搜尋澳門生活誌

幸村 - 惡人之光

幸村・2023-07-11

人氣漫畫《One Punch Man》（一拳超人）中有一個反派組織「怪人協會」，估唔到係現實中，真係有一個相似的組織。日本有個惡人協會（悪役商会），由一班專演惡人的專業戶，所組成的專飾演嘍囉或惡人（惡役）工會。呢個咁特別既工會，今年岩岩踏入40週年，由一開始只有12位創會成員，但到40年後的今日也只有總共70個位成員，因為會入會條件非常嚴格，而且要進入呢個邪惡的殿堂，係東洋演藝界惡人界的至高榮耀。睇返入會簡介，基本要求係曾經係在演藝生涯中，無論電影或電視劇，累計殺死2千人同被殺7百次，即係話好似羅樂林咁一晚死三次，都要差唔多一年先達到呢個目標，仲要殺2千人，簡直匪而所思。香港影壇四大惡人（何家駒、李兆基、成奎安及黃光亮）所殺既人加埋都無咁多。不過日本惡役演員本身數量不多，特攝電影嘍囉角色多數通常可以循環再用、死完又死，一部作品死幾次不足為奇，特別係好似Kill Bill（追殺比爾）等血肉橫飛的電影，一部戲就可以貢獻不少被殺鏡頭。跟據統計，一個演員專演惡人超過30年的話，退休前基本可以滿足到入會的要求。只係做得惡人多，有無機會轉職做一次英雄？擔任惡人只係工作，但現實中悪役商會除了為成員提供演出機會外，還會積極參與社會公益活動。例如，悪役商會的成員曾參與多場慈善表演，為貧困地區的孩子們帶來歡樂。此外還與不少國內外的演藝團體結緣，共同推動演藝事業的發展。喺唔少小朋友的眼中，他們才是真正的英雄。