北華山 部份展覽場內的相片: 其他展覽: 過往展覽: 更多片段：
臨近聖誕了，電影院上映這部《生命中的美好意外》的心靈雞湯類電影，在這個節日為大家帶來一點點的溫暖。 《生命中的美好意外》以章節形式展開故事，因為一次的交通意外，影響了兩個人，輾轉間影響了兩個家庭起了很大的變化。在電影裡看盡的人世間的慘事: 母親因交通意外離世、父親因無法接受現實患了情緒病最後自殺、照顧的祖母老去、兒時的玩伴小狗離開、孤獨、寂寞…在街頭痛哭想著上天為什麼要自己得到這樣的對待… 《生命中的美好意外》中引用文學的「不可靠的敍事者」，不斷的轉換視角讓我們明白在不同的角度看事情，或許會有不同的看法和感受。以這個角度看，以為是件不幸的事，但轉個角度看看，事情也未必是這麼的差，甚至這件事情能成就你生命中美好的緣分。 但我們當時只會將自己的痛苦放大， 通常也要經歷一些時間的洗禮才能領略「美好意外」箇中的道理。過了兩、三年，一切都變得不一樣，再次回頭看看以前所經歷的崎嶇，已經不是一回事。看著男女主角的相遇，他們以前的遭遇和辛酸都化為美妙的樂章，他們所經歷的造就了現在的自己，遇上最好的對方。 雖然也是老掉牙的劇情和道理，但我仍然期待著一次的「否極泰來」，在谷底反彈，帶來不一樣的人生，感受「美好的意外」。在最後聽著Boby Dylon的「Make me feel your love」令破碎的內心得到一點安慰。
個仔嘅成長步伐，真係有啲難跟得切。轉下眼5安奶又原來已經唔夠食，再轉下眼又原來已經發育到該得眼瞓都唔瞓覺。 我好想可以好勁咁話你知個仔一喊就知佢需要啲咩，但其實我真係唔係時常都連到線，尤其當一放工已經筋疲力盡嘅時候，佢喊，我淨係識得一齊喊去抒解下自己壓力。 拔，啱啱朋友仔發現咗新玩法。可以自製圖表嚟用靈擺check BB因咩事喊。 圖為小女子嘅作品。佢要奶嘴丫？要食嘢丫？要換片丫？要抱丫？要玩丫？還是其他玩法呢？ So far 佢指出嚟都準㗎喎。我擺佢係架玩具隔離，佢真係會指去「玩」嗰格！好得意 兩個鐘前食完奶，我噯到投曬降都唔得，就拎張紙出嚟畫咗個圖表，原來係又要食奶⋯⋯阿仔乜你個胃大得咁快⋯⋯ 今個星期五，有個同「高我」連結嘅靈擺工作坊，呢個玩法就係呢度嚟㗎喇！有興趣嘅媽媽，或者對連結高我有興趣嘅朋友，可以去呢度睇詳情：https://www.facebook.com/events/318197808951937/?ti=ia 覺醒B眨下眼又大咗好多喇
之前上網睇過外國爸爸OM個女，一OM就止喊，我又試，唔OM由自可，一OM佢就⋯⋯喊⋯⋯OK，fine，呢招唔work，重諗住個阿媽咁身心靈，個仔唔多唔少都會受⋯⋯ 事隔一排，我走咗去學OM音叉，呢支叉係放鬆叉，啫嗰啲肌肉緊張呀，失眠呀（？！）用呢支叉可以好快搞掂。 又事隔一排，我發覺我個仔有黑眼圈，同埋會無啦啦喊。我就請我仔個守護天使幫下手啦，隔咗一排，我朋友無啦啦share咗篇文章，話原來BB唔夠瞓係會掙扎、食手手、fing頭，同埋更難入睡。 頂！我哋之前個概念係「日頭唔好畀佢瞓咁多，夜晚先有得瞓」原來係錯㗎！日頭瞓得夠，夜晚自然入睡！ 唔怪得我個仔有黑眼圈！又扭計，夜晚又扭咁耐先瞓！原來係唔夠瞓！ 我終於醒覺！佢一扭，我就攞走支OM音叉同佢做。開頭佢都係照掙扎，但十分鐘後，瞓著咗。 且～早知唔駛搞咁耐⋯⋯ 守護天使應該食住花生咁話：「正所謂，你學咗啲嘢係唔會無原因嘅。」 10分鐘內搞掂 之前搞咗幾耐⋯⋯
今天牛郎和織女終於可以相見了。 這個美麗，千古流傳的愛情故事。只有每年的這一天才可以在鵲橋相會。一年只能會面一次的愛情故事也太過淒美了吧！ 想起牛郎與織女，再想起現在的人，我想知道到底是世界變了讓愛情都變質還是現代人太複雜不再稀罕愛情？ 一年只能見一次的愛情都能長長久久，但反而現在每天都能相見的戀人卻輕易地分手。就算每天都見的戀人，是否真的有珍惜一起的時光？出去吃飯時，我留意到有一半或以上的人都只顧著看手機而不是看著坐在對面的那個人，難道手機裡的一切真的比有血有肉的人更吸引嗎？ 腦海中忽然響起陳奕迅的一首歌 「螢幕發光，無論什麼都看。」發光的螢幕，無論是已經沒有更新的Facebook ，Instagram 或朋友圈都繼續看，卻不願和坐在對面的那個人多聊兩句。沒有智能手機前，人們也不是這樣呀！科技讓人們更靠近彼此，讓我們可以和在遠處的親朋戚友聯絡，無奈的是，卻令近在眼前的人變得非常遙遠。 「shall we talk shall we talk 」 看著面前的人卻不知道該怎樣開口，對著手機裡的人卻有源源不絕的話題。 「陪我講出我們最後何以生疏？」 感情是要維繫的，牛郎與織女每年只見一次也能熱戀多年。每天能夠相見的戀人雖然不是無時無刻都會經歷驚天動地的事，但生活上的點滴已是最動人的時刻。學懂放下手機，專心留意一下眼前的這個人，你便會發覺其實他/她比手機裡的一切都更可愛！ 最後，我突然想到如果牛郎與織女生在一個有技能手機的時代，也許他們除了七夕時能相見，他們在其他的日子也可以FaceTime 呢！ 光是想想也替他們感到開心！
“天氣不似如期 但要走 總要飛” 手機上播著“歲月如歌”，“衝上雲霄”一幕幕的情節湧上腦海。Sam, Zoe , Vincent 和Belle的愛情最令我深刻，雖然最後結果不是美好的，但這些記憶都已經深深地刻在心中，不會被忘記。 第一次在電視播“衝上雲霄”的時候已經是十五年前的事了。直到現在我還是覺得好像是不久之前的事而已，我還清晰地記得那一年我還在溫哥華，我剛上中學。那一年冬天下了很大的雪，也是我第一次看到雪。在白雪皚皚的大地上，時間好像被停止了，沒有人，沒有車的街道，安靜得非常不真實。整個世界纖塵不染，天和地都變成了白茫茫一片連接在一起。屋外的寒冷更能顯出屋內的溫暖，我正吃著壽司看著租回來的錄影帶。哈哈哈😂 對的，那時候科技還沒有這麼發達，我不是上網下載來看“衝上雲霄”的，我是租錄影帶回家看的。 相隔十年“衝上雲霄2”在電視開播了，Issac 他們這幾個cadets 成長了，變成了機長，Sam也放下了Zoe , 展開了另外一段愛情。戲如人生，如同你我，在這十多年，我們也跟著改變，跟著成長，只希望初心永不變。 “情感有若行李 仍然沈重待我整理” 十五年前的歌到現在還在我的手機裡，時不時便會播著這首歌。聽的不是歌，聽的是回憶，聽的是那一年的白雪，聽的是那一年還充滿稚氣的自己。我相信每個人也會有一首飲歌，那首飲歌無論過了多久，你仍然會播，仍然會聽得津津有味。 “當世事再沒完美 可遠在歲月如歌中找你” 十五年就這樣過去了，由最初在國外想看香港劇集也要租錄影帶來看到現在連下載都不用了，我們能輕易地在線上看。科技不斷變遷，世界不停發展，唯一不變的是在歲月中遇到的種種，不論是快樂還是挫折都成就了今天的自己。
寶寶好鍾意見人，周圍派心心畀人，自從寶寶條頸比較硬淨之後，我哋就開始帶佢去街街。 寶寶仍然好細個，一日要瞓好多個鐘，但出到街，佢就掛住周圍望同派心心，太多干擾佢好難瞓得著。到佢終於斷電瞓著咗嘅時候，如果係佢未瞓夠情況之下有嘢整醒佢，佢會爆喊，喊得好陰功。 尋日父親節帶佢去街街去成日，夜晚返到嚟整醒咗就喊到收唔到聲，喊得好委屈啊。 「噯～陰功豬呀～咁攰重瞓唔到呀～係咪好辛苦呢？」 平時噯一陣畀支奶佢就好快平伏，尋日攰到佢爆喊到奶都唔飲係咁喊。呢個時候，我望住佢突擊「Ungoo!」寶寶呆咗，我見機再升級「UNGOO!」寶寶開始笑喇！ 寶寶一開始笑我就即刻隊支奶佢飲，飲飲下佢眼皮又越嚟越重，就瞓著咗喇～ 其實我哋大人都係咁，通常躁底時狂爆人鬧嗰堆內容其實都唔係真正核心。核心好可能就係「我好累」，就係有一大堆疲倦、壓力、情緒困住自己，抽唔返個人出嚟。需要有人明白自己、噯下自己、叫停自己，同自己轉變下心情，然後食個好味飯、沖個涼之後，就可以好好瞓一覺，第二日又一條好漢。 去街街累到吃手手，仍然要周圍望。
尋日自己做咗個好簡單但好有力量嘅排列。由於我係新手媽媽嘅關係，BB喊總係會不知所措，甚至開始驚單獨面對BB，驚自己搞佢唔掂。 尋日排咗BB同自己、BB同老公嘅關係，原來BB係好愛我，代表我個仔嘅代表重感覺到原來BB知道我好愛佢，知道佢瞓覺嘅時候我會望住佢（哎好冧）。我之前覺得湊BB淆底，好驚佢喊我會唔識處理，又覺得老公好粗線條會整親BB。其實湊BB唔係一個人嘅事，係需要人支持。我之前以為老公搞唔掂BB，排出嚟原來BB係咁愛爸爸同埋感覺咁安全。 而家排完之後對住BB嘅壓力大減，見到老公抱住BB，我感覺由心裡面幸福出嚟～哈哈哈～（尷尬笑） 5月5我哋有個家庭系統排列工作坊，希望可以透過排列，讓更多人感受到愛再次流動嘅美好。詳情： https://www.facebook.com/events/594029350953681??ti=ia 老公成日做啲危險動作為娘表示擔心，但原來個仔覺得好正囉⋯⋯
有時我個仔被嚇親或者扭眼瞓，就會喊得好犀利。呢個時候我最強嘅武器，就係隊個乳頭比佢啜住去安撫佢。但今晚，我隊個奶出嚟都唔夠用，阿仔嚇到個頭亂咁隊，連乳頭都搵唔到，淨係閤埋眼係咁喊，咁點呢？絕招都失效⋯⋯ 我抱住佢，望住佢喊，調一調整自己個狀態「噯～噯～噯～媽咪喺度，媽咪喺度。知道喇知道喇，媽咪知道你唔舒服。Mami is HERE...」好神奇地，仔好快就收咗聲重要秒睡。 其實呢個靈感來源係尋日睇咗條片喺非洲有個Safari guide對住隻衝緊過嚟嘅大象好冷靜咁企咗喺度，然後隻大象就衝衝下停咗喺度，冷靜咗！ 新手父母好多時一見到BB喊就會成個人魂飛魄散，「點算呢點算呢」然後「騰」住咁想搵方法塞住BB把口。有時用奶嘴塞住work係因為奶嘴可以安撫到佢。其實，BB係需要你嘅臨在，需要你安撫、保護。我哋嘅臨在，讓佢感覺安全。 「媽媽現在，在這裡，陪住你。」 「唔要奶嘴呀～Wheeee～～～」
到現在，我仍然覺得生仔這件事是很神奇的，仍然「唔知呢件事係點發生」。 每當我提起，我老公就會同我講精卵結合然後開始同我講生物學然後話呢件事好科學。問題係，寶寶的意識，在什麼時候出現？你所認識的寶寶的記憶，什麼時候開始建立的？我們所認識的我們的仔女的性格，真的是全由我們塑造出來的嗎？他們來的時候有其本身的性格嗎？ 關於這兩個問題，這兩本書適時出現在我的生命裡面：《小靈魂與地球》《媽媽，我是為了你而來的》 《小靈魂與地球》在我剛開始「計劃」懷孕的時候，來到我手裡。這個「懷孕計劃」為期沒有很久，兩個月之後，我就和那兩條線相會。這本書是《與神對話》的童書版，故事講述小靈魂為什麼決定來地球以及來地球的目的是什麼。那時我只是剛決定要生BB，我一邊讀這本書，已經一邊被感動得淚流滿面。 這本書適合準媽媽和小朋友讀之外，還適合湊仔湊到懷疑人生的各位。記得除了你們抱在手裡的小靈魂之外，我們也曾經是小靈魂。 記得我們這次旅程的決志和目的。 下次講下《媽媽，我是為了你而來的》。 （圖片來源：《小靈魂與地球》）
入媽媽group其中一個討論熱話係：「BB成日喊要抱，一放低就喊，到底抱唔抱？」 用心理發展個說法係，0至6個月係發展安全感嘅時期，呢個時候係需要無限滿足嬰兒嘅需要，咁第時佢先至會成為一個有安全感嘅人。當嬰兒時期嘅需要未能滿足，對於嬰兒嚟講就係直接嘅生命威脅。佢肚餓無得食就直接等於死；佢覺得自己唔安全，喊，但無人回應，等於無及時受到保護，又係直接等於死。係呀，BB真係唔嚇得㗎。佢無安全感嘅話，第時大個都會黐住你唔放，唔肯發達唔肯成唔肯搵女朋友唔肯結婚唔肯生仔⋯⋯ 媽媽就話「咁好啦，咁我寧願而辛苦啲，都想佢成為一個有安全感嘅人。」 如果用靈魂層面嘅角度嚟講，又會唔會係，需要抱抱嗰個，其實係媽媽，BB只係透過用喊嘅方式，要去抱抱你呢？ 愛與擁抱，根本是人的天性
4月的第1天 很多人在掛念一個人: 春天應該很好 你若尚在场 ... 4月的第5天 很多人早起忙著登山掃墓: 清明時節雨紛紛 路上行人 ... 然而 2018 跟往年很不一樣 4月 沒有灰沉沉的天氣 清明節 沒有下雨紛紛 那麼 就好好去享受 晴天 朗月 清風 綻放繁花 活在 今天天氣晴 賞春天的花 聽夏天的蟲叫 看秋天的紅葉 趕冬天的雪 美哉 生活 也不一定要馬不停蹄東奔西跑 留守 用心去欣賞身邊的日常 也是一種 美 [笑] 春天 你好 2018.4.5. 春 自設定背景音樂 => 春夏秋冬 (張國榮) [版權因素 請網路上自行安排]
當BB一喊或者扭嚟扭去，作為阿媽，一聽到佢喊係會「頻」嘅。個扭嚟扭去係細聲好多，但見住佢扭，你都唔會好過，於是你就會傾盡所有辦法去令BB返番去安靜舒適嘅狀態。但佢重未識講人話，佢嘅需要唯有透過觀察去知佢要啲咩： 肚餓？ 奶嘴？ 要掃風？ 嘔咗奶？ 抱抱？ 要媽媽奶奶？ 媽媽左邊奶奶？ 還是要右邊？ 係咪要安撫睡袋？ 係咪屙咗尿要換片？ 啱啱先換咗咋喎，唔通開咗大？佢鍾意係乾淨片片度開大㗎喎⋯⋯ 熱得濟？ 嘈得濟？ 係咪要娛樂？ 有嘢唔舒服？ 問題係，有時你好攰好眼瞓或者佢有新嘢同你玩咩都好，你就係會睇唔出佢要咩，咁唯有撞⋯⋯將上面個表由頭撞到尾。如果都撞唔中嘅話，分分鐘你再由頭到尾撞一次先至唔知點解今次又得。有時你問育兒專家都未必會答到你點解，但問你會higher self可能佢就係會答你：「臣服啦，臣服於耐性與開放嘅實習。」 寫完呢篇時間為上午11:11，我由今朝五點奮鬥到而家了。今次嘅答案係：之前餵完唔夠飽，試下再加一安，重扭，試咗換片掃風拎出拎入睡袋同勁歌熱舞一輪之後，原來，重唔夠飽，要再加三安。餵完，再加奶嘴同瞓媽媽心口，BB終於靜靜地瞓著喇。 但係，已經日上三竿，到我瞓唔返。
據小女愚見，日本之所以出現「職人」一詞，皆因日本人對生活種種都有份執著，手作如是，美食也然。 最近紅遍 IG 界、位於嘅「Wabi-Sabi 和陽小日」，獨沽一味只賣「慢煮烤牛肉定食」，定食分三個 Size，包括松山（外賣限定 Small Size）、鳳凰山（Medium Size）及鑽石富士山（Large Size）。而醬汁就有四個選擇，包括櫻花醋、蘿蔔芥末醬、青瓜乳酪醬及芝麻味噌醬。 牛肉飯堆到成座山咁上檯，澎湃賣相成功擄走唔少記憶體，慢煮烤牛肉又嫩又多汁，惹味醬汁更加是拌飯聖物，加上加購嘅溫泉蛋，入口更濕潤。 店員建議挖開牛肉塔，將溫泉蛋置於塔頂，令牛肉飯入口更濕潤。 小店一間、三種牛肉飯尺寸、四款醬汁，配搭鮮嫩多汁嘅牛肉，成功征服一眾吃貨。雖則每日只營業 3 小時，人龍從未間斷！ 小女到訪當日正值冬至，店家送上日本傳統過節食品－－紅豆南瓜，暖心又暖胃。 Wabi-Sabi 和陽小日 地址：高冠街21號A永光大廈地下 電話：6338 1921 網頁：https://www.facebook.com/wabisabimacau/ 更多美食推介：macausailormoon
有一種人非常地自我中心，成日抱住「佢愛我就會愛我嘅全部啦」嘅心態去屈人硬食自己嘅缺點。呢種人情願花心機去執著於人地夠唔夠愛佢，多過去反省下自己有咩需要改進，持愛行兇就係呢種。 唔知幾時開始，呢個世界忽然多咗一種傳說係「真正愛你嘅人，會愛埋你嘅缺點，你只需要做番自己⋯⋯」，於是就畀啲自我中心嘅人利用做藉口，將自己唔好嘅嘢都變到理所當然。「佢識我嗰陣我已經係咁啦」「佢要改變我即係唔夠我愛啦」，聽落去好似好有道理，但其實一切都唔係理所當然。 係，一個愛你嘅人係應該要容納埋你嘅缺點，但佢可以包容，唔代表你唔需要去改。你可以任性地話要去做自己，繼續不思進取地保留自己最差嘅一面，但作為一個想你好嘅人，係好應該想你進步想你改善想你變得更好，而唔係縱容你一直任性一直自我。 有啲人會覺得「做自己」好有型，即係堅守自我、忠於自己，唔為任何人而妥協⋯⋯但呢度講嘅係堅持自己嘅信念，忠於自己嘅價值觀。而唔係死攬住自己嘅缺點唔放，唔肯改變，仲以此為榮？未免太幼稚。一個成熟嘅人自然會睇到自己嘅不足，想做得更好，正如一段成熟嘅愛情都係想大家都進步，兩個人一齊學習去改走壞習慣，去做一個更好嘅「我們」。 以上文章及圖片均轉載自網路，所有版權歸原作者所有 原文地址：https://hkkkgirl.tumblr.com/
乜交食玩買 | Mackel Sharing・2019-08-29
原來世界這樣大・2018-12-18
覺醒媽 Awakening Motherhood・2018-09-06
Yeuk・2018-08-17
. 小城閒人 .・2018-04-05
Cleo's Travel Log 為旅死 為旅亡・2018-01-04
StanSteve・2017-08-16